Aktualitet

Ekrani i madh në “Open Cinema” në Lungomare Vlorë, jo vetëm po përcjell filma të regjisorëve të njohur shqiptarë, por dhe atyre të huaj. Ky projekt ka nisur dhe në qytete të tjera dhe sipas organizatorëve ka bërë bashkë dhe kineastë dhe aktorë të njohur, që janë pjesëmarrës gjatë shfaqjes së filmave.

Në një kohë kur në Shqipëri pothuajse kinematë nuk funksionojnë në rrethe të ndryshme përmes këtij projekti me “Open Cinema” filmi po prezantohet për publikun.

Gjatë fundjavës për publikun artdashës u shfaqën dy kinomeditë “Ëndërr për një karrige”, me aktorin Luftar Paja ,ndërsa mbrëmja e së dielës solli aktorin Birçe Hasko, këtë herë në një tjetër kinokomedi atë me titull “Zëvendësi i grave”.

Të dy kinokomeditë mbajnë emrin e regjisorit Fehmi Hoshafi. Nga data 13 -21 gusht në Lungomare Vlorë, filma të realizuara para viteve ’90, premierat e fundit të kinemasë shqiptare dhe asaj të huaj shohin dritën e projektimit në ekranin e madh aq të munguar edhe për Vlorën.

Emra të njohur të skenës dhe ekranit shqiptar si Mevlan Shanaj, Natasha Lako, Edmond Budina, Bujar Asqeriu, etj, nuk kanë munguar gjatë këtyre mbrëmjeve.

Ky aktivitet mjaft atrakativ dhe edukues dhe për brezin e ri që gjatë pushimeve të shijojnë dhe magjinë ekranit të madh do të vazhdojë deri më datë 21 gusht me magjinë e filmave shqiptar ndër vite./ATA

Janë dhënë çertifikatat e para të pronësisë për fshatin Dhërmi.

Lajmin e ka bërë të ditur ministrja e Drejtësisë, Etilda Gjonaj, e cila është shprehur në një postim në Facebook se, “rreth dy javë më parë, gjatë hapjes të zyrës së re të ZRPP në bashkinë Himarë, ju premtuam banorëve të fshatit Dhërmi, së bashku me kolegun Gjiknuri, se brenda muajit gusht procesi i regjistrimit fillestar i pronave të tyre do të kishte përfunduar si një premtim i bërë më herët”.

“Procesi i regjistrimit fillestar për fshatin Dhërmi ose ndryshe Zona Kadastrale 1481, e përbërë nga 815 pasuri me një sipërfaqe rreth 30,708 m2, ka filluar që në vitin 2015 por vetëm falë punës me intensitet të kryer muajt e fundit ky proces përfundoi duke përfshirë të gjitha fazat e projektit. Printimi i certifikatave të pronësisë do të vijojë edhe me pjesën tjetër të banorëve, deri në certifikimin e plotë të fshatit Dhërmi”, thekson Gjonaj.

“Tashmë edhe me hapjen e zyres së re të ZRPP në Himarë banorët e kësaj zone nuk kanë më nevojë që këtë shërbim t’a marrin në Vlorë, pasi do tju bëhet e mundur pajisja me certifikaten e pronësisë pranë zyrës së Himarës. Do të vijojmë procesin për të realizuar objektivin për regjistrimin fillestar të të gjitha pasurive si një proces i rëndësishëm në reformën e pronës”, shprehet Gjonaj.atsh

Zhvillohet ne Brataj protesta kunder ndertimit te HEC….

Askush nuk duhet ta shesi te ardhmen, ai eshte vendi ku natyra ka shtepizen e vet, vendi ku bukuria i ka rrenjet shekullore.

Kunder uzurpimit te natyres, te lumit, te ures, te frymarrjes…

Nënstacioni elektrik i tensionit të lartë 110 kv në Orikum është drejt përfundimit. Ndërtimi i tij do t’i japë zgjidhje defekteve që ndodhin përgjatë kësaj zonës turistike të Vlorës, një shqetësim që ka qënë i hershëm për banorët. Gjatë një inspektimi, ministri i Infrastrukturës dhe Energjisë Damian Gjiknuri tha se brenda një viti, situata e furnizimit me energji në këtë zonë do të ndryshojë rrënjësisht.

“Ka patur dhe shqetësime nga banorët për furnizimin por e rëndësishme është mesazhi që po jepet se investimet janë të mëdha dhe po vazhdojnë. Kjo është një nga veprat më të mëdha pas linjës 110 Kv që në tashmë e kemi përfunduar dhe besoj se në kuadrin e një viti situate do ketë ndryshuar radikalisht në gjithë zonën e Orikumit”.

Damian Gjiknuri tha se sfida tashmë mbetet te mirëadminsitrimi i investimeve të kryera.

“Akoma ka punë dhe ka nevojë për administrim më të mirë por rezultatet janë impresionuese dhe kjo ka ardhur si rrjedhojë e mirëmenaxhimit të kompanisë dhe strukturave në terren”.

Humbjet në rrjetin e shpërndarjes në Vlorë kanë rënë nga 50% që ishin para disa viteve në rreth 20%.

a.ç

Agjencia Inteligjente e SHBA-së, CIA, më 16 gusht ka publikuar Facbook-un e ri, apo hartën e informacioneve zyrtare mbi çdo shtet të botës, në faqen e saj të internetit. Në ballinën e faqes së saj të internetit, CIA bën të ditur se Facbook-u i ri është përditësuar me informacione të reja mbi gjendjen politike, ekonomike e gjeopolitike të çdo shtetit. Ajo që bie në sy në faqen për Shqipërinë, është se kur flitet për misionin diplomatik të SHBA-së në Tiranë, shkruhet e bardhë në të zezë se Donald Lu është ambasador në Shqipëri.

Ka shumë gjasa që gjithçka të mos jetë një lapsus redaktimi, por një informacion i tërhequr nga Departamenti i Shtetit.

Edhe pse Presidenti Trump ka emëruar si ambasadore në Tiranë, diplomaten Kathlyn Kavalec, kjo e fundit ende nuk ka marrë konfirmimin nga Senati i SHBA-s.

Në seancën e të enjtes pasdite me orën amerikane të komisionit të jashtëm të senatit papritur është anulluar paraqitja e zonjës Kavalec siç ishte planifikuar në axhendën e mbledhjes ku dëshmuan vetëm kandidatët për ambasadorë në Kosovë, Malin e Zi, Slloveni dhe Moldavi. Burime brenda Departamentit të Shtetit flasin se refuzimi i zonjës Kavalec nga senatorët republikanë ka të bëjë me publikimin e skandalit të e-maileve të saj me një nga drejtuesit e Departamentit të Drejtësisë Bruce Ohr dhe hartuesin e dosjes së spiunazhit ndaj presidentit amerikan, britanikun Christofer Steele.

Krahas publikimeve të e-maileve të saj ka rezultuar që zonja Kavalec po ashtu ka qënë një nga donatoret e ish rivales së Trump Hillarry Clinton në fushatën presidenciale të vitit 2016. Emri i saj është pjesë e një liste zyrtare emrash që janë thirrur të dëshmojnë në Kongres nga republikani Devin Nunes për keqpërdorimin e pozitës së tyre shtetërore dhe për mbledhje të dhënash të rreme që e lidhin presidentin me rusët dhe ndërhyrjen e tyre pro Trump gjatë fushatës.

Ditet e fundit pas thellimit të hetimeve të kongresit amerikan kanë dalë në dritë komunikimet me e-mail që zonja Kathleen Kavalec zëvendësja e Viktoria Nuland në administratën Obama kanë patur me një nga drejtuesit e Departamentit të Drejtësisë Bruce Ohr ku ajo ka shkruar informacione mbi ruso-amerikanin Simon Grigorievich Kukës, zv president i kompanise së naftës dhe gazit Yukos që kishte dhënë më shumë se 250 mije dollarë për fushaten e Trump për president.

Bruce Ohr është thirrur të dëshmojë përpara Kongresit më 28 gusht për bashkëpunimin me autorin e dosjes anti Trump Christopher Steele. Eshtë konfirmuar se zonja Kavalec e ka takuar për herë të parë manjatin amerikano-rus të hidrokarbureve në vitin 2014, ndërsa në e-maile rezulton se ajo ka patur takime me Christopher Steele. Mediat amerikane aludojnë se pasi është njohur me faktet e reja presidenti Trump mund ta tërheqë kandidaturën e zonjës Kavalec si ambasadore në Shqipëri përsa kohë është në hetim për dëmtimin e fushatës së tij në zgjedhjet presidenciale.

Kavalec në Shtator duhet të rrëfehet përpara kongresit për hetimet e nisura ndaj zyrtarëve të lartë që kanë keqpërdorur pozitën shtetërore në ndihmë të ish kandidates presidenciale Hillary Clinton.

Ende nuk dihet nëse Donald Trump do të tërheqë vendimin për emërimin e Kavalec si ambasadore në Tiranë. Gjithçka do të vendoset në vjeshtë dhe deri atëherë në krye misionit diplomatik amerikan në Tiranë do të jetë Donald Lu./korrieri

Pavarësisht se, kryeministri Edi Rama ka zjgedhur një kryetar të ri për Shërbimin Informativ Shtetëror, emërtimi i tij nuk është dekretuar ende nga Presidenti. Nisur nga ekspansioni rus në vendin tonë, amerikanët i kanë kërkuar Metës që të bëjë sa më shpejt dekrimin e Helidon Bendos.

Shqipëria nuk ka kryetar të Shërbimit Informativ Shtetëror, duke u bërë ndoshta një ndër vendet e vetme që ky post i lartë është vakant. Kur po mbushet gati një vit nga propozimi i kryeministrit Edi Rama për emrin e Helidon Bendos si kryetari i ri i SHISH pas dorëheqjes së Visho Ajazi Likës, ende Presidenti Ilir Metë është duke u “menduar” për të vënë firmën e tij mbi këtë dekret.

Kreu i shtetit Meta e ka argumentuar vonesën me faktin se nuk ka ngutje për këtë punë, pasi i propozuari i Ramës për kreun e SHISH, është njëherësh dhe nënkryetar i shërbimit sekret dhe nuk e lë punën mangut. Pothuajse në këtë linjë ka qënë dhe kryeministri Edi Rama, teksa është shprehur se Helidon Bendo është në krye të punëve të shërbimit sekret. Megjithëse kryeministri nuk ka qëndruar pa bërë ironi, teksa ka thënë se Meta ka të gjithë kohën e nevojshme për t’u menduar.

“Presidenti le të mendohet, ka 4 vjet kohë të mendohet po të dojë”, ka deklaruar Rama i pyetur nga gazetarët kohë më parë. Qëndrim ky, menjëherë pasi presidenti Meta u shpreh se ende nuk ka vendosur të dekretojë Helidon Bendon si pasues të Visho Ajazi Likës, në krye të SHISH.

Por nëse Meta dhe Rama nuk e kanë ndjerë nevojën e dekretimit të kreut të ri të SHISH, ata që e shohim madje urgjente një emërim të tillë janë amerikanët, të cilët jo vetëm nuk e konceptojnë por as nuk e kuptojnë pse nuk hidhet kjo firmë, qoftë për miratim qoftë për rrëzim. Burime diplomatike por dhe nga Presidenca bëjnë me dije se SHBA i ka kërkuar me urgjencë Presidentit Ilir Meta që të drekretojë kreun e ri të shërbimit sekret shqiptar.

Mësohet se SHBA nuk ka folur me emra, por kërkon që në këtë situatë tensioni dhe “ekspasioni” rus në Ballkan në dhe Shqipëri, SHISH-i të ketë një autoritet me fuqi të plotë në krye të tij. Jo pa qëllim kanë dalë në publik përgjime dhe lajme mbi këshilltarin e Bashës dhe këshilltarin e Metës, si të rekrutuar nga shërbimi sekret rus dhe që përmes financimeve ruse i shërbejnë zgjerimit të dominimit të Rusisë në Ballkan dhe në Shqipëri.

Në mënyrë indirekte SHBA i thotë Presidentit Meta se ai është personi bllokues i punës së shërbimit sekret në Shqipëri, për qëllimet e veta, pasi ka vendosur linjat e komunikimit me Rusinë për përfitime personale, përmes këshilltarit të tij Arben Cici. Mësohet se një “ultimatum” i tillë i SHBA për Metën është dhënë që në fund të qershorit të këtij viti, ndërkohë kreu i shtetit ka mbi një muaj që po i bie kryq e tërthor Alpeve të Shqipërisë dhe bën sikur nuk e ka mendjen për dekretet, duke u shqetësuar më shumë për mjedrat e Brezovicës.

SHBA është tepër e shqetësuar për futjen e shërbimit sekret rus deri në zyrën e Presidentit apo të kryetarit të opozitës por dhe të lobimit me financim rus për të ardhur regjimi pro rus në pushtet në Shqipëri, aq sa ka filluar një hetim në SHBA. Por dhe ka emëruar ambasadoren Kovalec në Tiranë, një njohëse e shkëlqyer e politikës dhe strategjisë ruse për Ballkanin. Ndërkohë që Ilir Meta, nga frika e zbulimit të pisllëqeve të tij dhe të kërkimit të ndonjë pazari me Ramën, bllokon që në tetor 2017 dekretimin e Helidon Bendos si kreu i ri i SHISH./Pamfleti

Agjencia Qendrore e Inteligjencës amerikane, CIA në një raport për vendet e Ballkanit, për Shqipërinë veçon tre probleme kryesore; pastrimi i parave, droga dhe armët. Kurse për Malin e Zi, thotë se është i kërcënuar nga terrorizmi.

Mali i Zi është i vetmi vend në rajon ku CIA paralajmëron për rrezikun e terrorizmit. CIA thotë se Serbia nuk i zgjidhi problemet kufitare me Kosovën, Kroacinë dhe Bosnje dhe Herzegovinën. Pretendohet se rruga për transportimin e heroinës nga Azia në Evropë kalon nëpër Serbi dhe se ekonomia e saj është e ndjeshme kur është fjala për pastrimin e parave.

CIA thotë se Shqipëria ka probleme me pastrimin e parave, si dhe kanale për kontrabandën e narkotikëve, armëve dhe emigrantëve në atë vend.  Në Bosnje dhe Herzegovinë, thuhet se po trajtohet problemi i pastrimit të parave dhe korrupsionit, ndërsa gjyqësori është i dobët. Po ashtu thuhet se Kroacia është një vend tranzit për kontrabandën e kokainës nga Amerika e Jugut në Europën Perëndimore. Organizata japoneze është riaktivizuar sërish në Mal të Zi pas goditjes në 2016

Sipas raportit, në këtë vend janë strehuar anëtarët e rrjetit të rrezikshëm që  është përgjegjës për sulminme gaz sarin në Tokio. Organizata ka nisur riorganizimin e saj përmes rekrutimeve.

Njësitë speciale të policisë malazeze, në mars 2016 arrestuan në Podgoricë 58 anëtarë të kultit famëkeq. Në këtë aksion u arrestuan 43 shtetas rusë, shtatë nga Bjellorusia, katër nga Japonia, tre nga Ukraina dhe një nga Uzbekistani.

Operacioni i arrestimit u krye në bashkëpunim me Shërbimet Inteligjente të vendeve partnere, që paralajëmruan se anëtarët e një “grupi të huaj fetar të tipit të mbyllur” po qëndrojnë në Mal të Zi. Më pas policia shpjegoi se anëtarët e sektit u dëbuan nga Mali i Zi pas arrestimit dhe marrjes në pyetje.

Sekti japonez është përgjegjës për sulmin terrorist në Japoni në vitin 1995, në të cilin 13 vetë u vranë dhe më shumë se një mijë të tjerë u plagosën. Gjatë kohëve të fundit, Japonia vrau gjashtë anëtarët e fundit të kultit Aum Shinrikyo, të dënuar me vdekje për sulmijn në metronë e Tokios. Shtatë anëtarë të kultit, përfshirë udhëheqësin e Shoko Asahara, u ekzekutuan në korrik.

Kulti u akuzua gjithashtu për shtatë vrasje të tjera, si dhe një sulm të mëparshëm me gaz sarin në vitin 1994, kur u vranë tetë vetë dhe 600 të tjerë u plagosën. Dëshmitarët e sulmit pretendonin se kishin vënë re paketa nga të cilat rridhte diçka dhe se menjëherë ndjenin avujt nga të cilët u dogjën sytë.  Agjenti nervor veproi brenda kap sekondave mbi viktimat, duke u shkaktuar të vjella, verbim, paralizë, deri edhe në vdekje.

Themeluar në vitin 1984, grupi tërhoqi mjaft të rinj, shumica e të cilëve ishin diplomuar në universitetet më të mira. Kulti kishte deklaruar rreth 10 000 anëtarë në Japoni dhe 30 000 në Rusi. Organizata e tyre u shndërrua në një kult të ditës së gjykimit, që besonte se bota do të shkatërrohej nga lufta dhe vetëm ata do të mbijetonin.

Themeluesi i grupit, Shoko Asahara, i njohur gjithashtu si Chizou Matsumoto, e shpalli veten Krisht dhe i pari “i shkolluar” që nga Buda. “Aum Shinrikyo” fitoi statusin zyrtar si një organizatë fetare në vitin 1989. Pas sulmit në vitin 1995, kulti u tërhoq dhe u quajt “Alef” ose “Hikari no Va”.  “Aum Shinrikyo” konsiderohet si organizatë terroriste në Shtetet e Bashkuara dhe shumë vende të tjera, por “Alef” ose “Hikari no Va” janë të ligjshëm në Japoni, edhe pse janë shpallur “fe të rrezikshme” nën mbikëqyrje./korrieri

Të fortët me makina të shtrenjta zakonisht nuk pyesin për respektimin e rregullave të qarkullimit rrugor. Duke përfituar nga shpejtësia që u lejon makina ta kryejnë parakalime në vende të gabuara. I tillë ka qenë dhe rasti i një “të forti” me makinë super të shtrenjtë “Range Rover”, i cili ka kryer parakalim në një kthesë. Kjo është kapur nga Policia Rrugore me anë të një droni.

Në videon, drejtuesi i mjetit në fillim kundërshtoi ndaj konstatimit, por prova e filmuar e “çarmatosi”. Me dron do të evidentohen edhe shkeljet e tjera, si respektimi i përparësisë në rrethrrotullime, distanca e sigurisë mes mjeteve etj. Vendet ku monitorohet me dron janë të gjitha akset rrugore, sidomos në segmentet e evidentuara si “njolla të zeza” të trafikut.

Per te pare videon klikoni KETU