Aktualitet

Zëvendëskryeministrja e Republikës së Shqipërisë, Senida Mesi do të jetë e pranishme në New York të Shteteve të Bashkuara të Amerikës (SHBA) ku do të marrë pjesë në Forumin e Lartë Politik të Organizatës së Kombeve të Bashkuara (OKB) në prezantimin e Raportit Vullnetar Kombëtar për Objektivat e Zhvillimit të Qëndrueshëm, si dhe do të zhvillojë takime zyrtare me përfaqësues të lartë të OKB dhe aktivitete të tjera.

Shqipëria prezanton për herë të parë, nëpërmjet Zëvendëskryeministres Mesi, Raportin  Vullnetar Kombëtar për Objektivat e Zhvillimit të Qëndrueshëm (SDGs), raport i cili konsiston në rrugëtimin e vendit tonë në drejtim të arritjes së këtyre objektivave universale të OKB, e njohur ndryshe si “Axhenda 2030” ose “Objektivat Globale”, një thirrje universale e përqafuar nga Shqipëria para 3 vitesh, e cila ka për qëllim kryesor ndërmarrjen e veprimeve konkrete nga çdo shtet në çrrënjosjen e varfërisë, mbrojtjen e planetit dhe garantimin që çdo popull të gëzojë paqe dhe prosperitet. Axhenda e Zëvendëskryeministres Mesi në New York do të jetë e ngarkuar me disa takime zyrtare me përfaqësues të lartë të OKB-së si: Zv.Sekretarja e Përgjithshme e OKB Amina Mohammed; Nënsekretarja e Përgjithshme për Çështjet Politike në OKB Rosemary Di Carlo; Administratori i UNDP Achim Steiner etj. Gjatë qëndrimit në SHBA, Mesi do të zhvillojë gjithashtu takim dhe aktivitet me përfaqësues të diasporës shqiptare. /atsh

Ministritë e Brendshme të të dy Vendeve, për t’i ofruar një ndihmesë më të madhe numrit
gjithnjë e në rritje të turistëve italianë, kanë vendosur të aktivizojnë, duke nisur prej datës 16
korrik deri në datën 31 gusht, disa patrullime të përbashkëta në qytetet kryesore bregdetare
(Durrës, Sarandë dhe Vlorë).
Agjentët e policisë italiane do të kryejnë patrullime në këmbë, të veshur me uniformë dhe
do t’i vijnë në ndihmë operatorëve të policisë shqiptare për të lehtësuar kështu kontaktet e
turistëve italianë me autoritetet shqiptare si dhe me përfaqësitë diplomatike e konsullore në
vend.

Ambasada e Italisë në Tiranë, ndërsa e mirëpret këtë formë të re bashkëpunimi dypalësh
në fushën e sigurisë, tërheq vëmendjen në faktin se rrjeti konsullor në Tiranë dhe në Vlorë
(https://ambtirana.esteri.it/Ambasciata_tirana/it/ambasciata/la_rete_consolare/la-reteconsolare.html)
është përherë në disposizion të të gjithë bashkëkombasve që vizitojnë
Vendin dhe fton të gjithë shtetasit italianë të konsultojnë informacionet e dobishme për
udhëtim (http://ëëë.viaggiaresicuri.it/) si dhe të sinjalizojnë praninë e tyre dhe të dhënat e
tyre personale në portalin Dove Siamo nel Mondo
(https://ëëë.dovesiamonelmondo.it/home.html)./javanews

Kryeministri Edi Rama, deklaroi sot se projekti i 100 fshatrave do të thotë kthim i tyre në destinacione të mirëfillta turistike dhe agro-turizmi është një mundësi për të dalë nga varfëria

Rama mori pjesë në ceremoninë e mbajtur në Kryeministri për nënshkrimin e memorandumit për projektin e zhvillimit të 100 fshatrave.

Akademia e 100 fshatrave, siç e konsideroi kryeministri këtë memorandum përbën një rrjet bashkëpunimi mes qeverisë dhe botës universitare, për projektet e programit kombëtar të Rilindjes rurale në funksion të 100 fshatrave të përzgjedhur për t’u kthyer në destinacione të reja turistike.

“Është një hap i rëndësishëm firmosja e një memorandumi bashkëpunimi me universitetet për të bërë të mundur krijimin e një rrjeti ndërveprimi mes institucioneve, pedagogëve dhe studentëve të këtyre universiteteve që do të sjellin një fuqi të madhe dhe një vlerë të rëndësishme të shndërruar në një proces, i cili ka domosdoshmërinë e të qenit i shpejtë, i thellë e i saktë”, u shpreh Rama.

Kreu i Qeverisë shprehu besimin te suksesi i programit të Rilindjes Urbane, pasi siç theksoi ai, zhvillimi dhe rritja e fluksit të turizmit që shikojmë sot është rezultat i drejtpërdrejtë i programit të Rilindjes Urbane.

Rama tha se falë këtij programi “kemi pasur një rritje të konsiderueshme të aktivitetit sipërmarrës dhe tregtar në të gjitha zonat ku kemi ndërhyrë”.

“Është një shembull kuptimplotë për atë çka do të shikojmë së shpejti edhe falë programit të Rilindjes Urbane. Fokusi nuk do të jenë vetëm 100 fshatrat e përzgjedhura pjesë e programit të Rilindjes Rurale, pasi nevojat për rritjen e cilësisë së jetës në Shqipërinë rurale janë shumë më tepër”, vuri në dukje kryeministri.

Kreu i Ekzekutivit, Rama theksoi se objektivi i programit është kthimi i 100 fshatrave në destinacione të mirëfillta turistike për t’i dhënë një hov, një zhvillim ekonomik e social aty ky deri sot kjo dukej e pamundur. Po ashtu ky program, vijoi Kryeministri synon të nxjerrë në pah edhe potencialet e mëdha të një qasjeje të ndryshme ndaj së nesërmes, ku mundësitë për të zhvilluar bujqësinë janë të kufizuara.

Kryeministri e cilësoi si të rëndësishëm këtë memorandum bashkëpunimi pasi sjell në sektorin e bujqësisë dhe zhvillimit rural një ndërveprim të munguar mes qeverisë e botës akademike

“Po krijojmë mundësi për shumë studentë të sotëm që të jenë nesër aktorë të zhvillimit dhe të shikojnë të ardhmen me një aktivitet privat në funksion të zhvillimit. Po shfrytëzojmë dhe dijet e pedagogëve për t’i vënë ato në shërbim të praktikës, duke bërë lidhjen mes auditorëve dhe realitetit, por edhe duke u krijuar mundësinë të përfshihen në një rrjet konsulencash që nesër mund të japë një vlerë të shtuar në të ardhurat tyre”, deklaroi Rama. /atsh

https://www.facebook.com/edirama.al/videos/10155961572511523/?t=0

Që në jug të Shqipërisë gjatë verës çmimet shkojnë në qiell kjo tashmë nuk është gjë e re.

Por që një kokërr vezë të shitet 8 mijë lekë, të vjetra, kjo nuk ishte dëgjuar e parë.

Gazetari Klodian Tomorri ka publikuar në Facebook një faturë restoranti ku një omlet me 2 vezë është faturuar 16 mijë lekë (të vjetra).

Reagimi i Klodian Tomorrit:

Në downtown Manhattan kokrra e vezës bën maksimumi 5 dollarë. Ne vendin me brekëgrisur të Europës veza kushton 8 mije leke.

Përveç kësaj mund te kapesh Okazion edhe ndonjë plumb bythëve. Te keqen e turizmit. Unë ta di se i kam te gjitha falas nuk shkoj asnjë sekonde për pushime me ne jug.

Çmenduria që nisi shkatërrimin e drejtësisë, 30% e “plepistëve” janë ende në gjykata
“PAMLETI” po publikon sot, një skandal tjetër të rëndë në sistemin e drejtësisë shqiptare, të maskuar pas VKM Nr. 133, datë 26. 03. 1993 dhe VKM Nr. 296, datë 21. 06. 1993, me të cilët u vendos hapja e “Kurs-turpit 6-mujor të Plepave-Durrës”, për përgatitjen e gjyqtarëve të PD.

Skandali, nuk ka lidhje me nivelin profesional të 1200 gjyqtarëve e juristëve që dolën nga ai kurs “analfabetizimi” në drejtësi, ku u dyndën inxhinerë pyjesh, mësues, topografë, oficerë, agronomë, veterinerë, llogaritar, inxinier mekanikë, zooteknikë, mjekë, piktorë e muzikantë, të cilët pas 6 muajve lexim literature në konviktet e kavalishencës shtetërore në Durrës, u “graduan” dhe u emëruan gjyqtarë e drejtues gjykatash, në të gjithë Shqipërinë!

Dy VKM-të e mësipërme dhe “diplomat” që iu janë dhënë “Gjytarëve të Plepave”, zbulojnë turpin shtetëror dhe krimin e rëndë ndaj drejtësisë që po e vuajmë edhe sot, të bërë prej ish-Presidentit Sali Berisha në vitin 1993, duke e klasifikuar “Kursin 6 mujor të Plepave”, në nivelin arsimor “Studime Universitare-Fakulteti i Drejtësisë i Plotë”, amdje të cilësuar “Vit Akademik”.

Nga kjo çmenduri e ish-pushtetit arbitrar e barabar “Berisha 1992-1997”, nisi shkatërrimi i drejtësisë 25 vite më parë, në marsin e vitit 1993, me hapjen e atij kursi famëkeq e banal, që mbushi gjykatat me analfabetë dhe militantë të PD, të cilat pas 6 muajve “pushtuan” gjykatat e rretheve, postet e këshilltarëve dhe dejtorëve juridik në Presidencë, në Kryesinë e Kuvendit, në Parlament, në Kryeministri, nëpër ministri, në Ministrinë dhe Brendëshme e të Drejtësisë, madje edhe pedagogë në Fakutletin Shtetëror Juridik e në universitetet private, me kulm emërimin anëtarë në KLD, në Gjykatën e Lartë dhe në Gjykatën Kushtetuese!

Sipas investgimit të bërë, rezulton se 30% e “plepaxhinjve” janë ende në sistemin e drejtësisë, ose janë “juristë e këshilltarë juridik” në institucionet e larta të shtetit, ndërkohë që shumica e tyre janë bërë avokatë!

Por si u shpik dhe sa kohë ishte realisht “Kursi i Gjyqtarëve të Plepave në Durrës”, a u praktikuan veëtm gjyqtarë, apo edhe për sektorë të tjerë të sistemit të drejtësië dhe në çfarë postesh të larta, janë akatualisht edhe sot pas 25 vitesh, disa prej tyre?!

“PAMFLETI” do publikoj disa dokumente zyrtare, në lidhje me këtë çmenduri shtetërore të ish-pushtetit “Berisha”, me pasojë shkatërimin dhe degjenerimin e drejtësisë shqiptare. – (Vijon)