Aktualitet

Gjatë ditës së sotme, Kryeministri Edi Rama zhvilloi një takim në sallën e hartave ku të pranishëm ishin koordinatorët e bashkëqeverisjes. Një grua mori fjalën, por teksa po fliste ajo ka qarë para Kryeministrit. Sipas zonjës shkak i lotëve ka qenë mosdhënia e ndihmës sociale me një problem me sigurimet shoqërore.

Mes lotëve gruaja tha:

“S’më jepej kempi për shkak të një problemi me sigurimet shoqërore. Kam prej dy vitesh e gjysmë që ju dëgjoj nga krevati, nuk më besohet që jam këtu sot, dhe jam shumë e lumtur. Kur më mori dje zonja në telefon po dridhesha, se dhe unë kaq e re nuk doja të mbetesha invalide. Faleminderit shumë.” (Rama i hedh dorën në sup).

Hervin Çuli nga klloun i Berishës tek shërbëtor i Ramës!”, Ky ka qenë titulli i artikullit të gazetarit Armand Maho, që ka sjellë reagimin e Çulit.

Në artikull, Maho i kujton Çulit se si ka“ndërruar lëkurë” nga Berisha te Rama për të përfituar nga pushteti që e bëri tashmë drejtor. Por Çuli nuk e fsheh zhgënjimi  nga partia Demokratike  që siç thotë ai “i nxiu jetën” dhe e bëri të endej sa në një qytet në tjetrin për të mbijetuar si regjisor.

REPLIKAT E PLOTA:

Hervin Çuli: I nderuar Armand! I detyruar nga shume perbaltje te qellimshme per te me denigruar me cdo kusht ne kete kohe te turbullt, po ju sqaroj per disa spekullime te turpshme ne adresen time. Se pari i nderuar se kam mohuar kurre mbeshtetjen time ndaj PD deri ne 2005 kur erdhi ne pushtet. Ketu besoj qe nuk kam bere ndonje krim. Edhe shume te tjere si une kane besuar qe kjo force politike ishte forca e ndryshimit ne kete vend.

Une mendoj qe kjo gje nuk ndodhi dhe zhgenjimi eshte nje ndjesi e pranueshme per te gjithe njerezit normale.Per sa i perket deshires sime te ethshme per te kapur postin e drejtorit ju sqaroj se ne te vetmin takim qe kam pasur ne 2005 me Kryeministrin e sapo zgjedhur te asaj kohe i kam sygjeruar ne postin e drejtorit te TK-se aktoren Yllka Mujo. Kjo eshte nje deklarate publike qe e kam bere dhe me pare ne shume biseda televizive.

Madje e verteta absolute eshte qe si fillim i kam kerkuar qe te mos e shkarkonte zotin Londo qe sipas meje kishte bere nje pune shume te mire ne ate periudhe. Kuptohet qe ai kete te fundit nuk mund ta pranonte dhe prandaj ne bisede doli dhe emri i aktores se nderuar. Pas kesaJ PD me nxiu jeten dhe pamvaresisht 15 vjet karriere me hoqi nga puna. Per 4 vjet jam endur nga nje qytet ne tjetrin i papune dhe kam bere punen time si regjisor per te mbijetuar.

Per pjesen qe ka lidhje me aktorin Mirush Kabashi nuk e kam fyer ne asnje moment si artist. Kam evidentuar mardheniet e tij te punes me TK-ne dhe genjeshtren per censuren qe aplikohet ne Teatrin Kombetar.

Dhe kur nje njeri genjen nuk e kuptoj se clidhje ka fama ne kete mes!!! Dhe se fundi per fyerjen tende per nivelin tim artistik, te bej me dije qe jam nje regjisor qe kam mbi shpatulla 35 vepra artistike me mbi 300 mije spektatore qe i kane ndjekur ato.Jam shpallur kur Bujar Leskaj ka qene Minister Kulture ne Festivalin Mbarekombetar te Drames Shqipe ne 2006 si regjisori me i mire shqiptar.

E pra i dashur Armand, kam punuar si kafshe, pothuajse dy vepra ne vit, ne profesionin qe nuk ma heq dot askush me nje status ne fb. Vertete fitova si drejtor por kete e bera me nje konkurs publik pa e pare kurre deren e selise se PS-se. Sot, kur mbroj me force ndertimin e nje teatri te ri kombetar, e bej sepse punoj cdo dite bashke me kolektivin e TK ne nje godine te degraduar jashte cdo kondicioni normal pune.Dhe kur kjo histori te mbaroje une perseri regjisor do jem se kolltuku ku me sheh sot nje dite nuk do jete i imi ndersa profesioni deri sa te vdesJu pershendes me respekt i nderuar

Armand Maho: I dashur Hervin. Mua sme intereson personalisht se si je bere drejtor teatri, dhe ska asgje te keqe te zhgenjehesh nga nje force politike. Personalisht me eshte bere qejfi dhe kete ta them sinqerisht. Ne rast se do vizitosh profilin tim une jam marre shume pak ose aspak me teatrin. Nderhyrja ime u be ne rastin kur gjuha qe u perdor ndaj artistit Kabashi, per mua ishte denigruese. Shkrimi im eshte nje krahasim, fundja ska asgje te keqe te aspirosh per karriere por para se ti kujtoh tjetrit rrogen, qe fundja spo e paguan nga xhepi duhet te kthesh syte nga vetja.

Tjetra, kemi qene ne nje vije e ti ndoshta se mban mend, kur kundershtonim te njejtin projekt per teatrin. Sot une se konceptoj se si mund te mbrohet nje afere e paster korruptive e cila synon te betonizoje akoma me shume kete vend ne e cilin jemi lindur e rritur. Duket se largmi se me ate godine po kryhet nje masaker per sa i perket trashegimise kulturore, dhe historise se ketij qyteti. Mbrojtja juaj per prishjen e teatrit nuk ju nderon aspak nderkohe qe koleget vazhdojne protesten perdite ne oborrin e godines. Nuk e di, se vazhdon te qendrosh ne zyre kur koleget jane jashte. Te pershendes

Hervin Çuli:Armand ne cdo daljen time publike kam mbrojtur vetem idene e ndertimit te nje teatri te ri dhe sjam futur ne asnje debat tjeter. Kete ide, sot qe ka nje vullnet politik per ta bere nje teater te ri, do ta mbroj sa te jem ne kete kolltuk. Pjesa tjeter e territorit ha debat dhe skam asnje te drejte te paragjykoj njeri. Por ama nuk mund te jem dakort me dacibaot denigruse kunder cdo individi qe mendon ndryshe. Gjithashtu po ta perseris dhe nje here, nese gjuhe e ashper te duket cmontimi i nje genjeshtre, atehere mendojme ndryshe dhe ketu ska asgje te keqe. Gjithsesi edhe nje here flm dhe pune te mbare.

Gjatë ditës së djeshme Edi Rama publikoi në rrjetin social Facebook pasqyrën e uljes së taksave. “91% numri i bizneseve në Shqipëri, të cilat paguajnë vetëm 5% taksë mbi fitimin”, shkruante Rama.

Komentuesi: Hallall ta befte zoti o edi rama po shiko se dita dites po mbyllen biznese!!!

Edi Rama: Vertete? Po si ka mundesi qe ne regjistrin e bizneseve rritet numri i tyre? Si ka mundesi qe rritet numri i te punesuarve ne regjistrin e sigurimeve shoqerore? Si ka mundesi qe rriten te ardhurat nga kontributi i bizneseve ne arken e shtetit? Si kane mundesi keto te gjitha, nese do te ishin duke u mbyllyr perdite bizneset?

Kryeministri Rama i cilësoi fantazi gjithë sa u thanë për mundësinë e ngritjes së një kampi refugjatësh në Shqipëri. Ndërkohë që media gjermane ZDF , në një reportazh shkruan se qeveria shqiptare nuk është kundër.

“Më shumë refugjatë në Ballkanin Perëndimor”, ishte titulli i reportazhit gjerman gjetë të cilit shfaqej edhe një intervistë e zhvilluar me zv.ministrin e Brendshëm, Julian Hodaj.

“Në të ashtuquajturën rrugë Ballkanike Perëndimore nga Greqia nëpërmjet Shqipërisë dhe vendeve të tjera në Austri, numri i refugjatëve po rritet përsëri”, thuhet në një pjesë të reportazhit të ZDF.

Gazetarja duke përshkruar situatën thotë: “Sipas qeverise austriake në Shqipëri mund të krijohet qendër refugjatesh për gjithë BE. Edhe qeveria shqiptare duket se nuk është kundër. Ajo shpreson për mbështetje financiare dhe anëtarësim në BE”. Ndërkaq në intervistën e tij Hodaj deklaroi se Shqipëria ka kapacitete për të mbajtur emigrantë, por nuk e tha qartë nëse do të ketë kampe.

“Shqipëria ka kapacitete të mbajë deri në 600 mijë refugjatë. E ka treguar këtë edhe në të kaluarën gjatë luftës së Kosovës”, tha Julian Hodaj.

Pas këtij shkrimi ministria e Brendshme ka sqaruar deklaratën e zv. ministrit Hodaj

Sqarim

Nisur nga jehona mediatike e një kronike televizive të rrjetit gjerman ZDF, në datë 19.06.2018, me qëllim evitimin e spekulimeve dhe keqpërdorimeve të përmbajtjes së kësaj kronike, Ministria e Brendshme sqaron se:

– Ndërtimi i kampeve për imigrantë nuk është një çështje në shqyrtim apo në diskutim. Askush nuk e ka kërkuar deri më sot dhe askush nuk e ka ofruar një gjë të tillë.

– Thëniet e zv.ministrit Julian Hodaj, të cituara në kronikë janë përgjigjja e një pyetje konkrete:
“Çfarë mund të bënte Shqipëria në kushtet e një emergjence imigrantësh?”
Përgjigjja e kësaj pyetjeje është ajo që citohet: “Shqipëria e ka treguar gjatë luftës së Kosovës se është në gjendje të përballojë këto emergjenca”.

Pra përgjigjja lidhet me një situatë hipotetike humanitare emergjence, si ajo gjatë luftës së Kosovës ku pati një angazhim shtetëror e popullor, dhe jo mbi një diskutim nëse një kamp mund të ndërtohet ose jo në Shqipëri

Vendin tonë do ta vizitojë shumë shpejt një nga anijet më të sofistikuara. Lajmin e japin mediat greke.

Sipas tyre, katamarani ‘Energy Observer’ është ndaluar për dy ditë në Mikonos dhe më pas do të udhëtojë drejt Shqipërisë.

Super-katamarani i cili vihet në lëvizje ekskluzivisht vetëm nga energjia e rinovueshme është inauguruar në Paris 1 vit më pasrë në ujërat e Sennës.

‘Energy Observer’, kështu quhet katamarani që po bën xhiron rreth botës, e që do të zgjasë 6 vjet, dhe do të prekë 50 vende dhe 101 porte.

Mjeti lundrues ka kushtuar 5 milion dollarë dhe është i gjatë 31 metra dhe i gjerë 12.80 metra.

Anija do të furnizohet me energji nëpërmjet 130 metrave katrorë panel diellor, dy turbina vertikale ere si dhe një sistemi sofistikues i cili filtron ujin e kripur të detit, duke e transformuar në hidrogjen nëpërmjet një elektrolize.