Aktualitet

Komisioni i Vettingut po jep rezultatet e para nga dita në ditë, kjo për shkak se numri i denoncimeve nga ana e qytetarëve për Gjyqtarët dhe Prokurorët është rritur.  Në bilancin 8 mujor të denoncimeve të bëra publike në faqen e KPK rezulton se janë plot 1188 ankesa nga qytetarët në adresë të Gjyqtarët dhe Prokurorët.  Gjatë periudhës janar-shkurt janë bërë gjithsej 321 denoncime.

“Për efekt transparence, Komisioni i Pavarur i Kualifikimit bën publik dhe përditëson periodikisht online regjistrin e denoncimeve me qëllim njoftimin e publikut lidhur me numrin e denoncimeve të paraqitura. Regjistri i publikuar në faqen zyrtare të institucionit mban vetëm të dhëna numerike, duke qenë se të drejtat dhe interesat e denoncuesit mbrohen sipas parashikimeve të ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” dhe ligjit nr. 60/2016 “Për sinjalizimin dhe mbrojtjen e sinjalizuesve”, për efekt të sigurisë së tyre. Janar 187 Shkurt 134; Mars 115; Prill 146; Maj 171”, thuhet në njoftimin e KPK-së.

Lista prioritare

Interesant është fakti se shumica e denoncimeve të qytetarëve, që janë bërë pranë Komisionit të Pavarur të Kualifikimit, janë në adresë të listës prioritare, e cila është duke kaluar në filtrat e procesit të vetingut. Lisat me emrat prioritarë që i janë nënshtruar apo po i nënshtrohen procesit të vetingut ka në përbërje gjyqtarët dhe prokurorë të rëndësishëm.

Ndërkohë që mësohet se për secilin nga këta, ka nga 5 deri në 6 denoncime nga ana e qytetarëve. Madje, denoncimet e qytetarëve kundrejt gjyqtarëve dhe prokurorëve janë raportuar nga ana e KPK-së gjatë seancave të ndryshme dëgjimore, duke shtuar se ankesat kanë qenë për gjithë trupën gjyqësore dhe jo për individin. Por megjithatë, mësohet se Komisioni i Pavarur i Kualifikimit nuk i ka marrë të gjitha denoncimet për bazë, pasi provat e paraqitura nga qytetarët, nuk janë shoqëruar me foto, video apo fakte kompromentuese ndaj gjyqtarëve dhe prokurorëve.

KPK thirrje qytetarëve: Denonconi

Po ashtu, në njoftimin e tij, Komisioni i Pavarur i Kualifikimit u ka bërë thirrje qytetarëve që të vijojnë me denoncimet ndaj njerëzve të drejtësisë, duke i ftuar që të plotësojnë formularin e vënë në dispozicion pranë zyrave të organeve të vetingut. Madje, Komisioni i Kualifikimit u bëri thirrje qytetarëve që për çdo pretendim, duhet të paraqesin prova të qenësishme si fotografi, apo edhe dokumente të tjera. “Ligji nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, në nenin 53 të tij, parashikon se: “Çdo person që vjen në dijeni të fakteve ose rrethanave që mund të përbëjnë prova në lidhje me kriteret e rivlerësimit ka të drejtë të informojë drejtpërdrejt institucionet e rivlerësimit…” dhe për këtë arsye, Komisioni i Pavarur i Kualifikimit mban regjistrin e denoncimeve. Në këtë regjistër mbahen të dhëna lidhur me numrin e denoncimeve, të dhënat e denoncuesit dhe subjektin e rivlerësimit për të cilin bëhet denoncimi”, thuhet në njoftimin e KPK-së.

Në mbledhjen e sotme të qeverisë është vendosur që Ministrisë së Bujqësisë do t’i pakësohet stafi me 50 veta përgjatë këtij viti.

Kësaj Ministrie do t’i hiqen 5 punonjës të aparatit të ministrisë dhe 45 punonjës të Mjedisit.

Megjithatë, pjesa më e madhe e atyre që do të largohen nga detyra janë nga Inspektorati Shtetëror i Mjedisit, Pyjeve dhe Ujërave, duke e çuar numrin e përgjithshëm të këtij institucioni në 1 947 veta.
Ndërkohë, numri i punonjësve të Sekretariatit Teknik të Këshillit Kombëtar të Ujit (AMBU) shtohet me 5 punonjës, duke e çuar numrin e përgjithshëm të këtij institucioni në 28 veta.

Edhe numri i punonjësve të sistemit të Ministrisë së Turizmit dhe Mjedisit do të shtohet me 45 punonjës për Inspektoratin Shtetëror të Mjedisit, Pyjeve dhe Ujërave, duke e çuar numrin e përgjithshëm të ministrisë në 1 080 veta.

Në datën 8 Maj 2018 emisioni “Stop” transmetoi rastin e abuzimit seksual të një miture nga burri i hallës së saj, Rezmi Turhani. Edhe pse historia e fortë u provua me zë e me figurë, abuzuesi arriti ti shpëtojë drejtësisë. Policia dhe Prokuroria e Beratit nuk regjistruan procedimin penal për Rezmi Turhanin, duke dale kështu në kundërshtim me ligjet dhe Kodin Penal.
Rezmi Turhani bëri kallëzim për një letër kërcënuese që i kishin vendosur në makinë, një ditë pas transmetimit të rastit në emisionin “Stop”. Në letër thuhej se nëse nuk do të paguante 20 mijë Euro, do ta varrosnin. Çështja e tij u regjistrua pranë Prokurosë Berat, sicc duket institucionet punojnë me standard të dyfishta .

Gazetari i emisionit “Stop” iu drejtua Policisë Berat për të verifikuar se çfarë ka ndodhur me denoncimin e abuzuesit Turhani.
Gazetari – Për këtë rast, që ka denoncuar Rezmiu, janë bërë të gjitha procedurat? Janë referuar?
Efektivi i policisë – Po, po! Gjithë procedurat.

“Dje më thirrën në komisariat për letrën që gjasme e kisha kërcënuar unë Rezmi Turhanin”, u shpreh e mitura e abuzuar seksualisht.
Opgj Berat – Urdhëro xxx! Po kam nevojë për ty, por bashkë me mamanë, për të mbaruar nja dy veprime. Po të sqaroj këtu, të mbarojmë nja dy veprime, që i ka lënë detyrë prokurori ashtu. Ti merr mamanë, flasim këtu bashkë, jo nga telefoni. Dakord?

Një qytetar tregoi se pas transmetimit të kësaj çështjeje në emisionin “Stop”, Rezmi Turhani e ka
denoncuar me pretendimin se e ka kërcënuar nëpërmjet një letre. Ai, shfaqi me zë dhe figurë sesi Policia e Beratit vijonte ta ndiqte këtë çështje, madje i ka thirrur personat disa herë për të marrë shenjat e gishtave dhe kaligrafinë.
Opgj Berat – Të kam thirrur për të marrë mostrat e shkrimit, sipas detyrës që na i ka lënë prokurori.
Qytetari – Si?
Opgj Berat – Për të marrë mostra shkrimi.
Qytetari – Aaa… Ok! Se unë erdha edhe herën e parë për këtë çështje. Unë tani nuk mund të vij, të le punën gjithmonë…
Opgj Berat – Po shumë mirë! Bëj urdhër- thirrje unë! Të duhet ndonjë urdhër- thirrje?
Qytetari- Po, mund të ma dërgosh herës tjetër me postë zyrtare, siç e dërgon prokuroria, gjykata apo tjetra, se unë s’mund të vij me një telefonatë tani, se mua po më shkatërrohet puna.

pgj Berat – E do urdhërin e thirrjes tani? Ta jap?
Qytetari- Po ma dhe mirë do bësh, se nuk është hera e parë që unë vij për Rezmi Turhanin, të cilat kanë dalë të gjitha kallëzime të rreme.

Kjo vepër penale është regjistruar pranë Prokurorisë Berat dhe kanë nisur hetimet, ndërkohë që duhet të hetohet vetëm nga Prokuroria e Krimeve të Rënda, çka e parashikon edhe neni 109/b për “shtrëngim me anë të kanosjes ose dhunës për dhënien e pasurisë”.

Prokuroria e Beratit nuk ka nisur procedim penal ndaj Rezmi Turhanin për përndjekje, vepër e faktuar nga kamera e fshehtë e emisiont “Stop”. Sipas nenit numër 121/a të Kodit Penal, kërcënimi apo ngacmimi i një personi me anën e veprimeve të përsëritura dënohet me burgim nga gjatë muaj deri në katër vjet. Por nëse kjo vepër kryhet nga një person që ka pasur lidhje shpirtërore me të dëmtuarin, dënimi rritet me një të tretat e dënimit të dhënë.
Gazetari i emisionti “Stop” u interesuar pranë Policisë Vlorë edhe për denoncimin e të miturës për këtë vepër penale, por përgjigjia që mori ishte tregoi që ky institucion është në kundërshtim të plotë me ligjin.

Gazetari – Rezmiu nuk është arrestuar, pasi e kemi nxjerrë ne… në dijeninë tuaj?
Efektivi i policisë – Në dijeninë time jo, jo, jo!
Në lidhje ne këtë fakt, e mitura u shpreh: “Rezmi Turhanin nuk e futën fare brenda!”

Sot Greqia dhe Maqedonia arritën një marrëveshje historike. Pas negociatave mes palëve dy kryeministrat Zoran Zaev dhe Aleksis Cipras zyrtarizuan akordin për emrin e ri të vendit fqinj.

Nga sot Maqedonia do të quhet Republika e Maqedonisë Veriore. Marrëveshja zgjidh problemin që zgjaste prej disa dekadash mes dy vendeve, që i ka pamundësuar Maqedonisë anëtarësimin në NATO.

Ndërkohë që pritet ratifikimi i marrëveshjes në parlamentin e e Maqedonisë.
Pas akordit mes vendeve fqinje ka reaguar edhe kryeministrit Edi Rama. Ai ka përshëndetur marrëveshjen ndërsa ka përgëzuar dy homologët Cipras dhe Zaev.
“Dy liderë progresivë të vendeve fqinje bënë historinë sot. Sot Ballkani një vend më i mirë falë jush”, shkruan Rama në Twitter.

Javës që vjen vajzat do të kenë shtëpinë e tyre të re në Tiranë. Gjithashtu do të vazhdojnë shkollën tek Willson.

Është ky lajmi fantastik që jep Arbër Hajdari për gjashtë vajzat nga Kukësi të mbetura jetime për të cilat edhe deputeti i PD Agron Shehaj ofroi rrogën e tij për sa kohë do jetë deputet.

Hajdari bën me dije se gjithashtu gjatë kësaj jave do të punohet edhe për shtëpitë e 3 familjeve të tjera në nevojë. Jo vetëm kaq, të 3 kryefamiljarët do të punësohen dhe fëmijët do të trajtohen nga ana mjekësore.

“Ju falenderojmë të gjithëve për suportin. Dikur ishte ëndërr të realizonim një shtëpi, sot jemi duke realizuar 10 shtëpi në një muaj. Fuqia e të gjithë shqiptarëve. Përqafime”, shkruan entuziazt Hajdari.

” Mor te gjitha i thua, por si gjithnje, vetem ato qe te interesojne. I akuzon rilindasit e Rames per falsifikatore monstruoze, (ne fakt jo se nuk ke te drejte, ata nuk e njohin partine meme aq mire sa ti). Por “padashje”, fare padashje harron te na thuash se ke milituar 1/3-en e jetes tende, madje ne moshen me vitale ne radhet e asaj partie.

Prandaj doktor qe te jemi korrekt deri ne fund me informacionin, asnje rilindas, perfshire ne dac edhe kryerilindasin Rama, nuk ka kontribuar ne ate parti me shume vite se sa tregon libreza jote e anetarit te PPSH”, – shkruan Artan Hoxha.

Postimi i plotë:

Kur ke te drejte, ke te drejte Sali!!! Kete nuk ta mohon dot Kush….

Ti nuk mund ta lesh historine te falsifikohet, aq me teper kur behet fjale per Partine e Punes, ne te cilen militove devotshmerisht nga 1968 deri me dhjetorin e 1990-es, per plot 23 vite, si komunist dhe si sekretar partie i organizates baze. E thua dhe vet ne shkrim se ti nuk e kundershton vendimin e ndryshimit te emrit nga PPSH ne PS, te 12 qershorit 1992. I thua dhe cfare nuk thua. Mor te gjitha i thua, por si gjithnje, vetem ato qe te interesojne.

I akuzon rilindasit e Rames per falsifikatore monstruoze, (ne fakt jo se nuk ke te drejte, ata nuk e njohin partine meme aq mire sa ti). Por “padashje”, fare padashje harron te na thuash se ke milituar 1/3-en e jetes tende, madje ne moshen me vitale ne radhet e asaj partie. Prandaj doktor qe te jemi korrekt deri ne fund me informacionin, asnje rilindas, perfshire ne dac edhe kryerilindasin Rama, nuk ka kontribuar ne ate parti me shume vite se sa tregon libreza jote e anetarit te PPSH.
Mire ben qe qellon forte doktor, por qello drejt…

Gjithsesi edhe ti ke feste sot, bashke me Ramen dhe Meten.
Doni s’doni, te ajo parti keni ngrene te gjithe, keni mesuar, jeni trajnuar, jeni rritur, prej asaj partie jeni bere keta qe jeni sot, “baballare te kombit”. Prandaj si thote populli, mos e permbysni kupen aty ku keni ngrene buken…

Ta gezosh festen e 77 vjetorit te partise ku militove per plot 23 vite…
Gaz paci gjithmone!!!!!

Ish-kryeprokurori Adriatik Llalla, me vendimin e djeshëm të Kolegjit të Posaçëm të Apelimit, arriti t’i shpëtojë procesit të Vetingut, kolona kryesore e të cilit është verifikimi i ligjshmërisë së pasurisë.

Shqiptarja.com zbardh pasurinë e ish-kryeprokurorit nga viti 2003 deri në vitin 2017, pasuri e cila nuk do të verifikohet nga njerëzit e Vetingut dhe hetuesit ndërkombëtarë, por nuk përjashtohet mundësia që të bëhet objekt i ligjit anti-mafia, gjithnjë nëse organet ligjzbatuese do të konstatojnë elemente paligjshmërie.

Nga verifikimi i të gjitha deklaratave, Adriatik Llalla rezulton se ka hyrë në sistemin e drejtësisë me 1/3 pjesë të një shtëpie dhe 1/3 pjesë e një trualli. Në vijim, Llalla ka marrë para borxh tek vjehrri dhe kunati i tij në shumat nga 500 000 deri në 1 500 000 lekë.

Ndërkaq, Adriatik Llalla doli nga sistemi i drejtësisë, duke poseduar prona në vlerë prej disa qindra mijëra euro në Tiranë dhe dy shtëpi. Ndryshimet më të rëndësishme në pasurinë e ish-kryeprokurorit Adriatik Llalla kanë ndodhur gjatë viteve 2016 dhe 2017.

Gjatë vitit 2016, ish-kryeprokurori Adriatik Llalla deklaron se ka shitur një ullishte me sipërfaqe 3 000 m2 për 233 944 euro. Këtë sipërfaqe toke Llalla e ka blerë në vitin 2007, me vlerë 1 500 000 lekë. Ish-kryeprokurori deklaron se këto para i marrë borxh tek një i afërm. Po gjatë vitit 2016, kur Llalla shiti tokën për 233 mijë euro, ka blerë tokë arë me sipërfaqe 4500 m2 në Tiranë, për vetëm 4 500 000 lekë. Gjatë vitit 2017, Llalla deklaron se ka blerë 12 000 m2 tokë arë për 1 125 000 lekë. Sipas përllogaritjeve, Llalla ka blerë një metër katrorë tokë me 92 lekë.

Po gjatë këtij viti, ish-kryeprokurori thotë se ka blerë tokë arë me sipërfaqe 12 000 m2, me çmim 7 380 000 lekë, pra me 615 lekë metrin katror. Gjithashtu, ish-kryeprokurori deklaron se ka blerë edhe një tjetër tokë arë me sipërfaqe 3 000 m2, me vlerë 1 800 000 lekë. Në këtë rast Llalla e ka marrë me 600 lekë metrin katror. Tokat shtrihen përballë qendrës tregtare TEG, në Mjull Bathore dhe pranë një resorti të njohur në fshatin Qeha Shytaj. Në këtë zonë një metër katrorë tokë varion nga 50 deri në 150 euro, por Llalla e ka blerë një metër katrorë me 92 lekë deri në 600 lekë.

Banesat
Përpos 1/3 pjesë të një shtëpie banimi me sipërfaqe 180 m2, Adriatik Llalla, në vitin 2006, deklaron shtesë kati mbi banesë dhe shtesë ballkonesh me sipërfaqe 180 m2, me vlerë 800 000 lekë, pjesa takuese 1/5.

Në vitin 2012, Llalla deklaron se blerë një apartament banimi me sipërfaqe 67.2 m2, në Durrës, për vlerën 2 200 000 lekë. Gjatë viteve, 2009 dhe 2010, ish-kryeprokurori Adriatik Llalla, deklaron të ardhura nga qiraja e dy kateve të banesës, në vlerën 660 000 lekë.

Pasuria e Adriatik Llallës nga 2003-2017

Pasuria për 2017
Blerë tokë arë me sipërfaqe 12 000 m2 për 1 125 000 lekë.

Blerë tokë arë me sipërfaqe 12 000 m2, me çmim 7 380 000 lekë.

Blerë tokë arë me sipërfaqe 3 000 m2, me vlerë 1 800 000 lekë.

Pakësuar llogarie bankare 87 984 euro, ndërsa gjendja aktuale është 52 711 euro.

Pakësuar llogaria rrjedhëse e pagës me 1 689 996 lekë.

Pakësuar gjendja cash me 500 000 lekë.

Paga si Prokuror i Përgjithshëm, 1 700 344 lekë.

Të ardhura nga raporti i barrëlindjes së bashkëshortit, 588 658 lekë.

Blerë automjet bashkëshortja, 4 800 euro.

Pakësuar llogaria rrjedhëse, 167 708 lekë.

Pasuria për 2016
Llogari bankare nga shitja e tokës, 140 695 euro.

Gjendje llogarie shtuar me 1 694 609 lekë.

Gjendje llogarie, pakësuar me, 1 909 917 lekë.

Kursime kesh, pakësuar me 1 500 000 lekë.

Bashkëshortja, gjendje llogarie, 168 703 lekë.

Shitur ullishte me sip. 3000 m2 në Mjull-Bathore, 249 000 euro.

Blerë tokë arë me sip. 4500 m2 në Tiranë, 4 500 000 lekë.

Të ardhura nga paga si Prokuror i Përgjithshëm, 1 861 320 lekë.

Bashkëshortja, të ardhura neto nga paga, 836 216 lekë.

Babai, dëmshpërblim si ish i dënuar politik, 638 375 lekë.

Pasuria për 2015
Paga si Prokuror i Përgjithshëm në shumë 1 873 095 lekë.

Të ardhura neto nga qiradhënia e një pjesë të banesës, 1 200 000 lekë.

Bashkëshortja zonja Ardjana Llalla të ardhura neto nga paga si Përgjegjëse Sektori pranë ISKSH në vlerën 961 145

Shtuar llogaria rrjedhësi me 902 845 lekë.

Shtuar llogaria rrjedhëse e zonjës Llalla me 20 000 lekë.

Pasuria për 2014
Paga si Prokuror i Përgjithshëm, 1 973 900 lekë.

Të ardhura nga dhënia me qira e një pjese të banesës, 1 000 000 lekë.

Bashkëshortja, të ardhura nga paga 813 059 lekë.

Gjendja e llogarisë rrjedhëse, shtuar me 51 375 lekë.

Bashkëshortja, gjendja e llogarisë rrjedhëse 224 274 lekë.

Gjendja cash, shtuar me 1500 000 lekë.

Pasuria për 2013
Paga si Prokuror i Përgjithshëm 2 014 362 lekë.

Bashkëshortja zonja Ardjana Llalla (Mema) paga si mjeke 553 521 lekë.

Pasuria për 2012
Paga si Inspektor i Përgjithshëm i ILDKP 1 951 603 lekë.

Paga si Prokuror i Përgjithshëm 170 107 lekë.

Bashkëshortja zonja Ardjana Llalla (Mema) paga si mjeke 531 772 lekë.

Blerë një apartament banimi me sipërfaqe 67.2 m2 në Durrës për vlerën 2 200 000 lekë.

Detyrime të paguara në vlerën -2 690 euro për shkollimin e vajzës.

Detyrime të paguara në vlerën -2 440 euro për shkollimin e djalit.

Detyrime të paguara në vlerën -2 200 000 lekë për blerjen e një apartament banimi në Durrës.

Pasuria për 2011
Paga si Inspektor i Përgjithshëm i ILDKP-së, 2 408 962 lekë.

Dëmshpërblim sipas VKM për burg të padrejtë kryer nga i ati për arsye politike, 600 000 lekë.

Gjendje llogarisë së pagës më 31 dhjetor, 320 000 lekë.

Bashkëshortja, gjendje llogarisë së pagës më 31 dhjetor, 80 000 lekë.

Gjendje kursime cash, 1 700 000 lekë.

Shlyer në vitin 2011 -2 600 euro detyrime për studimet e vajzës.

Shlyer në vitin 2011 -2350 euro detyrime për studimet e djalit.

Shlyer në vitin 2011 -250 000 lekë për rivlerësimin e shtëpisë dhe truallit.

Shlyer në vitin 2011 -195 000 lekë për rivlerësimin e tokës së llojit ullishte.

Pasuria për 2010
Paga si Inspektor i Përgjithshëm i ILDKP-së, 2 172 282 lekë.

Të ardhura nga qiraja e dy kateve të banesës, 660 000 lekë.

Bashkëshortja, të ardhura nga paga, 635 340 lekë.

Gjendje llogarisë së pagës më 31 dhjetor, 760 000 lekë.

Bashkëshortja, gjendje llogarisë së pagës më 31 dhjetor, 50 000 lekë.

Gjendje kursime cash, 500 000 lekë.

Shlyer në vitin 2010 -2 600 euro detyrime për studimet e vajzës.

Shlyer në vitin 2010 vlera -2350 euro detyrime për studimet e djalit.

Paguar tatim në burim nga qiratë në vlerën -60 000 lekë.

Shlyer në vitin 2010 vlera -406 281 lekë për legalizimin e shtëpisë dhe truallit.

Pasuria për 2009
Paga si Inspektor i Përgjithshëm i ILDKP-së, 1 807 364 lekë.

Të ardhura nga qiraja e katit të parë me sip. 70 m2, 300 000 lekë.

Të ardhura nga qiraja e katit të dytë me sip. 100 m2, 360 000 lekë.

Gjendje llogarisë së pagës më 31 dhjetor, 450 000 lekë.

Bashkëshortja, gjendje llogarisë së pagës më 31 dhjetor, 200 000 lekë.

Shlyer në vitin 2009 -309 180 lekë detyrime për studimet e vajzës./

Shlyer në vitin 2009 -309 180 lekë detyrime për studimet e djalit./

Paguar tatim në burim nga qiratë në vlerën -60 000 lekë./

Shlyer total detyrimi prej -800 000 lekë për hua marrë kunatit për blerjen e tokës bujqësore.

Pasuria për 2008
Paga si Prokuror, 675 270 lekë.

Të ardhura nga paga si Inspektor i Përgjithshëm i ILDKP, 463 500 lekë.

Të ardhura nga qiraja e katit të parë me sip. 70 m2, 300 000 lekë.

Të ardhura nga qiraja e katit të dytë me sip. 100 m2, 360 000 lekë.

Bashkëshortja, të ardhura nga paga, 720 000 lekë.

Nëna, të ardhura nga pensioni, 160 000 lekë.

Shlyer në vitin 2008 -283 278 lekë detyrime për studimet e vajzës.

Shlyer në vitin 2008 -120 020 lekë detyrime për studimet e djalit.

Paguar tatim në burim nga qiratë në vlerën -66 000 lekë.

Shlyer -700 000 lekë për hua marrë kunatit për blerjen e tokës bujqësore.

Pasuria për 2007
Paga si zv. Prokuror, 1 247 375 lekë.

Bashkëshortja, të ardhura nga paga, 720 000 lekë.

Nëna, të ardhura nga pensioni, 160 000 lekë.

Tokë bujqësore me sip. 3 000 m2, 1 500 000 lekë.

Shlyer huaja e marrë në vitin 2006 vjehrrit, -500 000 lekë.

Shlyer -1 500 000 lekë për hua marrë kunatit për blerjen e tokës bujqësore.

Pasuria për 2006
Paga si zv. Prokuror, 1 256 238 lekë.

Bashkëshortja, të ardhura nga paga, 250 000 lekë.

Shtesë kati mbi banesë dhe shtesë ballkonesh me sip. 180 m2, 800 000 lekë, pjesa takuese 15.

Marrë hua në shumën 500 000 lekë.

Pasuria për 2005
Paga si zv. Prokuror i Rrethit Gjyqësor Tiranë, 1 234 613 lekë.

Nëna, të ardhura neto nga pensioni, 187 200 lekë.

Pasuria për 2004
Paga si Prokuror i Rrethit Gjyqësor Fier, 859 731 lekë.

Nëna, të ardhura neto nga pensioni, 187 200 lekë.

Pasuria për 2003
Paga si Prokuror i Rrethit Gjyqësor Fier, 701 775 lekë.

Nëna, të ardhura neto nga pensioni, 156 000 lekë.

Bashkëpronar me 1/3 i një shtëpie banimi 180 m2, 7 000 000 lekë, ndërtuar në vitin 1996, burimi trashëguar nga familjarët dhe të ardhura nga Letra me Vlerë, konvertuar në monedhën vendase, 4 000 000 lekë.

Bashkëpronar me 1/3 pjesë takuese i një trualli me sip. 2600 m2, vlera 3 000 000 lekë, blerë në vitin 1995 me të ardhura nga puna në emigrim.