Aktualitet

Masat dhe angazhimi i institucioneve në luftën kundër trafikimit të qenieve njerëzore në qarkun e Gjirokastrës ishte në fokus të takimit të Komitetit Rajonal të zhvilluar në këtë qark.

Takimi është zhvilluar në institucionin e Prefektit të Gjirokastrës, ku për herë të parë kanë marrë pjesë edhe drejtues të institucioneve joqeveritare pjesë e Unionit “Stop krimit”.

Gjatë një interviste për Agjencinë Telegrafike Shqiptare, prefekti i Gjirokastrës Astrit Aliaj theksoi se bashkëpunimi me organizatat joqeveritare dhe organeve kompetente i jep shtysë më të madhe luftës ndaj trafikimit të qenieve njerëzore, pasi këto të fundit janë të shtrira aty ku ka komunitete shqiptare.

“Për herë të parë mori pjesë edhe shoqata joqeveritare “Stop krimit”. Kjo shoqatë që është shtrirë jo vetëm në Shqipëri, por këta janë shtrirë edhe në Athinë, në Itali, Zvicër, ku ka komunitete shqiptare.

Kjo ishte një risi në luftën kundër trafikimit që arritëm të bashkojmë dhe të bashkëpunojmë në mënyrë direkte me institucionet ligjzbatuese siç është Policia dhe Shërbimet Informative.

Këto organizata joqeveritare kanë linjat e tyre dhe kanë kontribuar mjaft në këtë fushë, sidomos në gjetjen e personave të trafikuar”, –  theksoi prefekti Aliaj.

Në fjalën e tij Prefekti vlerësoi rezultatet e arritura në këtë drejtim si dhe vuri theksin në intensifikimin e punës së të gjitha institucioneve shtetërore. /atsh

Në 95% të institucioneve, sekretaret përzgjidhen nga shefat, me “Vetting seksual”
Në kryeministri, kuvend, parlament, nëpër ministri, drejtori qendrore e rajonale, inspektoriate, bashki, qarqe, prefektura, arsim, shëndetësi, gjykata, reparte ushtarake, në OSHEE, KESH, OST, Ujësjellësa e kudo në zyrat e shtetit, je i detyruar të trokasësh në një derë, me mbishkrimin: “Sekretari i… kryeministrit, ministrit, drejtorit, kryetarit”.

Mbrapa këtyre dyerve ka vetëm sekretare… femra të moshës 22-27 vjeç, të cilat sillen sikur janë ato kryeministri, ministri, deputeti, drejtori, kryetari i bashkisë, drejtori policisë dhe prefekti, duke u sjell me tangërllëk e përdredhje b…sh, duke folur me poza, menefregizëm, ironi e përbuzje.

Këto sekretare nuk punësohen me “konkurse meritokracie” e të hapura, siç thuhet nga qeveria, por përzgjidhen me “Vetting seksual” nga vetë shefat e zyrave të shtetit, për cilësitë si “top-modele” dhe këtë po e argumentojë me 2 “Njoftime punësimi”, të bëra nga i njëjti drejtues shtetëror (ministër), për sekretare zyre dhe për punonjëse shtëpie:

NJOFTIMI PARË: – “Kërkojmë sekretare drejtori në institucion shtetëror…., të jetë deri në moshën 25 vjeç, me paraqitje të mirë fizike dhe e bindur në zbatimin e detyrës! Të mos ketë angazhime familjare dhe kufizime kohore për kryerjen detyrës, për shërbime pune brenda dhe jashtë Tiranës e Shqipërisë.

Telefoni fix: 04 2233………., Telefoni celular: 0684020.…. NJOFTIMI I DYTË: – “Kërkoj të punësoj një punonjëse shtëpie, për shërbime pastrimi me kohë të shkëputur, paradite: Ora 9.00-14.00, ndërsa mbasdite 17.00-20.00. Të interesuarat, të jenë në moshën 40-45 vjeç, pagesa është shumë e mirë.

Telefoni fix 04 2233………. , Telefoni celular: 0684020.…. (Provoni të konkuroni për punë sekretare shefash, ose përgjegjëse, drejtore e nëpunëse në institucionet e shtetit dhe do të bindeni)./Pamfleti

Sekuestrimi i pasurive të Adriatik Llallës ka filluar të përhapë panik në Tiranë. Vendimi i Prokurorisë dhe i Gjykatës së Krimeve të Rënda është cilësuar nga gjermanët si një mesazh i qartë për politikanët e korruptuar në vendin tonë. Rrjeti “Deutsche Welle” i ka kushtuar një vëmendje të veçantë rastit të Llallës, pasi ka bërë një shkrim mjaft të fortë mbi situatën e korrupsionit në Shqipëri. Media gjermane shprehet qartë se po jepen sinjale për arrestime në nivele shumë të larta.
“Ish-Prokurori i Përgjithshëm Adriatik Llalla, nuk i është nënshtruar vetingut të prokurorëve. Para se të fillonte veting-u ai deklaroi largimin vullnetar nga sistemi i drejtësisë. Por kjo nuk e pengoi drejtësinë që të mos e hetojë atë. Sekuestrimi i pasurive të patundshme është një sinjal pozitiv që lufta kundër korrupsionit do të përfshijë edhe të ashtuquajturit “të paprekshëm” apo “peshq të mëdhenj”.
Është paradoks sesi për 5 vjet kreu i akuzës që duhet të drejtonte luftën kundër korrupsionit po hetohet ne bazë faktesh për korrupsion, pastrim parash dhe ka të sekuestruar pasuritë e tij të paluajtshme”, thuhet në artikull. Më tej bëhet e qartë se pas Llallës duhet të vijë radha e politikanëve. “Deutsche Welle” shkruan se në Shqipëri ka çdo ditë akuza për korrupsion, por ato bëhen sipas politikës së ditës dhe asnjëherë nuk ka pasur hetime e prova konkrete.

“Hetimi i tij i paanshëm dhe profesionist është një gur prove për reformën në drejtësi. Llalla do të gjykohet nga gjyqtarë që kanë kaluar në sitën e vetingut. Nëse rasti i tij do të ndiqet edhe nga ish-pushtetarë apo pushtetarë aktualë për të cilët hidhen dhe priten akuza për korrupsion të pavërtetuara, që ndizen dhe fiken sipas politikës së ditës, atëherë Shqipëria do të ketë argumente se Shqipëria po arrin rezultate domethënëse në luftën kundër korrupsionit”, thuhet më tej.
Kumbarët e Llallës
Gjermanët janë autorët e reformës në drejtësi dhe qëndrimet e “Deutsche Welle” deri diku reflektojnë qëndrimin e qeverisë gjermane. Përmes misionit Euralius gjermanët hartuan ligjet, ofruan ekspertizë dhe tani presin frytet e reformës në drejtësi. Por paralajmërimi i djeshëm se hetimet ndaj Llallës janë sinjal për politikën, tregon se ka pushtetarë që mund të shkojnë para drejtësisë. Por kohët e fundit janë dhënë sinjale se më të prekurit nga rënia e ish-kryeprokurorit janë kumbarët e tij.
Llalla ka pasur lidhje shumë të forta politike me njerëz të pushtetshëm dhe u ka shërbyer atyre duke mbyllur dosje hetimore e duke goditur politikanë të caktuar. Pra sinjalet janë se nëse Llalla shkon drejt rënies, ai mund të marrë me vete dhe njerëz të tjerë. “Deutsche Welle” e ka thënë qartë, se tani do ketë arrestime politikanësh dhe të gjithë i kanë sytë te kumbarët e ish-kryeprokurori, të cilin e kanë dërguar jashtë vendit për ta mbajtur sa më larg për çdo situatë të papritur.
Llalla shërbeu për 5 vite si kryeprokuror dhe nuk hetoi asnjë zyrtarë të lartë. Edhe Spiro Ksera që u dënua, ishte KLSH që e zbuloi. Në zyrën e tij ka pasur dosje për ish-ministra e ministra dhe të gjithë sot e bëjnë gjumin e qetë. Ish-kryeprokurori me shërbimet që ka kryer, duket se ka në dorë ata që fshihen pas tij dhe “kumbarët” kanë filluar që të shqetësohen./pamfleti

Patrulla e plazhit në bashkëpunim me forcat Shqiponja, në zonën e plazhit të vjetër kanë bërë të mundur gjetjen e një fëmije 4 vjeçar, i cili kishte humbur pranë kësaj zone.

Punonjësit e Policisë ua dorëzuan fëmijën familjarëve shëndoshë e mirë.

Policia në shërbim të komunitetit, për çdo problem telefononi 112, sigurojmë reagim të menjëhershëm.

DVPV