Aktualitet

Kreu i PD Lulzim Basha në mbledhjen e sotme të grupit parlamentar u shpreh se qendrimi i Partisë Demokratike për projektligjin e propozuar nga qeveria për TVSH, do të jetë kunder kalimit të parave publike për televizionet private.

“Jemi kundër në mënyrë kategorike që taksat e qytetarëve të paguajnë televizionet”, tha Basha
Deputeti Salianji tha: “Nese tv private marrin para nga ligji dhe jo nga qeveria me VKM ose nepermjet lejeve apo favoreve te tjera, besoj se do jene me pak te varura se sot”.

DEBATI

Lulzim Basha: Qendrimet kryesore per kete jave ne komisione do te jene Xhafaj, Tahiri, Afera e Air

Albania. Rama po tradheton Shqiperine per Xhafajn dhe Tahirin, Rama ka ekzekutuar Gjykaten Kushtetuese.
Diskutimi per Teatrin Kombetar eshte nje zhvatje e tokes publike dhe histori e paster korrupsioni ku kerkojne te marrin token per te perfituar miliona euro, qendrimi per projektligjin e propozuar per Tvsh ne jemi kunder qe me parate publike te paguhen private.

Albana Vokshi: Eshte skandaloze qe parate e taksave te qytetareve te shkojne per te blere mediat qeveria.

Ervin Salianji: Kryetar, mendoj qe kete duhet ta diskutojme dhe te dalim me qendrim te plote Televizioni publik eshte nje sherbetor i ndyre i qeverise. Televizioni publik shqiptar me taksat e qytetareve nuk po i sherben publikut, e nuk ka asnje vlere publike pervec sherbeses qe i ben qeverise dhe pervec korrupsionit qe bejne drejtuesit e televizionit nepermjet blerjes se gazetareve apo nepermjet punesimeve duke e trajtuar si me privat se privatet.

Ne duhet te dalim me propozim konkret, qe ose mos paguhet asnje takse sepse parate e taksapaguesve nuk sjellin asnje te mire publike dhe nuk japin asnje kontribut per publikun, ose te propozojme me ligj qe parate e taksapaguesit ti marrin tv private duke i kushtezuar me disa hapesira te detyrueshme ne sherbim te publikut. Nese tv private marrin para nga ligji dhe jo nga qeveria me VKM ose nepermjet lejeve apo favoreve te tjera, besoj se do jene me pak te varura se sot. Me shume i sherbejne shqiptareve nese manaxhohen me cilesi dhe me kushte nga TV private se sa si televizion qe e paguajne shqiptaret per propaganda qeverie.

Albana Vokshi: Duhet te jemi absolutisht kunder, kjo cenon pavaresine e mediave dhe qeveria ble mediat

Lulzim Basha: Do ta diskutojme kur ta kemi ne rend dite por ne jemi kunder ne menyre kategorike qe taksat e qytetareve te paguajne televizionet.

Kryeministri Edi Rama ka reaguar për shpalljen “Qytetar Nderi” të Gafur Mazrekurt nga Bashkia e Hasit, ndërsa distancohet nga ky vendim.

Në një njoftim të sapo shpërndarë madje theksohet se vetë kryeministri Rama është angazhuar në këtë çështje dhe i kërkon Prefektit të Kukësit të mos e firmosë vendimin.

Reagimi i plotë:

Kryeministri Edi Rama shpreh keqardhjen për sulmet e shëmtuara ndaj tij, lidhur me një vendim të Këshillit Bashkiak të Hasit, me të cilin ai jo vetëm s’ka asnjë lidhje, por e konsideron një provokim të papërgjegjshëm, të kujtdo që e ka propozuar dhe ka miratuar.

Ai bën me dije se i ka kërkuar Prefektit të Kukësit refuzimin e firmosjes së atij vendimi, ndërkohë që sot në mbledhjen e grupit parlamentar e ka dënuar këtë shfaqje të shëmtuar papërgjegjshmërie të këshilltarëve të Hasit, pavarësisht se në Këshillin Bashkiak të Hasit Partia Socialiste ka vetëm një këshilltar, i cili nuk ka votuar pro vendimit.

Duke i konsideruar akuzat vulgare të Partisë Demokratike, si një shpërdorim politik të radhës së emrit e të kujtimit të Azem Hajdarit, kryeministri Edi Rama shpreh bindjen se ato s’janë asgjë tjetër veçse ana tjetër e medaljes së këtij episodi të politikës qorre e shurdhe të interesave më të ulëta.

Për aq kohë sa shqiptari është gjallë, nëse “punon në të zezë”, kur vjen mosha e pensionit, nuk merr pension nëse nuk ka paguar detyrimet e sigurimeve shoqërore. Por “mallkimi” i sigurimeve shoqërore, i ndjek pas shqiptarët që nuk paguajnë sigurime shoqërore deri sa futen në… varr!Mos u çuditni, por kështu e përcakton Ligji nr. 7703, datë 11.05.1993 “Për Sigurimet Shoqërore në Republikën e Shqipërisë“, të ndryshuar.“Për Sigurimet Shoqërore në Republikën e Shqipërisë”, ndryshuar me VKM Nr. 429, datë 12.09.2002 “Për sigurimet shoqërore”, në kapitullin: “Pensionet familjare”, në pikën (a), përcaktohet ligjërisht kështu: Pagesë varrimi jepet vetëm në rast se personi i vdekur ka qenë i siguruar me kontribute të sigurimeve shoqërore, ose në rast se i vdekuri është pensionist me pension, ose i jepet një pensionisti të gjallë me të cilika jetuar ai që vdes”.Por, në rast se edhe të mbeturit gjallë janë pa sigurime e pa pension, atëherë nuk u jepet pagës varrimi për familjarin e tyre, nuk e përfitojnë pagesën e varrimit për personin e familjes, pagesë e cila edhe për personin e siguruar, sipas ligjit është e barabartë me vlerën e një pensioni pleqërie, ose sipas çmimeve të shërbimeve funerale është sa vlera e kapakut të… arkivolit!Ja përcaktimi ligjorPagesa për vdekje i jepet një personi të siguruar ose një pensionisti në rast vdekjeje të një anëtari të familjes, që ai ka në ngarkim;Personit që u kujdes për personin e siguruar të vdekur dhe që pagoi shpenzimet e varrimit;Pagesa për çdo rast vdekjeje është e barabartë me 50% të pagës minimale në shkallë vendi./Pamfleti/

Numri i parcelave të mbjella me kanabis të zbuluara nga policia këtë vit, numërohen me gishtat e dorës. Edhe avionët e Guarda di Finanzia nuk kanë zbuluar një kultivim masiv në tokë të hapur.

Por, nga analizat e brendshme të policisë ka informacione se, për t’i shpëtuar zbulimit nga ajri, trafikantët do të ndjekin një tjetër strategji. Përveç kultivimit në ambiente të mbyllura, si magazina që u kap në Fier, e cila ishte shndërruar në një laborator, kultivuesit mund të shfrytëzojnë një tjetër mënyrë.

Përveç kontrollit nga ajri, policia do të ushtrojë vazhdimisht kontrolle me shërbime në terren, për të zbuluar bimë të kultivuara që nuk mund të konstatohen nga ajri. Bëhet fjalë për bimë të mbjella në parcela me perime, apo pemtari, apo bimë të mbjella larg njëra-tjetrës në distancë, në tokë të pyllëzuar e pa pronarë. Sipas analizës së policisë, ku janë caktuar edhe zonat e riskut, këtë vit do të ketë tentativa kultivimi, pasi edhe çmimi i hashashit pritet të rritet.

Ndonëse ka informacione se në Shqipëri ka rezerva stok kanabisi, shumica e mallit mund të jetë prishur, pasi sipas ekspertëve me kalimin e kohës bie niveli i THC-së, përmbajtja kryesore e hashashit që përcakton cilësinë në tregun europian.

Tirana dhe Vlora kanë qenë kontribuueset kryesore në rritjen ekonomike në vend për vitin 2016. Të dhënat e Institutit të Statistikave për Prodhimin e Brendshëm Bruto sipas Rajoneve Statistikore tregojnë se vitin 2016, PBB me çmime korrente u vlerësua 1.475.251 milionë Lekë, duke shënuar një rritje në terma realë prej rreth 3,35 %, krahasuar me vitin 2015.

“Kontributin më të madh në rritjen ekonomike për vitin 2016, e ka dhënë Qarku Tiranë me +1,62 pikë përqindje, pasuar nga Qarku Vlorë me + 0,44 pikë përqindje dhe Qarku Durrës me +0,39 pikë përqindje. Kontributin më të ulët në rritjen ekonomike e ka dhënë Qarku Fier me -0,50 pikë përqindje, i pasuar nga Qarku Kukës me një kontribut prej -0,04 pikë përqindje dhe Qarku Gjirokastër me një kontribut prej +0,06 pikë përqindje” thuhet në njoftimin e INSTAT.

I njëjti vlerëson se sipas rajoneve statistikore në nivel 3, rritjen më të lartë e shënoi Qarku Vlorë me një rritje në terma realë prej 7,69 %, i ndjekur nga Qarku Korçë me një rritje në terma realë prej 6,20 % dhe Qarku Dibër me një rritje në terma realë prej 6,19 %.

“Rritja ekonomike u ngadalësua në Qarkun Fier, duke shënuar një rënie në terma realë prej 4,22 % dhe në Qarkun Kukës me një rënie në terma realë prej 2,04 % PBB për frymë sipas niveleve statistikore” thuhet në raport.

PBB për frymë

Prodhimi i Brendshëm Bruto për frymë në vend ka shënuar rritje duke regjistruar vlerën 513 mijë Lekë. Krahasuar me vitin 2015 PBB për frymë u rrit me 3,0 %.

Lidhur me nivelin më të lartë të PBB-së për frymë sipas rajoneve statistikore, në vitin 2016, në krye ishte Tirana me 669 mijë Lekë dhe shënoi një rritje prej 1,9 % krahasuar me vitin 2015.

“PBB për frymë e këtij qarku ishte 36,4 % mbi mesataren e vendit. Më pas renditet Qarku Fier, me 530 mijë Lekë, duke shënuar një rënie prej 4,2 % ndaj vitit 2015. PBB për frymë e këtij qarku ishte 3,3 % mbi mesataren e vendit. Niveli më i ulët i PBB-së për frymë sipas rajoneve statistikore në nivel 3 në vitin 2016, u vlerësua në Qarkun Kukës me rreth 314 mijë Lekë duke shënuar një rënie me 1,2 %, krahasuar me vitin 2015. PBB për frymë e këtij qarku ishte 38,8 % nën mesataren e vendit. Më tej, me PBB-në për frymë më të ulët vijon Qarku Elbasan me rreth 360 mijë Lekë duke shënuar një rritje me 3,8 % ndaj vitit 2015. PBB për frymë e këtij qarku ishte 29,9 % nën mesataren e vendit” vlerëson INSTAT.

Standardi i Fuqisë Blerëse

“PBB e Republikës së Shqipërisë e shprehur në Standardin e Fuqisë Blerëse (Purchasing Power

Standard – PPS) në vitin 2016 është 24.468 PPS.

PBB për frymë në PPS për vitin 2016 për Republikën e Shqipërisë është 29,1 % e mesatares së Bashkimit Evropian BE28 = 100 (shih shënime metodologjike). Sipas rajoneve statistikore në nivel 2, në rajonin Qendër, PBB për frymë në PPS për vitin 2016 ishte 34,9 %.

Për këdo qytetar që këtë sezon veror do ta kalojë në brigjet dhe plazhet shqiptare, është e vendit që të sigurohen mirë përpara se të shpenzojnë para për të bërë xhiro me mjete lundruese në det.

Policia ka nisur që këtë muaj aksionin për të vënë në dukje zbatimin e rregullave për mjetet lundruese në plazhet shqiptare. Deri më tani janë vënë dhjetëra gjoba si dhe janë sekuestruar 17 mjete motorike lundruese.

“Në kuadër të masave të marra nga ana e Policisë së Shtetit për rritjen e sigurisë së pushuesve gjatë sezonit turistik Veror 2018, gjatë muajit Qershor janë bllokuar dhe ndëshkuar me masa administrative nga Policia Kufitare nga Shëngjini deri në Sarandë 17 mjete lundruese, nga të cilat, 1 gomone dhe 16 motorë uji, pasi kanë rezultuar pa dokumentacion përkatës.”– njofton policia.

Një sërë njësish të forcave të policisë kanë nisur aksionin i cili do të vijojë gjatë këtij sezoni turistik edhe në ditët e muajt në vijim.

“Shërbimet e Policisë Kufitare, të Delta Forcë, FNSH, të Policisë Rrugore, Shqiponjat dhe Patrullat e Përgjithshme kanë nisur shërbimin në të gjithë vijën bregdetare për parandalimin e ngjarjeve kriminale si dhe për t’ju ardhur në ndihmë pushuesve në rast nevoje.

Shërbimet e Policisë janë të alternuara nga toka dhe nga deti, ku mjetet lundruese të Delta Force dhe Policisë Kufitare kontrollojnë mjetet lundruese si dhe motorët e ujit për dokumentacionin përkatës që duhet të kenë për të dalë në det.

Ndërkohë përgjatë vijës bregdetare nga toka, punonjës policie me biçikleta patrullojnë në zonat ku pushuesit kanë filluar plazhin.

Policia Rrugore e mbështetur nga Shqiponjat dhe Patrullat e Përgjithshme, por edhe nga FNSH apo Delta Force, janë të shtrira në të gjitha akset në shërbim të pandërprerë me qëllim krijimin e lehtësive në qarkullimin e mjeteve.”-përfundon njoftimin e saj policia.

https://www.facebook.com/1502420603377639/videos/2183416971944662/?t=0

Këshilli Bashkiak i Hasit ka shpallur me 13 vota pro dhe 1 kundër Gafur Mazrekun qytetar nderi me motivacionin “Personalitet Intelektual, per kontributin e pashoq në Pushtetin Vendor”.

Vendimi është kundërshtuar nga Keshilltarët e djathtë.

Miftar Dauti (Kryetar i Keshilltarëve te djathtë): Vendimi është i jashtëligjshem pasi vendimi është marrë pa prezencën e Këshilltarëve të djathtë. Në kërkuam 5 minuta pushim për konsultime, ndërkohë këshilltarët e majtë e kanë miratuar propozimin e administratës së bashkisë. I bëj thirrje prefektit që të mos e miratojë këtë vendim.

Mazreku më 18 shtator të vitit 1997 brenda ambienteve të Parlamentit , pas një sherri verbal dhe më pas fizik me deputetin Azem Hajdari ai nxori armën dhe plagosi këtë të fundit.

Pas këtij atentati, Mazreku u arrestua dhe gjykata e dënoi me 12 vite burg. Amnistitë e herëpashershme, e ulën dënimin për Mazrekun, i cili lirohet në vitin 2001, tre vjet pasi ishte dënuar. Në pranverën e vitit 2002 zgjidhet unanimisht kryetar i PS-së Has, dhe në vitin 2005 ai ndahet nga jeta pas një infarkti.

Për 10 ditë Europa do të marr një vendim për Shqipërinë.
Shkruan Arjan Nikaj

Vendimi i marrë do të jetë në varësi kush do të jetë subjekt i vendimit, do të jenë politikanët apo shqiptarët e pa përfaqësuar politikisht në një shtet të kapur nga Krimi i Organizuar nga një Oligarki që është instaluar prej një kohe të gjatë nga shfrytëzimi barbar i pasurive të popullit e vendit të vet, nën kërcënimin e vazhdueshëm me një presion që rritet në mungesë të plot të drejtësisë dhe me vota të vjedhura dhe të imponuara me frikë, nën një farsë të fëlliqtë demokratike.

Gjithsesi ky vendim do të jetë për gjysmën e popullsisë e dominuar nga pleq të mjerë të braktisur nga fëmijët e tyre tashmë europian. Politika shpreson mos të hapen se ndryshe nuk do të lëshonte sheshet për falje masive, në një kohë kur ekstremizmi fetar vazhdon si për dreq të shtyp me makina njerëz të pafajshëm.

Anti perendimorët e kanë krijuar tashmë situatën mbytëse në vend dhe ne do të paguajmë për 100 vitet e ardhshme konçensionet absurde të një të krisuri, që pret miratimin e atyre që e projektuan me besnikërin e një qeni. I gatshëm për të kapur shkopin e rradhës.