Aktualitet

Komisioni i Pavarur i Kualifikimit ka vendosur ditën e sotme për shkarkim nga detyra të prokurores Rovena Gashi.

Pas verifikimeve të thelluara nga KPK, u arrit në konkluzionin se Gashi, nuk justifikon pasurinë e saj me burime të ligjshme ligjore dhe ka bërë deklarim të pasaktë.

KPK ka ngritur dyshime për 16 apartamente në Durrës të cilat dyshohet se i përkasin Nuredin Gashit, babait të Rovena Gashit, të paktën sipas faturave të OSHEE, ndërsa prokurorja pretendon se babai i saj është administrator i pallatit.

Gashi nuk ishte e pranishme në seancë. Ajo bojkotoi edhe seancën dëgjimore.

Po ashtu ish-drejtuesja e njësisë për dekriminalizimin në Prokurorinë e Përgjithshme është në hetim, bashkë me bashkëshortin e saj, Dritan Gina, për fshehje pasurie. Më herët, ata u pezulluan të dy me vendim të kryeprokurores Arta Marku. /atsh

Ministri i Financave dhe Ekonomisë, Arben Ahmetaj, ka zhvilluar një takim me biznese të sektorit të shërbimeve dhe turizmit në Himarë dhe Dhërmi në jug të vendit.

Me fillimin e qershorit, ka nisur zbatimi i planit të masave për mbarëvajtjen e sezonit turistik.

Ahmetaj tha se qeveria është shpërndarë në të gjithë territorin e Shqipërisë dhe secili nga institucionet përgjegjëse ka detyrimin për të monitoruar, nga tatimet, shëndetësia, policia, elementët e trafikut, siguria në plazh etj.

Duke folur për turizmin, Ahmetaj tha se sektori këtë vit po tregon ritme shumë pozitive, duke iu afruar nivelit dy-shifror. Në përgjigje të sfidës së rritjes së shifrave, ai tërhoqi vëmendjen në dy elementë kryesorë, formalizimi dhe cilësia e shërbimeve.

“Siç e shikoni, qeveria i ka dhënë një rëndësi të veçantë formalizimit të ekonomisë. Brenda formalizimit të ekonomisë, unë patjetër i vë theksin gjithë përgjegjësive tatimore që kanë bizneset e zonës, por edhe detyrimin për të regjistruar punonjësit. Pjesa tjetër ka të bëjë drejtpërsëdrejti me shërbimet që afrohen në territor nga sipërmarrjet tuaja, sidomos në një peridhë ku turizmi është kthyer në furnizuesin kryesor ekonomik të zonës.

Thjesht për informacionin tuaj, këtë vit të gjitha shifrat tregojnë që turizmi është në një rritje me dy shifra, qoftë në aspektin e kontributit në ekonomi, qoftë në numrat e turizmit. Unë shpresoj dhe besoj që edhe ju këtu, në Himarë apo në Dhërmi, ta keni ndjerë të gjithë atë lëvizje të turizmit. Sfida e madhe është që gjithë këtë kërkesë ta furnizojmë me shërbimet e duhura. Këtu patjetër që ka rëndësinë e vetë edhe kualifikimi profesional i punonjësve që ju merrni në punë, që nga kuzhinierët, që nga kamarierët, apo të gjithë profesionet e tjera që po i referohem si profesione teknike, që në finale hyn tek gjithë gama e shërbimeve për të kënaqur të gjithë prurjet që ka turizmi në zonën e Himarë-Dhërmiut” – tha Ahmetaj.

Ministri tha se administrata tatimore dhe strukturat e hetimit janë fokusuar në zonat bregdetare ndërsa kërkoi ndërgjegjësimin e bizneseve për përmbushjen e përgjegjësive tatimore, duke i ftuar njëkohësisht të denoncojnë cdo rast të mungesës së etikës profesionale dhe abuzimit nga ana e inspektorëve.

“Nga infrastruktua e nga të gjitha këto jemi të kënaqur sepse qeveria aktuale bëri shumë për Dhërmiun. Mbi të gjitha jemi të kënaqur për shërbimet që na bëjnë dhe për sjelljen që na bëjnë punonjësit tuaj të hetimit tatimor, ose taksave. Më përpara ne more mik, kur vinin njëri turrej tek piceria të merrte sëpatën dhe tjetri kopaçen, se vinin si kafshë dhe jo si njerëz. Tani, nga shërbimi jemi të kënaqur dhe ne jemi civilizuar që ky ujë duhet shitur me kupon tatimor. Pse? Sepse aty brenda është edhe një lekë fitimi ynë, edhe i joti. I kemi të ndara punët” – tha një sipërmarrës nga Dhërmiu.

Ndër çështjet e tjera të ngritura me interes nga sipërmarrja ishin nevojat për më shumë investime nga Bashkia në infrastrukturën dytësore, ndriçimin, kanalizimet e ujërave të zeza, menaxhimin e mbetjeve, sistemimin e parkimeve.

Ahmetaj tha se qeveria qendrore, do të investojë rreth 250 milionë lekë për infrastrukturën në zonat turistike.

“Është një projekt shumë i madh rreth 74 milion dollarë që vjen nga Banka Botërore, që po investohet në Unazën e Jugut, ku përfshihet gjithë kjo zonë. Projekti tjetër është projekti i Bankës Botërore, po me të njëjtën logjikë, por me këto rrugët që i quajmë rajonale, rrugë dytësore. Pra, jo rrugët kryesore, por rrugët dytësore. Ka dhe një projekt tjetër po në të njëjtën paketë, që është midis BERZH-it dhe Komisionit Europian, 60 milion euro është kredi dhe 40 milion euro është grant që na e jep Komisioni Europian po për të njëjtën gjë. Paketa e gjithë shkon tek 250 milion euro”.

Ministri Ahmetaj tha se brenda qeverisë po diskutohet gjithashtu propozimi që nga viti i ardhshën të ketë një fond parapërgatitor për bashkitë, për turizmin, për shërbime që fillojnë nga pastrimi e ndricçmi deri tek nevojat e infrastrukturës së vogël./atsh

Ka përfunduar faza e parë për rindërtimin e Kishës së Shën Thanasit në Dhërmi, në jug të vendit, që nisi në prill të këtij viti.

Vendimi për rindërtimin e kishës erdhi si rezultat i kërkesës së vazhdueshme të komunitetit të fshatit Dhërmi për kthimin siç ishte përpara shembjes në vitin 1968 nga regjimi i kohës.

Fondi Shqiptar i Zhvillimit në bashkëpunim me Ministrinë e Kulturës dhe Kishën Ortodokse Autoqefale të Shqipërisë, si dhe me mbështetjen e komunitetit u angazhua për rindërtimin e strukturës së jashtme të të kishës- muret, çatinë dhe pjesën e këmbanores.

Kisha e Shën Thanasit daton në vitin 1671 dhe ka qenë e pozicionuar në krye të fshatit Dhërmi. Ndërtesa karakterizohet nga mure të rrafshët që përfundojnë me kornizë të drejtë nën çati. Këndi i drejtë realizohet nëpërmjet dy rrasave të gurit të mbivendosura.

Në vitin 1963 kisha u shpall monument kulture me vendim të Rektoratit të Universitetit të Tiranës, që u mbështet edhe nga një vendim i Ministrisë së Arsimit dhe Kulturës në vitin 1967.

Por, vetëm një vit më vone Kisha e Shën Thanasit u hoq nga lista e monumenteve dhe në vitin 1969 u shemb.

Rindërtimi i Kishës së Shën Thanasit është pjesë e ndërhyrjeve që Fondi Shqiptar i Zhvillimit ka ndërmarrë gjatë këtij viti për rikualifikimin e fshatrave Vuno dhe Dhërmi për llogari të qeverisë shqiptare dhe Bankës së Këshillit të Europës.

Qëllimi i këtyre ndërhyrjeve është që jugu të kthehet në destinacion turizmi jo vetëm për detin, por edhe për trashëgiminë historike dhe kulturore. /atsh

“Vodafone Albania” ka rritur çmimet e paketave mujore dhe ka reduktuar minutat në dispozicion, numrin e SMS dhe sasinë e internetit.
Prej 2 Korrikut këto ndryshime kanë revoltuar abonentët e kësaj kompanie celulare, të cilët vijojnë të ankohen.

Madje kush ka një numër “Vodafone Albania” shprehet se shërbimi i kujdesit ndaj klientit është i paarritshëm.

Shumë klientë të “Vodafone Albania” krahasojnë çmimet me shtetet e huaja dhe thonë se në Shqipëri po abuzohet në kurriz të konsumatorit.

Këto janë disa nga ankesat e qytetarëve për kompaninë “Vodafone Albania”, e cila sipas tyre po i zhvat në mënyrë të padrejtë dhe se ka ndryshuar paketat pa njoftime paraprake:

vodafone rregulloni internetin …se as te kujdesi ndaj klientit nuk ankohemi dot…I bien shkurt te gjitha linjat jane te zena provojeni me vone ..njesoj si llotari
Si ka mundesi klient prej 14 vitesh cfare beni ju rrisni cmimet duhet me punu nje 2 dit per ju nje 20 dit per dritat 25 per ujin etj po pse ku jemi ketu ne gjermani po kshu eshte kur nuk ka nje ent rregullator

15 mi lek oferta edhe ato 15gb qe jan ikin pa e kuptuar fare. As 10 dit oferta edhe mbaroi internet

Ne itali pasha o vella 5.9 euro 30giga keta ketu te lodhin
Oferta skandaloze keto te momentit . Para 1 viti kishit oferte per 1100 leke 18gb kurse tani 1200 leke 2gb . Eshte per te qeshur.

Rritjet e cmimeve i qe beni i paraqisni gjoja si pozitive.Nuk eshte rritur mireqenia ne shqiperi qe ju rrisni tarifat.
Duhet te pesh patjeter nje ofert mujore qe gjasme te perfitosh kto ulje ..
O zot ca skandali qe jeni ..me zor po pres te me mbaroj dhe kjo ofert aktive qe kam dhe direkt nderrim nr direkt tek telecom
“Vodafone Albania” është një nga kompanitë më të mëdha celulare që operojnë në Shqipëri. /ShkodraNews

MIRËMËNGJES 😃

dhe me këtë videoinformacion nga kantieri i rrugës së Lumit të Vlorës, ku së shpejti do të nisë puna edhe për lotin II e III dhe ku komentuesit nazelinj të projekteve 3D mund të shohin se si ato kthehen ne realitet😉, ju uroj një ditë të mbarë🌹

https://www.facebook.com/edirama.al/videos/10155983282191523/?t=14

Operatori i Shpërndarjes së Energjisë Elektrike, ka kufizuar furnizimin me energji elektrike në disa zona të qarkut të Vlorës për shkak të një defekti në fiderin “Vlora 1”.

OSHEE bënë me dije se “për shkak të një defekti në çelësin 6Kv të fiderit “Vlora1” që merr energji nga n/st. Tec Vlorë, u stakuan sot në orën 12:53, dy linjat 35 Kv Babicë – Tec1, Babicë – Tec”, thuhet në njoftim.
Si pasojë e këtij defekti kanë mbetur pa energji nënstacionet Tec Vlorë ana 35kV, Skelë, Uji i Ftohtë, nënstacioni i Radhimës dhe Orikumit.
Gjatë këtij intervali kohe disa lagje të qytetit të Vlorës dhe zona e Ujit të Ftohtë deri në Radhimë e Orikum mbetën pa energji elektrike për rreth 30 minuta.

Konkretisht: Lagjia “Pavarësia”, “Uji i Ftohtë”, “10 Korriku”, 2 stacione pompimi, “15 Tetori”, zona pranë Spitalit të Vjetër, Spitali Rajonal Vlorë, lagjet “Hajro Cakërri”, “Topana”, “Partizani”, “Karabashe”, “Isa Boletini”, “29 Nëntori”, Prefektura, Kinoteatri, Gjykata e Rrethit Vlorë, qendra Studentore, Ambulanca Qendrore, Prokuroria, Kanina, Radhimë, Orikum, Tragjas, Fushë-Dukat, fshat Dukat, Llogara, Shën Thanas, Jonufër, Baza Pashaliman. /atsh