Aktualitet

Izet Haxhia ka qenë truproja i parë i Sali Berishës, njeriut që ka drejtuar më shumë Shqipërinë që nga viti 1992. I ardhur nga Tropoja për të studiuar mjekësi, Haxhia, pjesëtar i një familje të madhe, simpatizoi bashkëpatriotin e tij pedagog dhe mjek i njohur, Sali Berisha dhe ju “ngjit” duke pranuar ta mbronte 24 orë në ditë. Lë studimet në mes dhe i shërben si truprojë Sali Berishës pa u ndarë për mbi 8 vjet, që nga viti 1990 deri në vitin 1998.

Në vitet e qeverisjes së PD-së del në pah një konflikt i hapur ndërmjet tij dhe Azem Hajdarit, kreut të Lëvizjes Studentore dhe deputet i PD-së. Edhe ai nga Tropoja. Izet Haxhia nuk ishte thjesht një oficer i Gardës në ato vite, por një mekanizëm force politike që ka vepruar ndaj shumë personazheve që kanë kritikuar apo sulmuar Sali Berishën, përfshirë dhe Edi Ramën, kur ky i fundit ishte thjesht pedagog.

Në vitin 2014, Haxhia e rrëfen për herë të parë këtë histori të tij si mekanizëm i zgjidhjes politike me dajak.I shërben Berishës edhe në vitin e vështirë 1997, por papritur, një intervistë dhënë për Sokol Ballën në revistën “Klan” plasarit marrëdhëniet mes tij dhe bashkëpatriotit të tij viçidolas.

Në këtë intervistë, Haxhia flet për klane e grupe trafikantësh droge që kanë përfituar dhe qëndrojnë pranë PD-së ku hedhin në erë shtyllat e tensionit. Ishte koha, kur vëllezërit e Izetit po punonin me Haklajt në policinë e Tropojës dhe po bashkëpunonin me strukturat e UÇK-së që bazën kryesore e kishte në Malësinë e Gjakovës, nga ku furnizonte më pas strukturat e Zonës Operative të Dukagjinit që komandohej nga Ramush Haradinaj.

Rivali i tij i vjetër, Azem Hajdari punonte gjithashtu me strukturat e armatosura të Kosovës, jo të UÇK-së por me grupet e lidhura me Rugovën, Bukoshin dhe LDK-në.

Izeti u riafrua në PD ditën e nesërme pas vrasjes së Azem Hajdarit, më 13 dhe 14 shtator, ku drejtoi turmat kundër Kryeministrisë dhe Radio Televizionit Shqiptar. Sali Berisha, në deklaratën e parë publike akuzoi Jaho Salihin si pjesëmarrës në atentatin ndaj Azem Hajdarit.

Por nga ana tjetër, Berisha atë kohë si lider i opozitës, nuk pranoi që të jepte dëshminë e tij në Prokurori për çështjen.Me ndërhyrjen e ambasadorit amerikan në Tiranë, të ndjerit Robert Frowick, kreu i PD-së pranoi që ta depozitonte dëshminë pranë një prokurorje norvegjeze që u soll për të hetuar vrasjen e Azem Hadarit. Berisha përmend në dëshminë e tij Izet Haxhinë si pjesëmarrës në vrasjen e deputetit të PD-së.

Ky i fundit pas asaj dëshmie arratiset nga Shqipëria dhe përfundon në Turqi. Të gjitha gjykatat e Shqipërisë e dënojnë me 25 vjet burg si pjesëmarrës në vrasjen e Azem Hajdarit. Në vitin 2005, kur Berisha ishte kryeministër dhe  Sokol Olldashi-ministër i Brendshëm, u arritën të arrestoheshin me kërkesën e policisë emra të njohur të botës së krimit. Të gjithë jashtë vendit.

Në Maqedoni u arrestua Lul Berisha. Në Turqi Aldo Bare dhe Izet Haxhia. Dy të parët u ekstraduan në Shqipëri, por Izeti jo.Ka mbetur enigmë pse u mbajt në Turqi pa ju dhënë statusi i azilantit, ndërkohë që edhe në Shqipëri nuk u soll edhe pse u kërkua me forcë nga qeveria “Berisha”.

Me largimin e PD-së nga qeveria në vitin 2013, Izet Haxhia dha një intervistë bombë për gazetën “Dita” me tre numra, ku jo vetëm rrëfeu historinë e largimit, por foli edhe për çështjen “Hajdari”  dhe marrëdhëniet e tij me familjen “Berisha”. Ajo intervistë ishte e fuqishme dhe dha impakt të madh pasi përbënte risi. Dhe pas asaj interviste Izet Haxhia nuk i mungonte më shtypit shqiptar, kryesisht atij anti-Berisha.

Me daljen e rrjeteve sociale, Haxhia u bë shumë aktiv dhe ka një numër shumë të madh ndjekësish.Dy vjet më parë, ai ka dhënë një version të ndryshëm të vrasjes së Azem Hajdarit, ku thekson se nuk ka qenë fare në vendngjarje, duke kërkuar hapjen e çështjes.

Izeti akuzoi Fatos Klosin dhe Sali Berishën në manipulimin e ngjarjes. Tashmë i ekstraduar në Tiranë, Izeti paralajmëron “furtunë” në politikën shqiptare dhe ndëshkim për autorët që fshihen pas vrasjes së bujshme të Azem Hajdarit.

Pas vdekjes së 31 vjeçarit Shkëlzen Qordja janë publikuar mesazhe të shumta ngushëlluese. Shoferi i ministrit Fatmir Xhafaj, u gjet sot i pajetë në garazhin e Gardës së Republikës.

Fjalë pikëlluese për punonjësin e Gardës, ka shprehur edhe anëtari i Komisionit Qendror të Zgjedhjeve, Bledar Skënderi. Përmes një postimi në ‘Facebook’, ai shkruan se Qordja iku sot nga kjo botë duke copëtuar zemrat e të gjithëve, e duke ju lënë një brengë të madhe të gjithë atyre që e njohën.

Postimi

Dy fjale per ty Zen! Ti ike sot nga kjo bote dhe zemrat e te gjitheve ke copetuar!Na le te gjitheve ne qe te njohem nje brenge te madhe!Ke lene prinderit dhe Erin me koken varur, miqte dhe shoket!
Dhe ne kete vend qe zoti e ka bekuar, por njerezit e kane mallkuar edhe me mortin duan te bejne politike! Ti ike nga ne te gjithe, por miresine dhe buzeqeshjen tende kurre nuk kemi per ta harruar!

Lajmi i përditësuar: Mund të konsiderohet pa frikë një mrekulli, ajo që ndodhi këtë të shtunë në Fier. Një vajzë e vogël, e cila u deklarua e vdekur ka shfaqur shenja jete pas mbërritjes në spital. 5-vjeçarja u përplas nga një makinë paraditen e sotme, në fshatin Kurjan të Fierit.

Fillimisht, në njoftimin e saj paraprak policia tha se e mitura kishte ndërruar jetë rrugës për në spital.

Por pak kohë më vonë, në një reagim të dytë, policia e Fierit thotë se e mitura ka pësuar vdekje klinike dhe pasi mbërriti në spital falë ndërhyrjes së mjekëve ka shfaqur shenja jete.

” Fillimisht vajza është paraqitur pa shenja jete në Spitalin Rajonal Fier dhe dyshohet se ka pësuar vdekje klinike. Pas ndërhyrjes së menjëhershme të mjekëve të spitalit Fier, vajza ka shfaqur shenja jete. Aktualisht është duke iu nënshtruar të gjitha ekzaminimeve duke mbajtur në mbikëqyrje të vazhdueshme gjendjen e saj shëndetësore.”

Më herët, në raportimin paraprak për ngjarjen policia njoftonte:“Rreth orës 11:10, në fshatin Kurjan, Leonard Abedinaj, 41 vjeç, duke drejtuar mjetin tip “Ford”  ka aksidentuar një shtetase të mitur 5 vjeçe, e cila ka ndërruar jetë rrugës për në spital. Leonard Abedinaj është shoqëruar në Komisariatin e Policisë Fier dhe po kryhen veprimet proceduriale. Grupi hetimor po punon për zbardhjen e plotë të kësaj ngjarje”./tvklan.al

Fondi Shqiptar i Zhvillimit ka hapur procedurat e tenderimit për vazhdimin e shëtitores së Vlorës. Projekti që vijon në jug të shëtitores së ndërtuar tashmë, nis nga Fusha e Sportit deri tek Tuneli.

Për këtë pjesë, është parashikuar një fond limit prej 199 milionë lekë, nga e cila vetëm 40 milionë lekë janë parashikuar të investohen këtë vit.

Sipas thirrjes së Fondit, kompanitë mund të dorëzojnë ofertat e deri më datë 30 korrik 2018.

Lungomare, është një projekt i mbështetu edhe nga fondet e Bashkimit Europian. Projekti ka nisur mbi 5 vite më parë, mes diksutimesh, punimesh e shtyerjesh, ndërsa ka marrë formë vitet e fundit./businessmag

Çdo ditë në burgjet shqiptare hyjnë 600 persona, të cilët takojnë të afërmit e tyre, qofshin ata të dënuar apo të paraburgosur. Në këto takime ata sjellin veshje ose ushqime, por ka nga ata që tentojnë të fusin sende të ndaluara dhe më të preferuarat janë aparatet telefonike dhe droga.

Përpara se Edije Çifliku të takojë të birin, gjithçka që ajo ka me vete i nënshtrohet kontrollit, përfshi edhe ushqimet që i ka gatuar të birit. Pas kësaj i biri e pret në dhomën e takimeve në burgun 302.

Por ndërsa të dënuarit fantazia i nxjerr jashtë qelisë, të afërmit e tyre kthehen në shpikës për t’u plotësuar atyre kërkesat, siç janë një telefon apo një cigare hashash aq shumë të kërkuara në burg, por kategorikisht të ndaluara.

Mbi 100 telefona sekuestrohen çdo muaj, në përpjekje për të përfunduar në dorën e një të burgosuri. A ju ka shkuar në mend se telefoni mund të fshihet edhe poshtë shollës së këpucëve, në fundin e dyfishtë të një tenxhereje, apo brenda një patateje, apo pincat të ngjiten brenda në atlete.

Gjithashtu, Arben Çuko tregon se ka raste kur edhe një kungull mund të mbushet me hashash, po ashtu edhe specat. Pas kssaj, perimet ngjiten sërish sikur sapo të jenë këputur nga kopshti.

Edhe mollët kane vlerë tjetër në burg, pasi një i burgosur i fermenton dhe i bën raki qelie dhe kjo është tenxherja gati për pijen.

Në fund për ëndrrën më të madhe të çdo të dënuari, si të arratisesh? Ideja më e varfër është krijimi i një gërsheti me çarçafë, ose një skemë me stilolaps e strukturës së burgut, shkruan TCH.

Partia Demokratike me anë të një deklaratë zyrtare ka reaguar në lidhje me vetëvrasjen e shoferit të Ministrit të Brendshëm.

Në deklaratën e shpërndarë nga zyra e shtypit të PD, shkruhet se në këtë ngjarje implikohet drejtpërdrejtë Ministri i Brendshëm, dhe sipas tyre duhet që të japë dorëheqjen.

Deklaratë e Partisë Demokratike

Sot Garda e Republikës, Policia e Shtetit dhe Ministria e Brendshme fshehën ngjarjen e rëndë të ndodhur brenda Gardes së Republikës. Për dijeni të publikut, vrasja e shoferit të Fatmir Xhafës iu bë e njohur medias dhe publikut nga Partia Demokratike menjëherë sapo ne morëm informacionin.

Që prej fillimit, pati përpjekje për të manipuluar këtë ngjarje, nga më të rëndat që implikon drejtpërsëdrejti Ministrin e Brendshëm, Fatmir Xhafaj. Policia private e Fatmir Xhafës po bën çdo përpjekje që ajo të duket si një vetëvrasje me 3 plumba.

Por ne jemi të bindur se ngjarja është një vrasje mafioze, ndoshta edhe më e rrezikshme sesa vrasja e shoferit të familjes së Prokurorit të Përgjithshëm Theodhori Sollaku në mes te bulevardit në vitin 2003. Në njoftimin e vet, Policia e Fatmir Xhafës nuk jepte shpjegime sesi ka mundësi që brenda Gardës së Republikës askush nuk ka dëgjuar 3 të shtëna armë me breshëri automatiku, siç thuhet në njoftim! Kjo dhe rrethana të tjera që po i verifikojmë, tregon se vrasja e shoferit të Fatmir Xhafës është e tipit mafioz, e kryer me silenciator.

Me një Polici që e kontrollon vetë, me një Prokurori plotësisht nën urdhrat e tij, Fatmir Xhafaj duhet të japë menjëherë dorëheqjen! Të mos fshihet pas lotëve të krokodilit, por të japë dorëheqjen dhe t’i hapë rrugë një hetimi të pavarur. Me Fatmir Xhafën Ministër të Brendshëm, e vërteta e vrasjes mafioze nuk do të dalë në dritë!