Aktualitet

Shefi i Zyrës së Marrëdhënieve me Publikun në ambasadën e SHBA-së në Tiranë, Brian Beckmann vizitoi American Corner Vlora ku u takua me një grup nxënësish nga Qendra Rinore e Vlorës / Vlora Youth Center dhe anëtarë të Këndit.

Po ashtu, Shefi i Zyrës së Marrëdhënieve me Publikun, Beckmann mori pjesë në takimin e tyre vjetor të planifikimit strategjik për vitin që vjen, ku nxënësit diskutuan ide rreth projekteve të ardhshme.

“Të rinjtë e Vlorës vendosën të përqendrohen në programin STEAM, bashkëpunimin rajonal dhe angazhimin qytetar në vitin e ri shkollor”, bën të ditur ambasada e SHBA-së në Tiranë./atsh

Fotografitë me koshat plot me plehra bënë xhiro në rrjetet sociale duke i bërë një dëm në imazhin e qytetit.

Për këtë arsye Inspektoriati i Mjedisit ka gjobitur kryetaren e Bashkisë Sarandë me 1.000.000 lekë, ndërsa firmën e pastrimit Korsel me 500.000 lekë për gjendjen e keqe të pastrimit në të cilën ndodhet qyteti.

Qarku i Dibrës është kthyer në një epiqendër tërmetesh që prej së shtunës që pas tërmetit të fortë prej 5.1 ballë që shkaktoi dhe dëmtimin e shumë shtëpive në disa fshatrat.

IGJEUM ka regjistruar goditje te tjera termeti gjate nates deri ne oret e para te mengjesit te sotem. Epiqendra vazhdon te jete Bulqiza, nderkohe qe magnitura e termetit me te fundit regjistruar ne oren 03:24 ka qene 2.4.

Një tërmet i fuqishëm tronditi Shqipërinë pasditen e te shtunes, rreth orës 5 e 35 minuta, ku lëkundje të forta u ndjenë në të gjithë vendin. Por ky termet me magnitude 5.1 eshte shoqeruar me shume pasgoditje te tjera qe kane vijuar edhe gjate nates, sic e shihni ne tabelat me poshte, referuar IGJEUM. I fundit eshte shenuar ne oret e para te mengjesit, 04:44, 12 Km ne V-VP te Bulqizes.

Parku i Amantias në Vlorë është kthyer në një destinacion turistik, sidomos për vizitorët e huaj që vijnë në vendin tonë. Turistë nga Franca, Gjermania shprehen të befasuar nga ajo që kanë parë.

Videoja e përshtypjeve të turistëve është postuar nga Kryeministri Edi Rama në Facebook.

“MIRËMËNGJES 😃 dhe me këto mbresa fantastike të turistëve edhe më të shumtë këtë vit në Parkun e Amantias, ju uroj një javë të mbarë 🌹”- shkruan Rama.

Per te pare videon klikoni KETU

Profesori i njohur, Artan Fuga ka publikuar foton e një delfini të ngordhur në bregdetin e Durrësit. Por, çudia nuk vjen nga ngordhja e gjitarit, por nga sjella e autoriteteve, të cilët nuk bëjnë asnjë ekspertizë.

Plehra! Delfin i ngordhur i nxjerrë nga deti në Durrës në breg! Ne vend të bëheshin ekspertiza si duhet meqë kemi të bëjmë me një specie të mbrojtur, erdhi eskavatori, e ngarkoi në një rimorkio portabli, hodhi ca rërë përsipër dhe hë te…plehrat!

Cfarë plehrash! O Zot cfarë minimalistësh që jemi! Ai që ka dhënë urdhër që pa ekspertizë ta hedhin Delfinin në plehra ka bërë shkelje të ligjit! O i shkreti Delfin, cfarë t’u desh që erdhe këtej nga anët tona! Këtej ikin, ti si naiv erdhe! Tani aty te plehrat të hanë qentë e Durrësit!

Sidorela është pjesë e Policisë Rrugor në Gjirokastër. Sipas Drejtorisë Vendore të Policisë Gjirokastër në këtë qark për gjashtë muajt e parë ka pasur 50% më pak aksidente krahasuar me një vit më parë.

“Shërbejmë me përkushtim në rrugët e gurta të qytetit në menaxhimin e trafikut për mos të krijuar bllokime e pengesa në lëvizjen e turistëve të shumtë që vizitojnë qytetin muzeal, pjesë e UNESCO – s. Në qarkun tonë këtë gjashtë mujor, krahasuar me një vit më parë kanë ndodhur 50% më pak aksidente me pasoja”, thuhet në njoftimin e Policisë së Shtetit.