Aktualitet

Gazetarët duhet në parim të jenë gjakftohtë por në këtë rast nuk kanë mundur dot ta ruajnë qetësinë në ambientet e Gjykatës së Vlorës.

Edhe gazetarët, ashtu sikurse mbarë opinioni publik janë prekur e shokuar nga vrasja e 8-fishtë në Selenicë të Vlorës.

Ata njëri-pas tjetrit e kanë pyetur Ritvan Zykajn pse i vrau të afërmit, pse i vrau fëmijët… por vrasësi thjesht heshti në pritje të vendimit të gjykatës.

‘Aty u tregove trim i madh”, dëgjohet t’i thotë një prej gazetareve, tejet e revoltuar.

Presidenti i Kosovës, Hashim Thaçi ka deklaruar sot në Ditën Ndërkombëtare të Rinisë se, “12 gushti na gjen në një pozitë më të mirë pasi Kosova është në prag të liberalizimit të vizave dhe të rinjtë do të kenë mundësi të barabarta”.

Kosova ka të rinj dhe të reja shumë të talentuar, me plot energji për të punuar për vendin e tyre, tha Thaçi

Po ashtu, Presidenti i Kosovës, shton se “Dita Ndërkombëtare e Rinisë, 12 Gushti, sivjet na gjen në një pozitë më të mirë të të rinjve dhe me një përkushtim më të madh të tyre për njëri-tjetrin, përkundër që ende jemi larg asaj që ata kanë nevojë dhe ne duam”.

Duke vënë theksin te liberalizimi i vizave Thaçi shprehet se “tani jemi në prag të liberalizimit të vizave për qytetarët tanë dhe të rinjtë kosovarë së shpejti do të kenë mundësi të barabarta sikurse të gjithë të rinjtë tjerë europianë. Rinia është forcë e ndryshimeve pozitive në çdo shoqëri dhe fatmirësisht këtë vit edhe ne kemi pasur dinamikë të shtuar të të rinjve për pjesëmarrje në vendimmarrje, por edhe aktivizim më të madh të tyre për t’i bërë vetë ndryshimet që ata i duan”./atsh

Në Ditën Ndërkombëtare të Rinisë, zv.ministri i Arsimit, Sportit dhe Rinisë, Shpati Kolgega zgjodhi Korçën, si destinacionin e parë të nisjes së konsultimeve publike për Projektligjin e Rinisë, një iniciativë e qeverisë shqiptare me qëllim fuqizimin e të rinjve dhe shtimin e mundësive reale për ta.

Gjate bisedës se hapur, Kolgega u ndal ne prezantimin përmbajtësor të draftit, ku përfshihen çështje të ndjeshme si financimi i projekteve rinore, njohja e profesionit të punonjësit rinor, ngritja e drejtorive përkatëse dhe Planeve Lokale të Veprimit në çdo bashki të vendit etj.

“Synojmë pjesëmarrje të gjerë të të rinjve shqiptarë përgjatë këtij procesi, sepse ky Projektligj do të ketë rëndësi madhore në jetën e secilit prej jush. Shqipëria ka tanimë eksperiencën e mëparshme te vendeve të rajonit e atyre Europiane, te cilët janë ofruar gjithashtu për ekspertizë. Ky ligj vjen për here të parë pas dy dekadash kërkese nga shoqëria civile” – theksoi ai.

Duke u ndalur te lajmet e shpërndara së fundi, ku thuhet se 70 % e të rinjve shqiptarë dëshirojnë të braktisin vendin e tyre, Kolgega i ka cilësuar këto të fundit si laje të rreme dhe të pabazuara në asnjë studim real.

“Janë disa individë që për interesa financiare dhe politike shpërndajnë studime false, qe te krijojnë psikozën e një gjendjeje alarmante. Fatkeqësisht ky lajm është shpërndare si i vërtete, po dua t’ju them se është një ‘fake news’ i kohëve moderne. Në këto kushte, si e justifikojmë faktin qe sot ne Shqipëri jetojnë, punojnë dhe studiojnë rreth 25 mije te rinj italiane? Kjo nuk do të thotë, që nuk mungojnë sfidat për të rinjtë në Shqipëri, ashtu sikurse në çdo vend tjetër, por ndryshimi i kësaj here qëndron tek qasja e fokusuar dhe tejet aktive, që ne kemi ndaj problematikave të të rinjve”- permbyll Kolgega, duke uruar të gjithë të rinjtë në këtë ditë të veçantë./atsh

Një tjetër skandal ka ndodhur në burgun e Drenovës në Korçë. Një prej anëtarëve të personelit, ka denoncuar një rast skandaloz, ku drejtori i burgut ka shkuar i pirë në punë dhe më pas ka sharë dhe ofenduar këdo që i dilte para.

Punonjësi shkruan se drejtori pasi ka pirë në festën e birrës, u ëhstë drejtuar punonjësve duke i sharë dhe kërcënuar ata. Denoncimi i tij është bërë publik nga ish-kryeministri Sali berisha.

Ja postimi i Berishës në Facebook:

Narkodrejtori i policisë së burgjeve bëhet tapë dhe terrorizon personelin! Lexoni mesazhin e policit dixhital!

Miremengjesi doktor !

Mbreme drejtori i policise se burgjeve mbasi kishte pire mire e mire ne festen e birres ne korce vjen dhe ben reprezale presione te kota dhe te pabaza ofendon, shan dhe perbuz cdo efektiv ne burgun e drenoves Korce .

Mbeshtetemi tek juve se vetem ju denonconi te tilla raste . Turp per nje drejtues te tille . Me respekt nga nje efektiv i ndodhur mbreme aty.

Një gjumë i rehatshëm gjatë stinës së verës është padyshim një ëndërr që vështirë të bëhet realitet. Fjetja me ajër të kondicionuar është e dëmshme për shëndetin dhe rrugët e frymëmarrjes.

Temperaturat e larta nga ana tjetër janë aq të parehatshme për trupin sa nuk të lënë të vësh gjumë në sy. Gjumi është një proces shumë i nevojshëm për organizmin.

Sipas të dhënave  arsyeja përse është kaq e vështirë të flemë në temperature të larta është se trupi nuk është i mësuar me to. Trupi pret që temperaturat e larta të qëndrojnë shumë pak gjatë ditës dhe në mbrëmje të ulen normalisht.

Ekspozimi i vazhdueshëm ditë e natë ndaj nxehtësisë e çorodit trupin dhe vështirëson ardhjen e gjumit. Për të zgjidhur këtë parehati të madhe, idealja është që të qëndrojmë në një ambient të freskët, por jo domosdoshmërisht të ftohtë. Lexoni këshillat se si t’i shpëtoni kthetrave të verës e të flini mirë në këtë stinë.
Jastëkë Të Freskët
Pjesa më e madhe e temperaturës së trupit vjen nga koka. Nëse keni një jastëk të freskët nuk do të keni shumë vapë. Jastëkun mund ta mbështillni me qese plastike dhe ta fusni në frigorifer përpara gjumit.
Vendosni Akull Përpara Freskueses
Mbushni një tas me ujë të ftohtë dhe akull dhe vendoseni në fushëpamjen e freskueses. Do të ndieni një freski natyrale.
Përdorni Shishe Me Ujë Të Ftohtë
Gjatë dimrit, shumë shqiptarë mbushin shishe plastike me ujë të nxehtë për të ngrohur shtratin. I njëjti parim vlen edhe në verë, por shishja duhet mbushur me ujë të ftohtë.
Çarçafë Pambuku
Ssugjerohet të përdorni çarçafë të hollë pambuku në shtratin tuaj. Kështu do të mund të mbani nën kontroll temperaturën e trupit.
Bëni Dush
Përpara se të bini për të fjetur bëni një dush të freskët që të ulni temperaturën e trupit.
Shmangni Alkolin
Birra ose vera tingëllojnë të paevitueshme gjatë verës, por alkoli në sistemin tuaj mund të përkeqësojë temperaturën e trupit.
Ushqime të Lehta
Ushqimet e pasura me karbohidrate treten me vështirësi dhe rrisin temperaturën e brendshme të trupit. Konsumoni sallata, fruta dhe ushqime të lehta.

Pas ngjarjes së papreçedentë të ndodhur dje në portin e Durrësit, ku dhjetëra pasagjerë të linjës Bari-Durrës kanë qëndruar me orë të tëra në pritje të tragetit të kompanisë GNV dhe askush nuk u kthente përgjigje për vonesën, pasagjeri italian Enzo Ricco ka zbuluar për Faxnews, edhe tmerret që ka përjetuar.

Në lidhje me Skype, Ricco zbulon edhe sesi nisi sherri  që bëri bujë në të gjitha mediat, ku udhëtarët u përplasën me personelin e sigurisë së GNV.

Siç rrëfen ai, udhëtarët pas pritjes së gjatë në temperatura të larta, nuk patën asnjë informacion nga ana e personelit të kompanisë GNV.

Ricco zbulon se vonesat dhe kaosi kishin mbi tre ditë që shoqëronin kompaninë GNV, jo vetëm në portin e Durrësit, por edhe në Bari, dhe pa informuar udhëtarët që diçka e tillë do të ndodhte.

“Ishte diçka që nuk shkonte. Askush nuk po na jepte informacion se çfarë po ndodhte. Na dërguan në një anije tjetër dhe më pas na zbritën dhe informacionet mungonin.

 Kemi kërkuar informacione te kompania GNV dhe na thanë që anija do të nisesj normalisht. Kishte familje me fëmijë dhe të moshuar dhe ne kërkonim informacione. Dhe në pyetjet tona mjaft miqësore, kishte  reagim të ashpër dhe ofendime nga ana rojeve të sigurisë.

Na thanë që kjo vonesë vijon prej tre ditësh, që nga Bari dhe në Durrës, dihej që anijet nuk mund të niseshin dot në orar”, u shpreh ai për Faxnews.

Duke komentuar  edhe incidentin, që qarkulloi përmes një video në rrjetet sociale, ai u shpreh se e gjitha ngjarja nisi si pasojë e ofendimëve nga ana e personelit të sigurisë së kompanisë GNV, të cilët nuk morën parasysh se mes të prezentëve kishte fëmijë, gra dhe të moshuar.

“Pasgjerët nuk thanë asnjë fjalë ngacmuese. Rojet e sigurisë filluan të flisnin me fjalë të pisëta dhe të na kërcënonin. Një roje mori sinjalistikat dhe filloi të na gjuajë. Pas incidentit filluan të silleshin mirë ushqimet dhe pijet ishin falas. Një pasagjer që u konfliktua u thirr nga stafi i anijes” u shpreh ai.

Pavarësisht se ngjarja zgjati mbi 35 minuta, policia siç zbulon Ricco ndërhyri me vonesë.

“Policia erdhi me vonesë, kërkuam ndërhyrjen e policisë që nga fillimi por ata erdhën me vonesë. E gjithë sherri ka zgjatur 35 minuta, më pas policia ka ardhur me vonesë. Është e panejoshme që të ndodhte diçka të tillë”, u shpreh ai.

Ndër të tjera, shtetasi italian zbulon se nuk do të mungojë një padi kundrejt kompanisë GNV, e cila tentoi edhe t’ia hedhë fajin shqiptarëve për incidentin, ku në fakt ishte përgjegjësi e personelit.

“Të gjithë personat që kemi njohur këtu ishin shumë të komunikushëm, kjo ishte e panevojshme.Kjo nuk kjo ka lidhje me Shqipërinë. Kompania tentoi t’ia hedhi fajin shqiptarëve nuk është e vërtetë. Do ta padisim kompaninë GNV”, tha Enzo Ricco./faxnews

Prokuroria po nxjerr nga “sënduku” dosjet (RE)LIKE, i kanë kërkuar agjencitë e huaja anti-korrupsion
JA DENONCIMET, OBJEKTI DHE NUMRI FAQEVE PËR SECILIN

1. Denoncues me shkrim Sali Berisha, dosje me 29 faqe: Kryeministri Ilir Meta, ka punësuar në polici 35 persona në kërkim nga drejtësia për krime të rënda ekonomike e njerëzore, 4 nga të cilët në poste drejtuese dhe gjithashtu 124 të tjerë në sektorët e krimit, të skeduar si “persona me precedentë e aktivitet penalë në hetim”.

2. Denoncues me shkrim Sali Berisha, dosje me 17 faqe: Kryeministri Ilir Meta, ka blerë 31 pasuri të patundëshme, duke përdorur kryeadministratorin e firmave piramidale Farudin Arapi, të cilit i ka firmosur zhdukjen e dosjes së 1.2 milionë dollarëve që ka përfituar nga këto firma nëpërmjet motrës së tij Pranvera Arapi, shoqërisë “Iniciativa Turistike Mimoza” shpk, në bashkëpronësi 40% me firmën piramdiale “SILVA”.

3. Denoncues me shkrim Sali Berisha, dosje me 11 faqe: Zv/Kryeministri Ilir Meta, urdhëron tërheqjen nga banka dhe zhdukjen pa adresë, të 500 mijë USD taksë solidariteti e policisë, mbledhur në pikat e kalimit të kufirit.

4. Denoncues me shkrim Sali Berisha, dosje me 22 faqe: Kryeministri Ilir Meta, firmos dokumentacion fals, për të ligjëruar zhdukjen e 530 milionë lekëve donacione në Ministrinë e Punës, akorduar për politikat kombëtare të nxitjes së punësimit.

5. Denoncues me shkrim Sali Berisha, dosje me 43 faqe: Kryeministri Ilir Meta, ka zhdukur me firma e vula tenderash fiktive, 13 milionë dollarë të rikonstruksionit të rrugëve në akset Tiranë-Durrës dhe Fushë Krujë-Elbasan.

6. Denoncues me shkrim Sali Berisha, dosje me 8 faqe: Kryeministri Ilir Meta, firmos vjedhjen prej ortakëve të tij, të 200 mijë ton grurë dhe 100 mijë ton vaj ushqimor ndihmë e SHBA, duke plotësuar dokumente false që në Portin Durrës, me proces-verbal fals, sikur u hodhën në det si “mall i skaduar”.

7. Denoncues me shkrim Sali Berisha, dosje me 19 faqe: Kryeministri Ilir Meta, ka vjedh 250 milionë lekë nga buxheti i shtetit, realizon blerje false vagonësh austriakë, te cilët janë kategoria “skrap”, firmos shitjen e tyre për shkrirje.

8. Denoncues me shkrim Sali Berisha, dosje me 22 faqe: Kryeministri Ilir Meta, firmos dhe lejon firmën polake “Gdansk” në Portin Detar Durrës, të shes kapitalet shqiptare tek “KURUM” dhe të largohet pa shlyer borxhin 11 milionë USD ndaj arkës së shtetit.

9. Denoncues me shkrim Sali Berisha, dosje me 113 faqe: Kryeministri Ilir Meta, miraton skemën e privatizmit të “TELEKOM”, me vlerë të paracaktuar të shitjes 600 milionë lekë, baraz me të ardhurat financiare të 3 muajve punë me të ardhura rutinë të TELEKOM.

10. Denoncues me shkrim Sali Berisha, dosje me 53 faqe: Zv/Kryeministri Ilir Meta, akuzohet si organizator i zhdukjes nga Banka e Kursimeve, të 185 milionë USD depozita, të ngurosura nga llogaritë e firmave piramidale.

11. Denoncues me shkrim Sali Berisha, dosje me 134 faqe: Kryeministri Ilir Meta, i jep pa asnjë studim 2.2 milionë USD fond nga buxheti i shtetit, firmës fantazmë australiane “Citaroil”, për rikonstruksionin e sektorit të shpim-kërkimit të naftës në Patos.

12. Denoncues me shkrim Sali Berisha, dosje me 48 faqe: Kryeministri Ilir Meta, mbulon skandalin e 200 mijë palë këpucëve të blera prej ushtrisë dhe të 12 milionë USD mallra ushqimorë e veshmbathje për ushtrinë, me cilësi me process-verbal si “mall jashtë përdorimit”, kërcënon me vrasje dhe largon dhunshëm nga detyra, publikuesin e aferës, Komandantin e Bazës Furnizimit të Ushtrisë, Gjeneral Aqif Cikalleshi.

13. Denoncues me shkrim Sali Berisha, dosje me 15 faqe: Kryeministri Ilir Meta, ka firmosur pa tender, blerjen e 45 veturave qeveritare, me çmim 10 herë më të larta se tregu i lirë.

14. Denoncues me shkrim Sali Berisha, dosje me 12 faqe: Kryeministri Ilir Meta, akuzohet nga Trupi Diplomatik i akredituar në Shqipëri, mbasi ka mundësuar nxjerrjen jahstë Shqipërisë, të 43 perosanve në kërkim e me precedent penalë, duke i përfshirë në delegacionet qeveritare të çdo niveli.

15. Denoncues me shkrim Sali Berisha, dosje me 83 faqe: Kryeministri Ilir Meta, urdhëron kalimin në llogarinë “Humbje” të 500 milionë lekëve nga buxheti i shtetit, akorduar si fonde rikonstruksioni për Drejtorinë e Përgjithshme të Naftës, që nuk u krye.

16. Denoncues me shkrim Sali Berisha, dosje me 13 faqe: Kryeministri Ilir Meta, firmos përdorjen për dieta e shërbime të Këshillit të Ministrave, të 750 mijë USD, akorduar nga PNUD, për reformën në Pushtetin Lokal.

17. Denoncues me shkrim Sali Berisha, dosje me 36 faqe: Zv/Kryeministri Ilir Meta, mbulon abuzimin 520 milionë lekë, bërë me tenderat fiktivë në prodhimet filatelike në Ndërmarrjen Posta Shqiptare, dënohet me burg nga drejtorja Liza Hoxha, ndërsa udhëruesi me shkrim Ilir Meta, nuk u hetua.

18. Denoncues me shkrim Sali Berisha, dosje me 57 faqe e skica grafike: Kryeministri Ilir Meta, organizon grabitjen e rezervës së floririt Thesar Shtetëror, duke hapur tunelin në Kërrabë dhe duke bllokuar trajtimin e çështjes në mbledhjen e qeverisë dhe parlament.

19. Denoncues me shkrim Sali Berisha, dosje me 6 faqe: Kryeministri Ilir Meta, ka firmosur blerjen pa tender dhe me çmim tepër të lartë, të energjisë elektrike nga importi, me abuzim 35 milionë USD.

20. Denoncues me shkrim Sali Berisha, dosje me 20 faqe: Kryeministri Ilir Meta, ka firmosur 800 milionë lekë reklama publicitare, të përvetësuara nëpërmjet llogarive e dokumentacionit të falsifikuar, në bashkëpunim me Drejtorin e Televizionit Publik Shqiptar.

21. Denoncues me shkrim Sali Berisha, dosje me 17 faqe: Ish-Kryeministri Ilir Meta, akuzohet publikisht nga kryeministri Fatos Nano, se ka firmosur abuzimin 600 milionë lekë për buxhetin e SHISH, justifikuar me pagesa fiktive të agjentëve te rekrutuar.

22. Denoncues me shkrim Sali Berisha, dosje me 26 faqe: Kryeministri Ilir Meta, në bashkëveprim me kunatin e tij Drini Kryemadhi, Drejtor i Përgjithshëm i Transportit Rrugor (patenta-targa), fut dhe pajis me letra shqiptare, makina të vjedhura e të trafikuara jashtë shtetit.

23. Denoncues me shkrim Sali Berisha, dosje me 8 faqe: Kryeministri Ilir Meta, ka abuzuar me 2 milion USD, në tenderin rikonstruksion trotuare, kanalizime, ndriçim e gjelbërim, në lagjen Kombinat në Tiranë, duke përdorur bashkëshorten e tij, deputeten e zonës Monika Kryemadhi.

24. Denoncues me shkrim Sali Berisha, dosje me 17 faqe: Kryeministri Ilir Meta, ka urdhëruar me shkrim, skandalin e vjedhjes 3 milionë USD, nëpërmjet tenderit fiktiv “Blerje bazë material” për KESH.

25. Denoncues me shkrim Sali Berisha, dosje me 5 faqe: Kryeministri Ilir Meta, ka udhëruar policinë, të manipulojë provat, për 2 punëtorët e vrarë me shpërthim dinamiti, të 4 punëtorëve në guroret e tij në Malin e Dajtit dhe në malet e Skraparit.

26. Denoncues me shkrim Sali Berisha, dosje me 7 faqe: Kryeministri Ilir Meta, akuzohet për dhënien e urdhrit për të qëlluar mbi popullin në protestën e Tropojës, duke vrarë më 29 nëntor 2000, aktivistin e PD Syl Lushaj.

27. Denoncues me shkrim Sali Berisha, dosje me 11 faqe: Kryeministri Ilir Meta, organizon treg-trafikun e pllakave të gurit e mermerit Shqipëri-Greqi, nuk paguan detyrimet fiskale, bashkë me ngarkesën e gurit, ushtron dhe trafik droge.

28. Denoncues me shkrim Sali Berisha, dosje me 4 faqe: Kryeministri Ilir Meta, ka shkatërruar rrjetin e Ujësjellësit të Bogovës-Skrapar, me shpërthimet në biznesin e guroreve dhe me urdhër të tij, janë akorduar 130 milionë lekë nga buxheti i shtetit, për ta riparuar./Pamfleti