Aktualitet

Bernd Birchardt, ambasadori i OSBE-së në Tiranë duke folur në një konferencë për gratë në politikë u shpreh:

“Kodi Zgjedhor i mëparshëm përmbante një dispozitë, që lejonte refuzimin e listave të kandidatëve të partive që nuk plotësonin kuotën gjinore ligjore. Kjo dispozitë është hequr në Kodin e tanishëm. Ne rekomandojmë fuqimisht rivendosjen e dispozitës që lejon refuzimin e listave të kandidatëve të partive që nuk plotësojnë kuotën gjinore.

Thjesht vendosja e një gjobe për partitë politike, listat zgjedhore të të cilave nuk plotësojnë kuotën gjinore, nuk e çon përpara kauzën e grave në politikë po aq mirë sa refuzimi i listave. Partitë politike duhet të bëjnë më shumë për të siguruar kushtet për pjesëmarrje të hapur dhe të drejtë të grave në procesin e përzgjedhjes së kandidatëve brenda partive.”

Ndër të tjera ambasadori Borchardt theksoi se pjesëmarrja e grave në politikë në vitet e fundit duhet të ruhet dhe të çohet më tej.

“Ndoshta dikur në të ardhmen mund të shohim një grua kryeministre në Shqipëri, duke ndjekur kështu prirjet evropiane dhe rajonale. Deri atëherë, ne punojmë në mënyrë të përkushtuar që të shohim më shumë gra këshilltare vendore, deputete dhe në poste të larta shtetërore”, tha ai.

Fjala e plotë e ambasadorit të OSBE në Shqipëri Bernd Borchardt

Prezenca e OSBE-së në Shqipëri ka dhënë kontributin e saj përgjatë viteve, duke punuar nga afër me gratë politikane, organizatat e shoqërisë civile në nivel vendor dhe kombëtar, me organet vendimmarrëse dhe me institucionet shtetërore, për të ndihmuar dhe mbështetur konkurrimin e sa më shumë grave në zgjedhjet vendore dhe të përgjithshme, si dhe zgjedhjen e tyre në poste publike.

Përgjatë viteve, ne kemi mbështetur krijimin dhe funksionimin e Aleancës së Grave Deputete. Për më shumë se tetë vjet, me anë të Platformës Kombëtare të Gruas, ne kemi mbështetur shumë veprimtari që forcojnë pozicionin e grave nga e gjithë Shqipëria në politikë. Gjithashtu kemi organizuar trajnime për gratë këshilltare vendore, pra bazën e elitës politike të grave në të ardhmen, dhe këtë vit po zhvillojmë një program trajnimi më sistematik dhe të plotë sipas konceptit të “Akademisë për Gratë Këshilltare”, duke fuqizuar gratë që në bazë.

Së fundmi, Prezenca ka filluar të punojë në nivel rajonal për barazinë gjinore në politikë, përmes organizimit të seminareve tematike në Budva të Malit të Zi, në maj, si dhe ka mbështetur pjesëmarrjen e tri grave deputete në Takimin Rajonal për Barazinë Gjinore dhe Korrupsionin, organizuar nga misioni ynë simotër në Bosnjë-Hercegovinë.

Po ashtu, Prezenca drejton Grupin e Punës për Çështjet Gjinore dhe Gratë në Vendimmarrje, i cili bashkon grupet e interesit dhe luan rol aktiv për përparimin e pozicionit të grave në shoqëri. Grupi i Punës ka mbledhur rekomandime në lidhje me çështjet gjinore në politikë, të cilat do t’i paraqiten Komisionit të Posaçëm Parlamentar për Reformën Zgjedhore.

Edhe në këtë fushë, arritjet janë të pamohueshme. Shqipëria është e pajisur me legjislacionin e duhur për barazinë gjinore në organet vendimmarrëse dhe në institucionet shtetërore. 41 deputetë të legjislaturës aktuale janë gra dhe ky është numri më i lartë i arritur që nga viti 1990, madje edhe krahasuar me disa vende të Bashkimit Evropian nuk është shumë keq. Kodi Zgjedhor përcakton kuotë prej 30% për gratë që garojnë në zgjedhjet e përgjithshme dhe, çka është padyshim akoma më mirë, një kuotë prej 50% për zgjedhjet vendore. Sidoqoftë, këto arritje nuk duhet të merren për të mirëqena dhe përpjekjet tona të përbashkëta duhet të bëjnë që prirja pozitive të vijojë dhe të mos ketë kthim prapa.

Diçka shumë konkrete në këtë kontekst: Kodi Zgjedhor i mëparshëm përmbante një dispozitë, që lejonte refuzimin e listave të kandidatëve të partive që nuk plotësonin kuotën gjinore ligjore. Kjo dispozitë është hequr në Kodin e tanishëm. Ne rekomandojmë fuqimisht rivendosjen e dispozitës që lejon refuzimin e listave të kandidatëve të partive që nuk plotësojnë kuotën gjinore. Thjesht vendosja e një gjobe për partitë politike, listat zgjedhore të të cilave nuk plotësojnë kuotën gjinore, nuk e çon përpara kauzën e grave në politikë po aq mirë sa refuzimi i listave. Partitë politike duhet të bëjnë më shumë për të siguruar kushtet për pjesëmarrje të hapur dhe të drejtë të grave në procesin e përzgjedhjes së kandidatëve brenda partive. Kjo tregon se mund të bëhet akoma më shumë.

Megjithatë, përparimet e viteve të fundit më bëjnë të jem optimist. Shpresoj sinqerisht se arritjet për rritjen e pjesëmarrjes së grave në politikë dhe në jetën publike do të ruhen dhe do të çohen përpara. Ndoshta dikur në të ardhmen mund të shohim një grua Kryeministre në Shqipëri, duke ndjekur kështu prirjet evropiane dhe rajonale. Deri atëherë, ne punojmë në mënyrë të përkushtuar që të shohim më shumë gra këshilltare vendore, deputete dhe në poste të larta shtetërore.

Uroj që ky aktivitet të jetë i suksesshëm, që gjetjet e raportit të merren parasysh nga Komisioni i Posaçëm Parlamentar për Reformën Zgjedhore dhe që Shqipëria të ketë më shumë gra në politikë dhe në poste të larta!

Organet e reja të drejtësisë në vjeshtë pritet të jenë gati. Sipas ”SOT” në fillim të muajit shtator kandidatët për KLGJ e KLP janë gati dhe menjëherë kryetari i Gjykatës së Lartë do të thërrasë Mbledhjen e Gjyqtarëve ndërsa Kryeprokurorja do thërrasë Këshillin e Prokurorëve, të cilët do të zgjedhin nga 6 kandidatë secili, pra 6 për KLGJ dhe 6 për në KLP.

Deri më tani ka pasur shumë debate mbi këtë zvarritje të reformës, por ajo do të përshpejtohet, kjo dhe për shkak të kushteve të vëna nga BE. Reforma në drejtësi është kusht për hapjen e negociatave dhe ky vit është vendimtar për Shqipërinë. Por ngritja e KLGJ dhe e KLP do të hapë rrugën për ngritjen e Strukturës së Posaçme Antikorrupsion dhe të Byrosë Kombëtare të Hetimit.

Sipas ligjit, SPAK dhe BKH ngrihen dy muaj nga ngritja e KLP. Kjo e fundit pritet që të ngrihet në nëntor sipas afateve. Pra sinjalet janë se ky vit do sjellë dhe arrestime në nivele të larta dhe luftë të fortë kundër korrupsionit.

Shkrirja e KLD dhe Arta Marku

Ngritja e KLGJ, e KLP dhe e SPAK do të sjellin ndryshime të forta në arenën e drejtësisë shqiptare. I pari që do të largohet është Ilir Meta, kryetari i KLD. Këshilli i Lartë i Drejtësisë do të shkrihet si institucion dhe të gjithë anëtarët do jenë gjyqtarë të thjeshtë. Kjo do të thotë se Presidenti i Republikës nuk do ketë më rol në sistemin gjyqësor apo atë të prokurorisë. Një tjetër emër që largohet është Arta Marku. Kryeprokurorja është me mandat të përkohshëm, pra deri në ngritjen e KLP.

Në momentin ky organ ngrihet ajo do e dorëzojë detyrën. Pas kësaj, do jetë po KLP që do të nisë procedurat për të zgjedhur kryeprokurorin me mandat 7 vjeçar. Mbetet të shihet nëse Arta Marku do të garojë, ndërkohë që ajo është dhe kandidate për në KLP. Pak ditë më parë shumë zëra ndërkombëtarë kërkuan përshpejtim të vetingut dhe KPK ka dhënë sinjale se janë të shumtë ata që do të japin sqarime për aferat dhe pasuritë e dyshimta.

Edhe pse është fundi i muajit Qershor, moti i paqëndrueshëm i cili prej më shumë se dy javë ka përfshirë vendin, vazhdon ende.

Dita e cila nis me diell, shoqërohet pasditeve me shira të rrëmbyeshëm dhe stuhi të forta. Kjo situatë, e cila u përmirësua fundjavën që lamë pas, duket se do të na shoqërojë deri në fund të kësaj jave.

Sakaq sipas parashikimeve vetëm ditën e diel, moti do të jetë me diell, dhe temperaturat do të arrijnë deri në 32 gradë celsius.

Dhe gjithë java në vazhdim, pritet të jetë me shi dhe me bubullima të forta, ndërsa e diela paraqet një përmirësim të dukshëm të motit, me temperatura normale për stinën, të cilat gjatë kësaj jave nuk do e kalojnë 25 gradë celsius.

Në dëgjesën e sotme me artiste dhe arkitekte organizuar nga kryebashkiaku Veliaj, janë zbuluar disa mesazhe se si drejtues të Sindikatës së Artistëve, që pretendojnë se janë të pavarur, marrin urdhra direkt nga zyrtare te PD, lidhur me kohen se kur duhet të flasin, si duhet të sillen dhe çfarë duhet të thonë.

Nga mesazhet e fotografuara qe avokatja militante e PD, Mirela Jorgo, i dërgonte zyrtarëve të PD duket qartësisht se si ishte inskenuar gjithçka, duke nxjerre zbuluar planin e PD për prishjen e dëgjesës.

Taulanda Jupi, një nga koordinatoret e protestës se çadrës së Partisë Demokratike, i dërgon urdhra me SMS përmes Mirela Jorgos, duke u kërkuar që të ndërhyjnë dhe të marrin nën kontroll situatën dhe te prishin dëgjesën.