Shqipëria përgjatë kësaj dekade ka pasur numrin më të ulët të çështjeve të hetuara për korrupsion në raport me vendet e tjera të Ballkanit sipas një krahasimi që ka bërë Këshilli i Koordinimit Rajonal (RCC).
Sipas të dhënave shihet se, Shqipëria hetoi për korrupsion vetëm 0.51 % të çështjeve të hetuara gjithsej gjatë vitit 2016, teksa në vendet e tjera të Rajonit, numri i çështjeve të hetuara ishte shumë me i lartë.
Në Bosnje në vitin 2016 rreth 14 për qind e investigimeve të prokurorisë ishte për çështjet e korrupsionit. Në Malin e Zi gjithashtu rastet e korrupsionit zunë 10.5 për qind të çështjeve të hetuara dhe në Serbi 9.97 për qind.
Madje edhe Kosova kishte çështje të hetuara për korrupsion gati sa dyfishi i Shqipërisë, ku rreth 1.1 % e hetimeve i dedikoheshin rasteve të korrupsionit. Lufta kundër korrupsionit është një ndër kushtet kryesore të vendit për integrimin në BE.
Teksa studime dhe indekse të ndryshme e nxjerrin Shqipërinë si një ndër vendet me të korruptuara në Rajon.
Një studim i ekonomistëve të BERZH, Peter Sanfey dhe Jakov Milatovic, të cilët kanë dhëne një diagnozë për ekonominë në rajonin e Ballkanit kanë gjetur se, pengesat e biznesit imponojnë kosto të mëdha për ndërmarrjet dhe funksionojnë si taksa të fshehura në aktivitetet e tyre.
Sipas tyre, mesatarisht, firmat në Ballkan humbasin 13.2% të shitjeve të tyre vjetore për shkak të katër pengesave në mjedisin e biznesit, përkatësisht krimit, mungesës së energjisë elektrike dhe infrastrukturës së dobët.
Shqipëria e ka këtë tregues 15% dhe humbjet më të larta sipas grafikut të mëposhtëm i ka prania e krimit. Rrugët jo të mira dhe pagesat korruptive gjithashtu janë kosto për bizneset në Shqipëri.
Për pasojë, produktiviteti i firmave në Ballkan është dukshëm më poshtë standardeve të BE-së, duke reflektuar institucionet e dobëta dhe një mjedis të vështirë biznesi, konstatojnë ekonomistët./Monitor
Një analizë në detaje na nxjerr në pah se mundësia për një korrigjim kufijsh mes Kosovës dhe Serbisë do të mundësonte faktin që shteti i Kosovës të fshihej fare nga Kushtetuta e Serbisë. Nënshkrimi i një dokumenti juridikisht obligues me Kosovën, për Serbinë do të nënkuptonte edhe ndryshimin e Kushtetutës së saj, vlerësojnë njohës të zhvillimeve politike dhe ekspertë të çështjeve juridike. Pavarësisht nga kjo, në Qeverinë e Serbisë, në Zyrën për Kosovën të kësaj qeverie e as në Kuvendin e Serbisë, nuk ka informacione se dikush po merret me këtë çështje.
Ministria e Drejtësisë e Serbisë, përmes një deklarate me shkrim për Radion Evropa e Lirë, ka thënë se ajo merret ekskluzivisht me amendamentet kushtetuese që ndërlidhen me gjyqësorin. Nga Qeveria e Serbisë është thënë për Radion Evropa e Lirë se askush nuk është duke u marrë me ndryshimin e Kushtetutës në lidhje me Kosovën, ndërkohë që Zyra për Kosovën e Qeverisë së Serbisë, nuk është përgjigjur fare. Edhe më tej, në fjalorin zyrtar të zyrtarëve serbë, Kosova është “krahina jugore serbe”, ndonëse, faktikisht, nuk është e tillë gati se tash e dy dekada. Kushtetuta e tanishme serbe thotë se Kosova është pjesë e Serbisë, ndërkaq që kufijtë, pas vitit 1999, prej kur institucionet e shtetit të Serbisë nuk janë të pranishme më në territorin e Kosovës, i quan si kufij administrativ. Çdo ndryshim do të nënkuptonte edhe ndryshim të Kushtetutës së Serbisë.
Gordana Çomiq, nënkryetare e Këshillit parlamentar për çështje kushtetuese dhe legjislative, thotë se nuk ka njohuri që ndonjë institucion apo ekip profesional po merret me dispozitat kushtetuese për Kosovën. “Kjo nuk është temë as në opinionin tonë vendor, as në opinionin evropian e as në vendet partnere ku merren vendimet, sikurse që janë Moska ose Uashingtoni. Kushtetuta dhe preambula askund dhe për askënd nuk janë temë”, thotë Çomiq. Megjithatë, bashkëbiseduesit e Radios Evropa e Lirë, vlerësojnë se do të ketë mjaft punë lidhur me këtë çështje.
Bogoljub Milosavljeviq, profesor i të Drejtës Kushtetuese nga Beogradi, thotë se Kosova duhet të largohet nga Kushtetuta serbe në qoftë se vendosen kufijtë me Serbinë. “Caktimi i kufijve, në kuptimin e pranimit të pavarësisë shtetërore të Kosovës, kurrë nuk do të mund të bëhej pa ndryshimin e Kushtetutës. Së pari, ajo pjesë në të cilën thuhet që Republika e Serbisë ka në përbërjen e saj dy krahina autonome, Vojvodinën dhe Kosovën. Edhe preambula e Kushtetutës do të duhej të pësonte ndryshime, marrë parasysh që ajo u krijon organeve shtetërore obligime të caktuara lidhur me Kosovën”, shpjegon procesin Milosavljeviq.
Në Kushtetutën e Serbisë, të vitit 2006, Kosova përmendet në mënyrë eksplicite tre herë. Fillimisht në preambulë, më pas në nenet për organizimin territorial, në të cilat definohet pozita e krahinave autonome. Preambula në të cilën përmendet Kosova, nuk është pjesë obliguese e Kushtetutës. Se a do të duhej që kjo preambulë të ndryshohej apo të fshihej tërësisht, ekzistojnë qëndrime të ndryshme në opinionin e ekspertëve.
Në pjesën normative të Kushtetutës serbe, Kosova duhet të fshihet tërësisht, shpreh mendimin Dushan Janjiq nga Forumi për Marrëdhënie Etnike. “Duhet që nga ligjet e Serbisë dhe sistemi kushtetues, të përjashtohet fjala Kosovë. Sidoqoftë, nuk ka shumë ndryshime në vetë tekstin e Kushtetutës së vitit 2006”, theksoi Janjiq. Shënimi i kufijve me Kosovën, për të cilën po flasin kryetari i Serbisë, Aleksandar Vuçiq dhe bashkëpunëtorët e tij, si një zgjidhje e mundshme, nënkupton përcaktimin e kufijve me Kosovën. Në nenin 8 të Kushtetutës së
Serbisë thuhet që territori i Serbisë është “unik dhe i pandashëm”, ndërkaq që kufiri është “i paprekshëm”. Përcaktimi i kufijve nuk është pjesë e Kushtetutës. Kufijtë përcaktohen me marrëveshje ndërkombëtare dhe precizohen me komisione të përziera në rast se nuk ka konteste të mëdha, sqaron Janjiq.
“Kur kjo të caktohet, kur kjo marrëveshje të vërtetohet, jo vetëm me nënshkrimet e (presidentit të Kosovës, Hashim) Thaçi dhe (presidentit të Serbisë, Aleksandar) Vuçiç në Bashkimin Evropian, por edhe me verifikimin përmes Këshillit të Përgjithshëm të Kombeve të Bashkuara, kjo nënkupton që më nuk do të vlejë Rezoluta 1244 e Kombeve të Bashkuara. Atëherë duhet qasur procesit të demarkacionit. Demarkacioni është procedurë e cila nuk është e definuar me Kushtetutë, por që është e definuar me normat ndërkombëtare dhe më tepër është punë teknike për qeveritë e Kosovës dhe të Serbisë”, sqaroi Janjiq.
Shënimi i kufirit me Kosovën, çfarëdo qoftë që nënkupton ai, bëhet përmes procedurës së caktuar kushtetuese, thotë profesori Bogoljub Milosavljeviq. Sipas tij, duhet të sillet vendimi me dy të tretat e votave në Kuvendin Popullor dhe konfirmohet në referendum. Milosavljeviq thotë se Kapitulli 35, në negociatat për pranim me Bashkimin Evropian, nënkupton që të gjitha çështjet e hapura ndërmjet Kosovës dhe Serbisë duhet të definohen para hyrjes në Bashkimin Evropian.
Gjithashtu, sipas tij, pranimi i Serbisë që Kosova ta marrë ulësen në Kombet e Bashkuara, nënkupton që të mos kontestohet statusi i Kosovës si shtet i pavarur, që do të thotë edhe caktimin e kufijve ndërmjet tyre. “Të gjitha këto do të mund t’i dinim në momentin që jemi në gjendje që të shohim të ashtuquajturin akt juridik obligues, se çfarë zgjidhje parashihen – se a bëhet eventualisht fjalë për ndonjë caktim të kufijve sipas kufirit të tashëm administrativ ose që eventualisht bëhet fjalë për ndonjë ndryshim të kufirit administrativ”, theksoi Milosavljeviq.
Sidoqoftë, Aleksandar Vuçiq, kur ka marrë detyrën e presidentit të Serbisë, në Kuvendin e Serbisë, me 31 maj të vitit 2017, është betuar, duke thënë se të gjitha fuqitë e tij “do t’ia përkushtojë ruajtjes së sovranitetit dhe tërësisë territoriale të Republikës së Serbisë, duke përfshirë edhe Kosovën si pjesë të saj”. Se si do të duket betimi i presidentit të Serbisë, pas zgjedhjeve të ardhshme për president në këtë vend, mbetet të shihet. /REL
Një analizë në detaje na nxjerr në pah se mundësia për një korrigjim kufijsh mes Kosovës dhe Serbisë do të mundësonte faktin që shteti i Kosovës të fshihej fare nga Kushtetuta e Serbisë. Nënshkrimi i një dokumenti juridikisht obligues me Kosovën, për Serbinë do të nënkuptonte edhe ndryshimin e Kushtetutës së saj, vlerësojnë njohës të zhvillimeve politike dhe ekspertë të çështjeve juridike. Pavarësisht nga kjo, në Qeverinë e Serbisë, në Zyrën për Kosovën të kësaj qeverie e as në Kuvendin e Serbisë, nuk ka informacione se dikush po merret me këtë çështje.
Ministria e Drejtësisë e Serbisë, përmes një deklarate me shkrim për Radion Evropa e Lirë, ka thënë se ajo merret ekskluzivisht me amendamentet kushtetuese që ndërlidhen me gjyqësorin. Nga Qeveria e Serbisë është thënë për Radion Evropa e Lirë se askush nuk është duke u marrë me ndryshimin e Kushtetutës në lidhje me Kosovën, ndërkohë që Zyra për Kosovën e Qeverisë së Serbisë, nuk është përgjigjur fare. Edhe më tej, në fjalorin zyrtar të zyrtarëve serbë, Kosova është “krahina jugore serbe”, ndonëse, faktikisht, nuk është e tillë gati se tash e dy dekada. Kushtetuta e tanishme serbe thotë se Kosova është pjesë e Serbisë, ndërkaq që kufijtë, pas vitit 1999, prej kur institucionet e shtetit të Serbisë nuk janë të pranishme më në territorin e Kosovës, i quan si kufij administrativ. Çdo ndryshim do të nënkuptonte edhe ndryshim të Kushtetutës së Serbisë.
Gordana Çomiq, nënkryetare e Këshillit parlamentar për çështje kushtetuese dhe legjislative, thotë se nuk ka njohuri që ndonjë institucion apo ekip profesional po merret me dispozitat kushtetuese për Kosovën. “Kjo nuk është temë as në opinionin tonë vendor, as në opinionin evropian e as në vendet partnere ku merren vendimet, sikurse që janë Moska ose Uashingtoni. Kushtetuta dhe preambula askund dhe për askënd nuk janë temë”, thotë Çomiq. Megjithatë, bashkëbiseduesit e Radios Evropa e Lirë, vlerësojnë se do të ketë mjaft punë lidhur me këtë çështje.
Bogoljub Milosavljeviq, profesor i të Drejtës Kushtetuese nga Beogradi, thotë se Kosova duhet të largohet nga Kushtetuta serbe në qoftë se vendosen kufijtë me Serbinë. “Caktimi i kufijve, në kuptimin e pranimit të pavarësisë shtetërore të Kosovës, kurrë nuk do të mund të bëhej pa ndryshimin e Kushtetutës. Së pari, ajo pjesë në të cilën thuhet që Republika e Serbisë ka në përbërjen e saj dy krahina autonome, Vojvodinën dhe Kosovën. Edhe preambula e Kushtetutës do të duhej të pësonte ndryshime, marrë parasysh që ajo u krijon organeve shtetërore obligime të caktuara lidhur me Kosovën”, shpjegon procesin Milosavljeviq.
Në Kushtetutën e Serbisë, të vitit 2006, Kosova përmendet në mënyrë eksplicite tre herë. Fillimisht në preambulë, më pas në nenet për organizimin territorial, në të cilat definohet pozita e krahinave autonome. Preambula në të cilën përmendet Kosova, nuk është pjesë obliguese e Kushtetutës. Se a do të duhej që kjo preambulë të ndryshohej apo të fshihej tërësisht, ekzistojnë qëndrime të ndryshme në opinionin e ekspertëve.
Në pjesën normative të Kushtetutës serbe, Kosova duhet të fshihet tërësisht, shpreh mendimin Dushan Janjiq nga Forumi për Marrëdhënie Etnike. “Duhet që nga ligjet e Serbisë dhe sistemi kushtetues, të përjashtohet fjala Kosovë. Sidoqoftë, nuk ka shumë ndryshime në vetë tekstin e Kushtetutës së vitit 2006”, theksoi Janjiq. Shënimi i kufijve me Kosovën, për të cilën po flasin kryetari i Serbisë, Aleksandar Vuçiq dhe bashkëpunëtorët e tij, si një zgjidhje e mundshme, nënkupton përcaktimin e kufijve me Kosovën. Në nenin 8 të Kushtetutës së
Serbisë thuhet që territori i Serbisë është “unik dhe i pandashëm”, ndërkaq që kufiri është “i paprekshëm”. Përcaktimi i kufijve nuk është pjesë e Kushtetutës. Kufijtë përcaktohen me marrëveshje ndërkombëtare dhe precizohen me komisione të përziera në rast se nuk ka konteste të mëdha, sqaron Janjiq.
“Kur kjo të caktohet, kur kjo marrëveshje të vërtetohet, jo vetëm me nënshkrimet e (presidentit të Kosovës, Hashim) Thaçi dhe (presidentit të Serbisë, Aleksandar) Vuçiç në Bashkimin Evropian, por edhe me verifikimin përmes Këshillit të Përgjithshëm të Kombeve të Bashkuara, kjo nënkupton që më nuk do të vlejë Rezoluta 1244 e Kombeve të Bashkuara. Atëherë duhet qasur procesit të demarkacionit. Demarkacioni është procedurë e cila nuk është e definuar me Kushtetutë, por që është e definuar me normat ndërkombëtare dhe më tepër është punë teknike për qeveritë e Kosovës dhe të Serbisë”, sqaroi Janjiq.
Shënimi i kufirit me Kosovën, çfarëdo qoftë që nënkupton ai, bëhet përmes procedurës së caktuar kushtetuese, thotë profesori Bogoljub Milosavljeviq. Sipas tij, duhet të sillet vendimi me dy të tretat e votave në Kuvendin Popullor dhe konfirmohet në referendum. Milosavljeviq thotë se Kapitulli 35, në negociatat për pranim me Bashkimin Evropian, nënkupton që të gjitha çështjet e hapura ndërmjet Kosovës dhe Serbisë duhet të definohen para hyrjes në Bashkimin Evropian.
Gjithashtu, sipas tij, pranimi i Serbisë që Kosova ta marrë ulësen në Kombet e Bashkuara, nënkupton që të mos kontestohet statusi i Kosovës si shtet i pavarur, që do të thotë edhe caktimin e kufijve ndërmjet tyre. “Të gjitha këto do të mund t’i dinim në momentin që jemi në gjendje që të shohim të ashtuquajturin akt juridik obligues, se çfarë zgjidhje parashihen – se a bëhet eventualisht fjalë për ndonjë caktim të kufijve sipas kufirit të tashëm administrativ ose që eventualisht bëhet fjalë për ndonjë ndryshim të kufirit administrativ”, theksoi Milosavljeviq.
Sidoqoftë, Aleksandar Vuçiq, kur ka marrë detyrën e presidentit të Serbisë, në Kuvendin e Serbisë, me 31 maj të vitit 2017, është betuar, duke thënë se të gjitha fuqitë e tij “do t’ia përkushtojë ruajtjes së sovranitetit dhe tërësisë territoriale të Republikës së Serbisë, duke përfshirë edhe Kosovën si pjesë të saj”. Se si do të duket betimi i presidentit të Serbisë, pas zgjedhjeve të ardhshme për president në këtë vend, mbetet të shihet. /REL
Monopol politiko-ekonomik, i miratuar nga bandat qeveritare, që dikton tarifat zhvatëse ndaj biznesit dhe qytetarëve
Siç duket, ndërkombëtarët do të kenë shumë punë në Shqipëri, lidhur luftën kundër krimit e korrupsionit, mbasi nuk bëhet fjalë për xhepistë e boksierë rrugësh, por për banda të strukturuara edhe me VKM e ligje të posaçme.
Një vendim “rutinë”, mbajtur i fshehtë prej Autoritetit të Konkurencës, me Nr. 526, datë 14.06. 2018, tregon se shteti është “kapur për fyti” nga korrupsioni, jo vetëm në institucionet dhe aparatçikët e nivelit të fundit, nëpër shkollat e qendrat shëndetësore të ish-komunave, ku vidhet ndonjë shiringë e bisht fshese, por në majën e kupolës shtetërore.
Sipas informacionit që po publikojmë më poshtë, bëhet fjalë për një krim-financiar, që po kryhet “me qetësi e dashuri” nga bankat private, ku qeveria, shoqëritë e privilegjuara të sigurimeve dhe vetë banka-bandat, nëpërmjet skemës së sigurimit të detyrueshëm nga kredidheniet, blerje-shitjet pasurore, nga zjarret, fatkeqësitë natyrore e aksidente të çdo lloji, po “mbjellin, korrin, bluajnë e pastrojnë” miliarda lekë.
Në datën 14.06. 2018, Autoriteti i Konkurencës, ka trajtuar një raport “konfidencial”, të dërguar nga Autoriteti i Mbikëqyrjes Financiare, që denoncon monopolin e pisët, të sigurimit të pasurive dhe jetës, me urdhër të ish-ministrit Ritvan Bode, me urdhër të ish-ministrit Shkëlqim Cani dhe me urdhër të ministrit aktual Arben Ahmetaj, sipas të cilit, prej 13 vitesh po bëhet vetëm në një bankë dhe vetëm me 1 shoqëri sigurimi.
Lidhur me këtë monopol “lavatriçe” e zhvatëse, që ka bllokuar konkurencën e tarifave të sigurimit, janë ankuar disa banka të tjera e shoqëri sigurimi, mbasi ky pazar klientelist e monopolist, i ka nxjerr jashtë skemës, por së pari, po vepron dhunshëm (diktat) mbi bizneset dhe qytetarët, duke caktuar vetëm 1 alternativë sigurimi, me tarifa të fikuara, pa alternativa të tjera.
Nisur prej këtij skandali, Autoriteti i Konkurencës, me Vendimin Nr. 526, datë 14.06. 2018, ka ngritur grup pune dhe ka urdhëruar, nisjen e procesit “Hetim paraprak, në tregun e ndërmjetësimit në sigurime, nga bankat e nivelit të dytë”, me epiqendër “Raiffeisen Bank”(Bandë).
Nxitje ligjore është bërë, raporti vëzhgues i Autoritetit të Mbikëqyrjes Financiare, përcjellë me Shkresë Nr. 1789 datë 18.05.2018, me objekt: – “Mbi inspektimin e ndërmjetësit në sigurime, mbasi është konstatuar, se kontratat e sigurimit, të ndërmjetësuara nga “Raiffeisen Bank” si ndërmjetës (sekser) në sigurime gjatë vitit 2017 dhe gjatë 3 mujorit të parë të vitit 2018, janë lëshuar (diktuar) vetëm nga 1 shoqëri sigurimi.
Raporti citon, se “ka dyshime të plota e të arsyeshme”, se ka mes bankës dhe kompanisë së sigurimeve, ka aq “lidhje të forta” e mbështeje nga politika dhe pushteti, sa po sillen abuzivisht me diktat, presione e tarifa shërbimesh sipas qejfit, duke zbatuar kritere të ndryshme, për veprime të njëjta tregtare ndaj palëve, në shërbimin e ndërmjetësimit për sigurimin e jetës dhe pasurive.
Hetimi ka nisur dhe sipas afatit ligjor 3 mujor, në datën 16 shtator 2018, raporti duhet të paraqitet në 5 adresa, 3 prej të cilave janë: Kryeministri, Prokurorja e Përgjithshme dhe një institucion ndërkombëtar, që monitoron qeverinë dhe prokurorinë, në kuadrin e goditjes së krimit ekonomik-financiar në Shqipëri…/Pamfleti
Edhe pse shpesh identifikohet me Parkun Arkeologjik të Apolonisë, fshati Pojan në Fier ka përfituar pak ose aspak nga ky potencial i rëndësishëm turistik.
Ndaj, nxitja e turizmit të qëndrueshëm rural është një ndër synimet e përfshirjes së këtij fshati në programin “100 fshatrat”. Krahas Pojanit, janë edhe dy fshatra të tjerë (Libofsha dhe Cakrani), të përzgjedhur në kuadër të këtij programi për bashkinë e Fierit.
Lidhja organike që ka Pojani me Parkun Kombëtar Arkeologjik të Apolonisë, i cili mban mbi vete 2606 vite histori qytetërimi dhe kulture, është një bazë e fuqishme për nxitjen e turizmit në gjithë zonën.
I shtrirë pranë sitit të rëndësishëm arkeologjik të Apolonisë, Pojani përmbledh një potencial të rëndësishëm për zhvillimin e turizmit historik, por jo vetëm. Programi “100 fshatrat” parashikon po ashtu nxitjen e agroturizmit në këtë zonë, përmes mbështetjes direkte për sipërmarrjen fermere.
Zbatimi i këtij modeli të ri për zhvillimin rural përmes programit “100 fshatrat” parashikon investime të rëndësishme në infrastrukturë.
Aktualisht, Bashkia e Fierit ka bërë një përmirësim të infrastrukturës rrugore që të çon drejt fshatit Pojan, por investimi pritet të jetë më i plotë dhe pjesë e një projketi kompleks dhe të ndërthurur me të gjithë elementët urbanë.
Më herët, kryetari i bashkisë së Fierit, Armando Subashi është shprehur për ATSH-në se, “po punohet për hartimin e projekteve të plota që kanë në vetvete shumë plane të detajuara infrastrukturore”.
“Këto projekte nisin nga kanalizimet, ujësjellësi, infrastruktura rrugore, elementët urbanë, planifikimi i hapësirave publike, çlodhëse, gjelbërimin, vend pozicionimet më të favorshme agrokulturore, kultivuese etj, pa harruar dhe trajnimin e banorëve të këtyre zonave nëpërmjet formimit profesional që do t’u duhet për rritjen e cilësisë së shërbimit ndaj turistëve”, tha ai.
Është një projekt madhor, që sipas Subashit, përbëhet nga shumë miniprojekte të tjerë.
“Kemi përcaktuar prioritetet për ndërhyrje për çdo zonë, mbi bazën e të cilave po përgatisim projektet e plota, të cilat do t’i prezantojmë për financim”, tha ai.
Programi parashikon po ashtu nxitje të punësimit përmes mbështetjes direkte për sipërmarrjen fermere.
Ai synon të adresojë sfidat me të cilat përballet sot fshati dhe hapësira rurale për t’i shndërruar ato në qendra të zhvilluara ekonomike nëpërmjet agroturizmit të qëndrueshëm
rural.
Pojani ka rreth 2000 banorë dhe shtrihet në një sipërfaqe prej 11 km2, nga të cilat 458 ha sipërfaqe toke në fushë dhe 56 ha në kodër.
Banorët merren me bujqësi, blegtori dhe kohët e fundit me vreshtari dhe bletë. Shquhet për tradita të kultivuara myzeqare: të mikpritjes, bujarisë, të kulturës, folklorit, të gatimeve plot shije.
Banorët i përkasin besimit ortodoks, çka duket edhe në kishat shumëvjeçare pranë tij, si ajo e Shën Mërisë në Apoloni. /atsh
Operatori i Shpërndarjes së Energjisë Elektrike (OSHEE) ka vendosur në funksion të plotë fiderin numër 3 të nënstacionit të Radhimës duke furnizuar me energji elektrike zonën.
OSHEE ka ndërhyrë në këtë zonë pas dëmtimit të një prej shtyllave në orët e para të mëngjesit nga një automjet transporti pranë urës së Ivzorit, e cila si pasoj solli ndërprerje të energjinë elektrike.
OSHEE bën me dije se ka stakuar energjinë elektrike në këtë zonë për 1 orë (10-11 të mëngjesit) e cila ishte dhe koha e nevojshme për riparimin e dëmit të shkaktuar.
Tashme zona turistike e plazh Radhime dhe Orikum furnizohet normalisht me energji elektrike./atsh
Një aksident i rëndë ka ndodhur mbrëmjen e sotme në fshatin Arapaj të Roskovecit. Një makinë ka përplasur për vdekje dy këmbësorë po ecnin anës rrugës.
Mësohet se dy të aksidentuarit ishin të afërm me njëri tjetrin. Paraprakisht mendohet se dy personat që kanë ndërruar jetë janë Amarildo Dogani dhe F. Dogani.
Specialistët e Seksionit kundër Krimeve të Rënda në Drejtorinë Vendore të Policisë Durrës arrestuan në flagrancë shtetasit:
• N.P31 vjeç, banues në Durrës;
• B.D 48 vjeç, banues në Durrës.
Gjithashtu është shpallur në kërkim dhe po punohet për kapjen e shtetasit J.B. 17 vjeç, banues në Durrës.
Shtetasit e mësipërm, më datë 25.08.2018, në lagjen Nr.15, për motive të dobëta kanë tentuar të vrasin duke e goditur disa herë me thikë në trup shtetasin D.D. 20 vjeç, banues në Durrës, i cili ndodhet në Spitalin Rajonal Durrës nën kujdesin e mjekëve.
Në cilësinë e provës materiale është sekuestruar thika.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale”Vrasja me paramendim” në bashkëpunim e mbetur në tentativë dhe
” Prodhimi, mbajtja, blerja apo shitja pa leje e armëve të ftohta”parashikuar në nenet 78 / 1, 22, 25 dhe 279 të Kodit Penal.
