Një helikopter është rrëzuar paraditen e sotme në lagjen numër 6 në Korçë. Raportohet se helikopteri do të përdorej në martesën e një çifti.
Gjatë uljes helikopteri është përplasur me disa pemë.
Raportohet se nga kjo ngjarje nuk ka persona të lënduar ndërsa mësohet se helikopteri i përkiste një kompanie private.
Rrëzohet helikopteri në Korçë. Do përdorej për dasëm. Read More »
Perse i dogji Thaçit deklarata e Berishës? Sepse ai ja plasi ne fytyre se shqiptaret nuk do te lejojne te behet tregti dhe pazare me trojet shqiptare. Keto dite ish kryeministri Berisha priti ne nje takim delegacionin e Partise Demokratike Shqiptare te Lugines se Presheves, te kryesuar nga zoti Ragmi Mustafa.
Ne kete takim zoti Mustafa e njohu zotin Berisha me gjendjen e rende te shqiptareve ne komunat e Presheves, Bujanovcit dhe Medvegjes, shkeljen e lirive dhe te drejtave te tyre njerzore,politikat e reja albanofobe te autoriteteve te Beogradit qe synojne çrrenjosjen e historise se lavdishme te shqiptareve te Lugines dhe kultures se tyre.
Per keto qellime, u shpreh zoti Mustafa, Beogradi ka bere gati ligjin e ri albanofob serb per heqjen e monumenteve dhe permendoreve historike te shqiptareve ne Luginen e Presheves dhe ne Pazarin e Ri ne kuadrin e serbizimit total dhe asimilimit te minoriteteve.
Ai theksoi se PDSH kerkon domosdoshmerine e njohjes te te drejtave qe Serbia kerkon per asosacionin e komunave serbe ne Kosove edhe per asosacionin e komunave shqiptare te Lugines se Presheves.
Nga ana e tij zoti Berisha theksoi se shqiptaret ne Luginen e Presheves jane sot minoriteti me i shtypur dhe me te drejtat me te mohuara ne Europe nga autoritetet serbe, i perjashtuar nga investimet ne infrastrukture dhe ne fushat e tjera.
Serbia, theksoi Berisha, kerkon super te drejta per serbet ne Kosove dhe mohon, ne kundershtim me marreveshjet nderkombetare qe ka firmosur, te drejtat e shqiptareve ne Luginen e Presheves por edhe ne Pazarin e Ri dhe kudo ne territorin e saj.
Zoti Berisha vleresoi se autoritetet shqiptare te Lugines zbatuan me seriozitet marreveshjen e Konçulit kurse Beogradi nuk zbatoi por zgjodhi te dhunoje kete marreveshje.
Ish kryeministri Berisha u shpreh se eshte i zhgenjyer edhe me qendrimet e auroriteteve te Tiranes dhe Prishtines ndaj problemeve te medha politike, ekonomike, infrastrukturore te banoreve te komunave te Presheves, Bujanovcit dhe Medvegjes.
“Te dy qeverite e nisen ndihmen me nje shume qesharake 100 mije euro dhe ne vend qe te rrisnin ndjeshem nga viti ne vit kete shume, e nderprene fare. Ne shtator,ne do kerkojme qe buxhetit ti shtohet zeri per Komunat e Lugines”, theksoi Berisha.
Ai u shpreh se shqiptaret e komunave te Lugines kane nevoje per garantimin e te drejtave te tyre ne perputhje me konventen Europiane te te Drejtave te Njeriut, investime dhe zhvillim dhe jo qe te perdoren per interesa te Serbise per tregti territoresh.
“Eshte fakt i pamohueshem se Serbia gjithnje ka dashur t’u perdori si plaçke tregu dhe per shkembim territoresh. Personalisht une kam qene dhe jam gjithnje per paprekeshmerine e kufijve te Kosoves dhe çdo lloj coptimi, ndarje apo tregtie me territorin e saj dhe kunder çdo diskutimi per keto çeshtje.
Mendoj se te njohesh te drejten Serbise, fuqise se humbur nga lufta, te paraqese pretendime territoriale ndaj Kosoves eshte gabim i madh dhe historik, eshte ne nje fare menyre nje zhberje e qellimit dhe rezultatit te luftes dhe kapitullimit te Serbise.
Por kjo eshte edhe nje zhberje e Kosoves te çliruar ne vitin 1999, te njohur ne dokumentat nderkombetare dhe nga mbi 115 shtete perfshi ketu 95% te vendeve te lira te botes”, u shpreh Berisha.
Zoti Berisha theksoi ze Republika e Kosoves eshte shpallur dhe njohur si shtet i pavarur me kufijte e saj aktual nderkombetar ndaj Serbia nuk ka asnje te drejte dhe nuk duhet t’i njihet asnje e drejte per te pretenduar qofte edhe nje pellembe toke te territor te Kosoves.
Duke theksuar se Kosova nuk i ka asnje borxh Serbise dhe se ajo nuk ka asnje pellemb toke te territorit te saj pasi e kunderta eshte e vertete, zoti Berisha u shpreh se te pranosh idene e ndarjes se Kosoves ne nje menyre apo ne nje tjeter mbeshtet idene dhe perpjekjen e Beogradit per Serbine e Madhe ne kurriz te Kosoves. Ne rajonin, tha ai, tone zona me tre komuna minoritare si Mitrovica jane disa dhe hapja e nje precedenti qe kerkojne serbet ne Mitrovice do minonte paqen dhe stabilitetin ne mbare rajonin.
“Minoriteti serb ne Kosove, ne perputhje me Dokumentin e Ahtsarit eshte shpallur superminoritet. Atij i jane dhene dhe garantuar te drejta qe nuk i ka asnje minoritet ne Europe, ndaj, theksoi zoti Berisha, pretendimi i Serbise per tre Komunat e Mitrovices nuk ka te beje aspak me garantimin e lirive dhe te drejtave te serbeve por ka te beje vetem me vazhdimin e ides se serbomadhise dhe eshte pretendim territorial ndaj nje shteti sovran te pavarur me qellim zhberjen e Kosoves!”
Ai theksoi se nuk ka asnje dallim edhe ne rastin e “shkembimit” te territoreve pasi kane qene serbet ata qe kane kerkuar gjithnje dhe me insistim patologjik, edhe para shpalljes se pavaresise se Republikes se Kosoves, ndarjen apo tregtine me territoret e saj. Ai u shpreh se e verteta eshte se ne kete rast Serbia kerkon te beje tregti, te perdore si plaçke tregu territoret shqiptare pasi ajo eshte e shqetesuar nga zgjimi gjithnje e me i madh i vetedijes kombetare tek banoret shqiptar te Pazarit te Ri.
Per te gjitha keto zoti Berisha u shpreh se eshte kategorikisht kunder dhe se ka bindje se keto perpjekje destabilizuese te Serbise do te deshtojne. Ai theksoi se cdo marreveshje dhe çdo zgjidhje duhet te jete nje marreveshje midis dy vendeve te pavarura qe njohin dhe respektojne integritetin territorial te njeri – tjetrit.
“Ju nuk duhet ne asnje menyre te behi shkak per keto pazare. Lugina duhet te jete Lugine paqeje, bastion i pamposhtur i vlerave, botes shqiptare dhe europiane, me qytetare te barabarte para ligjit dhe ne rast se Serbia nuk pranon keto parime vetkuptohet qe ajo nuk kerkon marreveshje por konfliktualitet dhe destabilizim”, theksoi ai.
RD
Pse i dogji Thaçit deklarata e Berishës ? Ja e vërteta. Read More »
“Gjapri” i Kosovës ka sulmuar Sali Berishën njeriun symbol të kombit dhe që bashkoi fizikisht Shqipërinë me Kosovën me një fjalor të huazuar nga Beogradi. Ushtaraku që në luftë i vendosën epitetin “gjarpri” për shkak të pabesisë ndaj luftëtatrëve të tjerë të UÇK-së ka hequr maskën dhe është ndërsyer në një sulm të pazakontë ndaj ish-Kryeministrit Berisha, i cili në asnjë rresht nuk e ka atakuar Thaçin, por vetëm është deklaruar publikisht se është kundër çdo skenari të ndarjes së Kosovës. Përse “gjarprit” i paska djegur deklarata e Berishës kundër ndarjes së Kosovës?
Presidenti i Kosovës, Hashim Thaçi është përplasur sot me ish-kryeministrin e Shqipërisë Sali Berisha. Ky i fundit ka dalë kundër propozimit të Thaçit për rishikim kufijsh mes Kosovës dhe Serbisë. Deklaratat Berisha i bëri gjatë një takimi me përfaqësues të shqiptarëve në Luginën e Preshevës.
“Të pranosh idene e ndarjes së Kosovës në një mënyrë apo në një tjetër mbështet idenë dhe përpjekjen e Beogradit për Serbinë e Madhe në kurriz të Kosovës. Në rajonin tonë, zona me tre komuna minoritare si Mitrovica janë disa dhe hapja e një precedenti që kerkojnë serbet në Mitrovicë do minonte paqen dhe stabilitetin në mbare rajonin.’ – ka thënë Berisha në takim.
Pas kësaj deklarate është kundërpërgjigjur ashpër presidenti i Kosovës, Hashim Thaçi. Përmes një postimi në Facebook, Thaçi ka thënë se Kosovës nuk i duhen këshilla nga ata që e kanë ndihmuar Sllobodan Milloshevicin, në vitet e luftës me Kosovën, duke i shitur naftë, në kohën kur Jugosllavia ishte nën sanksione. Thaçi shkon edhe më tej duke thënë se këshilla nuk i duhen as prej atij që ka strehuar Osama Bin Landenin dhe ka arrestuar Adem Jasahrin dhe komandantë tjerë të UÇK’së.
“Institucioneve të Republikës së Kosovës sot më së paku iu duhen këshillat e të dëbuarve me votë masive nga skena politike.
Veçanërisht të atyre që në mes viteve 1992 – 1997 tregtonin dhe bënin që me punët e tyre të pista të mbijetonte makineria
ushtarake dhe policore e kasapit të Ballkanit, Sllobodan Millosheviq. Ata duke mbushur xhepat e tyre, u kujdesën me devotshmëri që rezervuaret e tankeve dhe autoblindave të jenë të mbushur plot, përkundër faktit se bashkësia ndërkombëtare kishte vënë sanksione kundër Millosheviqit. Nuk i duhen këshillat e atyre që strehuan Bin Ladenin, vrasësin e civilizimit botëror si dhe Arkanin, vrasësin e shqiptarëve të Kosovës. Nuk i duhen këshillat e atyre që burgosën komandantin legjendar Adem Jashari, si dhe komandantë të shquar si Fehmi e Xhevë Lladrovci, Zahir Pajazit, dhe UÇK-në e etiketuan si terroriste. Këta që sot kundërshtojnë vullnetin e shqiptarëve të Preshevës, Bujanovcit e Medvegjës për bashkim me Kosovën, janë të njëjtit që Presidenti Rugova për së gjalli nuk i lejoi ta shkelin tokën e Kosovës. Këshillat e tyre i takojnë kohës së turpit të historisë shqiptare”, thuhet në deklaratën Hashim Thaçit.
Presidenti i Kosovës ka disa ditë që i mëshon idesë së korrigjimit të kufirit mes Kosovës dhe Serbisë. Ai nuk e quan ndarje të Kosovës këtë proces, ndonëse është e paqartë se si Serbia do të lëshojë Preshevën, Medvegjën dhe Bujanovcin që t’i bashkohet Kosovës, pa marrë veriun e Kosovës.
“Ky proces, nëse tregohemi të mençur dhe të bashkuar, do të përmbyllet me njohje reciproke Kosovë – Serbi, dhe Kosova do të anëtarësohet në të gjitha organizatat ndërkombëtare: në BE, NATO dhe OKB. Nuk duhet t’i përsërisim gabimet siç na ndodhën me vonesën për themelimin e Ushtrisë së Kosovës apo dhe me votimin e vonuar të demarkacionit me Malin e Zi”, sqaron Thaçi në deklaratën e tij.
Por deri më tani s’kemi ende një qëndrim të qartë nga Ëashingtoni dhe Brukseli. As Tiranë zyrtare nuk ka folur rreth deklaratave të fundit të presidentit Hashim Thaçi. Kosova dhe Serbia janë prej disa vitesh në një proces dialogu me ndërmjetësimin e Brukselit, proces që pritet të përmbyllet vitin e ardhshëm.
Ish-kryeministri Sali Berisha ka folur në lidhje me temën e shumë debatuar për një korrigjim të mundshëm të kufijve mes Serbisë dhe Kosovës.
Berisha është shprehur ditën e sotme nëpërmjet një postimi në rrjetet sociale, se është kundër korrigjimit të kufirit dhe Serbia s’mund të prekë asnjë pëllëmbë të tokave shqiptare.
Mirëpo pas reagimit të ish-kryeministrit Berisha, mbi korrigjimin e kufijve për Kosovën, i menjëhershëm ka qenë edhe reagimi i presidentit Hashim Thaçi.
Në një postim në faqen e tij në rrjetet sociale, Thaçi ka sulmaur ashpër Berishësn duke thënë se Kosovës nuk i duhen këshillat e një njeriu ii cili është dëbuar me votë masive.
Duke vazhduar më tej presidenti Thaçi e ka konsideruar ish-kryeminstrin, një njeri i cili i ka shitur armë Millosheviçit.
Por gjuha e përdorur dhe akuzat e hedhura kanë acaruar qytetarët e Kosovës dhe të Shqipërisë, të cilët e kanë sulmuar me sharje dhe duke dalë hapur kundër tij.
Por, një tjetër fakt që bie në sy, është se në postimin e Thaçit janë fshirë shumë komente të qytetarëve, të cilat mesa duket nuk i kanë pëlqyer presidentit të Kosovës. Fotoja e mëposhtme tregon që janë fshirë rreth 200 komente.
Pas deklaratës së bërë nga presidenti i Kosovës Hashim Thaçi, kundër ish-kryeministrit të Shqipërisë, Sali Berisha, ka patur reagime të shumta nga politikanë shqiptarë dhe kosovarë, të cilët i kanë kritikuar kreun e shtetit të Kosovës.
Me anë të një reagimi në Facebook, deputeti demokrat Tritan Shehu, ka deklaruar se nuk ja vlen të merresh me njerëz që deformojnë hostorinë, ndërsa ka vlerësuar kontributin e madh që ka dhënë ish-kryeministri Berisha për popullin kosovar.
Është e qartë për të gjithë se Shqipëria tani ka hyrë në radarët e destinacioneve turistike për mos u humbur. Është afër, e lirë dhe plot me thesare për t’u vizituar. Le të zbulojmë së bashku pesë vendet që nuk duhet të humbasim gjatë një udhëtimi në vendin e shqiponjave.
Kështu shkruan gazetarja dhe udhëtarja e njohur italiane, Francesca Masotti, në një artikull të publikuar në blogun e saj “Francesca on the top World”.
Tirana: qyteti që nuk fle kurrë
Kryeqyteti shqiptar është gjithnjë e duke u konsideruar nga turistët (kryesisht italianë) kuriozë për të zbuluar në një fundjavë një qytet të ndryshëm nga e zakonshmja, dhe më të famshëm, si destinacione të udhëtimit.
I lidhur me shumicën e aeroporteve më të mëdha italiane, Tirana vizitohet gjatë një fundjave apo edhe gjatë një qëndrimi më të gjatë.
Për mos t’u humbur një vizitë në të paktën në një nga tre muzetë , kushtuar viteve të diktaturës komuniste, BunkArt, e ndërtuar brenda një bunkeri të madh antiatomik të vendit, BunkArt2, dedikuar viktimave të regjimit, dhe Shtëpia e gjetheve, në të cilën është zhvilluar aktiviteti i policisë sekrete shqiptare.
Për të zbuluar më shumë rreth viteve të diktaturës, zgjidhja më e mirë është të rezervoni turin e Tiranës komuniste të “Good Albania”, një itinerar që zgjat rreth tetë orë që ndalon në vendet kryesore të lidhura me ato vite të tmerrshme duke përfshirë, përveç muzeve të cituar, Bllokun, lagjen dikur të ndaluar nga popullata dhe e rezervuar ekskluzivisht për elitën politike, sot zona më e preferuar e qytetit .
Për të vizituar pastaj dy vendet më të famshme të Tiranës, të rinovuara kohët e fundit, Pazari i Ri, tregu i ri i qytetit ku mund të shijoni disa gatime lokale dhe të ndaloni të shijoni peshk të freskët në një nga restorantet aty pranë, dhe Sheshi Skënderbeu, zemra e kryeqytet shqiptar, rezultat i një projekti madhështor arkitektonik që përfshin këmbësorët dhe mbjelljen e qindra pemëve. Dhe për pazar? Kruja, kryeqyteti i lashtë i mbretërisë shqiptare, 40 minuta larg Tiranës, me pazarin e vjetër osman të rinovuar është zgjidhja ideale për të bërë blerje tipike interesante (pa harruar megjithatë të vizitoni Muzeun e Skënderbeut, kushtuar heroit kombëtar që pikërisht këtu, në ‘400 i rezistoi pushtimit osman).
Riviera shqiptare; mijëra hije të së kaltrës
Ju nuk mund të thoni se keni qenë në Shqipëri pa kaluar pak kohë në Rivierën e bukur shqiptare, shtrirjen e bregdetit që del nga kalimi malor i Llogarasë dhe përfundon në kufirin me Greqinë. Bregdeti jugor i Shqipërisë është vendi i plazheve idilike, gjiret e fshehura, fshatrat ortodokse me kisha me kupola blu dhe manastire të fshehura në pyje që shpëtojnë nga syri më i hutuar. Zgjidhja më e mirë gjatë pushimeve është të ndaloni në një ose dy fshatra dhe pastaj të eksploroni mjedisin.
Zgjedhja në mënyrë të pashmangshme bie mbi Dhërmiun, fshatin më simpatik të Rivierës me plazhet e tij të mahnitshme dhe plazhin aty pranë të Drimadhës, një nga më të bukurit e bregdetit Jon, Himara, e rrethuar nga plazhet e mbuluara me ujë kristal është destinacioni i përsosur për të vizituar kalanë mbresëlënëse të Ali Pashë Tepelenës, ose Saranda, e konsideruar kryeqyteti i Rivierës, me klubet e tij të famshme, restorantet, , si dhe një bazë ideale për të arritur në afërsi të Ksamilit, plazhit të fundit në brigjet shqiptare para se të hysh në territorin grek. Cilado qoftë zgjedhja se ku të qëndroni, plazhet për të eksploruar përgjatë bregdetit, përveç atyre të përmendura më sipër, janë shumë dhe meritojnë një vizitë.
Dy ndalesa të tjera të padurueshme për ata që vendosin të shkojnë në rivierën shqiptare janë Parku Arkeologjik i Butrintit, parku më i madh në Shqipëri dhe një nga më mirë të ruajturit në Ballkan, që ndodhet prapa Ksamilit, ku mbahen dëshmitë e paçmueshme. ‘Epoka ilire, greke, romake, otomane dhe veneciane, dhe Syri i Kalter, një pranverë e thellë karstike prej 50 metrash nga e cila rrjedh uji në një mijë hije të së kaltrës dhe jeshiles”.
Gjirokastër; qyteti muze i Shqipërisë
Vendi i Trashëgimisë Botërore që nga viti 2005, shembulli unik i arkitekturës otomane dhe qytet-muze i vendit, Gjirokastra është destinacioni më interesant i Shqipërisë. Jo vetëm për bukurinë e saj të padiskutueshme, por edhe për vendndodhjen e saj piktoreske, të rrethuar me male dhe të vendosura pak kilometra nga kufiri grek. Turi në qytet fillon nga pazari i vjetër, i rinovuar kohët e fundit, me ndërtesa tradicionale të shndërruara në dyqane, ku shiten qilima të punuar me dorë, objekte për shtëpi dhe suvenire të llojeve të ndryshme.
Nga pazari merr rrugën që të çon në Kështjellën e Gjirokastrës, n të cilën ndodhen një muze kushtuar armëve dhe një aeroplan ushtarak amerikan i Luftës së Dytë Botërore. Është më mirë të qëndrosh pak ‘këtu për të admiruar spektaklin e qytetit nga lart, me çatitë karakteristike të saj me ngjyrë gri. Për mos tu humbur pastaj është një vizitë në një nga shtëpitë tradicionale gjirokastrite siç janë shtëpia Skenduli ose shtëpia Zhekate, që i përkasin dy prej familjeve më të pasura në qytet.
Gjirokastra është edhe shtëpia e dy prej njerëzve më të njohur shqiptarë të të gjitha kohërave: Enver Hoxha, diktatori komunist, i cili sundoi vendin për më shumë se 40 vjet, vendlindja e të cilit është kthyer në një muze etnografik, dhe Ismail Kadare, shkrimtari i njohur shqiptar, autor i romaneve të shumta të përkthyera në të gjithë botën, ka lindur në një shtëpi të bukur të qytetit të vjetër ajo është tani një muze( (deri në 29 shtator ju mund të vizitoni ekspozitën “Flashback: Shqipëria në vitet ’90” me fotografi të Robert Pilcher).
Berati, qyteti i dritareve të mbivendosura
Pak më shumë se një orë larg nga kryeqyteti, këtu është Berati, një xhevahir i vogël i vendosur mes maleve të larta që karakterizohet nga disa ndërtesa, më të bukura në vend. Berati i detyrohet nofkës së tij nga shtëpitë e mrekullueshme të tij të bardha të shpuara nga pikat e shumta të dritës që e kanë fituar pseudonimin e qytetit me dritare të mbivendosura. Trashëgimi Botërore që nga viti 2005, Berati është i ndarë në dy lagje të mëdha historike, Gorica, e traditës së krishterë, dhe Mangalemi e traditës myslimane dhe është e dominuar nga qyteti i fortifikuar, ku ju mund të admironi pamje mahnitëse në të gjithë qendrën historike dhe në malet përreth.
Në mes të një vizite në një xhami dhe një vizitë në një kishë, nuk ka asgjë më të mirë se sa për të arritur në kështjellën e Beratit, ende i banuar sot, të pushoni në një nga tavernat tradicionale ku mund të porosisni një kafe tradicionale turke dhe në fund të vizitoni zonën e madhe të kështjellës për të zbuluar kishën e mrekullueshme (dhe të fshehur) të Trinisë së Shenjtë, një nga ndërtesat më të bukura fetare në Shqipëri.
Shkodër: dera e veriut
Më pak i njohur se jugu, por po aq interesant, veriu i Shqipërisë është një nga destinacionet për mos tu humbur për këdo që do të shkojë në zbulimin e anës së egër dhe më autentike të vendit. Pika fillestare për veriun e madh është Shkodra, qyteti historik i Shqipërisë, shtëpia e muzeut të vetëm fotografik të Shqipërisë, Muzeu Marubi dhe kalasë Rozafa, një nga më të mëdhatë në Ballkan.
Shkodra arrihet për një orë me makinë nga Tirana, gjatë rrugës, është e domosdoshme për të ndaluar në fermën Mrizi Zanave, një nga restorantet më të mira të Shqipërisë, ku ju mund të shijoni gatimet e traditës lokale të gërshetuara me modernen. Shkodra ofron shumë opsione për të apasionuarit pas aktiviteteve në natyrë: nga një udhëtim në liqen, më i madhi në Ballkan që ndan Shqipërinë me Malin e Zi fqinj, një turne me traget në liqenin e Komanit, një digë e madhe artificiale e ndërtuar gjatë viteve të diktaturës komuniste, deri tek eskursionet (të këshilluara për ata që i kanë këmbët e stërvitura) në Parkun Kombëtar të Valbonës, mushkëria e gjelbër e Shqipërisë, ose Thethi, perla e Alpeve Shqiptare. Cilado qoftë zgjedhja juaj, ju mund të jeni i sigurt për një gjë: në Shqipëri është e pamundur të mërziteni./atsh
Rreth 80 mijë turistë vizituan Sarandën nga rrugët detare në 2 muaj (qershor-korrik) 2018-
– Saranda, një nga perlat e bregdetit shqiptar sa vjen edhe frekuentohet më tepër nga turistët vendas dhe të huaj.
Të mahnitur nga bukuritë që të ofron qyteti me një vijë bregdetare për t’u pasur zili, Saranda ofron gjithçka për një pushues, plazh të pastër dhe cilësor, akomodim si dhe një larmi vendesh për t’u vizituar, ku një prej tyre është edhe Kalaja e Lëkurësit me pamjen përrallore që të ofron.
Zëdhënësi i bashkisë së Sarandës, Thoma Nika, në një intervistë për Agjencinë Telegrafike Shqiptare theksoi ne në qytetin bregdetar vetëm në 2 muajt e këtij viti (qershor-korrik) nga rrugët detare kanë ardhur rreth 80 mijë turistë të huaj.
“Saranda është duke jetuar ditët e bumit turistik dhe kjo është lehtësisht e dallueshme në këto ditë të para të gushtit por e krahasueshme dhe e ngjashme ka qenë situate në muajin korrik. Ajo që nuk duhet lënë pa thënë është që sivjet ka një frekuentim të shtuar nga turistët e huaj në qytetin e Sarandës, e cila vërehet nëpërmjet shoqërive turistike apo nëpërmjet lëvizjeve që vet turistët kanë bërë zbulime për Sarandën nëpërmjet parablerjeve që kanë bërë me sistemin “booking”. Vetëm nga rrugët detare kanë hyrë rreth 34 mijë në muajin qershor dhe rreth 45 mijë në muajin korrik, që është një shifër goxha e madhe krahasuar me vitin e kaluar, duke shënuar një rritje prej 14% sipas raportit detar”, theksoi Nika.
Duke folur për turizmin si një nga karakteristikat kryesore për zhvillimin ekonomik të qytetit dhe zonës përreth, Nika shprehet se në qytetin e Sarandës ka një dominim nga turistët Nordikë, të cilëve u pëlqen të vizitojnë “perlën” e jugut, Sarandën.
“Është një dukuri 6-7 vjeçare që turistët nga vendet Skandinave e kanë të programuar ardhjen në Sarandë dhe në harkun kohorë të 7 viteve numri i turistëve të këtij rajoni ka shkuar nga 1 mijë që ishte në vitin e parë në 10 mijë sivjet.
Kjo është shifër e konfirmuar pasi ka një parablerje të rezervimeve në hotele.
Janë 14 hotele të Sarandës të preferuara dhe të përzgjedhura prej tyre të cilat janë të rezervuar nga ata. Lëvizja e turistëve Nordik është në mënyrë të tillë që ata vijnë çdo javë nga 100 turistë dhe akomodohen në këto hotele dhe turi i javës paraardhëse ua lë vendin atyre të javës pasardhëse dhe ky është lloji i turizmit “back to back”./atsh
Saranda, “perla” e jugut tërheq vëmendjen e turistëve nordikë Read More »
Punësimi është një nga prioritetet e qeverisë. Vetë këtë javë janë punësuar 412 persona nga zyra e Punës.
Sipas të dhënave të publikuara nga Zyrat e Punës, vihet re se në Vlorë është dhe numri më i lartë i të punësuarve nga zyra e punës, 63 persona, më pas vjen Elbasani me 55, Tirana me 52, Shkodra 45 persona…etj.
Në total janë 412 të punësuar nga zyra e punës në një javë 27 Korrik-02 Gusht. /atsh
412 të punësuar përmes Zyrave të Punës në një javë Read More »
Nëse keni planifikuar pushimet në 15 ditshin e dytë të muajit gusht përgatituni për një mot të mirë, por në temperatura të larta.
Meteorologët thonë se vala e të nxehtit që ka prekur Europën Perëndimore e ka lënë në periferi Shqipërinë, por ndërkohë temperaturat nisin të ngrihen që nga kjo e shtunë, ndonëse shpesh herë do të ketë vranësira.
Tanja Porja thotë:
“Mesdita e të shtunës dhe e diela sjell një rritje me dy gradë të temperaturave maksimale duke e ngjitur sërish maksimumin në 37 dhe në zona të veçanta dhe në 38 gradë Celsius. Sërish kemi një rritje me dy gradë të temperaturave të mërkurën dhe të enjten”.
Termometri pritet të shënojë 39 gradë Celisus në disa zona të caktuara dhe jo në të gjithë territorin.
Nga jugu në rrethinat e Sarandës si zona e Palasës të shkojë 39 apo ta largojë 39 gradëshin. Sigurisht dhe Gjirokastra me rajonin nga Lazarati në Derviçan. Këlycra dhe Kuçova, më lart në Shqipërinë Qendrore, ku zona e Elbasanit dhe Cërrikut pritet ta kalojë 39 gradëshin.
Nuk përjashtohen reshjet e shiut, por këto do të jenë të izoluara në zona të larta malore. Megjithatë, në javën e fundit të muajit gusht pritet që një tjetër valë të nxehti të përfshijë Europën aq sa po shënohen temperatura të paregjistruara më parë.
Porja shton:
“Vala e tretë që presim në 10-ditëshin e fundit të gushtit Shqipërinë e kalon në periferi pasi vetëm në zona të veçanta mund të shënojë 39 apo të tejkalojë 39-gradëshi”.
Megjithatë temperaturat e muajit gusht thonë meteorologët janë 5 gradë mbi mesataren e muajit të fundit të stinës së nxehtë.
“Ferri” vjen në Shqipëri/ Kaloni mirë këtë fundjavë se nga java tjetër… Read More »
Edi Rama, Lulzim Basha dhe Sali Berisha pa përjashtuar dhe Metën kanë qënë gjithnjë në sinkron për të demotivuar reformën në drejtësi dhe për të mos e zbatuar asnjëherë atë.
Shkaku i vetëm që janë përfshirë gjithë kupola politike kundër kësaj reforme dhe zbatimit të drejtësisë së re, është se janë të gjithë të zhytur deri në grykë në abuzime, trafiqe dhe krim.
Pa asnjë përjashtim, që nga Berisha, duke vijuar me Bashën e Monikën, Ramën vetë dhe mbi të gjitha Ilir Metën tashmë si President, janë kontigjent për të qënë ata në bankën e të akuzuarve si “peshqit e mëdhenj” të politikës shqiptare.
Kështu që duke ndarë “thela” të institucioneve zbatuese të kësaj reforme mes njëri tjetrit, kupola politike ka vendosur që të dominojë strukturat e zbatimit të reformës në drejtësi me përfaqësuesit e vet.
Një skenar që do të shërbejë më së miri si “jelek antiplumb” ndaj goditjeve të drejtësisë për shkak të akuzave që rëndojnë mbi Berishën, Metën, Bashën, Monikën dhe Ramën.
Dhe presioni ndaj njëri tjetrit për kalimin në Vetting të prokurorëve dhe gjyqtarëve pikërisht dominimin e SPAK ka pasur në vetëvete, pasi asnjëri prej liderëve politikë shqiptarë nuk është i interesuar për të pasur një drejtësi reale dhe të ndershme.
Edi Rama është akuzuar se ka ndikim mbi komisionet e Vettingut për të kaluar prokurorët dhe gjyqtarët që dëshiron ai, që më pas të ndikojnë në vendimet e SPAK kur të jenë anëtarë të tij.
Për këtë arsye nuk ka kaluar pa debate kalimi i Vettingut nga ana e Ardian Dvoranit, pavarësisht se kishte shumë probleme me pasurinë. Por dhe të tjerëve dhe opozita e ka akuzuar çdo ditëRamën për Dvoranin dhe gjyqtarët e tjerë, të cilësuar si përkrahës të kryeministrit.
Por Edi Rama ka ‘menduar’ dhe për Berishën dhe Bashën. Kështu, në mënyrë të papritur ka kaluar vettingun numri dy i Prokurorisë së Krimeve të Rënda Gentian Osmani, prokurori që ka çështjen “Tahiri” dhe për më tepër një kamikaz i Berishës.
Po ashtu në mënyrë po të papritur është komanduar në krye të Prokurorisë së Tiranës Elizabeta Imeraj, dhe kjo e “Tahirit” e kamikaze e Berishës, i cila gjithsesi emërtesën e ka në Prokurorinë e Krimeve të Rënda.
Pra përmes Arta Markut, kryeministri Rama vendos në krye të akuzës në Tiranë prokuroren e Berishës, duke dhënë sinjal se kalimin e Vettingut e ka të garantuar.Shtuar këtu dhe prokurorin tjetër të Krimeve të Rënda, Besnik Muçi, një ithtar i hershëm i Berishës, bëhen tre prokurorë të Berishës që kalojnë Vettingun.
Dikush mund të thotë se ku qëndron rreziku këtu?
E vërteta e kulluar është se Prokurorët e Krimeve tëRënda që kalojnë Vettingun, janë automatikisht anëtarë të SPAK. Dhe të tre këto prokurorë të Krimeve të Rënda, Gentian Osmani, Elizabeta Imeraj dhe Besnik Muçi janë automatikisht anëtar të SPAK, strukturë që gjithsej do të kjetë 10 prokurorë dhe gjyqtarë.
Pa përjashtuar që anëtar i SPAK mund të jenë dhe dy gjyqtarë dhe prokurorë të tjetë të Berishës e Bashës, atëherë ata kanë ndarë me Ramën këtë institucion që ka për detyrë të arrestojë “peshqit e mëdhenj” në mënyrë të barabartë.
Vendimet që do të merren pas këtij konfigurimi të SPAK merren me mend vetë nga të gjithë shqiptarët. Për pasojë asnjë prej kupolës politike kriminale nuk do ta shohë derën e burgut.
Ndoshta mund të“sakrifikojnë” Metën dhe Monikën, po nuk arritën ndonjë kompromis me Ramën. Dhe për rrjedhojëmund të jetë të destinuar të shkojnë në burgun e ri të ndërtuar me fondet e BE, në Reç të Shkodrës. Duke u bërë kontigjeti i parë i “peshqve të mëdhenj” që shkon në burg./Pamfleti
