Aktualitet

190 buallicat e vetme në Shqipëri dhe që ndodhen në Divjakë ruhen dhe kulloten nga dy fëmijë të vegjel dhe kujdesen nga një çift të moshuarish. Adoleshentët e nisën këtë punë për të fituar të ardhura të cilat do u shërbejnë me fillimin e vitit shkollor.

Buallicat e Divjakës po zhduken. Por duket se kësaj here janë fëmijët ata më të shqetësuarit për këtë fakt. Dy djem 14- vjeçarë kane zgjedhur t’i ruajnë ato. Janë përgjegjës për ruajtjen e 190 krerëve, të cilët i kullosin nëpër tokat e kripura të pyllit aty pranë.

“Është e thjeshtë, nuk është e vështirë”, thote njeri prej te rinjve.

Sapo kanë mbaruar klasën e 8-të, dhe duhet të punojnë që të blejnë libra dhe rroba për sezonin e ri shkollor.

Diamant Sula dhe Mateo Karaj janë nga Kryekuqi, një fshat një orë larg Divjakës. Ngrihen çdo mëngjes në orën 05:00 dhe punën e lënë kur fillon errësira.

Diamant Sula: “Unë vij në 6 këtu dhe në orën 10 të drekës i mbyllim, i çojmë në 3 të pasdites deri në 7-7:30 dhe 8:00 që i çojmë në shtëpi”.

Me të ardhurat që do mbledhësh ca do i shpenzosh?
Mateo Karaj: “Për shkollën”.

Në ç’ klasë hidhesh?
Mateo Karaj: “Në të nëntën, minimaturant”.

Kur u treguan prindërve se do merreshin tre muaj me ruajtjen e buallicave, frika me e madhe e familjes ishte jeta e tyre. Këto kafshë duhen shëtitur nëpër hapësira të mëdha, ku rreziku është i pashmangshëm.

“Fillimisht reaguam keq se kanë nam të keq si vrasëse”

Janë të rrezikshme për ju?
 “Vetëm kur ke veshje të kuqe të ndjekin me vrap”.

Dy 14- vjeçarët e kanë punën e parë që bëjnë në jetën e tyre, kujdesin për tufat e buallicave. Për ta momentet më të bukura janë kur të vegjëlit bashkohen me nënat për të pirë qumështin.

“Më ka pëlqyer që i futet buallica e madhe tjetrës për të pirë qumështin”

Ka pasur raste kur ju ka humbur ndonjë kafshë?
“Po. Kemi kërkuar. Vijnë vetë”.

Bullicat janë specie autoktone e zonës së Divjakës. Pas viteve ‘90 rrezikonin zhdukjen. Por falë një çifti të moshuarish ato u shpëtuan. Dhe nga 30 krerë sot numërohen 190. Bullicat njihen dhe vlerësohen në të gjithë botën veçanërisht për qumështin dhe djathin e bardhë

Bashkia Fier vijon investimet në infrastrukturën rrugore, duke përmirësuar kështu jo vetëm jetën dhe qarkullimin e qytetarëve drejt zonave më të populluara, por ndërtimi i tyre ka dhe një impakt ekonomik.

Drejt përmirësimit të infrastrukturës është vendosur lagja “Elmaz Troka”, në Çerven të Fierit.

Lajmi u bë i ditur nga kryetari i bashkisë së Fierit, Armando Subashi, i cili shkruan se “Jo në një, por ndërhymë për përmirësimin e infrastrukturës në të gjitha rrugët e lagjes “Elmaz Troka”, në Çerven. Edhe pak kemi për të larguar një nga problemet kryesore të banorëve”.

Në bashkinë e Fierit investimet kanë prekur qendrat shëndetësor, shkollat, kopshtet si dhe trotuaret e dhe rrugët e qytetit.

Pak ditë më parë u ndërhy në lagjen “11 Janari”, jo vetëm duke përmirësuar infrastrukturën rrugore, por edhe duke krijuar një bllok të mirëfilltë banimi me të gjithë elementët e nevojshëm urban./atsh

VLORË- Qyteti i Vlorës është tronditur nga të shtënat me armë zjarri mbrëmjen e sotme. Gazetari Enrik Mehmeti raportoi për “BalkanWeb” se ngjarja ka ndodhur pranë Universitetit “Ismail Qemali” në zonën e “Skelës” në Vlorë.

Momentalisht nuk ka informacione për persona të plagosur por dyshohet se ka qenë një përplasje me armë mes palëve të përfshira në një sherr. Policia e njoftuar për ngjarjen ka shkuar në zonë dhe po punon për zbardhjen dhe identifikimin e autorëve.

Pas publikimit të disa fotove nga ish-kryeministri Sali Berisha ku denonconte kultivimin e kanabisit në malësinë e Krujës, ka ardhur reagimi zyrtar i Policisë së Shtetit. Në reagim thuhet se, bimët janë asgjësuar dhe se fotot janë të vitit të kaluar.

Reagimi i policise

Përgënjeshtrim – Në lidhje me statusin e publikuar sot në rrjetet sociale nga deputeti Berisha, ku pretendohet se në zonën e malësinë e Krujës janë konstatuar 2.000 rrënjë kanabis, sqarojmë se fotot i përkasin një periudhe të mëhershme pavarësisht se janë përdorur si aktuale:

Në datë 9 korrik 2018, në zbatim të planit të masave për kontrollin e territorit me qëllim parandalimin e kultivimit të bimëve narkotike janë organizuar shërbimet dhe kanë ushtruar kontroll në fshatrat Mafsheq, Barkanesh, Njësia Administrative Cudhi dhe fshatin Kurcaj, Njësia Administrative Nikel ku në total janë gjetur dhe asgjësuar me anë të djegies 643 bimë Cannabis Sativa.

I nxehti afrikan prej disa ditësh ka përfshirë dhe vendin tonë dhe do të zgjasë deri më 20 gusht. Temperatura pritet që të rriten ndjeshme këtë javë. Meteorologia Elsona Gjoni, thotë se dita më e nxehtë e kësaj jave do të jetë  e mërkura ku termometri do të kapë 38 gradë C, ndërsa qytetet më të prekura nga vapa do të jenë Berati, Kuçova, dhe Elbasani.

Dita e djeshme në rang vendi ka kapur vlerën 36 gradë C, ndërsa në Tiranë ka kapur 34 gradë C. Do kemi një mot pjesërisht të kthjellët. Temperaturat të larta, nga 21-34 gradë në bregdet. Edhe nesër e njëjta situatë ku do kemi masa ajrore të qëndrueshme, mot me diell. Rritja do të jetë graduale deri në fundjavë. Piku do të arrijë të mërkurën, vlera maksimale do t’i kalojë 38 gradë C. Temperaturat e larta do të ndihen më shumë në zonat e ulëta si Berati, Elbasani, Kuçova, por në disa ditë edhe në Shkodër dhe Kukës”, tha Gjoni.

E pyetur sesi do të vijojë të jetë moti në ditët e tjera, dhe a do të ketë ditë më të nxehtë se e mërkura, Gjoni u shpreh: “Kjo javë, e mërkura parashikohet të jetë në vlera maksimale. Mbetet për t’u parë deri në fund të gushtit si do të jenë temperaturat.” Gjoni ka shpjeguar edhe zërat për një situatë alarmante me motin në Shqipëri, ajo ka thënë se temperaturat janë normale. Temperaturat janë normale deri tani për vendin tonë deri në 38 gradë C, deri në 41 gradë C- 42 gradë C, s’ka problem.

Meteorologia Gjoni ka thënë se temperaturat që kanë përfshirë Spanjën apo Portugalinë, nuk kanë rrezik të jenë edhe në vendin tonë. “Jemi të ndikuar nga masa ajrore mesdhetare, vlerat e shënuara në Spanjë s’prekin vendin tonë. Pushimet, përsa i përket bregdetit, është i favorizuar, mot me diell, era e lehtë. Në jug ka patur erë në pasdite. Masat ajrore të qendrueshme, moti do jetë me diell, me vranësira të paketa”, tha ajo.