Aktualitet

Komisioni i Pavarur i Kualifikimit ka vendosur të martën të konfirmojë në detyrë gjyqtarin e Gjykatës së Lartë, Medi Bici.

Gjatë seancës dëgjimore, gjyqtari Bici, u shpreh besimplotë se KPK do të jepte një përgjigje pozitive ndaj tij, edhe pse KPK, duke iu referuar ILDKP-së shprehu dyshime se pasuria nuk ishte e justifikuar, por gjyqtari i gjykatës së Lartë arriti të bindë përmes provave dhe argumenteve të tij, anëtarët e KPK për justifikimin e pasurisë.

Deri tani janë shkarkuar nga KPK
Artan Broci
Admir Thanza,
Artan Zeneli
Tom Ndreca

Kane kaluar vetingun
Xhezair Zaganjori
Ardian Dvorani
Medi Bici

Ndërkaq, KPK ka shkarkuar sot Dritan Rreshkën, prokuror pranë Prokurorisë së Rrethit Gjyqësor Tiranë.  Vendimi u dha nga trupa gjyqësore e Komisionit të Pavarur i Kualifikimit

Avokati i Rreshkës deklaroi se do të ankimojë vendimin. /atsh

Qeveria miratoi sot Strategjinë Kombëtare të Energjisë për periudhën 2018-2030. Një udhërrëfyes ky, i cili vendos piketat kryesore për modelet e zhvillimit të një prej promotorëve kryesorë të ekonomisë shqiptare.

Sipas relacionit që shoqëron këtë vendim, Strategjia Kombëtare e Energjisë 2018-2030 rishikohet çdo 3 (tre) vjet.

Ngarkohet Ministria e Infrastrukturës dhe Energjisë të hartojë planin e veprimit të strategjisë, pjesa II dhe brenda muajit dhjetor 2018, ta paraqesë për miratim.

Ngarkohen Ministria e Infrastrukturës dhe Energjisë, Ministria e Financave dhe Ekonomisë, Ministria e Turizmit dhe Mjedisit, Enti Rregullator i Energjisë (ERE), Korporata Elektroenergjetike Shqiptare (KESH), Operatori i Sistemit të Transmetimit (OST), Operatori i Shpërndarjes së Energjisë Elektrike (OSHEE), Agjencia për Eficiencën e Energjisë, Fondi për Eficiencën e Energjisë, Inspektoriati Shtetëror Teknik dhe Industrial, ndërmarrja publike në aktivitetet e transmetimit dhe shpërndarjes së gazit natyror “ALBGAZ”, ndërmarrja publike në aktivitetet e eksplorimit dhe prodhimit të naftës bruto “Albpetrol”, Agjencia Kombëtare e Burimeve Natyrore, Agjencia për Trajtimin e Koncesioneve, Agjencia Kombëtare e Planifikimit të Territorit dhe Këshilli Kombëtar i Territorit dhe Agjencia Kombëtare e Mjedisit për zbatimin e këtij vendimi.

Ky vendim hyn në fuqi pas botimit në “Fletoren Zyrtare”. /atsh

Ambasadori i OSBE në vendin tonë, Bernd Borchardt u takua sot me Natasha Mulaj, Kryetaren e Kolegjit të Posaçëm të Apelimit (KPA), i cili është organi i vetëm gjyqësor që shqyrton ankimet kundër vendimeve të Komisionit të Pavarur të Kualifikimit, i njohur ndryshe si Komisioni i Vetingut.

Ai i dorëzoi asaj 20 kopje të Manualit për Monitorimin e Drejtësisë Administrative, një botim i përgatitur tre vjet më parë nga Prezenca e OSBE-së në Shqipëri.

Prezenca e OSBE-së do të bashkëpunojë me KPA-në për ngritjen e sistemit të menaxhimit të çështjeve pranë këtij institucioni.

Sistemi do të ndihmojë për rritjen e efikasitetit dhe të paanshmërisë gjatë shpërndarjes së çështjeve, duke siguruar edhe transparencën e plotë të këtyre procedurave./atsh

“Nëse do të implementohet plotësisht reforma në drejtësi do të dekurajojë korrupsionin dhe do të stimulojë investimet e huaja dhe të brendshme duke lejuar Shqipërinë të konkurrojë me sukses në ekonominë botërore”.

Kështu deklaroi sot, gjatë një konference për shtyp, Ministri i Financave dhe Ekonomisë, Arben Ahmetaj, duke iu referuar raportit të DASH për klimën e biznesit në Shqipëri.

Raporti, sipas tij, është po ashtu edhe një thirrje për të gjithë ata që tentojnë të pengojnë reformën në drejtësi dhe Vetingun.

“Ata që kanë tentuar të pengojnë reformën në drejtësi vendosen kundër interesave të qytetarëve”, tha Ahmetaj.

Sipas tij, “kjo qeveri ka inicuar dhe po mbështet me të gjitha instrumentat implementimin  e reformës në drejtësi, që është edhe shtylla e raportit të DASH”./atsh

Edhe kjo e sotmja ka qenë një ditë e ngarkuar për Komisionin e Pavarur të Kualifikimit. Para KPK është paraqitur në seancë dëgjimore edhe gjyqtari i Gjykatës Administrative të Apelit Artur Malaj.

Në raportin e ILDKPKI thuhet se deklarimi i pasurisë nga ana e gjyqtarit është bërë i saktë.

Ndërkohë, KPK thotë se subjekti ka qenë bashkëpunues në verifikimin e thelluar.

Sa i përket pasurisë, ai ka deklaruar tokë bujqësorë në Vlorë një mijë metra katrorë dhe zotëron 50 % të saj. Tokë tjetër bujqësore në Vlorë, përfituar me ligjin 7501, pronë kjo ende e pa rëgjistruar. Për këto pasuri rezulton së përputhen deklarimet sipas KPK.

“Po ashtu rezulton një apartament i blerë 55 mijë euro në Tiranë. Në vitin 2008, cmimi i shtëpisë është ulur. Një garazh i blerë në vitin 2008 me vlerë 800 mijë lekë. Burimi është deklaruar nga kursimet e bashkëshortes dhe vetë subjektit”, vijon raporti i KPK.

“Nga verifikimi i kredisë konstohet se vlera e ambientit është 61 mijë euro dhe pagimi do bëhej me 4 këste. Subjekti nuk ka deklaruar kontratën për blerjen e apartamentin, nga analizimi i kësaj të fundit konstatohet se nuk është parashikuar blerja e garazhit dhe cmimi është më i madh”, thuhet në gjetjet e KPK më tej. Komisionit të Pavarur i Kualifikimit i kanë lindur dyshimet se kontrata me firmën e ndërtimit është fiktive.

Nga hetimi në lidhje me këto dy pasuri konstatohet se subjekti ka kryer deklarim të pasaktë për çmimin, nuk ka pasur burime të ligjshmë për të bërë këtë blerje.

Nga hetimet e KPK-së rezulton se bashkëshortja e gjyqtarit ka llogari bankare me mbi 100 mijë euro. Paratë janë depozituar me burim punën si notere.

KPK nhre dyshime edhe për një vilë 3-katëshe në Vlorë ku gjyqtari ka jetuar dikur, por ai thotë se nuk ka asnjë lidhje dhe se ka qenë me qira.

Aftësimi profesional:

DSIK e vlerëson të papërshtatshëm gjyqtarin për të vijuar detyrën pasi janë ngritur dyshime të arsyshme për përfshirjen e tij në korrupsion dhe krimin e organizuar.

DSIK ka dorëzuar një raport, ku jep detaje lidhur me dyshimet se gjyqtari është përfshirë në korrupsion kur ka qenë në Gjykatën e Vlorës.

Por, nga hetimi i thelluar, KPK ka arritur në konkluzionin se këto të dhëna janë të pasakta.

Për gjyqtarin Artur Malaj ka 5 ankesa, ndërkohë që nga hetimi i KPK-së nuk rezulton të ketë shkelje./noa

Artur Malaj, gjyqtar i Apelit Administrativ Tiranë, ka dalë përpara Komisionit të Pavarur të Kualifikimit (KPK) paraditen e së martës. Artur Malaj është kandidat për në Inspektoratin e Lartë të Drejtësisë, ndaj edhe iu nënshtrua me prioritet Vetting-ut.

Gjyqtari ka 1500 metra katrorë tokë në fshatin në Llakatund dhe shtëpi 106 metra katrorë në Tiranë, blerë për 55 mijë euro. Apartamenti është i blerë me kredi dhe të ardhurat e gruas. Malaj ka në pronësi edhe një garazh. Çmimi u ul sepse firma nuk e kishte përfunduar ndërtimin.

Po ashtu ka pasur dyshime se gjyqtari ka fshehur pronësinë e një vile që ka pasur në Vlorë.

Subjekti nuk ka deklaruar kontratën e sipërmarrjes për apartamentin. Në dosjen e kredisë, çmimi është 63 mijë euro dhe jo 55 mijë euro, sikurse ka deklaruar ai. KPK-ja konstaton se gjyqtari Artur Malaj ka kryer deklarim të pasaktë për vlerën e këtij apartamenti.

Lidhur me figurën, DSIK thotë se Artur Malaj ka plotësuar saktë dhe me vërtetësi formularin. Por në përfundim, DSIK thotë se Malaj është i papërshtatshëm. Ai dyshohet për përfshirje në akte korruptive dhe ka kontakte të papërshtatshme me personazhe të krimit të organizuar. Pas kërkesës së komisionit, DSIK solli raport shtesë, duke përditësuar të dhënat.

Rezulton se Malaj ka favorizuar palët në procese kundrejt rryshfetit. Jepen gjithashtu të dhëna për përfshirje të subjektit në korrupsion kur ishte kryetar i Gjykatës së Vlorë, por KPK-ja thotë që raporti është i paplotë dhe i pabazuar.

Debati me përfaqësuesen e ONM:

Përfaqesuesja e ONM ka kërkuar detaje lidhur me banesën e tij në Tiranë. “Ju e porositët shtëpinë në 2005 në Tirane ndërkohë që punonit dhe jetonit në Vlorë. Shtëpia përfundoi në 2008 dhe ju keni nisur të jetoni aty në 2013. Shtëpinë e keni blerë me kredi për strehim. Nga e dinit ju që një ditë do transferoheshit në Tiranë?”– ka pyetur ajo.

Gjyqtari: Nuk kisha arsye pse mos ta besoja një gjë të tille. Kërkova transferim në Tiranë. Shtëpia u vonua sepse unë jetoja në Vlorë dhe nuk kisha mundësi që të shkoja të interesohesha për të dhe firma më neglizhoi, nuk ma kishte mbaruar apartamentin ndërkohë që ato të fqinjëve kishin mbaruar. Bëmë kontratë tjetër ndaj u ul vlera e shtëpisë së pllakat i shtrova vetë.

Përfaqesuesja e ONM e pyet për pasuritë e kunatit dhe motrës së gjyqtarit. Sipas saj, kunati ka pasuri të mëdha që nuk justifikohen me punët që ka bërë, pra katër apartamente dhe katër parcela toke në Vlorë.

Gjyqtari: Këto pasuri nuk janë vetëm të kunatit, por edhe të familjes së tij. Babai i tij ka punuar në SHBA, kurse vëllai tjetër është në emigracion. Babai i kunatit ka qenë drejtor i fabrikës së përpunimit të peshkut në Vlorë dhe pas viteve ’90 ai ishte një nga privatizuesit e saj./faxweb