Aktualitet

KPK shqyrtoi gjyqtarin e Gjykatës së Lartë Admir Thanza, por pas verifikimit të formularit të vetëdeklarimit, ai rezultoi se kishte fshehur një dënim në shtetin italian, fakt i cili tronditi gjyqësorin, por edhe opinionin publik. Një gjyqtar i dënuar me 40 ditë burg jepte vendime në Gjykatën e Lartë.

Por kush duhet të mbajë përgjegjësi për mbrojtjen e gjyqtarit Thanza në 26 vite të punës së tij?

I pyetur nga CNA.al, gazetari i kronikës Artan Hoxha është shprehur se institucionet që kanë pasur detyrë të kontrollonin gjyqtarët dhe punën e tyre ishin Inspektoriati i KLD-së dhe inspektoriati i Ministrisë së Drejtësisë.

Hoxha ngre alarmin se këto dy institucione nuk kanë bërë punën e tyre dhe për më tepër janë kthyer në mburojë të sistemit.

“Dy institucione zyrtarisht kanë patur detyrë të kontrollonin gjyqtarët dhe punën e tyre. Inspektoriati i KLD-së dhe inspektoriati i Ministrisë së Drejtësisë, por jo vetëm që nuk e kanë bërë punën e tyre, por janë kthyer në mburojë të sistemit.

KLD-ja që emeronte dhe shkarkonte gjyqtarët ka patur tarifa fikse për pagesat të cilat duhej të bënin gjyqtarët që të ngjiteshin në karrierë.

Një gjyqtare që e blinte vendin e punës sigurisht që do bënte korrupsion, mos harroni që vetëm për një emërim gjyqtari në Gjykatat e Shkallës së Parë paguheshin deri 300 mijë euro”, u shpreh Artan Hoxha.

U hodhen miliona para per ndertimin e tij rreth 17 vite me pare, por stacioni i pompimit te ujit te pijshem ne Kullaj te Postribes, eshte nje objekt me shume relike sesa kryen funksion. Postriba dhe rrethinat per te cilat u ngrit, thahen per uje, pasi investimi qe u pasua me shtrimin e rrjetit te tubacionit ne fshatra, nuk permbush nevojat e komunitetit.

Shkak eshte bere mos funksionimi i furnizimit nga Rrjollit, ndersa pusi qe sot eshte burimi i vetem i furnizimit te tij me uje, nuk nxjerr me shume se 15 deri ne 17 litra ne sekond, qe praktikisht nuk permbush as nevojat e pak fshatrave ne njesine Postribe.

Banoret detyrohen te ecin me ore te tera ne kembe per te siguruar ujin e pijshem, qe pervec lodhjes e mundimit, aty u kercenon edhe jeten. Mbushja qe ato bejne ne vendburime, apo nga shpimet neper fshatra, qe ne pjesen me te madhe jane te pakontrolluara nga institucionet shendetesore, perbejne nje kercenim serioz per perhapjen e epidemieve.

ShkodraNews ka mesuar se ne mbi 80% te fshatrave te Shkodres, qe sot jane nen juridiksionin e bashkise nuk ka asnje matje per cilesine e ujit te pijshem dhe ne stinen e veres rreziku edhe me i larte, pasi ndotjet e tokes mund te depertojne ne vendburime. Sikur te mos mjaftonte kjo, ndermarrja e ujesjelles kanalizime nuk permbush detyrimin qe tu siguroje furnizimin me uje ketyre familjeve dhe sot edhe ne qytet, ky furnizim kryhet per me pak se gjysmen e familjeve qe banojne ne vijen e verdhe, ndersa ne fshatra ne masen 20%.

Godina ne fjale sot pa frike mund te sherbeje si busull orientimi per komunitetin, qe dikur ju ndertua per t’i furnizuar me uje, e prej inaugurimit e deri me sot, veçse u shfaqet si deshmi e nje te mire qe nuk erdhi kurre! /ShkodraNews

Kryetari i grupit parlamentar të PD-së, Edmond Spaho deklaroi sot se pavarësisht deklaratave të qeverisë se është eleminuar kultivimi dhe trafikimi i drogës, Raporti i Antidrogës italiane pohon të kundërtën.

Sipas Spahos, “raporti i antidrogës italiane i heq maskën qeverisë shqiptare dhe nxjerrë në dritë të diellit situatën dramatike në lidhje me kultivimin dhe trafikimin e drogës”.

“Pavarësisht deklaratave të qeverisë se është eleminuar kultivimi i kanabisit, në vitin 2017 është kapur në Itali 2 herë më shumë drogë se në 2016, që ishte vit rekord. Jemi vendi i parë i origjinës për kanabisin që i dërgohet Europës. Grupet kriminale shqiptare janë përhapur gjerësisht në trafikimin e kokainës nga Amerika e Jugut. Paraja e grupeve kriminale është rritur ndjeshëm dhe ato pastrohen lehtësisht në Shqipëri”, u shpreh Spaho.

Kryetarja e Lëvizjes Socialite për Integrim, Monika Kryemadhi deklaroi se, Shqipëria është vendi i origjinës së shumicës së kanabisit që ka destinacion tregjet europiane.

Sipas Kryemadhit, kultivimi i drogës po rritet dhe shqiptarët zënë vendin e parë në grupet kriminale. “Klanet shqiptare kanë treguar se kanë një aftësi në rritje të mariuanës dhe grupet e krimit shqiptar konkurojnë me organizatat kriminale për kontrollin e territorit. Shqiptarët zënë vendin e parë në grupet kriminale të narkotrafikut ku përfshihet dhe trafikimi i drogave të forta”, tha Kryemadhi.

Duke iu referuar raportit të antidrogës italiane , Kryemadhi tha se “raporti vlerëson se 94 raste të raportuara në vitin 2017 të trafikimit të drogës janë më të larta në dekadat e fundit ndërkohë që vlera më e ulët shënohet në vitin 2011 me 49 raste”./atsh

Verifikimet e kryera nga komisioni i Vetting-ut kanë nxjerr zbuluar gjyqtarin Gani Dizdari. Anëtari i Gjykatës Kushtetuese me shkeljet e zbuluara sa i takon fshehjes së pasurisë me shumë mundësi do të përjashtohet nga sistemi i drejtësisë.

Ka nisur në orën 12:00 seanca dëgjimore për gjyqtarin Gani Dizdari, i cili është i fundit gjyqtar nga Gjykata Kushtetuese që kalon në sitën e “Vettingut”. Gjyqtari nuk është i pranishëm në seancë, ndërsa përfaqësohet nga avokati Sokol Hazizaj.

Sipas KPK-së, Dizdari ka një apartament 95.7 m2, burimi privatizim i banesave shteterore, blerë 24 826 lekë, dhe zotëron vetëm 75% të saj. Gjithashtu ka një apartament në Gjirin e Lalzit, 86.6 m2, të blerë në 2013-tën në vlerën e 3.3 milionë lekëve, tokë arë në Mjull Bathore, 1 mije m2 në shumën 344 mijë lekë, apartament 69.7 m2 blere në 1998 në vlerën 1.8 milionë lekë nga ish-bashkëshortja e subjektit nga e cila ai zotëron 50%, subjekti nuk ka deklaruar burim pasurie, por thotë se është blerë.

Por duket se për gjyqtarin Gani Dizdari problem do të jetë pasuria e vajzës së tij. Sipas KPK-së, ajo nuk ka deklaruar shumën prej 4 mijë euro të dhuruar për kurim në Gjermani. Ndërkohë në 2009 është deklaruar 99m2 apartament, ndërsa në 2017, 89.1 m2, dhe KPK thotë se ka mospërputhje mes çmimit të blerjes dhe sipërfaqes. Ndërkohë që ka thënë se burimi i apartamentit me vlerë 70 mijë euro është ish bashkëshorti, babai i saj, hua dhe kursim.

Por huaja që përmend vajza e tij prej 20 mijë euro dhënë nga M. L., nga të dhënat tatimore rezulton se ky i fundit nuk ka pasur mundësi financiare, pas hetimit të KPK nëse personat ku ka marrë hua vajza e tij për banesën kishin burime të ligjshme. E njëjta gjë dhe për huanë 36 mijë euro të dhënë nga Sh. D., kushëriri i Dizdarit.

Ndërsa përsa i përket përshtatshmërisë së figurës, Dizdari ka kontakte të papërshtatshme, ku në seancën dëgjimore u përmend lidhja me shtetasin A. I., i dënuar për ushtrim të ndikimit të paligjshëm. Nga sistemi TIMS rezulton se ka dalë disa herë jashtë vendit me automjet me të. “Jemi para një kontakti me persona të lidhur me krimin e organizuar e të papërshtatshëm”, tha KPK./korrieri