Drejtoria Rajonale e Punësimit në Gjirokastër në vetëm 6 muaj ka ndërmjetësuar 583 punëkërkues në sipërmarrjen private ndërsa në sistem janë 710 vende të lira pune.
Nga të dhënat e bëra publike, për periudhën janar – korrik 2018 rezulton se janë ndërmjetësuar 583 punëkërkues në sipërmarjen private, 70 nga ish-Ndihma Ekonomike, 23 nga Ndihma Ekonomike, 17 nga grupet e veçanta (romë/egjiptianë), 2 persona me aftësi të kufizuar (PAK).
Po kështu, sipas të dhënave të kësaj Drejtorie, 26 persona janë punësuar pas përfundimit të formimit profesional ndërsa rezultojnë 366 punëkërkues të regjistruar në kurset e Formimit Profesional. Në sistem janë 710 vende të lira të shpallura, ndërsa janë kryer
1047 takime me punëdhënësit./atsh
Minierat dhe fabrikat e bakrit shqiptar, u dhanë më 2001 nga Ilir Meta për 30 vjet, Rama e zgjati në 45 vjet më 2017.
Me prapanicat e futura në det dhe duke u shtirur sikur janë në armiqësi me bosët e LSI, bosët e pushtetit të “rilindjes”, mendojnë, sajojnë, firmosin e vulosin koncesine dhe tendera të përbashkët afro gjysëm shekullorë, me vlerë miliarda lekë, për të shtuar pasuritë e tyre, të familjarëve ndër breza, të miqve, klientëve, shokëve e dashnoreve.
Këto hajdutëri, fillimisht i promovojnë si “shërbim në interes të qytetarëve e banorëve të zonave”, ku ata hapin themele dhe ngrenë biznese, duke investuar taksat publike dhe borxhet e shumta që marrin nëpër botë, por që paguhen nga shqiptarët.
Më datë 13 gusht 2018, megjithëse banda qeveritare është me pushime nëpër plazhe, resorte e male, nga zyrat e saj ka dalë njoftimi, për shpalljen e një tenderi me vlerë 806 milionë lekë, ose afro 1 miliardë lekë, me objekt “Rehabilitim i Uzinës së Rafinimit të Bakrit në Rubik” e cila siç dihet, ka qenë uzina e pasurimit (prodhimit) të 1500 kg. flori shqiptar i derdhur në linkota, që nxirrej nga minerali bakrit.
Ky rehabilitim, sipas informacioneve që ka siguruar “PAMFLETI”, fsheh skemën e një biznesi-koncesionar familjar Rama-Meta, në industrinë e nxjerrje-pasurimit (prodhimit) të floririt, mbasi projekti rehabilitues, parashikon rivendosjen në punë, vetëm të impiantit të pasurimit (larjes së bakrit), duke percipituar floririn në vaskat e shllamit dhe repartin e elektrolizës së argjendit, ku veçohen këto dy metale me vlerë.
Lënda e parë minerali i bakrit, do të çohet në Uzinën e Rubikut, nga minierat e Munellë-Lak Roshit-Fushë-Arrëzit, që nxirret nga firma konesionare turke “Ber Orner”, me administrator hebreun me shtetësi truke Erol Kohen, i cili i ka marrë me koncesion minierat e bakrit në Shqipëri, qysh 17 vite më parë, me vendim qeverie të Ilir Metës-kryeministër, datë 18. 01. 2001, miratuar brenda 15 ditësh në parlament, me Ligjin Nr. 8761, datë 02. 04. 2001.
Duke parë ndërhyrjen e përshpejtuar, për rehabilitimin e uzinës së bakrit në Rubik, që sipas njoftimit të qeverisë “Rama-2”, duhet të rehabilitohet për 6 muaj e 15 ditë (25 mars 2019), del sekreti i vendimit të Qeverisë “Rama-1”, për miratimin urgjent e në fshehtësi, të Ligjit nr. 73/2017, datë 27. 04.2017, hartuar nga Edi Rama Kryeministër dhe Ilir Meta Kryetar Kuvendi, për lejimin e ndryshimit të emrit të firmës turke, nga “Ber Orner” në “Nesco Metal” dhe shtimin e afatit të koncesionit të bakrit, nga 30 vjet që ishte, në 45 vjet, ose deri në vitin 2046.
Këtë bindje, ta përforcon edhe fakti absurd, që qeveria po financon rehabilitimin e Uzinës së Rubikut, të cilën sipas kontratës koncesionare 45-vjeçare, e ka në administrim dhe detyrim për rehabilitim teknologjik e rivënie në punë, firma turke “Ber Orner” (Nesco Metal) e cila deri në vitin 2046, ka në zotërim zonat minerare të bakrit dhe 9 qendra industriale, konkretisht Uzinën e Shkrirje-Rafinerisë së Bakrit Rubik, Impiantin e Skorjeve të Bakrit në Shëngjin, minierat e bakrit në Munellë, Lak-Rosh, Karmë, Vlahnë, Perollaj, fabrikën Fushë-Arrëz, Mjedë dhe Krumë.
Atëherë përse qeveria, financon 1 miliardë lekë taska publike, për biznesin e koncesionarit privat të bakrit, i cili ka 15 vite që nuk po i shlyen shtetit shqiptar, 118 milionë USD detyrime taksa vendore qendrore, rent minerare, energji elektrike, ujë e sigurime shoqërore-shëndetësore të punonjësve?!
A ka lidhje ky investim i përshpejtuar në Uzinën e Bakrit në Rubik, me një pazar-biznes familjar Rama-Meta, për nxjerjen dhe pasurimin (prodhimin) e floririt shqiptar?
Në vijim, “PAMFLETI” do të publikojë, fakte e dokumente, që zbardhin këtë pazar të (ar)miqve “të egër” Rama-Meta, për të futur në “kthetra” edhe industrinë e bakër, flori, argjendit./Pamfleti
NJOFTIMI/MINISTRIA E INFRASTRUKTURËS DHE ENERGJISË
Një protestë absurde e ka cilësuar ish-ministri i Drejtësisë, Ylli Manjani, atë që po bëjnë banorët e Nivicës për Gjirin e Kakomesë. Sipas tij ata as nuk janë pronarë të ligjshëm të pronës aty. Manjani ndërkohë akuzon edhe ndërtuesit dhe shtetin, për gjendjen në të cilën ndodhet ajo zonë.
Reagimi i Manjanit
U bë rutinë kjo përplasja me policinë e banorëve të Nivicës. Në fakt e gjithë kjo përplasje është një lojë hilanjose krejt e pa sinqertë dhe me kosto për publikun. Banorët-investorët-(pu)shteti janë të tre palët që luajnë me hilé! 1.Banorët e Nivicës nuk kanë qenë asnjëherë në shekullin që shkoi pronar të atij vendi që quhet Gjiri i Kakomesë. Qeveria e Zogut ju dha në PËRDORIM, pra jo në pronësi, pyjet dhe kullotat e asaj zone. Vetëm kaq!
Asnjë dokument nuk provon pronësinë mbi tokën të asnjë banori atje. Autoritetet dhe gjykatat shqiptare e kanë theksuar në mënyrë të përsëritur këtë gjë. Ndaj pretendimi se po ju marrin tokat e të parëve është me hilé. I pabazuar askund! Banorët e Nivicës kanë të drejtë, pa dyshim, të përdorin plazhin njësoj si çdo qytetar tjetër nga Saranda, Tirana, Kukesi etj. 2.Investitorët/ndërtuesit, pra parellinjtë gënjyen shtetin për kaq vite që aty do ndërtonin nje resort turistik.
Madje ky resort do kishte dhe emra të mëdhenj si Club Mediterranea. Por hiç! Mbi këtë gënjeshtër ata përfituan tokë me kontratë afat-gjatë qeraje, si fillim. Në vijim, pas një ligji të zi dhe të zbatuar për faqe të zezë, fituan dhe pronësinë mbi tokën me çmim ALUIZNI. Pra me hilé e kishin dhe parallinjtë! Asgjë nga ato që premtuan të bënin, kur morën tokën publike, nuk bënë! Ca pllaka betoni të shpifura dhe një rrugë janë asgjë në raport me ç’premtuan dhe ç’përfituan! Ndërkohë ata nuk janë pronarët e gjithë gjirit. Plazhi dhe aksesi në të janë publike! Ata nuk mund të vënë tra/portë hekuri në mes të rrugës e as në mes të detit. Maksimumi mund të rrethojnë pronën e tyre që kanë fituar me çmimin e ALUIZNIT. Kaq!
Nuk mund të ndalojnë dot aksesin e njerëzve as nga toka e as nga deti për në plazh. 3.(Pu)Shteti është pa dyshim hilanjosi më i madh. Dha një tokë publike për një qëllim të madh dhe nuk bëri asgjë për ta mbrojtur pronën kur “qëllimi i madh” nuk u realizua. Mori letrash, kontratash, lejesh me afate të tej-tejzgjatura u prodhuan, por asnjë rrjesht nuk ndaloi grabitjen e pronës publike.
Me hile e dha atë tokë me qera dhe po me hilé e shiti një pjesë të saj tek parallinjtë /investitorë. Me hilé (pu)shteti pranoi transaksione parallinjsh megjithse investimi i premtuar dhe me emra të mëdhenj, që të gjithë do ishim dakort, NUK U BË! Dhe po me hilé (pu)shteti çon policë për të mos lejuar aksesin në plazh. Kulmi! Shteti na e ka të gjithëve me hilé, sepse nuk mbron pronën publike, por e shet e tjetërson si mall pa zot.
Pra të gjithë ja kanë me hilé njëri-tjetrit. Puna është se një ditë të bukur, parallinjtë do hedhin (pu)shtetin në gjyq, sepse ky i fundit nuk garanton dot “investimin” nga kërcënimet e banorëve dhe gjykatat vendosin dëmshpërblim!. Këtë të fundit e paguajmë TË GJITHË NE! Kështu hileté e Kakomesë bëhen të hidhura për të gjithë! Se as resorti do behet, as plazhi do përdoret, as banorët nuk do kullosin dot delet, por vetëm publiku do PAGUAJË!
Dhjetëra persona shumica turiste kërkojnë ndihmë dhe shtrohen në spitalin e Vlorës. Mjeket thonë se shkaku kryesor është ushqimi apo virozat e stinës. Ndërkohë që një pjesë e turisteve marrin mjekim ambulator dhe nuk paraqiten më në spitale. Ushqimet jashtë janë shkaku i dhjetëra rasteve që kërkojnë ndihmë mjekësore në spitalin e Vlorës.
“Këtë vit kemi pasur fluks të pacientëve. Kemi pasur 15-20 raste në ditë”, shprehet mjekja.
Mjekët tregojnë edhe problemet nga të cilat preken edhe turistët. “Pjesa më e madhe e tyre ka marrë ndihmën e parë në urgjencë, e nuk kanë pranuar të shtrohen në spital”. Mjekët infeksionistë në Vlorë thonë se shumica e te prekurve janë të rinj në moshë. Ndërkohë që një pjesë e madhe e atyre që kërkojnë ndihme janë të huaj./javanews
Policia e Vlorës, me siguri edhe pas asaj që ndodhi në Resulaj, ku u vranë tetë persona, ka marrë masa të menjëhershme ndaj personave, të cilët posedojnë armë pa leje. Blutë e Vlorës kanë bërë të mundur arrestimin në flagrancë të dy shtetasve, që lëviznin me pistoleta.
Njoftimi i policisë:
Kontrolle me qëllim evidentimin, kapjen dhe ndalimin e personave që posedojnë armë zjarri pa leje. Sekuestrohen dy armë zjarri “Pistoleta” . Arrestohen në flagrancë dy shtetas. Në kuadër dhe në zbatim të Plan-Masave të marra nga Drejtoria Vendore e Policisë Vlorë, për evidentimin dhe kapjen e ndalimin e personave të cilët posedojnë armë zjarri pa leje, strukturat e kësaj Drejtorie kanë vijuar kontrollet e imtësishme në të gjithë territorin e qarkut Vlorë.Gjatë 24 orëve të fundit janë ushtruar kontrolle, në ambjente të hapura, kontrolle ndaj automjeteve dhe personave që dyshohet se mund të posedonin apo qarkullonin me armë, si dhe në lokale e banesa.
Si rezultat i këtyre kontrolleve, ditën e sotme, Policia e Vlorës, ka evidentuar dhe arrestuar në flagrancë shtetasin, O. A., 19 vjeç, banues në Vlorë.U krye arrestimi i tij pasi në lagjen “24 Maji”, gjatë kontrollit në banesë iu gjet dhe sekuestrua një armë zjarri pistoletë tip Zastava, pa leje.Ndërsa një tjetër rast u konstatua ditën e djeshme nga Policia e Sarandës në lagjen “Nr.1”, ku gjatë kontrollit në ambjentet e një lokali u gjet dhe u sekuestrua një armë zjarri pistoletë, 3 gramë kanabis dhe u arrestua shtetasi B.M., 38 vjeç, banues në Tepelenë. Materialet hetimore iu referuan Prokurorisë, për veprime të mëtejshme procedurale.
Autoriteti Kombëtar i Ushqimit ka shtuar vëmendjen në marketet e zonave rurale duke bërë të mundur ndalimin e tregtimit të ushqimeve të skaduara dhe duke garantuar tek konsumatori sigurinë ushqimore.
Konkretisht, DRAKU Gjirokastër dhe Berat kanë zgjeruar më tej kontrollin e të gjitha supermarketeve dhe dyqaneve që tregtojnë produkte ushqimore të skaduara në zonat rurale të këtyre qarqeve.
Trupa inspektuese e AKU-së ka evidentuar në Memaliaj një subjekt me aktivitet “ minimarket” e cili u kap në flagrancë duke tregtuar produkte të skaduara si: birra, reçel, kos, salcë kosi etj. Ndërsa në fshatin Duhanas të Beratit u konstatuan produktet: sallam, mish pule, salcice,etj me afat skadence të përfunduar. Ndaj dy subjekteve është marrë masë administrative me gjobë.
Ndërkohë, Autoriteti Kombëtar i Ushqimit, në këtë periudhë të temperaturave të larta e shtimit të volumit të tregtisë në kuadër të sezonit turistik, është në çdo kohë në aksion për identifikimin, kontrollin, evidentimin, dënimin dhe ndalimin e çdo veprimtarie të kundraligjshme e të rrezikshme nga subjektet që neglizhojnë apo shkelin rregullat e Sigurisë ushqimore.
Për këtë arsye AKU është në vazhdimësi të aksionit, atë të kontrollit në furgona që furnizojnë lokalet dhe marketet në të gjithë vendin. Konkretisht, trupa inspektuese e DRAKU, Vlorë në bashkëpunim me Policinë e Shtetit, ka ndaluar një furgon i cili shpërndante 100 kg midhje pa kushte frigoriferike dhe pa asnjë dokumentacion shoqërues. Ndaj shtetasit Kristo Veizi u mor masë administrative gjobë si dhe asgjësim i menjëhershëm i produktit.
Banorët kanë treguar për mediat se duan të shkojnë te pronat e tyre dhe se plazhi është publik.
“Plazhi publik u përket të gjithëve. Duam që të na hapet rruga. Nga nesër, nëse nuk merren masa nga pushteti qendror dhe ai lokal ne do të hyjmë në grevë urie. Nivica do vazhdojë qëndresën”, u shpreh një banor i zonës për mediat, ndërsa kanë vendosur edhe parulla me mesazhe të drejtpërdrejta për kryeministrin si më poshtë:
