Aktualitet

MOTI NE VIJIM SIPAS METEOALB:

Mbetet me vranësira dhe shira të herë pas hershëm, kryesisht në Qendër dhe Juglindje por vonë pasdite pritet kthjellim gradual i zonave Perëndimore dhe gjatë natës, kthjellimet bëhen dominante në gjithë vendin. Temperaturat maksimale sot janë ngjitur në 27 – 28°C në zonat malore dhe deri 30.5° në zonat Veriperëndimore.

Nesër pritet mot kryesisht i kthjellët duke sjellë rritje me 2°C të temperaturave të mesditës, në gjithë vendin.

“Ne bëmë atë që mundëm, pasi nuk mund të rrinim spektatorë përballë një shfaqjeje dhimbje dhe turpi, ku njerëz që janë larguar nga ferri u kthyen në të burgosur të impotencës politike apo edhe europiane”.

Kështu deklaroi sot Kryeministri Edi Rama, në konferencën e përbashkët për shtyp pas takimit informal të kryeministrave të Ballkanit Perëndimor në Durrës.

Rama iu përgjigj interesimit të medias mbi vendimin e Shqipërisë për të pritur 20 emigrantë që ndodhen në brigjet italiane.

“Ne nuk e kemi bërë këtë për të ndikuar mbi këdo qoftë, por nuk mund të rrinim spektatorë përballë një shfaqjeje dhimbjeje dhe turpi, ku njerëz që janë larguar nga ferri u kthyen në të burgosur të impotencës politike apo edhe europiane”, tha Rama.

Ne natyrisht nuk mund ta zgjidhim këtë problem, tha Kryeministri, duke shtuar se “ne bëmë atë që mundëm, në pozitën e dikujt që rri e shikon dhe thotë: po bëj timen, aq sa mundem, po jap një dorë”.

“Është rasti për të rikujtuar se Ballkani në krizën e vitit 2015, ka bërë atë që duhet të kishte bërë gjithë Europa, duke u treguar një rajon mirëfilli europian, jo vetëm gjografikisht, por edhe sa i përket vlerave që mishëron Europa dhe na bëjnë të jemi kaq proeuropianë”, vijoi Rama.

Sipas tij, “ky ishte një gjest krejt i natyrshëm për ne si shqiptarë, por edhe si njerëz që ishim ne dje eritreasit e sotëm, dhe Italia nuk na la në mes të detit”.

“Gjesti jonë nuk ka pasur asnjë qëllim të fshehtë”, tha Rama. /

Alice është një blogere e njohur angleze që prej disa kohësh jeton në Tiranë. Ajo erdhi për tri ditë në Shqipëri dhe vazhdon të qëndrojë prej muajsh këtu, e dashuruar me vendin tonë.

Këtë të diel ajo së bashku me persona të tjerë e kaloi në plazhin e Durrësit. Jo duke pushuar, por duke pastruar mbetjet e hedhura vend e pa vend nga pushuesit ditorë.

“Po bëjmë punë vullnetare. Ne jemi anglezë, amerikanë, gjermanë, austriakë dhe shqiptarë, dhe nuk jemi këtu vetëm për të pastruar, pasi brenda 2 javësh mund të kthehet sërish në gjendjen e mëparshme, por dhe për të ndërgjegjësuar njerëzit dhe ndryshuar mentalitetin e të hedhurit vend e pa vend mbeturinat. Ata na shohin e reflektojnë”, u shpreh Alice.

Shumë nga ata që po pushonin në plazhin e vogël të Currilave paraditen e sotme, teksa shihnin grupin që pastronte, kanë kujtuar aksionet e detyruara vullnetare të së dielës në vitet e monizmit. Të tjerë, ndonëse të paktë, iu bashkuan grupit për pastrimin e plazhit nga plastika dhe mbetjet e tjera urbane.

“Një grup turistësh që u ndjenë keq teksa na panë të punonim, u bashkuan me ne. Ne shpresojmë që edhe qeveria dhe pushteti vendor gjithashtu të reagojnë për të bërë më shumë në këtë drejtim. Njerëzit hedhin plastikën kudo, pa menduar ku përfundon. Ajo përfundon në det dhe rrezikon gjallesat detare. Peshqit e hanë dhe ne hamë peshqit. Është një situatë e keqe”, shprehet blogerja e njohur.

Nën moton “të bësh gjëra të vogla, me shumë dashuri”, ky grupim shoqëror synon ta shtrijë vullnetarizmin drejt qytetit të Beratit dhe liqenit të Shkodrës për periudhën në vazhdim, duke përcjellë përmes punës mesazhe të rëndësishme për të gjithë ne, në mbrojtje të mjedisit dhe jetës së përbashkët në komunitet./Top Channel

Të jetojnë në SHBA mbetet një prej ëndërrove më të mëdha për shumë shqiptarë. Për këtë arsye rreth 17% e shqiptarëve mbi 20 vjeç kanë aplikuar për Lotarinë Amerikane ose e thënë në shifra janë 367 mijë persona. Kjo bën që Shqipëria të renditet e para në Europë me përqindjen më të lartë.

Krahasuar me vitin 2007, numri i shqiptareve që aplikuan për Lotarinë Amerikane është dyfishuar, nga 173 mijë shqiptarë që aplikonin në 2007-n, në 2018 numri i aplikimeve kapi shifrën rekord prej 367 mijë, sipas statistikave të Departamentit amerikan të Shtetit .

Rritja e aplikimeve në Lotarinë Amerikanë ka qenë e lartë, veçanërisht pas vitit 2013 sikurse shikohet edhe nga grafiku. Sipas analizës së Peë Research Center mbi aplikimet për Lotari Amerikane, në disa prej vendeve një pjesë e konsiderueshme e popullsisë aplikoi. Në Libi rreth 15% e qytetarëve aplikuan për programin, por edhe vende të thera të Afrikës kishin të njëjtën përqindje aplikimi. Në Sierra Leone rreth 14% e popullsisë aplikoi ndërsa në Gana vetëm 8%.

Në Europë vendet me përqindjen më të lartë që kishin aplikuar në programë ishin vendet e lindjes, ku Shqipëria mbante rekordin. Sipas të dhënave të Pee Research Center, pas Shqipërisë renditet Moldavia me 11% të popullsisë, Armenia me 9%. Ndërsa në Azi vendet që kryesojnë janë Uzbeksitani me 7% dhe Nepali me 4%. Gjatë 2017-s më shumë se 22.4 milionë njerëz aplikuan në të gjithë botën në programin e vizave amerikane, i cili jep rreth 50 mijë Green Cards, apo leje qëndrimi të përhershme nëpërmjet një sistemi lotarie.

Numri i aplikantëve thuajse iu afrua rekordit të vitit 2016 ku në të gjithë botën aplikuan 23 milionë njerëz, kryesisht për shkak se administrata Trump tha se do ta hiqte programin. Që nga 2005, më shumë se 200 milionë njerëz kanë aplikuar për lotarinë Amerikane, e cila kërkon që të diversifikojnë shtetësinë e popullsisë emigrante duke dhënë viza për emigrantët. Vetëm 8 shtete kanë të paktën nga 1 milion aplikantë në 2016, duke u përgjigjur për më shumë se gjysma e totalit: Si Gana, Uzbekistani, Irani, Ukraina, Egjipti, Nepal, Etiopi dhe Sierra Leone.

Sinoptikanët parashikojnë që edhe kjo javë të nisë me reshje të dobëta shiu në zonat Qendrore- Juglindore. Sipas Institutit të Gjeoshkencave, Energjisë, Ujit dhe Mjedisit, reshjet do të shoqërohen me shtrëngata në të gjithë vendin. Ndërsa temperaturat do karakterizohen nga rënie të lehta.

Sot pasdite (e diel, dt.26) dhe nesër (e hënë, dt.27) priten reshje të dobëta në shumicën e qarqeve dhe lokalisht do të jenë mesatare. Në qarqet Shkodër, Lezhë, Dibër, Tiranë dhe Elbasan reshjet do të jenë mesatare dhe lokalisht do të arrijnë deri intensiv. Reshjet do të shoqërohen me shtrëngata në të gjithë vendin.

TEMPERATURAT/E hënë dt.27 Gusht

Nesër (e hënë, dt.27) temperaturat minimale dhe maksimale të ajrit pritet të arrijnë:
në bregdet: 20 / 27 °C
në vendet e ulëta: 19 / 29 °C
në vendet malore: 12 / 25 °C

Pagat e ulëta dhe kushtet duket se shtyjnë një pjesë të madhe të shqiptarëve që të mendojnë si zgjidhje punësimin jashtë vendit. Një sondazh i fundit i “Boston Consulting Group”, tregon se, 70-80% e shqiptarëve duan të punojnë jashtë vendit të tyre.

Vendet e tjera të Ballkanit rezultojnë në nivel më të ulët të dëshirë për të punuar jashtë ose që aktualisht punojnë jashtë. Boston Consulting Group dhe kompania ndërkombëtare e rekrutimit The Netëork janë bashkuar për të krijuar një nga sondazhet më të gjithëpërfshirëse të tendencave të punës dhe preferencat e punës – 366,000 njerëz në 197 vende, me titull “Të dekodosh talentet globale 2018”.

Studimi sugjeron se të kuptosh sjelljet e fuqisë punëtore globale është thelbësore për kompanitë dhe shtetet. Ata që e menaxhojnë atë, do të fitojnë fleksibilitet në adresimin e sfidave të tyre të ardhshme dhe do të kenë probabilitet më të lartë në mbështetjen e rritjes ekonomike.

Sipas studimit, ka një rënie e dëshirës për të punuar jashtë vendit, ndonëse vendet që kanë pasur një tendencë të tillë vijojnë të mbeten në shifra të larta (Si Shqipëria). Sipas Boston Consulting Group, për këtë duket se ka ndikuar shtrëngimi i politikave të tregtisë dhe imigracionit në reputacionin e SHBA si një destinacion pune dhe se Brexit ka një tjetër ndikim në Mbretërinë e Bashkuar.

Ndryshimet e sjella nga nacionalizmi i rritur me qeveritë populiste në krye të disa shteteve, gjithashtu janë ndikues kryesor. Faktorë të tjerë që gjithashtu kanë ndikuar në hartën globale të mobilitetit janë kriza e refugjatëve në Evropë, rritja e vazhdueshme e Azisë dhe ringjallja ekonomike e Evropës Lindore.

Rezultati është se vullneti i përgjithshëm për të emigruar ka rënë. Pesëdhjetë e shtatë përqind e të gjithë të anketuarve tani thonë se do të lëvizin në një vend tjetër për punë. Ndërkohë që është ende një numër i konsiderueshëm, është 7 pikë përqindjeje më i ulët se kur është hulumtuar në vitin 2014./ Monitor