Aktualitet

Ndërtimi i Aeroportit të Vlorës dhe vënia në funksion e Aeroportit të Kukësit janë edhe dy ndër prioritetet strategjike kryesore për aviacionin shqiptar. Prioritetet dhe objektivat në aviacion u prezantuan ditën e djeshme nga Drejtori i Aviacionit Civil, Krislen Keri në kuadër të Strategjisë Kombëtare të Transportit 2018-2021.

Keri tha se ndërtimi i Aeroportit të Vlorës do të kërkojë rreth 24 muaj kohë të përfundojë duke nisur nga data e fillimit të punimeve të këtij projekti. Ndërsa shtoi më tej se ky investim do t’i sjellë jo vetëm qytetit bregdetar të Vlorës një zhvillim të jashtëzakonshëm turistik, por edhe turizmit në vend.

Ndërkohë, me impakt të madh për vendin e ka cilësuar edhe vënien në funksionim të aeroportit të Kukësit, projeksionet e të cilit parashikojnë që ky aeroport do të jetë i kategorisë ultra low cost. Aeroporti me një kapacitet deri në 1 milionë pasagjerë po ashtu pritet të ketë ndikim edhe në Kosovë, sipas kreut të AAC-së.

Ndërsa, lidhur me Aeroportin Ndërkombëtar Nënë Tereza, në plan afatshkurtër parashikohet një rritje e fluturimeve, si e linjave të reja dhe shtim të fluturimeve charter. Ndërkohë, projeksionin për sezonin e pikut janë deri në 35 deri në 36 fluturime në ditë./SCAN

Gjashtë objekte janë shembur nga inspektoriati ndertimor në Vlorë, në kuader të projektit për rikonstruksionin e rrugës së plazhit të vjeter. Gjashtë objekte të cilat ishin bërë pengese për vijimin e projektit, për shkak të mungesës së shpronesimëve.

Një problematike lidheje dhe e faktin së disa banesa ndodheshin në afersi të rrugës, duke sjellë pengesa serioze, por edhe një burim rreziku për automjetet dhe kembesoret.

Gjashtë objektet ishin të fundit që prekeshin nga projekti i këtij segmenti rrugor, ndersa vonesa në shembjen e tyre ka sjellë vonesa edhe në perfundimin e projektit

Rruga e plazhit të vjeter në Vlorë, është e vetmja që të drejton edhe drejt Zvernecit, ndersa është rikonstruktuar për herë të parë, pas me shumë se 10 vitesh.

Gjendja e saj ishte totalisht e amortizuar, ndersa tashme janë hedhur pertojke dhe gjashstë objektet e fundit, pengese për perfundimin e proejtktit.

Vijojnë kthjellimet me vranësira kalimtare në Ultësirën Perëndimore por më të dukshme vranësirat paraqiten në zonat Lindore dhe pjesërisht në Qendër ku priten shira afatshkurtër.

Pasditja vijon me shira afatshkurtër në Juglindje por shira të izoluar në Veri dhe Qendër.

Sipas MeteoAlb, temperaturat e ajrit rriten lehtë në mëngjes por mbeten konstante vlerat termike të mesditës duke ruajtur maksimumin mbi 32°C.

Era do të fryjë kryesisht lehtë, me shpejtësi deri 27 km/h nga drejtimi Veriperëndimor duke krijuar në det dallgëzim 1-2 ballë.

Stina e verës fillon sot në hemisferën veriore të Tokës. Ajo nis në orën 12 e 7 minuta. Në të njëjtën kohë në hemisferën jugore të Tokës nis stina e dimrit.

Dita e fillimit të verës është më e gjata në vit, kurse nata është më e shkurta e vitit.

Vera do të zgjasë deri më 22 shtator, kur fillon stina e vjeshtës.
Nesër dielli në Prishtinë lind në orën 4 e 58 minuta, ndërsa perëndon në orën 20 e 17 minuta, kështu që dita do të jetë e gjatë 15 orë e 25 minuta, ndërsa nata 8 orë e 35 minuta.

Me gjithë bindjet e njerëzve se në këtë ditë Toka është më së afërmi me Diellin, në këtë moment ajo është më së largu.

Për banorët e hemisferës veriore të Tokës vera fillon në atë moment kur drejtimi i boshtit të pjesës veriore të Tokës është më së afërmi me Diellin. Atë ditë lartësia e Diellit në mesditë është më e madhja gjatë vitit.

Në atë moment për banorët në pjesën hemisferën jugore të Tokës fillon stina e dimrit.
Por as atje nuk është kryesisht ftohtë për shkak të largësisë së madhe nga Dielli, por për shkak se në atë moment poli jugor qiellor është më së largu nga Dielli.

Për këtë arsye Dielli në mesditën e asaj dite arrin lartësinë e mundshme më të vogël gjatë vitit. Është e kuptueshme se për të qenë ftohët kontribuon dita më e shkurtër, ndërsa në vendin e tretë për nga ndikimi dhe distanca e përmendur më e madhe e Tokës nga Dielli, sqarojnë astronomët.

TIRANE-Për të gjithë ju çiftet e martuara apo dhe ata që ende nuk janë celebruar, që jeni të interesuar për t’u pajisur me viza për SHBA, Ambasada Amerikane ka një njoftim të rëndësishëm. Përmes një statusi në ‘Facebook’ ambasada ka dhënë disa këshilla të vlefshme, ndërsa sqaron edhe kohëzgjatjen e procedurave.

Në sqarimin e ambasadës thuhet se viza e fejesës është më e shpejtë, por ka disa procedura pasi hyn në SHBA. Po ashtu, mësohet se koha e përafërt e udhëtimit për çiftet e fejuara është 9 muaj dhe për të martuarit është 18 muaj.

Mali i Dajtit është i mrekullueshëm. Kenny dhe unë u ngjitëm fundjavën e kaluar. Takuam njerëz interesantë përgjatë rrugës dhe disa çifte të dashuruarish na pyetën për procesin e vizave. Ja këshilla ime: Kategoria e vizës për çiftet e martuara është e ndryshme nga kategoria e vizës për çiftet e fejuara. Cila është e duhura për ju?

Javët e fundit në PD është ngritur një grup me disa deputetë, të cilët po punojnë për të nxitur revolta, bojkot të Parlamentit dhe madje synojnë djegie të mandateve. Në krye të këtij grupi është deputeti problematik dhe i skandaleve në Partinë Demokratike, Flamur Noka , por pas tij fshihet Sali Berisha, i cili jo më larg se dje ka bërë thirrje për kryengritje dhe revolta. Gazeta ‘’SOT’’ deklaroi se ky grup është duke planifikuar skenarë destabilizues nëse vendi nuk merr hapjen e negociatave më 28 qershor. Kjo gjë u konfirmua dje nga vetë Flamur Noka.

“Nuk është padija e Edi Ramës që pengon hapjen e negociatave por dashuria që ka për korrupsionin dhe krimin e organizuar që ka ky, ëndrra e Edi Ramës është të flejë në shtratin e krimit së bashku me qeverinë e tij dhe ta plaçkitë këtë vend pavarësisht se Europa po na largon dhe nuk po na afron në gjirin e saj. Pas një jave Europa do ia mbyll dyert Shqipërisë dhe do ia përplas në surrat Ramës.

Marrëdhënia jonë me ju do të ndryshojë pas kësaj date, nuk do të pranojmë më që Edi Rama të mbajë peng të ardhmen Europiane të këtij vendi”, tha ai.

Deklarata e Nokës tregon dhe një herë se Berisha po nxit deputetët pranë tij për revolta dhe reagim të ashpër ndaj qeverisë. Që në protestën e 26 majit, Berisha ishte për dhunë dhe bojkot parlamentar, por Basha nuk e lejoi diçka të tillë.

Basha del kundër

Plani i Berishës dhe grupit pranë tij për revolta duket se nuk mbështetet aspak nga Lulzim Basha dhe aleatët e tij. Gazeta u interesua pranë PD mbi mënyrën se si do të vijojë aksioni opozitar dhe mësoi se momentalisht nuk ka asnjë plan, ndërkohë që synimi është që reagimet të rinisin në muajin shtator. Në vija të përgjithshme Basha ka rënë dakord dhe me aleatët e tij që në sesionin ri parlamentar opozita të nisë një fazë të dytë reagimi, ku të jetë më e konsoliduar dhe me ide më të qarta. Pak ditë më parë ishte Dashamir Shehi i cili tha se aksioni i ri do nisë në shtator.

“Ne do të fillojmë luftën nga shtatori e mbrapa në fillim duke ndryshuar ligjin zgjedhor”, tha Shehi pak ditë më parë. Edhe gazeta ka mësuar se Basha nuk ka asnjë plan për protesta apo reagime në korrik, kjo për dy arsye: Në korrik shumica e qytetarëve ikin me pushime dhe PD i druhet pjesëmarrjes së dobët në protesta. Dhe arsyeja e dytë është se Parlamenti mund të mbyllet në mes të korrikut. Kjo lëvizje e Bashës hedh poshtë planin e Berishës, ndërsa po ashtu rrëzon dhe Kryemadhin, e cila pak ditë më parë tha gjithashtu se opozita do rinisë reagimin pas vendimit për negociatat. Pra duket se përplasjet mes Bashës dhe dyshes Berisha-Kryemadhi kanë nisur dhe ish-kryeministri po shton lëvizjet për të marrë në dorë frenat e partisë.

Në muajin Prill të vitit të kaluar ambientet e paraburgimit të Vlorës u përfshinë nga flakët. Një shprehje e urtë popullore thotë që me të thatin digjet edhe i njomi. Kështu e pësoi dhe Olsion Brahimaj, të cilin e hoqën nga detyra duke e bërë përgjegjës, edhe pse zjarri nuk ra në katin ku ai shërbente.

“Unë jam ish-punonjës i paraburgimit Vlorë. Në datën 21 Prill të vitit 2017, në orën 19:30, ra zjarr në katin e poshtëm, atë të izolimit dhe të burgosurit kanë shkuar kanë djegur edhe katin e tretë. Unë kam qenë me shërbim në katin e dytë dhe kam qenë polic i rolit bazë, pra i sektorit. Drejtori që ka qenë atëherë, Besim Binaj ka bërë sikur unë kam qenë përgjegjës i zonës në katin e dytë dhe më ka hequr padrejtësisht”, rrëfeu denoncuesi.

Në këtë mënyrë, ish-punonjësi i paraburgimit nisi kalvarin e ankesave në Ministrinë e Drejtësisë. Komisioni i Apelimit të Masave Disiplinore më datë 02. 06. 2017 vendosi rishikimin e urdhrit për masën disiplinore “largim nga detyra”. Në Drejtorinë e Burgjeve iu tha se do të rikthehet në punë, por deri më sot nuk ka ndodhur.

“Po i bëj thirrje zotit Arben Çuko të më kthejë në punë se jam i pafajshëm. Dhe Ministres së Drejtësisë Gjonaj, të kthehet e të shikojë çështjen se s’kam lidhje fare me ngjarjen! Të tjerë që dogjën burgun janë në punë, ndërsa mua më sorrollasin”, u shpreh i shqetësuar Olsion Brahimaj, i cili prej 1 viti kërkon vetëm vendimin, në mënyrë që të dijë se çfarë do të bëjë më pas.

Në një takim me shefin e personelit, ky i fundit tha se vende bosh ka plot, por duhet të interesohet në Tiranë.

Qytetari – Komisar, ç’kemi?

Shefi i personelit – Ça po bën? Si dukesh?

Qytetari Hiç, mirë!

Shefi i personelitSi dukesh? Ç’kemi?

Qytetari Për ty erdha, të të takoja një çikë.

Shefi i personelitHë?!

QytetariTani ça do bëhet? Do kthehem a s’do kthehem dhe unë të iki në vend tjetër, të drejtohem në vend tjetër o komisar…

Shefi i personelit Nuk ka asnjë informacion. Ti ishe në konkurrim atje?

Qytetari Po s’isha te konkurrimi se unë jam i certifikuar.

Shefi i personelitTashi…

Qytetari I kam bërë unë të tëra trajnimet.

Shefi i personelit Vende ka bosh… janë 9 a 10 policë. Nuk ka asnjë informacion për të marrë, për të qenë i sinqertë. Ti e di si funksionon këtu. Interesohu nga Tirana, ça bëhet. Unë kam çuar çdo ditë informacione, probleme. Vetëm Tirana, këtu s’ka asgjë.

Pra ish-punonjësit të paraburgimit Vlorë i duhet të vijojë të interesohet vetë në Tiranë për të zgjidhur largimin e padrejtë që i bënë nga puna.