Aktualitet

Ambasadori i Shteteve të Donald Lu nuk heq dorë nga ‘peshqit e mëdhenj’. Në aktivitetin e organizuar sot nga Ministria e Brendshme, Donald Lu tha se është bërë shumë në këto 8 muaj kundër krimit por se mbetet ende shumë.

“Shumë ka ndodhur në 8 muaj, e shumë ka mbetur për tu’ bërë. Shqipëria mbështeti arrestimin e trafikantit të madh Met Kanani në Turqi, më pas banda e tij u arrestua në Shqipëri. Policia mbështeti sekuestrimin e 613 kg kokainë dhe arrestimin e Arbër Çekaj në Gjermani. Disa anëtarë të bandës së tij janë arrestuar dhe do arrestohen të tjerë.

Hetimi penal kundër ish-ministrit të brendshëm Saimir Tahiri dhe ish-kryeprokurorit Adriatik Llalla vazhdon. Shumë aktivitet për një periudhë të shkurtër kohe por duam rezultate konkrete. Duam që peshqit e mëdhenj të ndiqen penalisht, të dënohen dhe futen në burg. Ky do ishte sukses.

Dua të theksoj një dështim të qeverisë dhe policisë, arrestimin e Klement Balilit.
I bëjmë thirrje që të vazhdojnë luftën kundër krimit të organizuar pa mëshirë”, deklaroi Lu

Vendi ynë ka qenë dje nën lëvizje të vazhdueshme sizmike. Përveç tërmetit të fortë me fuqi 5.2 magnitudë, në të gjithë terrorin e Shqipërisë ka pasur mbi 300 tërmete gjithsej deklaron një ekspert në Institutin e Gjeoshkencave.

Rrapo Ormeni: Ky tërmet është një tërmet mesatar dhe tërmete të tilla me magnitudë mbi 5 janë tëmret që shoqërohen me pas goditje, kjo sepse në goditjen kryesore nuk çlirohet e gjithë energjia e akumuluar dhe do të kërkohet të çlirohet derisa të vendoset gjendja e ekuilibirt. Çlirimi i saj kryhet nëpërmjet tërmeteve të tjera më të vegjël.

Dhe kështu ka ndodhur me rastin konkret të këtij tërmeti që deri tani janë regjistruar 350 goditje nga të cilat dy prej tyre janë me magnitudë më të mëdha se 4, njëra 4.2 dhe tjetra 4.3. Sot në mëngjes është regjistruar edhe një goditje me magnitudë 3.9. Duke u nisur nga pas goditjet, magnituda themi se kjo ka qenë goditja kryesore dhe këto janë pas goditje që vijnë duke u zvogëluar.

Është e pamundur të parashikohet tërmeti, por nisur nga tipologjia e këtij tërmeti, ky është tërmeti kryesor dhe këto janë pasgoditje që duke gjykuar në këtë drejtim nuk ka tërmete të tjera.

Gjermania do të marrë personel mjekësor nga Shqipëria dhe Kosova, por do të kujdeset që këto vende të mos kenë vetë mungesa të stafit mjekësor.

Me një program prej disa miliarda eurosh qeveria gjermane synon të kapërcejë mungesat në stafin e kujdesit për të moshuarit dhe në infermierë. I ashtuquajturi “Konzertierte Aktion Pflege” (aksion i koordinuar në sektorin e kujdesit shëndetësor) u prezantua të martën në Berlin dhe përfshin së paku tre Ministri, atë të Shëndetësisë, të Familjes e Ministrinë e Punës.

Brenda një viti tre ministritë do të hartojnë së bashku me 40 organizata partnere një program për furnizimin e tregut të punës me infermierë. Bëhet fjalë për afro 13 mijë vende të reja pune në sektorin e kujdesit për të moshuarit, ndërkohë që mbi 35 mijë vende pune në sektorin e infermierisë dhe kujdesit shëndetësor janë vakant që tani.

Rekrutime nga Shqipëria dhe Kosova

Për të papunët në vend ky profesion është jo atraktiv. “Vetëm 28 konkurrues ka për çdo 100 vende vakante”, tha ministrja e Familjes, Franziska Giffey. Prandaj edhe krahas përmirësimit të kushteve të punës e rritjes së pagës kjo mangësi do të plotësohet nëpërmjet rekrutimit masiv nga vende si Shqipëria dhe Kosova, popullsia mesatare e të cilave është 29, përkatësisht 26 vjeçare. “Këto vende kanë shkolla shumë më të mira se ç’mund të mendojë kush”, tha ministri i shëndetësisë Jens Spahn të martën para gazetarëve në Berlin. Ai shtoi se deri tani është bërë një përvojë e mirë me to, dhe se në të ardhmen rekrutimi do të bëhet ndoshta më i organizuar dhe më i strukturuar.

Se si do të bëhet rekrutimi konkretisht, se a do të nënshkruhen marrëveshje bilaterale mes shteteve apo me agjencitë ndërmjetësuese dhe punëdhënësve të mundshëm, siç është deri tani, kjo duhet shqyrtuar, tha Spahn më tej. “Për mua ka rëndësi që ky proces të shoqërohet nga Organizata Botërore e Shëndetit, në mënyrë që të garantohet që të dyja palët të kenë përfitime”.

Viza për të kërkuar punë

Deri tani një problem që kanë patur disa infermierë që kanë ardhur në Gjermani ka qenë njohja e diplomave të huaja. “Nganjëherë procedurat zgjasin deri në dhjetë muaj, kur ky proces bëhet nga jashtë shtetit procedurat janë edhe më të gjata”, tha ministri i Punës Hubertus Heil (SPD). Prandaj edhe plani i prezantuar të martën në Berlin parashikon ndër të tjera që kandidatët të vijnë në Gjermani edhe si punëkërkues me një vizë gjashtëmujore, në mënyrë që njohjen e diplomës ta bëjnë në Gjermani. Për këtë Heil do të duhet të koordinohet edhe me ministrin e Brendshëm Horst Seehofer, i cili është përgjegjës për sektorin e vizave si edhe me ministrin e Ekonomisë, Peter Altmeier.

Një element tjetër i këtij plani është edhe rritja e pagës dhe përmirësimi i kushteve të punës, duke i lidhur pagat me tarifat e sindikatave. Puna e infermierit duhet të jetë sërish atraktive, tha ministrja e Familjes Franziska Giffey.

Mijëra infermierë që tani nga Shqipëria në Gjermani

Nga Shqipëria dërgohen prej tashmë dy vjetësh infermierë në Gjermani. Aktualisht vetëm në filialin e Tiranës janë afro 1000 infermierë që po përgatiten për t’u larguar nëpërmjet DEKRA Akademie, e cila u ofron infermierëve shqiptarë kurse gjuhe dhe përgatitore për njohjen e licencës. Deri tani ky institucion ka dërguar rreth 1200 infermierë në Gjermani, bën të ditur për Deutsche Welle drejtoresha e Akademisë Dekra, Jonida Gjuzi.

Megjithëse shkollat shqiptare nxjerrin shumë infermierë, afro 3000 në vit, ekspertët janë të shqetësuar për mungesën e profesionistëve nëpër spitale, pasi infermierët më me përvojë po largohen.(D.W)

Luan Kaloçi, i cili deklaroi se kishte fituar 5,2 milionë lekë në baste sportive nuk e ka kalur sitën e Vettingut. Prokurori i Apelit të Tiranës rezultonte me burime kontradiktore të pasurisë.

Në vitin 2003 ai tha se kishte blerë një dyqan pikërisht nga lekët e fituara në skedina, por vitin e kaluar po për të njëjtën pronë ai pati deklaruar të ardhura nga shitja e banesës në Elbasan.

Trupa gjykuese që mori vendimin për t’i ‘’prerë kokën’’ Luan Kaloçit përbëhej nga Xhensila Pine, Valbona Sanxhaktari dhe Etleda Çiftja.

Kaloçi ishte pjesë e listës prioritare të Vettingut si njëri prej 19 kandidatëve për Këshillin e Lartë të Prokurorisë.

Ambasada amerikane në Tiranë është shprehur ka bësrë sot një sqarim për vizat studentore për në SHBA

Në një postim në Facebook, ambasada shkruan: Çdo ditë takoj shumë studentë të mrekullueshëm, që dëshirojnë të studiojnë në Shtetet e Bashkuara. A keni pyetje mbi aplikimet për vizë studentore? Më pyesni mua, Annën! Jam e lumtur t’ju përgjigjem të gjitha pyetjeve tuaja në lidhje me vizat!” thuhet në njoftimin e publikuara nga konsullja.

Shqipëria u ‘shkund’ dje nga disa tërmete, ku më i forti ishte me maginitundë 5,2 shkalla rihter, duke alarmuar qytetarët.

Në një lidhje telefonike për News24, sizmologu Rrapo Ormeni u shpreh se nga dje në orën 11:00 deri në këto momente janë regjistruar rreth 300 tërmete në Shqipëri.

Sipas sizmologut rreziku më i madh ka kaluar dhe lëkundjet e tjera që mund të ndodhin do jenë me intensitet të vogël.

“Nga dje në orën 11:00 deri tani janë mbi 300 tërmete. Ato kanë qenë me mganitudë më të vogël dhe vijnë duke u pakësuar. Energjia e paçliruar do vazhdojë të çlirohet. Parashikim për tërmetet nuk ka, por duke u nisur nga tipologjia e këtij tërmeti mendoj se nuk do ketë më tërmete të tjera me intensitet të lartë. Edhe nëse ka goditje, mendoj se ato do jetë me intensitet më të vogël”- tha sizmologu.

https://www.facebook.com/balkanwebCOM/videos/1761880533860896/?t=0

Pak më parë ka nisur para Kuvendit protesta e organizuar nga artistët në mbrojtje të Teatrit Kombëtar.  Artistët janë mbledhur për të kundërshtuar projekt-ligjin që do të votohet sot.

Nga pamjet filmike shihen një grup njerëzish që mbajnë në duar pankartat ku shkruhet ‘’Mbro Teatrin’’.

“Jemi këtu për të mbrojtur historinë tonë, një popull pas histori nuk ka mbrojtje nga arti. Jemi këtu që të ngrihemi mbi mashtrimet e qeveritarëve tanë. Jemi këtu për t’i dhënë në kuptim jetës së çdo shqiptari”, tha Bujar Asqeriu.

Alert Çeloaliaj: Nuk është beteja e fundit, ne do të vazhdojmë qëndresën tonë, deri në fund me çdo mjet ligjor.  Nëse ky ligj kalon, do të protestojmë më shumë para teatrit, asgjë nuk është e mbyllur asgjë nuk është e prerë. Unë them se  do të mbizotërojë qytetaria në atë sallë sot mbi politikën dhe paratë.

https://www.facebook.com/thurje/videos/794816250727545/?t=0