Ministri për Europën dhe Punët e Jashtme, Ditmir Bushati ka reaguar pas ngjarjes së rëndë që ka ndodhur në shtetin fqinj grek, ku zjarret kanë shkaktuar me dhjetëra viktima, duke shprehur ngushëllimet për familjarët e viktimave.
“Në këtë moment të vështirë ne jemi pranë fqinjit tonë, Greqisë dhe shprehim ngushëllimet tona për familjarët e viktimave. I urojmë shërim të shpejtë të prekurve nga kjo tragjedi”, ka thënë Bushati në reagimin e tij.
Ndërkohë, Ambasada e Republikës së Shqipërisë në Greqi ka vënë në dispozicion numrat e kontaktit për të gjithë shqiptarët që jetojnë në Greqi për të raportuar çdo problematikë. Deri në këto momente, ministri ka konfirmuar se raportohet vetëm një shtetas shqiptar që ndodhet në spital jashtë rrezikut për jetën.
“Albania in Greece – Ambasada e Republikës së Shqipërisë në Greqi është në kontakt të vazhdueshëm me autoritetet greke dhe qytetarët shqiptarë të zonave të prekura. Deri në këto momente raportohet vetëm një shtetas shqiptar që ndodhet në spital jashtë rrezikut për jetën. Për çdo nevojë qytetarët t’i drejtohen Ambasadës në Athinë në nr. +30 6941658183”, thuhet zyrtarisht nga ministri./atsh
Një denoncim nga mbërritur nga një qytetar pranë redaksisë sonë ditë e sotme në lidhje me cmimet e larta që janë në zonat bregdetare, kryesisht në jug të Shqipërisë.
Nga fatura jo fiskale e cila është e printuar nga një printer i zakonshëm, të dhëna të cilat nuk i shkojnë Drejtorisë së Tatimeve, vëmë re që një makjato kap vlerën prej 180 lekeësh të reja, gjë e cila është tepër e lartë. Qytetari i cili ngre shqetësimin i referohet dhe rastit të cadrave cmimi për të cilat shkon nga 700-1500 lekë të reja .
Nuk është hera e parë që raste të tilla absurde denoncohen nga pushuesit këtë sezon turistik./gazetaora
Vijojnë punimet e projektit “Rikualifikimi i zonës urbane pranë qendrës së qytetit të Vlorës”, i cili financohet nga AADF (Albanian-American Development Foundation) dhe mbikqyret nga specialistët e Drejtorisë Rajonale të Trashëgimisë Kulturore-Vlorë dhe ata të Institutit të Monumenteve të Kulturës.
Një nga objektet më të spikatura që përfshin ky projekt është “Banesa e vitit 1925”, Monument Kulture i kategorisë së parë, e cila është drejt përfundimit të punimeve restauruese.
Ndërkohë që pas restaurimit të godinës ngjitur me pallatin 6-katësh, bizneset në qytetin e Vlorës, kanë rifilluar aktivitetin e tyre tregtar në ambjente bashkëkohore.
Rikualifikimi i zonës urbane pranë qendrës së qytetit të Vlorës, është një vlerë e shtuar për qytetin turistik të Vlorës,
Ky projekt zbaton restaurimin në zemër të Vlorës, aty ku qyteti ende ruan identitetin, gjurmë të ndërtimeve të fundit të shekullit të 19‐të dhe fillimit të shekullit të 20‐të . Punimet po realizojnë restaurimin e rrugës “Justin Godar”, ish-pazari, “lagjja e hebrenjve”, klubi “Labëria” dhe ish-Sinagoga, xhamia e Tabakëve, më e madhja e qytetit, etj.
Qendra historike e Vlorës ndërthur diversitetin dhe bashkëjetesën e kulturave, feve dhe është pjesë e së përditshmes dhe e historisë.
Qeveria shqiptare synon të zbatojë një nga politikat më të rëndësishme të trashëgimisë kulturore, ku diversiteti i vlerave, kulturave dhe feve, bën pjesë në trashëgiminë që duam të ruajmë dhe promovojmë.
Programi i qeverisë shqiptare që udhëhiqet nga Ministria e Kulturës, për rijetëzimin e qendrave historike dhe kthimin e tyre në pole jo veç tërheqëse për turistët por dhe për t’i dhënë hov zhvillimit ekonomik të zonës ka filluar të japë frytet e veta.
Ky projekt i rëndësishëm për restaurimin dhe rikualifikimin urban të ansamblit ndёrtimor “Qendra Historike Vlorë” vjen pas një sërë konsultimesh të gjera me ekspertët dhe komunitetin.
Brenda kufijve të zonës së projektit ndodhen disa monumente kulture të kategorisë së parë si edhe rruga më e rëndësishme e qytetit për nga vlerat arkitektonike‐historike që mbart: rruga “Justin Godard”. Rruga Justin Godard ka qënë rruga kryesore e qytetit në periudhën e Rilindjes së Pavarësisë Kombëtare.
Cepi perëndimor i saj të nxjerr tek Sheshi i Flamurit, kurse ana lindore në Lagjen Partizani në drejtim të Babicës ku ka shumë foto të hyrjes së luftëtarëve më 1920. Shtëpitë janë me dy kate, me ballkone të vegjël të stilit neoklasik. Degëzimet e rrugëve sekondare të çojnë tek ish-pazari, “lagjja e hebrenjëve”, klubi “Labëria” dhe ish-Sinagoga. Në fund, nga ana lindore ka qënë dhe xhamia e Tabakëve, më e madhja e qytetit./atsh
Kryeministri Edi Rama ka reaguar sot për situatën e krijuar në sistemin e drejtësisë pas Vetingut për gjyqtarët dhe prokurorët, duke theksuar se vendi nuk po mbetet pa gjykata të sipërme, por po operohen organizmat e kancerizuar që e degraduan deri në kockë drejtësinë.
Kryeministri shton se rilindja e këtyre gjykatave është vetëm çështje e më pak se një viti.
“Po mbetemi pa gjykata të sipërme?Jo! Po operojmë organizma të kancerizuar që e degraduan deri në kockë drejtësinë. Më mirë djepi bosh se shejtani brenda! Ky pastrim është shpëtim për dekada e breza që vijnë, rilindja e këtyre gjykatave është vetëm çështje e më pak se një viti”, shkruan kryeministri Edi Rama në një postim në Facebook.
Ndërsa dje kryeministri Rama në një tjetër reagim në Facebook u shpreh se, “Vetingu po vepron në pavarësi të plotë e monitorim ndërkombëtar. Fletërrufetë kundër Vetingut janë dëshpërimi i atyre që e mbushën me llum Pallatin e Drejtësisë!Loja mbaroi.Gjykatat e sipërme do pastrohen deri në fund e do ringrihen për ta bërë më në fund drejtësinë Drejtësi”./atsh
Ervid Palajt i është dhënë lamtumira e fundit nga familjarë, miq dhe të afërm. Ai u përcoll dje si hero, pasi dha jetën tragjikisht teksa po përpiqej të shpëtonte motrën dhe të fejuarën, që po rrezikonin të mbyteshin nga deti i trazuar në plazhin e Velipojës.
Familja Palaj është prekur nga një dhimbje e madhe për humbjen e djalit të vetëm të tyre. I riu, me ndihmën edhe të disa pushuesve të tjerë, arriti që të shpëtonte nga mbytja të fejuarën e tij, Lori Bardeli, si dhe motrën, Ela Palaj.
Por, nga ana tjetër ai nuk arriti që të dilte vetë i gjallë në breg. Fatale duket se ka qenë ndërhyrja e pushuesve për t’u dhënë ndihmë vetëm dy vajzave, duke menduar se 29- vjeçari do të ishte në gjendje të përballonte vetë detin e trazuar.
Pavarësisht se pushuesit më pas kanë ndërhyrë kur kanë parë se i riu nuk po arrinte të notonte dhe përpjekjes së mjekëve në breg, gjithçka ka qenë e kotë. Të afërmit tregojnë se i riu kishte disa muaj që ishte fejuar dhe pas martesës së motrës, që ishte parashikuar të mbahej më 15 gusht, edhe ai do të kurorëzonte lidhjen me vajzën që donte.
Të prekur nga ndarja nga jeta në një moshë të re dhe rrethanat si ndodhi, të afërmit nuk gjejnë dot fjalët për të përshkruar këtë tragjedi që iu ndodhi.
“Ishte një djalë i mrekullueshëm. Ne ndjejmë një dhimbje të madhe për këtë ngjarje të rëndë që na ka ndodhur. Kohët e fundit kishte nisur të punonte në një prej bankave në Shkodër. Shumë djalë punëtor dhe një djalë i mrekullueshëm. Nuk e paskam ditur se ai paska pasur gjithë këtë rreth shoqëror që e donin dhe e respektonin”, shprehet daja i 29- vjeçarit, Ndue Pali.
Tri javë më pas, motra e tij kishte parashikuar ceremoninë e dasmës së saj. Ela Palaj më 15 gusht ka datën e celebrimit me të fejuarin e saj. Pas saj, Ervidi kishte menduar që edhe ai, pas pak kohësh, po ashtu të martohej me të fejuarën, Lori Bardeli. Tashmë i gjithë rrethi familjar dhe të afërmit janë në një dilemë të madhe nëse do të bëhet apo jo dasma e motrës së Ervidit, 29-vjeçarit i cili humbi jetën në plazhin e Velipojës.
Një prej të afërmve, Kolë Noshi, i cili e kishte nip Ervid Palajn, thotë se dasma, edhe nëse bëhet, do të jetë formale, ndërsa ende nuk është marrë një vendim i mirëfilltë pas kësaj fatkeqësie që ka ndodhur në familjen e tyre.
Ervid Palaj është viktima e dytë që humb jetën në plazhin e Velipojës, ndërsa dhjetëra të tjerë kanë rrezikuar që të mbyten edhe si pasojë e mungesës së rojeve të sigurisë. Viktima kishte shkuar të kalonte disa orë në plazh me të motrën dhe të fejuarën, por papritmas moti është prishur dhe dy vajzat u rrezikuan nga dallgët. 29- vjeçari u fut t’i shpëtonte, por nuk doli dot vetë më në breg.
Mbaheshin 3 vjet stok në depo e nuk u jepeshin spitaleve, vjedhja 1.6 miliardë lekë
Një skandal me përmasa krim mjekësor-njerëzor, me pasoja të rënda për shëndetin e pacientëve, rezulton të jetë zbuluar nga KLSH në fund të vitit 2017 dhe është konstatuar përsëri prej saj, para 1 muaji, pas lënies së detyrave për zbatim (nuk janë zbatuar).
Skandali i zbuluar, ka lidhje me 146 nijë e 863 medikamente të skaduara, me vlerë 382 milionë lekë, të mbajtura stok në depon farmaceutike të QSUT, qysh prej vitit 2014 kur janë blerë, duke mos u përdorur, të blera me tender jo për nevoja të QSUT, por për t’u bërë “nder” bizneseve private të ilaçeve, ndërkohë që ato kanë pasur kohë përdorimi deri në qershor 2015 dhe tetor 2016.
Ky skandal është mbajtur “sekret” nga QSUT dhe Ministria e Shëndetësisë, duke bërë edhe “rifreskime letrash të blerje-magazinimit” të tyre, për të fshehur skandal-krimin dhe vjedhjen, që lidhet me shëndetin e pacientëve, por dhe me vlera të mëdha financiare, të zhvatura në formë “tendera-qokash”, me blerje ilaçesh me shumicë mbi planifikimin vjetor, tek firmat private klienteliste, biznese ose të lidhura me shefat e mjekësië shqiptare.
Skandali thellohet më tej, kur mëson se për 40% të sasisë dhe emërtesave të këtyre ilaçeve, kanë pasur nevojë emergjente pavionet, por nuk u janë dhënë nga drejtoria e QSUT, pa harruar faktin (sipas KLSH), që dyfish abuzim sasisor e 3 fish financiar është bërë me ilaçet donacione, të cilat nuk u janë dhënë spitaleve nën refrenin mashtrues “nuk ka” megjtihëse ishin gjendje, por janë mbajtur stok në depot e QSUT edhe pa inventor, sasi e cila është 234 mijë e 405 medikamente, në vlerën 1. 2 miliardë, 339 mijë e 026 lekë.
Sipas raportit të KLSH, blerja e barnave zë rreth 45% (rreth 4 miliardë lekë) të buxhetit vjetor të QSUT dhe nga ana tjetër, flitet për mungesë të theksuar ilaçesh në spitale, ndërkohë që niveli i barnave të skaduar vijon të shtohet nga viti në vit, mbasi drejtoria e QSUT dhe Ministria e Shëndetësisë nuk i hapin depot, duke bërë pazare të pista, që duhen hetuar me imtësi nga anti-krimi ekonomik-financiar, mbasi ka efekte të mëdha negative në administrimin e fondeve, për barna dhe materiale mjekësore.
Hetimet nisura lidhur me këtë skandal të ialçeve që nuk u jepen pacientëve, por mbahen qëllimisht stok, kanë si informacion paraprak, një tjetër skandal të bërë nga drejtuesit e QSUT dhe Ministria e Shëndetësisë.
Ata jo vetëm nuk i kanë asgjësuar këto 378 mijë ilaçeve të skaduara, siç është lënë detyrë urgjente nga KLSH, por gjersa ato nuk janë më në depot e QSUT dhe nuk ka protokoll të filmuar asgjësimi, siç e detyron ligji, ekziston dyshimi i plotë se këto ilaçe të skaduara janë shitur e janë rifitur në përdorim brenda spitalevee të QSUT dhe nëpër spitalet e farmacitë private, me “letra të reja” furnizimi, plan-shpërndarje nëpër spitale dhe shit-blerje nëpërmjet tenderëve, duke mos harruar që bëhet fjalë, për 1.6 miliardë lekë, të paguara dy herë nga taksat e shqiptarëve, për të “vrarë” shëndetin e shqiptarëve./Pamfleti
Pasojat qe stuhia la jane te shumta por edhe pse ende nuk ishte qetsuar koha punonjesit e mirembajtjes kjo gje nuk i pengoi te jene ne krye te detyres.
Edhe këtë vit janë organizuar kërcimet nga Ura e Fshejtë.
Garues të shumtë nga e gjithë Kosova, kanë qenë pjesëmarrës në edicionin e sivjetmë të kërcimeve atraktive nga Ura e Fshejtë.
Koha e mirë me diell, dhe numri i madh i shikuesve, u ka mundësuar garuesve që të dhurojnë momente të jashtëzakonshme me kërcimet e tyre, të cilat edhe këtë vit morën vëmendjen e medieve të huaja.
Media amerikane ‘Fox News’ ka publikuar një fotografi të kërcimeve nga Ura e Fshejtë, duke e përzgjedhur si fotografinë e ditës.
Kujtojmë se vendin e parë në kërcimin dallëndyshe e ka fituar Florid Gashi./Lajmi.net/
