Aktualitet

Me këtë moto u organizua sot paradite në një lokal në Panaja ceremonia e dekorimit “Nderi i Labërisë” të biznesmenit dhe Nën/Kryetarit të Bashkisë së Himarës Simbol Pazaj.

Aktiviteti organizohej nga Shoqata Labëria “Nderi i Kombit” me kryetar Prof. Ago Nezha. Merrnin pjesë intelektualë të qytetit të Vlorës, Himarës dhe Selenicës. Ishin të pranishëm Deputeti i Qarkut të Vlorës në Parlamentin Shqiptar z. Vullnet Sina, Prefekti i Qarkut të Vlorës zoti Flamur Mamaj, Kryetari i Bashkisë së Vlorës z. Dritan Leli, Kryetari i Këshillit të Qarkut zoti Ervis Moçka, Kryetarja e Këshillit të Bashkisë Vlorë znj. Vojsava Shkurtaj, Kryetari i Bashkisë së Himarës z. Gjergji Goro, miq dhe familjar të zotit Pazaj, grupi polifonik i Vranishtit, gazetar e shkrimtar të qytetit etj.

Fjalën e rastit e mbajti Prof. Dr. Bilal Shkurtaj në emër të Shoqatës “Vranishti” nga është edhe origjina e zotit Simbol Pazaj. Pastaj kanë përshëndetur dhe kanë bërë vlerësimet e tyre për zotin Simbol Pazaj Kryetari i Bashkisë së Himarës zoti Gjergji Gori, Kryetari i Komitetit të Veteranëve të LANÇ zoti Seit Jonuzaj, Kryetari i Bashkisë së Vlorës zoti Dritan Leli, Deputeti i Qarkut të Vlorës zoti Vullnet Sina, shkrimtari dhe gazetari Çlirim Hoxha etj.

Më pas Kryetari i Shoqatës Mbarëkombëtare “Labëria” Prof. Ago Nezha i dorëzoi zotit Simbol Pazaj dekoratën “Mirënjohja e Labërisë” për angazhimin e tij dhe punën e bërë, dje si kryetar i Komunës së Vranishtit dhe sot si Nënkryetar i Bashkisë së Himarës, si bizesmen në mbështetje të krahinë së Labërisë.

Në fjalën e tij zoti Simbol Pazaj falënderoi Shoqatën Labëria për vlerësimin e bërë, si dhe familjen e tij për mbështetjen, miqtë dhe bashkëpunëtorët për angazhimin dhe bashkëpunimin. Grupi polifonik i Vranishtit përshëndeti me disa këngë. Më pas për të pranishmit u shtrua një drekë, gjatë së cilët u ngritën dolli dhe u urua zoti Simbol Pazaj për vlerësimin e merituar. Ndërkohë grupi i Vranishtit interpretoi vallen emblematike, “Cili je ti more burrë”.

Të premten, një grup xhirimi i Top Channel, i cili po filmonte aktivitetin e hidrocentraleve në Valbonë, u sulmua nga disa persona të cilët rezultuan se ishin punonjës të një kompanie “security”, të kontraktuar nga firma “Gener 2”.

Top Channel publikon pamjet filmike të momentit të sulmit, kur shtetasi Muhamed Gjongeci, një punonjës i kompanisë së sigurisë, afrohet bashkë me dy të tjerë pranë grupit të xhirimit.

E në këtë moment, Gjongeci ka nisur të ofendojë grupin e xhirimit të Top Channel me fjalë fyese dhe më pas është konfrontuar fizikisht me ta. Nga pamjet e filmuara nëpërmjet dronit, Gjongeci i merr telefonin regjisorit që po drejtonte dronin dhe gjatë përplasjes fizike me gazetarin i cili ndërhyri për të qetësuar situatën, rrëzohen në tokë.

Punonjësi i “security” Gjongeci ngrihet, merr telefonin dhe godet me grusht një qytetar që po shoqëronte grupin e xhirimit të Top Channel. E gjithë skena është është rreth 25 sekonda, e filmuar rastësisht nga droni i ngritur për të parë situatën e ndotjes së Lumit Valbonë, nga punimet e kompanisë “Gener 2”.

Mvsohet se gazetarët janë sulmuar në rrugë dhe jo në ambient privat nga ata që dhunojnë natyrën me leje koncensionare, ndërsa kompania deri më tani nuk ka kërkuar asnjë ndjesë për ngjarjen.

Mohamed Gjongeci është i arrestuar në ambientet e Komisariatit të Tropojës, ndërsa prokuroria po përgatit dosjen për të ngritur akuzën ndaj tij.

Pavarësisht nga incidenti, Top Channel do të realizojë dokumentarin mbi ndërtimin e hidrocentraleve mbi lumin Valbonë, duke publikuar shkeljet dhe shkatërrrimin e mjedisit në këtë zonë.

Prodhohen në perferi të Tiranës, nga kanaçet e shkriraDekoratat dhe medaljet që akordohen, dekretohen dhe jepen me ceremoni e bujë zyrtare nga Presdenti i Republikës, kur shiten me shumicë qenkan malli më i lirë në treg, pasi kushtojnë aq lekë sa nuk do ta besoni, por kështu është në inventarin e depos së Presidencës.
Kushton vetëm 217 lekë të reja, ose sa 1 kg. gjizë, 1 copë metali me ngjyrë e qujtur dekorat e medalje, pas të cilëve shumë individë në Shqipëri, harbohen e tërbohen, inskenojnë, lodhen e paguajnë sekserë deri sa ta marrin e të dalin në televizor, ta shënojnë në “CV”, ta varin në gjoks nëpër takime zyrtare, ta vendosin kornizë në mur, ta publikojnë në faqen e “FB” dhe ta lënë amanet, për t’ua dhënë me vete në… varr!Këtë çmim prej 217 lekë të reja, 1 copë dekoratë e konfirmon kontrolli i KLSH, sipas të cilit Presidenca e drejtuar nga Bujar Nishani është gjendur në rregull me koston blerjes së tyre tek privati, por ka tejkaluar planin vjetor të dhënies, në masën 169%, tejkalim që po thellon edhe pasardhësi Ilir Meta, duke e çuar në masën 210%.Këto medalje e dekorata që akordon Presidenca, deri në vitin 2014 porositeshin në Turqi, ndërsa prej 4 vitesh ato janë prodhim “markë” shqiptare, të porositura tek një punishte-fonderi metalesh me ngjyrë e cila, pasi ka prodhuar stampat për çdo model dekorate e medaljeje që jepet në Shqipëri, i derdh ato me aluminin që del nga shkrirja e kanaçeve e më pas, i vesh me tesktilin e dekoruara për secilin model!Kujtojmë, që në Shqipëri janë 465 institucione dhe ente shtetërore, 2320 OJF, parti, shoqata qytetesh e fshatrash, biznese, sindikata, universitete e kolegje arsimore private, që shpërndajnë dekorata e medalje me shumicë, të cilat prodhohen në perferi të Tiranës, me aluminin që del nga kanaçet e shkrira!Sipas librit të inventarit, rezulton se në depon e Presidencës janë gjendje 4210 copë dekkrata e medalje, prandaj ndoshta jepen me “thasë”, duke kënaqur e çuar në delir madhështie, ata që i kërkojnë…/Pamfleti

Prokuroria ka vendosur të zgjasë edhe tre muaj afatet për ish-ministrin e Brendshëm, Saimir Tahiri.

Teksa afati aktual përfundon më 17 korrik, prokuroria e ka shtyrë sërish atë me qëllim të ardhjes së letër-porosive nga Greqia dhe Italia.

Prokuroria ka dërguar tre letërporosi të reja drejt Italisë. Dy janë dërguar në qershor dhe një në korrik. Këtë javë prokurorët e dosjes do të shkojnë në Itali për të rimarrë në pyetje të pandehurit./korrieri

Mësohet se më shumë se 1000 efektivë policie nga Tirana por edhe qytete të tjera, janë transferuar përkohësisht në zonat bregdetare të vendit me qëllim forcimin e masave të sigurisë gjatë sezonit turistik.

Komandimi i efektivëve, kryesisht i atyre te rendit dhe krimeve është një domosdoshmëri në kushtet kur stacionet policore në zonat bregdetare apo komisaritet kanë numër të limituar punonjësish dhe nuk e përballojnë dot menaxhimin e fluksit të pushuesve shqiptarë dhe të huaj që frekuentojn këto zona. Shumica e forcave shtesë policore janë dislokuar që në fillim të korrikut në bregdetin e jugut por edhe në zona të tjera ndërkohë që kufizime do ketë edhe për drejtuesit e policisë.

“Me urdhër të drejtorit të përgjithshëm të policisë Ardi Veliu janë pezulluar edhe lejet e pushimit për titullarët e policisë në drejtoritë e qarqeve deri në përfundim të sezonit turistik”, raporton gazetar i TCH, Eni Ferhati.

Sakaq forcimi i masave të policisë synon mbarvajtjen e sezonit turistik, sa i takon rendit dhe sigurisë publike pasi vitet e kaluara nuk kanë munguar incidentet kur turistë shqiptarë dhe të huaj janë grabitur ose përfshirë në ngjarje të tjera. Ngjarja e rëndë e dhërmiut fundjavën e shkuar, ku një person terrorizoi një lokal nate duke qëlluar me armë , tregoi edhe njëherë nevojën e forcimit të elementit policor në plazhe. Në Vlorë ishte këtë të shtunë edhe ministri i brendshëm Fatmir Xhafaj për të inspektuar masat e marra./korrieri

Vendimi i zbardhur i Kolegjit të Posaçëm të Apelimit për ndalimin e procesit të vetingut ndaj ish-kryeprokurorit Adriatik Llalla zbulon se ende nuk ka një mendim të unifikuar rreth mënyrës se si do të gjykohen rastet e ngjashme të anëtarëve të sistemit të drejtësisë që japin dorëheqjen kur procesi i vetingut ka filluar.

Shumica e trupës  gjykuese, përkatësisht relatori i çështjes Luan Daci dhe gjyqtarët Ina Rama e Ardian Hajdari u shprehën se vendimi i KPK-së për të ndërprerë vetingun ishte i drejtë dhe se KPA duhej vetëm ta korrigjonte atë, duke shtuar në vendim ndalimin 15-vjeçar të kthimit në sistem të Llallës.

Ndërkohë pakica e përfaqësuar nga  Albana Shtylla dhe Sokol Çomo kërkoi prishjen e vendimit, duke argumentuar se referimi në nenin 56 të ligjit 84/2016 (Për rivlerësimin kalimtarë të gjyqtarëve e prokurorëve), ishte i gabuar pasi efektet e këtij neni kishin mbaruar tre muaj pas hyrjes në fuqi të ligjit dhe për këtë dorëheqja e bazuar mbi këtë ligj nuk kishte bazë ligjore. Ata kërkuan që procesi i vetingut për ish-kryeprokurorin të rihapej.

Dorëheqja e Llallës

Çështja lindi menjëherë pasi Llallës i mbaroi mandati si kryeprokuror në dhjetor 2017 dhe u zëvendësua në detyrë nga Arta Marku. Vendimi i zbardhur i KPA-së tregon se fillimisht ish-kryeprokurori i ka kërkuar Komisionit të ndërpresë rivlerësimin për të për shkak se ai nuk ishte më Prokuror i Përgjithshëm.  Në vendim del se Llalla i shkroi KPK-së në Janar duke pretenduar se ai “nuk konsiderohet më subjekt rivlerësimi, aq më tepër subjekt prioritar për t’iu nënshtruar rivlerësimit sipas ligjit”.

Por KPK e njoftoi ish-kryeprokurorin, ndaj të cilit më vonë filloi edhe një hetim nga Prokuroria e Krimeve të Rënda për pastrim parash, se procesi i rivlerësimit nuk ndërpritej prej mbarimit “të mandatit të Prokurorit të Përgjithshëm, për shkak se ai gëzonte statusin e magjistratit dhe të drejtën e emërimit në nivel apeli”.

Kryetarja e KPK-së i shkroi Llallës se procesi mund të ndërpritej vetëm nëse ai jepte dorëheqjen nga ky status dhe po ashtu të hiqte dorë nga e drejta e rikthimit në sistem. Pas kësaj, në shkurt Llalla dha dorëheqjen pranë institucionit të presidentit të Republikës duke u bazuar në nenin 56 të ligjit për rivlerësimin e gjykatësve e prokurorëve dhe nenit përkatës në Kushtetutë. Menjëherë pasi u njoftua për këtë KPK vendosi të ndërpresë rivlerësimin për Llallën.

Por kjo ndërprerje u apelua nga Komisioneri Publik, i cili arsyetoi se kishte mangësi në vendimin e KPK dhe se dorëheqja- siç ishte bërë linte hapësirë për “keqinterpretime”. Llalla i cili nuk u paraqit në seancat e zhvilluara në KPA, këmbënguli përmes avokatit të tij se dorëheqja ishte e vlefshme dhe se përmbushte kriteret ligjore.

Vendimi i shumicës

Tre nga pesë anëtarët e trupës gjykuese të KPA në fund të shqyrtimit të rastit i dhanë pjesërisht të drejtë Komisionerit Publik. Ata gjykuan se vendimi i KPK-së duhej korrigjuar dhe në të duhej të ishte bërë e qartë që Llalla nuk kishte të drejtë të rikthehej në sistemin e drejtësisë për 15 vjet.

Kështu ata vendosën të shtonin në dispozitiv: “Ndalimin e emërimit të z.Adriatik Llalla gjyqtar ose prokuror i çdo niveli, anëtar i Këshillit të Lartë Gjyqësor ose i Këshillit të Lartë të Prokurorisë, Inspektor i Lartë i Drejtësisë, Prokuror i Përgjithshëm, për një periudhë prej 15 vitesh.”

KPA po ashtu në arsyetim u shpreh se KPK duhej ta përdorte këtë në vendime të mëvonshme. “Duhet të përfshihet edhe parashikimi i paragrafit 2 të nenit G të Aneksit të Kushtetutës, i cili sanksionon ndalimin për emërim, i cili duhet të aplikohet në rastin kur subjektet e rivlerësimit dorëhiqen nga detyra dhe procesi i rivlerësimit ndaj tyre ndërpritet”, arsyetuan tre gjykatësit në mendimin e shumicës.

Ata thanë se “një vendimarrje e pajisur me këto elemente, heq çdo mundësi për keqinterpretime apo abuzime me të drejtën”. Arsyetimi lë të kuptohet se dorëheqja, të cilën Kushtetuta nuk e kufizon në kohë, është në përputhje me qëllimin e procesit të vetingut, pra largimin nga sistemi të personave që nuk mund ta kalojnë këtë proces.

Përcaktimi i këtij kufizimi në vendim sipas tre gjykatësve “garanton mbrojtjen e interesit të publikut të sanksionuar në Kushtetutë, për të mos lejuar kthimin e kësaj kategorie subjektesh në sistemin e drejtësisë për periudhën e përcaktuar në Aneksin e Kushtetutës”.

Nga ana tjetër, shumica rrëzoi kërkesën e Komisionerit për prishje të vendimit. Duke u bazuar kryesisht në faktin se KPA kishte të drejtë të ndryshonte vendimet e KPK-së dhe t’i korrigjonte ato, shumica u shpreh se vendimi nuk do të rikthehej për shqyrtim.

Ata po ashtu vlerësuan se në proces dhe gjatë shqyrtimit nga KPA akti i dorëheqjes ishte bërë i qartë përmes avokatit dhe se nuk kishte arsye për të dyshuar se ai ishte bërë me vullnet të lirë. Megjithatë ata kërkuan që në raste të ngjashme, KPK duhej të merrte parasysh këtë vendim duke kërkuar që Komisioni të hetojë nëse dorëheqa është bërë me vullnet të lirë dhe të përcaktojë në vendim efektet e kësaj doërheqje.

Qëndrimi i pakicës

Dy gjykatës të Kolegjit të Posaçëm të Apelimit argumentuan se vendimi duhej të ishte prishur dhe procesi i vetingut për Llallën të rihapej. Ata shkruan në mendimin e pakicës se ai (vendimi i KPK) ishte marrë duke zbatuar gabim ligjin dhe në keqinterpretim të Kushtetutës.

Ata thanë se dorëheqja e Llallës te institucioni i Presidentit të Republikës ishte bazuar në një dispozitë, e cila kishte humbur fuqinë ligjore dhe si e tillë, nuk ka arritur të prodhojë efektet e pritshme juridike për të mundësuar ndërprejen e procesit të rivlerësimit”.

Po ashtu, pakica argumentoi se në rastin konkret KPK duhej të kishte kryer seancën dëgjimore dhe respektuar të drejtën e subjektit për “t’u dëgjuar”.

Pakica u shpreh se bazuar në këtë fakt vendimi duhej prishur. Ata arsyetuan se ndërsa Kushtetuta nuk ia lejonte KPA-së të kthente pas vendimet përfundimtare të KPK-së kur kjo kishte kryer rivlerësimin e subjektit, por në këtë rast vendimi ishte për ndërprerje të rivlerësimit dhe KPA kishte të drejtë ta prishteatë. Pakica arsyetoi se vendimi duhej prishur dhe KPK duhej të rifillonte procesin e vetingut për Adriatik Llallën./ BIRN