Aktualitet

Kjo që shihni në pamjet filmike që mbërritën në redaksinë e DurrësLajm pak më parë nuk është mjergull që ka mbuluar lagje të tëra të Durrësit, por retë e tymit që ngrihet nga fusha e depozitimit të mbetjeve në Porto-Romano. Nga larg, duket në horizont reja e zezë që ngrihet drejt qiellit.

Reja e kuqe e tymit ka mbuluar gjithçka, ndërkohë që banorët e lagjes nr.14, nga ku janë xhiruar sekuencat filmike mezi mbushen me frymë, ndërsa ajri rëndohet edhe më tepër nga temperaturat e larta dhe prezenca e lagështirës.

Pavarësisht ankesave të panumërta të banorëve të Durrësit, që thithin çdo ditë ajrin e ndotur, qindra kronika televizive dhe shkrimeve në gazeta e portale, denoncimit nga ana e shumë përfaqësuesve të opozitës dhe pranimit të situatës mjaft kritike nga ana e pushtetit vendor, gjendja në Porto – Romano rëndohet edhe më tepër.

Në mbledhjen e fundit të Këshillit Bashkiak të Durrësit u shpall gjendja e emergjencës mjedisore për fushën e grumbullimit të mbetjeve, por që nga ajo ditë asgjë s’ka ndryshuar.

Qytetarët e Durrësit do të vazhdojnë të thithin pluhurin toksik që çlirohet nga djegia e mbeturinave në qiell të hapur.

Temperatura perveluese duke nisur nga dita e merkura, sic ishte paralajmeruar. Meteoalb ben me dije se kulmi i nxehtësisë do te shenohet nga e mërkura në të premten. Nderkohe qe termometri ne zona te zaktuara do te kaloje edhe 39 grade celcius.

MOTI NE VIJIM: vijojnë temperaturat e larta edhe në fundjavë por kulmi i nxehtësisë shënohet nga e mërkura në të premten ku maksimumet sipas zonave pritet të luhaten nga 31 në 36°C zonat malore (maksimumi në Kukës) dhe nga 36 – 38°C në zonat e ulëta dhe bregdetare. Në zona specifike të Shqipërisë, maksimumi do të ngjitet mbi 39°C, vlera që priten në Veriperëndim të vendit (Koplik, Zadrimë) dhe Jug (Kucovë, Këlcyrë). Pas fundjavës parashikohet një rënie graduale e temperaturave, e cila vijonb për 5 – 6 ditë ndërsa sërisht ditët e fundit të gushtit sjellin një rritje të lehtë të vlerave termike.

TABLOJA e shirave paraqet zhvillim të vranësirave gjatë të gjitha pasditeve, kryesisht në Qendër dhe Juglindje ku priten shira afatshkurtër në zona të izoluara të vendit.

Zëdhënësi i NATO-s, Piers Cazalet i pyetur nga Agjencia Telegrafike Shqiptare për investimin e Aleancë së Atlantikut të Veriut në Shqipëri, konkretisht në Kuçovë, tha se investimi kap vlerën e 51 milionë eurove.

“NATO ka në plan të investojë 51 milion euro për të modernizuar bazën ajrore të Kuçovës në Shqipëri. Paratë do të shkojnë drejt përmirësimit të infrastrukturës në bazë, përfshirë edhe depot e karburantit”, konfirmoi për ATSH, Cazalet.

Në prononcimin për ATSH, ai sqaroi më tej se “financimi është pjesë e Programit të Investimit të Sigurisë së NATO-s që mbulon projekte kryesore ndërtuese në vendet aleate me qëllim përmirësimin e sigurisë në hapësirën e NATO-s. Ky program është pjesë e financimit të përbashkët të NATO-s në të cilin kontribuojnë të 29 vendet anëtare”.

Gjithashtu, në prononcimin për ATSH, zëdhënësi i NATO-s tha se Aleanca i është mirënjohëse Shqipërisë për kontributin në Aleancë.

“Ne jemi mirënjohës për kontributin e çmuar të Shqipërisë për sigurinë tonë të përbashkët, përfshirë misionet tona në Afganistan dhe Kosovë. Shqipëria gjithashtu i jep një mbështetje të fortë partnerëve tanë, përfshirë kontributin në Fondet tona të Kujdestarisë për Ukrainën, ndihmën në mbrojtjen kibernetike dhe tranzicionin e karrierës ushtarake”, deklaroi ai.

Shqipëria, theksoi Cazalet për ATSH, luan gjithashtu një rol të rëndësishëm në luftën kundër ISIS-it, duke kontribuar me pajisje dhe trajnime për Irakun.

“Shqipëria gjithashtu na ndihmon të rrisim sigurinë duke promovuar bashkëpunimin në të gjithë Ballkanin Perëndimor. Vendi juaj është një avokat i fortë I politikës së dyerve te hapura të NATO-s dhe i integrimit të fqinjëve tuaj në familjen Euro-Atlantike”, tha Zëdhënësi i NATO-s Piers Cazalet për ATSH.

Përmes këtij projekti, i cili pritet të nisë brenda këtij viti, Kuçova do të shërbejë si bazë mbështetëse për NATO-n për furnizim ajror; mbështetje logjistike; mbështetje për polic-imin ajror; si dhe trajnime dhe stërvitje të Aleancës.

Kuçova do të shërbeje gjithashtu edhe si bazë kombëtare për Forcën Ajrore Shqiptare dhe investimi i NATO-s në Shqipëri do të sjellë një standard të ri për Forcat e Armatosura dhe investime për zonën e Kuçovës.  /atsh