Dimër në qershor? Temperaturat e ftohta që kanë vijuar gjatë këtyrë ditëve duket se kanë ndikuar edhe në ndryshime të mëdha klimatike.
Një zonë malore në Slloveni është përfshirë nga dëbora.
Mësohet se Bredarica është një majë malore në Alpet Juliane dhe ndodhet në 2.541 metra mbi nivelin e detit. Megjithëse kulmi më i lartë i Triglav është shumë afër, bora që ra në Kredarica këtë mëngjes nuk është aq e zakonshme në fund të qershorit.
Temperatura e ajrit të sotëm, e matur në flladin e dëborës, ishte -0.6 gradë Celsius. Instituti Hidrometeorologjik i Sllovenisë njoftoi këtë mëngjes se pesë centimetra borë ranë Kredaricë në orën tetë të mëngjesit.
E sipas të dhënave nga Instituti Hidro-Meteorologjik (ARSO), temperatura aktuale në Kredarica është 1 gradë celsius, dhe bora vazhdon të bjerë herë pas here.
Që në orët e para të mengjesit në oborrin e PD u vu re një dyndje e pazakontë. Jo vetëm militante por dhe kundërshtare të deklaruar te z.Basha si z.Besnik Mustafaj u grumbulluan jo pa qëllim te PD. Mustafaj shoqërohej nga ish eksponentë të lartë të opozitës, ish drejtorë e ish ambasadorë. Kryefjala ishte të detyrojnë Lulzim Bashes t’i prijë një sezoni pa kthim protestash deri në revolte për rrëzimin e Edi Ramës.
Sipas burimeve të sigurta ka një fryme qe atakon deklaratën e butë të z.Basha pas refuzimit nga BE për çelje të menjehereshme të negociatave. Si kunderpeshë skeptiket e kundershtarët e Bashës po grishin edhe ish-kryeministrin Berisha për një alternativë tejet më radikale duke e argumentuar se konteksti politik e ekonomik , shtuar kësaj dhe skandalet kriminale aktuale favorizojnë kauzat opozitare.
Zërat flasin për një variant pa zë të Bashës për vijimin në shtator të protestave. Por radikalët janë të pakënaqur dhe nuk duan të kaloje asnjë ditë. Ata janë entuziaste dhe nga largimi i dy ambasadorëve Lu e Vllahutin, të cilët i nominojnë si përkrahës të qeverisë Rama.
Basha po konsulton dhe disa aleatë ndoshta formalisht pasi duket se do ketë qëndrim jo aq agresiv dhe më tutje. Kjo do të zbehte besimin te Basha edhe ashtu të cenuar që prej marrëveshjes se 18 Majit të 2018./Pamfleti
Një ditë pas kthimit nga Austria, Edi Rama ka paralajmëruar një dalje për mediat në orën 18:00 para deputetëve dhe qeverisë. Ditën e djeshme ai reagoi në një status në Facebook ku u shpreh se Shqipëria ia doli të marrë datën për hyrjen në portin e Europës së Bashkuar.
Ditën e sotme si kreu i Partisë Demokratike, ashtu edhe nënkryetari i LSI-së, Luan Rama gjatë daljeve të tyre për shtyp e kanë cilësuar dështim mos hapjen e negociatave këtë vit.
Liderët e BE vendosën dje në Luksemburg se negociatat për Shqipërinë do të hapen në qershorin e 2019, ndërsa kanë lënë një vit kohë për të realizuar disa nga reformat kyçe, kryesoja ngritja e SPAK-ut.
65 emrat më në zë të aktrimit, regjisurës e fushave të tjera të artit, duke nisur nga regjisori i madh Pirro Mani, e mandej aktorët Viktor Zhusti, Luftar Paja, Gëzim Kame, Pëllumb Kulla, Eva Alikaj, Spiro Duni, Armando Bora etj, kanë nënshkruar një letër të hapur dërguar krerëve më të lartë shtetërorë, Presidentit të Republikës, Ilir Meta, kryetarit të Kuvendit, Gramoz Ruçi, kryeministrit, Edi Rama, kryetarit të Bashkisë Tiranë, Erion Veliaj dhe ministres së Kulturës, Mirela Kumbaro, me anë të cilës shprehim dakordësinë dhe nevojën urgjente për një godinë të re të Teatrit Kombëtar.
Më poshtë letra e plotë e 65 artistëve:
Ne artistët nënshkrues të kësaj deklarate, të vëmendshëm dhe të ndjeshëm ndaj debatit aktual rreth vendimmarrjes për godinën e Teatrit Kombëtar, gjithashtu të vetëdijshëm se kjo vendimmarrje do të ketë ndikim shumë të rëndësishëm në jetën kulturore dhe shpirtërore të publikut, dëshirojmë t’i bëjmë me dije të gjithë opinionit publik se:
Shprehim dakordësinë tonë dhe nevojën urgjente për një godinë të re të Teatrit Kombëtar, një godinë e cila t’u shërbejë artistëve dhe mbi të gjitha publikut, i cili edhe pse në kushte tërësisht të papërshtatshme, për asnjë moment nuk e ka braktisur skenën e teatrit.
Ne artistët e skenës, shprehim vullnetin dhe njëkohësisht edhe kërkesën, në funksion edhe të transparencës që i shërben forcimit të besimit në këtë proces, për përfshirjen tonë në mënyrë të domosdoshme në komisionin e negocimit që do të ngrihet për zhvillimin e projektit të ri, me qëllim për të qënë pjesë e vendimmarrjes që ka të bëjë me ngritjen e godinës së re të Teatrit Kombëtar.
Po kështu, shprehim mendimin tonë paraprak, para nisjes së negociatave, se prona që zotëron Teatri Kombëtar, duhet të shfrytëzohet ekskluzivisht për godinën e re të Teatrit Kombëtar, duke mos e cënuar dhe duke mos lejuar tjetërsimin e asnjë pjese të kësaj prone, apo vendosjen e saj në favor të partnerit privat për zhvillimin e pjesës tjetër të projektit.
Teatri është një institucion kombëtar, dhe për këtë arsye ne kërkojmë një proces transparent, që qartëson jo vetëm grupin e artistëve, por edhe të gjithë publikun, në lidhje me procesin e nisjes së ndërtimit, afatin konkret të përfundimit të kësaj godine dhe vënien e saj në funksion të publikut.
I bëjmë thirrje të gjithë faktorit politik që të mos e përdorë çështjen e ndërtimit të godinës së re të Teatrit Kombëtar për qëllime meskine të politikës së ditës. Kjo vendimmarrje ka rëndësi historike dhe kombëtare; impakti i saj shkon përtej palëve dhe aktualitetit politik.
Kërkojmë dhe inkurajojmë të gjitha institucionet vendimmarrëse ekzekutive dhe legjislative t’i japin rëndësinë e duhur me përgjegjësi jo vetëm ligjore, por edhe qytetare kësaj çështjeje. Koha për vendimmarrje në lidhje me këtë çështje tashmë ka ardhur.
Prej momentit kur mendimi i ekspertizës institucionale që ka lidhje me arkitekturën, inxhinierinë e ndërtimit, zjarrfikësit etj., është shprehur në formë të qartë në lidhje me këtë çështje, çdo ditë që kalon është thjesht humbje kohë me debate të cilat mund t’i shërbejnë kujtdo, por jo interesave të publikut dhe Teatrit Kombëtar.
I gjithë ky proces, kërkon një bashkërendim dhe mbi të gjitha besim midis palëve, për të ngritur më në fund një godinë bashkëkohore dhe moderne të Teatrit Kombëtar, në shërbim të artistëve dhe publikut tonë artdashës.
Shqipëria do të duhet që të plotësojë “detyrat” edhe për një vit që t’i hapet porta për në familjen europiane. Por duke parë se kjo gjë ndodh pikërisht për shkak të kupolës të inkriminuar, duket se plotësimi i kushteve do të jetë sërish larg, pasi asnjërës nga palët nuk i leverdis hapja e negociatave. Një gjë të tillë kostaton edhe profesori Përparim Kabo, i cili në analizën e tij shkruan si më poshtë:
Dikur një politikan relevant shqiptar pat thënë se Shqipëria mund të pranohet në BE në 100 vjetorin e mbarimit të Luftës së Parë botrore pra do i takonte ditët e para të nëntorit 2018…Ne pritëm gjatë ditëve të qershorit 2018 në kuadër të 140 vjetorit të Kongresit të Berlinit duke besuar në atë që njihet prej ca vitesh si procesi i Berlinit…Përgjigjia erdhi shihemi nga qershori 2019-s!
…Palët politike tashmë të ndara e në armiqësi do të vrapojnë ta lexojnë njëra si një fitore se hapja e negociatave është kryer dhe vetëm është shtyrë në kohë për një vit-qershor 2019. Pala tjetër do e lexoje situaten si një kohë për anarki me qëllim sulmin ndaj qeverisë aktuale dhe asfiksmin institucional të vendit duke bllokuar proceset reformuese nën monitorimin e partnerëve ndërkombëtar pa çka që edhe këta ndryshime janë duke ecur aq avash sa të duken si të pamundur të kryhen si duhet dhe kur duhet
…Ne si qytetar të këtij vendi duhet të lexojmë me mendje të kthjellët dhe me atdhedashuri përgjigjen e BE-s me qëllim që Shqipëria atdheu ynë ta meritojë futjen në BE, ndaj le ti shohim kushtet e BE-s
…1-REFORMA ZGJEDHORE (leximi parë, përgjegjësia është e atyre që e hartojnë reformën, forcat politike dhe aprovimi në Parlament. Leximi dytë, përgjegjësia është e klasës politike. Përfundimi nuk morrëm përgjigje pozitive sepse sistemi zgjedhor nuk ka dhënë garanci të një demokracie funskionale dhe se për pasojë institucionet janë të kapura deri nga të inkriminuarit dhe të korruptuarit. Zgjedhjet në Republikën e Shqipërisë nuk japin garanci. PËRGJEGJËSIA e KLASËS POLITIKE.
2- BE kërkon luftën kundër KRIMIT TE ORGANIZUAR. Po çfarë do të thotë krim i iorganizuar? Organizatat kriminale të trafiqeve, të pastrimit të parave dhe akteve të rënda kriminale që veprojnë në një treg lokal dhe rajonal e global, kanë shtënë në dorë segmente të shtetit dhe pushteteve, duke siguruar autoritet vendimmarrës dhe mundësi që të veprojnë jashtë kontrollit ligjor. Ata që janë në shtet dhe i ndihmojnë e bëjnë këtë krim të quhet i organizuar. Përfundimi…përgjgjësia është e institucioneve, organeve ligjzbatuese, atyre të taks-tatimeve, bankave dhe medias.
Kushti tjetër i BE-s 3-LUFTA KUNDER KORRUPSIONIT…Pra kemi një sistem korruptiv që ka kapur drejtësinë e cila është future në Veting me ritmin e breshkës dhe duhen 10 vite të mbyllet, kemi klasë politike me pasuri të pajustifikuar dhe një popull që varfërohet duke krijuar një shoqëri me një polarizim ekstrem vërtetuar kjo gjendje edhe nga institucione prestigjioze ndërkombëtare. Përfundimi sërish përgjegjësia bie te klasa politike, te qeverisja dhe organet e drejtësisë dhe ato të hetimit inteligjent.
KRYEPERFUNDIMI…Pyetja e thjesht e para dhe e fundit…Qershor 2018-qershor 2019 a mund të kryhen këto detyra shtëpie tek ne me këta institucione dhe me këtë klasë politike që kemi? Unë them jo. Pranoj mendim alternativ por me argumente bindëse dhe jo me entuziazëm që e shtyn procesin mbase në një kohë pa shifër…Historia vazhdon.
Tashmë edhe zyrtarisht është arritur marrëveshja për ndërtimin e Teatrit Kombëtar. Kjo gjë është njoftuar perms kreut të Bashkisë së Tiransë, Erion Veliaj nëpërmjet një statusi në rrjetet sociale. Ai shprehet se falë kontributit të secilit kemi një marrëveshje më të mirë dhe jemi sot gati të nisim negociatat për një Teatër të Ri Kombëtar!
Statusi i Erion Veliaj
Kur ka vullnet, ka rrugëzgjidhje!
Mirënjohje nga zemra aktorëve, regjisorëve, arkitektëve, inxhinierëve e sidomos sindikatave e protestuesve! 🙏
Falë kontributit të secilit kemi një marrëveshje më të mirë dhe jemi sot gati të nisim negociatat për një Teater të ri Kombëtar! 🎭
Pasditen e sotme parashikohen stuhi shiu dhe shtrengata ne disa zona te vendit.
Rrufetë mund të japin një spektakël në qiell, por në të njëjtën kohë mund të jenë shumë të rrezikshme.
Çdo vit rrufetë vrasin mesatarisht 6000 njerëz në botë. Prandaj është e rëndësishme të siguroheni siç duhet gjatë një dite me rrufe. Ky artikull do t’ju mësojë disa këshilla të thjeshta se si të jeni të sigurt gjatë një stuhie.
Nëse jeni jashtë shtëpisë:
Kërkoni për ndërtesën më të sigurt të afërt dhe vraponi drejt saj.
Nëse keni ndonjë makinë afër, qëndroni brenda saj, por sigurohuni të mbyllni dritaret.
Nuk keni as ndërtesë as makinë afër? Mënyra më e mirë është të shtriheni përmbys në tokë. Mbajini këmbët të bashkuara dhe vendosini duart tek veshët për të mos dëgjuar zhurmat. Jeni me anëtarë të familjes, miq ose të huaj? Mos u shtrini në tokë ngjitur me njëri tjetrin. Sigurohuni të rrini të paktën 30 cm larg njëri tjetrit. Keni një çantë shpine me vete? Hiqeni nga kurrizi. Pjesët metalike të saj si zinxhirët apo perçinat tërheqin rrufetë. Sigurohuni të rrini 30 cm larg saj.Gjithashtu mos rrini pranë shtyllave të dritave, shtyllave të telave të rrobave, gardheve metalike dhe shkallëve metalike.
Mos qëndroni poshtë pemëve sepse mund të shërbejnë lehtësisht si një rrufepritës. Distanca nga pema duhet të jetë rreth dy herë sa lartësia e saj.
Asnjëherë mos qëndroni pranë vendeve me ujë. Të gjithë e dimë se uji është një përçues i mirë i energjisë elektrike.
Nëse jeni duke notuar në det ose pishinë, dilni menjëherë sapo të shihni që një stuhi po afrohet.
Nëse jeni brenda shtëpisë:
Qëndroni larg dyerve dhe dritareve dhe mos qëndroni në verandë.
Mos përdorni telefon me kabëll. Nëse një rrufe godet linjat e jashtme telefonike, elektriciteti përcohet edhe tek ju, edhe pse jo me voltazh shumë të lartë.
Gjithashtu duhet të shmangni edhe përdorimin e pajisjeve elektrike si televizori dhe kompjuteri.
Siç e përmendëm dhe më herët, mos qëndroni kurrë pranë një vendi me ujë. Edhe brenda shtëpisë mos lani enë, ose mos bëni dush. Uji është përcjellës.
Nëse dikush goditet nga rrufeja:
Telefononi menjëherë ambulancën, por mos përdorni një telefon me kabëll, sepse mund t’ju vërë në rrezik gjatë një stuhie.
Nuk ka problem nëse prekni një person të goditur nga rrufeja. Ai ose ajo nuk përmban asnjë ngarkesë elektrike.
Sekreti është të jeni gjithmonë vigjilentë. Nëse qielli po errësohet, shpejtësia e erës po rritet dhe fillojnë vetëtimat, shkoni në një vend ku do të jeni të sigurt.
Pas vendimit të Gjykatës së Tiranës për rigjykimin e Izet Haxhisë në lidhje me dosjen ‘’Hajdari’, kjo çështje rrezikon të tronditë opinionin publik. Sipas gazetës ‘’SOT’’ ajo që mund të shkaktojë debat është dëshmia e Zenel Nezës, truprojës së Azem Hajdarit, i cili në momentin e atentatit shoqërohej nga dy rojet e tij; Zenel Neza dhe Besim Çera.
Në disa pamje filmike të bëra publike shihet se si Berisha komunikon shumë afër me të privatisht, ndërsa në një moment të dytë Berisha shfaqet në shoqërinë e një botuesi të njohur, i cili mban në dorë një diktofon dhe ka regjistruar fjalët e shkëmbyera mes tyre.
Por misteri është se ku është regjistrimi i bisedës së tij me Berishën dhe pse ky i fundit refuzoi dëshminë në gjykatë? Kjo është një prej çështjeve që pritet të zbardhet me rigjykimin e Izet Haxhisë. Po ashtu ”SOT” ka mësuar se ish-truproja i Berishës është vënë në lëvizje për të mësuar detaje nga ky regjistrim, pasi ka informacione se kanë mbetur gjurmë nga deklarata e Nezës.
Po ashtu, nëse Sali Berisha thirret për të dëshmuar, një ndër çështjet që ai pritet të pyetet është pikërisht biseda që pati me Nezën. Ky i fundit në atë kohë sapo doli nga operacioni dhe duke qenë jo shumë i vetëdijshëm ka dyshime se ka treguar detaje nga atentati. Por pyetja që shtrohet është se përse nuk u kërkua kurrë si provë regjistrimi që u bë në takimin Berisha-Neza?
Misteret e vrasjes së Hajdarit
Prej disa ditësh ”SOT” ka zbardhur detaje nga misteret që përmban dosja prej 704 faqesh e vrasje së Azem Hajdarit. E para është se ditari i Perikli Tetës mungon. Në dosje ekziston një procesverbal ku thuhet se ish-ministrit të Brendshëm i është sekuestruar një ditar, ku ai ka mbajtur shënime për vrasjen e Hajdarit. Por sot në dosje ky ditar mungon.
Dyshimet janë se aty ka të dhëna konkrete mbi autorët e vërtetë. Një tjetër detaj është se Azem Hajdarit nuk i është bërë si duhet autopsia. Sipas informacioneve të gazetës një prej oficerëve të policisë gjyqësore ka bërë sherr me një sërë peronash mbi çështjen e autopsisë. Skandali tjetër është se ata që kanë dijeni për ngjarjen kanë refuzuar të dëshmojnë.
Bëhet fjalë për 21 zyrtarë të PD, të cilët ditën kur u ekzekutua Hajdari kanë qenë në selinë e partisë. Bëhet fjalë për emra si Sali Berisha, Genc Pollo, Jozefina Topalli, Jemin Gjana, etj. Avokati i Haxhisë do të kërkojë në gjykatë që këta emra të rithirren për të dëshmuar dhe nëse ndodh kjo, atëherë pritet të dalin në dritë fakte interesante për ekzekutimin e ish-deputetit demokrat./Pamfleti
