Aktualitet

Prej 10 ditesh eshte zhvilluar stervitja ADRION CAX-LIVEX 2018 e cila ka startuar ne dt.3 Qershor ne Durres dhe beri mbylljen me shume sukses ne dt 12 Qershor  ne Portin e Vlores.Efektivë dhe anije të 6 vendeve rajonale ishin pjesëmarrëse në stërvitje: Shqipëria, Greqia, Italia, Kroacia, Mali i Zi dhe Sllovenia të cilat për një periudhë 10 ditore zhvilluan stërvitjen ndërkombëtare detare ADRION CAX-LIVEX 2018 nën drejtimin e Forcës tonë Detare.

300 efektivë pjesmarrës me gjashtë anije nga Shqiperia, Kroacia, Mali i Zi, Greqia, Sllovenia dhe Italia, pjesmarëse në stërvitjen e përvitshme të quajtuar Adrion, vënde që lagen nga deti Adriatik dhe Jon. Një platformë kryesore e bashkëpunimit të forcave të armatosura detare, startuar në date 3 qershor dhe përmbyllur në Vlorë. Siguria rajonale në detë mbetet qëllimi dhe objektivi kryesor i stërvitjes realizuar në Shqipëri, por edhe rritjen e bashkëprimit mes forcave të armatosura detare. Autoritete të larta ushtarake nga të gjitha vëndet pjesmarrëse janë bërë pjesë e përmbylljes së stërvitjes në detë, në gjirin e Vlorës, si një vlerësim për bashkpunimin mes forcave detare të vendeve te rajonit. Kapiten i rangut të parë, shef shtabi forcave detare Arsen Mullaj, ka theksuar rëndësin e bashkveprimit, me qëllim edhe luftën kundër trafikut dhe ruajtjen e kufijve detare

Prokurorët e Krimeve të Rënda kanë marrë në pyetje dy ditë më parë për më shumë se katër orë, ish-policin grek, Efthymios Efthymious. Ky i fundit mbahet në mjediset e burgut të Bradasheshit në Elbasan, nën akuzë për vrasjen e shtetasit Devi Kasmi.

“Panorama” shkruan se sipas Prokurorisë, ka dyshime se shtetasi grek është vrasës me pagesë dhe ka ekzekutuar Devi Kasmin me porosi të Aurel Hoxhallarit, që është ende në kërkim. Ai është ndihmuar, sipas Prokurorisë, nga Elton Hoxhallari, Elton Halipaj dhe Malvin Dinellari. Mirëpo, gjatë marrjes në pyetje, shtetasi grek ka mohuar që të ketë qenë ai përfshirë në vrasje.

Ai ka thënë para hetuesve shqiptarë se në Shqipëri kishte ardhur për pushime dhe se nuk ka lidhje me Devi Kasmin. Marrja në pyetje e tij është bërë në prezencë të avokatit të tij, Saimir Vishaj. Sipas dosjes hetimore, ka qenë një furgon i bardhë, i cili ka marrë vrasësin pas atentatit, ai që i ka çuar hetuesit te greku Efthymios Efthymious dhe tre të arrestuarit e tjerë, Elton Hoxhallari, Elton Halipaj dhe Malvin Dinellari.

Nga dëshmitë rezulton se ekzekutori ka qenë një person i vetëm në momentin kur u qëllua Kasmi dhe është larguar me motor. Kamerat e sigurisë kanë fiksuar atentatorin me motor, që merret nga disa persona disa metra më larg përmes një furgoni tip “Benz”, ngjyrë e bardhë. Kamerat kanë fiksuar edhe targën e furgonit. Prokurorët kanë mundur të identifikojnë më pas edhe pronarin e tij, që është një shtetas nga Fushë-Kruja.

Ky i fundit është marrë në pyetje dhe ka deklaruar se e ka shitur furgonin për 4200. Ai ka treguar se shitja është bërë te një notere më 17 janar dhe personat që e kanë kontaktuar kanë qenë Elton Halipaj dhe Malvin Dinellari.

Kjo ka qenë përcaktuese për hetuesit, për të zbuluar grupin dhe shtëpinë e Aurel Hoxhallarit, i cili dyshohet si organizator i atentatit, por që është ende në kërkim. Shtetasi nga Fushë-Kruja, që ka shitur furgonin tek organizatorët e atentatit, ka thënë në Prokurori se ai është takuar me dy persona rreth moshës 25 vjeç në afërsi të sheshit “Shqiponja” në Tiranë.

Sipas tij, blerësi komunikonte me dikë tjetër në telefon për çmimin dhe në fund ranë dakord për ta kryer blerjen e furgonit kundrejt 4200 eurove. Nga dëshmia e pronarit të furgonit, rezulton se personi që ai ka takuar ka qenë Elton Halipaj, ndërsa paratë janë dhënë nga Malvin Dinellari. Këta të fundit kanë thënë në Prokurori se punonin për Aurel Hoxhallarin dhe furgonin e kishin blerë për llogari të tij.

Policia më pas ka mbajtur në vëzhgim të dyshuarit për pak ditë, derisa i arrestoi. Gjatë dëshmive në Prokurori, të arrestuarit kanë thënë se shtetasi grek Efthymios Efthymious kishte vetëm një muaj që kishte ardhur në Shqipëri dhe ishte mik i Aurel Hoxhallarit. Ai është arrestuar gjatë aksionit policor, teksa tentonte të largohej nga banesa./noa

Komisioni Europian ka vënë re një rritje të investimeve turke në Rajon, por sidomos kjo është e dukshme në Shqipëri, Kosovë dhe Bosnjë, ndërsa Serbia po shtrin prezencën në Serbi dhe Malin e Zi.

Eurostat në studimin “ Tregtia nderajonalë në Ballkan” gjatë një dekade (2005-2016) referoi se BE vijon te mbetet investitori më i madh në Ballkanin Perëndimor.

Duke krahasuar investimet nga BE me stokun e përgjithshëm të investimeve të huaja më 2015 ato janë 34% në Kosovë mbi 62% në Bosnje, Shqipëri dhe Mal të Zi dhe mbi 79% në Maqedoni dhe Serbi. Ndërsa të krahasuara me PBB investimet nga BE nisin nga 19% e PBB-së në Kosovë, në mbi 27% në Bosnje, Shqipëri dhe Maqedoni dhe më shumë se 65% e PBB-së në Serbi.

Po studimi i eksperteve të Eurostat vë në dukje investimet e Huaja me orgjinë nga Turqia janë në rritje në Maqedoni, Shqipëri dhe në Kosovë, duke arritur në 2.4%, 4% dhe 6% të PBB-së respektivisht në 2015. Në Kosovë, Turqia është investitori i vetëm më i madh. Ndërsa janë pak ose aspak të pranishme në Serbi dhe në Malin e Zi. Në këto dy vende ka prezencë në rritje të investimeve Rusi, të cilat gjithsesi nuk kanë ndihmuar që tregtia Rusisë me Serbinë dhe Malin e Zi të jetë në rritje gjithashtu. Në periudhën e pas krizës 2008 pronësia e Rusisë në stoqet e IHD-ve në Serbi u rrit, ndërsa në Bosnjë prania e investimeve ruse është më rënie. Investimet Ruse zënë 15% të stokut në Malin e Zi dhe janë kryesisht në pasuri të paluajtshme, ndërsa prania e investimeve ruse thuajse është e padukshme në Shqipëri dhe Kosovë.

Gjithashtu ka një prani kineze në Rajon. Megjithëse investimet kineze nuk përfshihen në statistikat e investimeve të huaja direkte ato janë të pranishme nëpërmjet financimit të infrastrukturës publike me projekte në sektorët e transportit dhe energjisë./Monitor

Para disa ditësh gazeta New York Times kishte botuar një shkrim, si gjithmonë të shkurtër, me një stil të vetin, me sentenca filozofike, por edhe me lëng humori. Ja si shkruhet në të:

Ekziston një vend në Ballkan, i cili kufizohet me vetveten. Ku të papunët më së shumti punojnë. Ku të gjithë nxitojnë për në punë, dhe askush nuk arrin në kohë. Aty ku tetë-orëshi i punës zgjat 12 orë. Aty ku shëndetësia është pa pagesë, ndërsa shërimi i shtrenjtë. Ku gazetarët janë të lirë të shkruajnë çdo gjë që ju urdhërohet. Ku sekretet shtetërore janë publike.

Aty ku historia përsëritet çdo ditë. Ku më të pasurit janë njerëzit, të cilët kurrë nuk kanë punuar. Aty ku përdoret valuta e huaj. Aty ku të mençurit i deklarojnë të çmendur, dhe të çmendurit të aftë. Aty ku analfabetët e shkruajnë historinë. Aty ku ligjet janë të paligjshme, ndërsa anarkia gjendje normale. Aty ku jetohet për të ardhmen sepse për të tashmen nuk kemi të drejtë. Aty ku çdokush e përqesh tjetrin dhe askush askujt nuk ia dëshiron të mirën. Aty ku proceset gjyqësore zgjasin më shumë se jeta. Ku përmbytjet janë e vetmja mënyrë për ujitje. Ku konsiderojnë se vendi do të përparojë më shumë nëse stagnon gjithnjë e më tepër. Ku normalët nuk janë të nevojshëm, dhe punësohen të papërshtatshmit e jo të aftët.

Është në Ballkan një vend ku me ndershmëri, sinqeritet dhe zell kurrë nuk do të arrish qëllimin e dëshiruar …!

Përshtypje dhe konsiderata për shqiptarët…

Ami Boue, gjeolog i shquar austriak:

“Shqiptarët janë njerëz më të bukur në Perandorinë osmane”.

Bajroni:

“Shqiptarët me kostumet e tyre bëjnë një pejsazh më të mrekullueshëm në botë… Shqiptarët janë raca njerëzore më e bukur që ekziston, trima më të fortë se kështjellat e tyre”. Për dy nipërit e Ali Pashë Tepelenës, ka thënë: “Janë krijesa më të bukura që më ka zënë syri… Femra shqiptare vetëm njërit ja fal trupin dhe zemrën”.

Branton, publicist:

“Shqiptarët ishin themeluesit e kalorësisë së lehtë, me ushta të gjata dhe me flamurkat në majat e tyre, e nisnin betejën, duke u sulur me vrull mes rreshtave të armikut dhe jepnin goditje duke krijuar pështjellim”.

B. Vranisheviç, piktor nga Vojvodina:

“Është mrekulli ta shohësh popullin trim luftëtar shqiptar… Ata nuk lodhen për pasuri e luks… gjithmonë janë të aramtosur, madje edhe grate, të cilat njihen nga shikimi i tyre krenar dhe të ecurit e sigurt… Lumturinë nuk e kërkojnë te bukuria, por në kënaqësinë e tyre, të burrit të vet, të fëmijëve dhe popullit të tyre”.

Erikson, misionar amerikan:

“Nuk ka popull më shpirtmirë e më të sjellshëm (xhentil) në Evropë se shqiptarët. Ata, përbëjnë një element të fuqishëm burrërie. Japin jetën për fjalën e dhënë”./gazetadita.al

Prokurori i Apelit të Tiranës, Gentian Trenova pritet t’i bashkohet listës së personave që kanë ngelur në procesin e vetingut. Komisioni i Pavarur i Kualifikimit ka zhvilluar ditën e djeshme seancën dëgjimore me subjekt prokurorin Trenova, i cili është njëkohësisht anëtar i Këshillit të Emërimeve në Drejtësi. Vetë Trenova ishte i pranishëm në seancë, ndërsa shoqërohej edhe nga avokati Saimir Lami.

Por ndryshe nga herët e tjera, seanca dëgjimore e djeshme solli edhe një risi, ku për herë të parë aftësitë profesionale kanë vënë në pikëpyetje integritetin e një gjyqtari apo prokuroi. Thënë më drejtë, sa i takon aftësive profesionale të prokurorit të Apelit të Tiranës, Komisioni i Pavarur i Kualifikimit ka sjellë një rast, kur Gentian Trenova ka pushuar hetimet për pasurinë për një person të arrestuar nga policia greke me kanabis dhe një pistoletë.

Sipas KPK, prokurori ka kryer hetim të paplotë, duke mos hetuar për verifikimin e këtij personi. Mirëpo, të njëjtin fat ka pasur edhe hetimi ndaj një prokurori të kapur në korrupsion. Në këtë procedim, sipas KPK kishte përgjime për përfshirjen e një prokurori me inicialet A. K. Kjo çështje u ndoq nga Trenova, i cili e mbylli hetimin, ndërsa më pas gjykata e pranoi këtë kërkesë dhe u asgjësua ky përgjim.

Interesant është fakti se në seancën e djeshme u bë protagonist edhe përfaqësuesi i ONM, Teo Jacobs, karriera e të cilit shënon 23 vite në akuzë. Prokurori belg foli gjatë duke kërkuar shpjegime nga prokurori Trenova, ndërkohë që nuk kurseu edhe kritikat ndaj këtij të fundit, sa i takon deklaratës veting dhe aftësive profesionale. I bazuar ne folklorin belg me shprehjen: “duhet zgjedhur mes dy të këqijave”, Teo i kërkoi prokurorit të pranonte nëse kishte bërë deklaratë të rreme, apo kishte krijuar rrethana fiktive për blerjen e apartamentit.

“Përgjegjshmëria juaj si prokuror deri ku shkon”, citon “Sot” Jacobs. Po ashtu, ai i kujtoi Trenovës se duhet të hetojë ata që shkelin ligjin dhe jo të bëjë të kundërtën. Pika tjetër që vështirësoi pozitën e prokurorit ishte pushimi i hetimeve për dy dosje, njëra për korrupsion ndaj prokurorit me inicialet A. K. dhe tjetra për hetimin pasuror ndaj një të arrestuari për droge.

Për këto, Teo Jacobs tha se e gjitha kjo nuk është profesionale, sepse sipas tij prokurori kishte mundësi ta hetonte kolegun dhe personin e lidhur me krimin e organizuar. Madje, Jacobs theksoi se ai së bashku me kolegët e tij ndërkombëtar janë në Shqipëri për të ndihmuar organet e vetingut, kështu që çdo hetim i KPK mban edhe vulën e ONM.

Shërbimi Informativ i Shtetit do të vendosë në monitorim të gjitha ambasadat shqiptare nëpër botë. SHISH dhe Ministria për Evropën dhe Punët me Jashtë kanë rënë dakord që në të gjitha selitë diplomatike të ketë agjentë, të cilët do të angazhohen në forcimin e sigurisë kombëtare si dhe atë të marrëdhënieve ndërkombëtare të Shqipërisë.

Në kuadër të kësaj marrëveshje të arritur mes ministrit Ditmir Bushati dhe kreut të SHISH, Helidon Bendos, përfaqësues të Shërbimit Informativ Shtetëror zhvilluan dje dhe një takim informues me të gjithë diplomatët e rinj të Ministrisë për Europën dhe Punët e Jashtme.

Sipas informacioneve të gazetës “Sot”, gjatë këtij takimi diplomatët e rinj të MEPJ u njohën nga afër me detajet dhe misionet që do të ketë agjentët e Shërbimit Informativ Shtetëror në të gjitha ambasadat. Madje ata u njohën edhe me rolin dhe detyrat specifike të agjentëve.

Frika e një rreziku rus duket se vijon të jetë një çështje prioritare për qeverinë shqiptare. Lëvizja e SHISH për të përforcuar akoma më shumë sigurinë në ambasadat shqiptare në botë duket se ka qenë një sinjal i pastër që qeveria shqiptare akoma i druhet një rreziku të tillë. Kjo për faktin se pas largimit të zyrtarëve shqiptarë nga Moska dhe atyre rus nga Shqipëria, qeveria shqiptare mori një tjetër hap Rusisë.

Vetëm pak ditë më parë qeveria shqiptare, ashtu si dhe shumë vende të tjera europiane, vendosi sanksione ndaj Rusisë. Por pikërisht kjo gjë duket se ka ndikuar që qeveria shqiptare t’i trembet një rreziku të tillë dhe për këtë fakt ka shtuar akoma më shumë masat e sigurisë në ambasadat e saj.

Madje, në kuadër të prishjes së marrëdhënieve, qeveria shqiptare ka vënë nën monitorim të gjithë zyrtarët rus në vendin tonë si dhe të gjithë personat që kanë studiuar në Rusi. Kujtojmë këtu se vetë kryeministri Edi Rama si dhe ministri i Jashtëm, Ditmir Bushati kanë deklaruar se rreziku rus është real dhe se po tenton të destabilizojë vendin.