Vetëm këtë sezon, nga janari, Laguna e Nartës me qendër Zvërnecin u vizituan nga rreth 30 mijë turistë të natyrës, të vëzhgimit të shpendëve dhe ata që preferojnë dunat detare për një plazh të pastër e të qetë. Ky numër është sa dyfishi i vizitorëve që qëndruan në këtë territor gjatë gjithë vitit 2017. Këto statistika i jep për ATSH-në, Nexhip Hysolakoj, përgjegjësi i Sektorit të Monitorimit të lagunës në Administratën e Zonave të Mbrojtura (AdZM) e Vlorës.
Nexhipi thotë se “sezoni veror po shkon drejt përfundimit dhe ajo që mund të themi me siguri është se numri i vizitorëve ishte, si asnjë herë më parë, pa dyshim më i larti deri më tani. Ajo që turistët, shqiptarë edhe të huaj, duket se vlerësojnë së tepërmi është ambienti i paprekur që i bën ata të impresionohen në çast nga natyra e mrekullueshme. Një atraksion ishte dhe ura e re karakteristike e punuar me mjeshtëri dhe artistikisht. Megjithatë turistët vazhdojnë ende të shprehin ndonjë pakënaqësi në lidhje me kushtet e infrastrukturës rrugore që të çon në këtë perlë të natyrës shqiptare”, thotë Nexhipi.
Më tej ai shpjegon se një sukses në numrin në rritje të këtij sezoni luajti edhe Projekti ”Smile Albania”që orientoi dhe dha informacion të saktë për vendet që mund të vizitojë një turist. Po kështu, ai përmend edhe stafin me specialistë të Administratës së Zonave të Mbrojtura të Vlorës që me profesionalizëm shoqëruan vizitorët e huaj në vendet më atraktive siç ishujt e shumtë dhe Laguna e Flamingove.
“Zvërneci është futur në Projektin e 100 fshatrave dhe zhgënjimi nga infrastuktura me mangësi do të duhet të shuhet së shpejti, ndërkohë që, referuar projektit “100 fshatrat”, qeveria është duke punuar për ta kthyer këtë vend në një atraksion turistik që do të ofrojë të gjitha kushtet normale për një turizëm të qëndrueshëm. Le të shpresojmë se sezoni tjetër do të jetë edhe më i suksesshëm, duke parë se premisat janë përgjithësisht pozitive. Kuptueshëm, Zvërneci do të qëndrojë në majë të atraksioneve turistike kombëtare në një të ardhme të afërt. Është koha që të vlerësojmë pasuritë e trashëguara, t’i respektojmë si për të respektuar vetveten dhe t’i kultivojmë në të mirën e shoqërisë”, përfundon prononcimin e tij për ATSH-në, Nexhip Hysolakoj, përgjegjësi i Sektorit të Monitorimit të lagunës në Administratën e Zonave të Mbrojtura (AdZM) e Vlorës. /atsh
Sa herë që “tingëllojnë” prangat për njerëzit e fuqishëm të politikës shqiptare, menjëherë sulmohet institucioni dhe personi që e drejton, të cilët do të zbatojnë drejtësinë e re.
Kështu ka ndodhur sa herë që Ilir Meta dhe Monika kërcënohen nga burgu, për shkak të zullumeve të shumta që kanë bërë në kurriz të shqiptarëve, menjëherë del dikush nga LSI dhe sulmon Prokurorinë dhe kryeprokuroren e përkohshme Arta Marku.
Dhe akuzat ndaj saj nuk kanë qënë të thjeshta, as parimore por janë artikuluar me një fjalor banal, të ultë dhe aspak etik nga ana e numrit dy të LSI Petrit Vasili, njeriu që është caktuar për të bërë “zarin” e Metës dhe Monikës në këto raste.
Vetëm dy ditë kanë duruar Meta dhe Monika pas mesazhit të ambasadorit në largim të SHBA në Tiranë Donald Lu, i cili sërish nënvizoi se politika duhet të ketë frikë nga drejtësia e re.
Pikërisht kundër kësaj drejtësie të re kanë reaguar fort Meta me Monikën, duke e cilësuar atë një drejtësi horrash, të njëanshme dhe më e poshtra e tërë këtyre viteve.
Dhe Vasili e ka argumentuar akuzën e tij me sjelljen e kryeprokurores Arta Marku ndaj denoncimit të opozitës për videopërgjimin e “Babales”, të cilin dhe nga vetë autorët që e sajuan e kanë pranuar se kanë bërë një manipulim të trashë.
Por Meta dhe Monika janë trembur me të vërtetë nga prangat që mund t’u vihen në duar për shkak të hapjes së dosjeve të mëdha, sikurse ka paralajmëruar dhe “Pamfleti” për këtë vjeshtë.
Njëherësh familja presidento-opozitare me shumë vila dhe mbi 4 miliardë euro pasuri, është trembur dhe nga fakti se SHBA ka dhënë dakordësinë për nismën ligjore që i jep plotfuqishmëri Prokurores së Përgjithshme të përkohëshme Arta Marku që të ketë “tagrin” e arrestimit të “peshqve të mëdhenj”. Plotfuqishmëri kjo që shkon për kryeprokuroren deri në momentin kur të ngrihen zyrtarisht SPAK dhe Byroja Kombëtare e Hetimit, proces që mendohet të shkojë gjatë.
Pikërisht për shkak të këtij atributi që Parlamenti pritet t’i japë Arta Markut për të hetuar dhe dërguar për burg personazhet VIP të krimit dhe të abuzimit me pushtetin ka trembur Metën dhe Monikën që të shpërthejnë në një fjalor banal kundër Kryeprokurores dhe drejtësisë së re.
“Drejtësi horrash: Arta Marku fle mbi padinë ndaj kryeministrit për audiopërgjimin. Në Shqipëri mbretëron drejtësia e horrave.
Batakçiu, që drejton qeverinë thërret e bërtet si histerik për të ashtuquajturën, drejtësinë e re që po ngrihet dhe po ngre vetë ai. Po cila drejtësi e re po ngrihet?
Ajo më e poshtra. Ajo më e liga. Ajo më e njëanshmja. Ajo që mbron kryeministrin dhe burgos njeriun e thjeshtë për 30 mijë lekë korrent të papaguar.
Drejtësia e re apo ndryshe drejtësia e horrave fle mbi dosjen e kryeministrit të paditur si kryemashtrues shtetëror për audiopërgjimin e vëllait të ministrit të Brendshëm.
Arta Marku është përbetuar me sa duket që veprat penale të kryeministrit t’i marrë përsipër dhe ti vuajë vetë. Aferim…
Për opinionin dhe jo për Arta Markun po ju sjell përsëri deklaratën mashtruese të kryeministrit për ekspertizën e audiopërgjimit, ja çfarë thoshtë që më 19 maj:
“Unë e kam marrë mbrëmë përgjigjen e analizës shkencore, të kryer në një nga laboratorët më seriozë të botës.
Nuk jemi absolutisht përpara asnjë lloj prove kompromentuese për ministrin e Brendshëm, por përpara një akti mashtrimi të opinionit publik dhe atij ndërkombëtar me një material jo autentik”, tha Rama gjatë mbledhjes së grupit më 19 maj.
Sot e kësaj dite qytetarët e dinë që s’ka një ekspertizë, ndërkohë që kryemashtruesi gjoja e kishte bërë që në 19 maj dhe megjithatë nuk i hyn një gjëmb në kembë dhe prokurorja rri e vështron.
Drejtësia, që mbyll sytë dhe veshët përpara fajit sa një mal është përfundimisht:
një Drejtësi Horrash”, reagon Vasili në rrjetin social.
Ky është një qëndrim i dhënë nga ana e LSI në panik të madh, për shkak se kupola drejtuese e saj po rrezikon rëndë burgun./Pamfleti
E rralle! Nuk kanë pritur me 2 mësuesit Donald Dervishi dhe Borsion Spaho dhe kanë mundur të bëjnë realitet ëndrrën e tyre dhe të banorëve të zonës Vëndreshë Mal, duke i kthyer ne kete menyre fshatit pas kaq shumë vjetësh mungesë të një shkolle, institucionin e tyre arsimor. Mësuesi Donald Dervishi tregon se nisma humanitare e ndërmarrë prej tyre në shtator të vitit 2017, e arriti qëllimin, pasi shkolla këtë fillim viti do jetë në shërbim të fëmijëve të fshatit.
Vëndreshë III ose siç njihet ndryshe Vëndreshë Mal është një fshat i Skraparit që ndodhet 3 orë larg nga zona urbane dhe prej vitesh ka sjellë vështirësi në zhvillimin e procesit mësimor si për fëmijët e këtij fshati dhe për mësuesit. Dervishi tregon se nismën e filluan pas pjesëmarrjes në emisionin “100 Milionë”, ku dolën fitues me 250 mijë lek të rinj dhe më pas me anë të një faqeje donacionesh në internet mblodhën mbi 10000 $ si dhe materiale të dhuruara nga kompani të ndryshme dhe individë.
Shkolla e re është e vogël, me një klasë, tualetin dhe një korridor. E mjaftueshme për 5 fëmijët që do të ulen këtë vit në bankat e saj. Mësimi do të zhvillohet me klasë kolektive, ku secili nxënës do punojë me programin përkatës që ka, shpjegon Dervishi më tej.
Nisma e 2 mësuesëve ka emocionuar dhe ka marrë përkrahje nga të gjithë, sidomos nga banorët e këtij fshati të thellë. Mësues Donald Dervishi është drejtori i shkollës “Ferit Bregu” të Njësisë Administrative Vendore Vendreshë e Madhe. Ka studiuar për Gjuhë-Letërsi dhe jep mësim në shkollën 9-vjeçare të fshatit Therepel, që është 3 orë larg në këmbë vajtje-ardhje me fshatin Vendreshë Mal (ku u ndërtua shkolla).
Bashkënismëtari Borsion Spaho, është mësues i ciklit fillor. Mësues Borsioni ka tre vjet që jep mësim në këtë fshat, në një shtëpi me qera, e përshatur si shkollë. Për rreth 10 vite kështu ka funksionuar, për të mos u mohuar fëmijëve arsimimin. Mësues Borisonit “i duhej të vinte çdo ditë në këtë fshat nga qyteti i Çorovodes deri në Vendreshe Mal, në kohë me shi, breshër, borë apo dhe në kohë me diell, gjë e cila i kushtonte 3 orë kohë në total, vajtje- ardhje”, thotë Dervishi për Pozitivin.
Prej disa ditësh keni punuar për ndërtimin e shkollës në fshatin Vëndresh e Malit. A do të jetë ajo gati për fillimin e këtij viti shkollor?
Sot jemi në përfundim të ditës së 10 (dhjetë) të punimeve. Punimet kanë vijuar sipas planit që kishim përcaktuar më parë dhe për këtë jemi shumë të kënaqur dhe shumë entuziast që shumë shpejt dhe sigurisht përpara fillimit të vitit te ri shkollor shkolla do të jetë gati dhe nxënësit e kësaj shkolle do të kenë mundësi të mësojnë në kushte të ngrohta, ashtu siç mësojnë dhe bashkëmoshatarët e tyre në qytete të ndryshme të Republikës së Shqipërisë dhe jo vetëm.
Sa nxënës do mund të ndjekin shkollën në këtë ndërtesë, pra si mendohet të funksionojë pasi ta përfundoni?
Këtë vit në këtë shkollë do të ulen gjithsej 4 (katër) nxënës dhe një fëmijë që është për parashkollor, pra gjithsej 5 (pesë) fëmijë. Nenësit janë të klasave të ndryshme, një nxënëse do të jetë në klasën e parë, një nxënëse tjetër në klasën e dytë dhe dy nxënës të tjerë, një në klasë të tretë dhe një në klasë të pestë. Mësimi zhvillohet me klasa kolektive, pra mësuesi punon me nxënësit në të njëjtën kohë në grup, duke lënë në punë të pavarur tre nxënës dhe me pas punon me një dhe kështu vazhdon edhe me të tjerët deri në përfundimin e mësimit. Ndërkohë një nxënës që është për parashkollor e lë të punojë në punë të pavarur sipas programit që kanë për këtë nxënës.
Si erdhi ideja e nismës? Gjithashtu do donim një prezantim të dy mësuesëve që e ndërmorën nismën, të cilët jeni ju dhe kolegu juaj?
Nisma ka filluar në shtator të vitit të kaluar (2017) dhe ka përfunduar në qershor të këtij viti. Ne nismën e kemi nisur direkt pas pjesëmarrjes tone në emisionin “100 Milionë” ne Top Channel nga i cili dolëm fitues me 250 mijë lek të rinj dhe më pas me anë të një faqeje donacionesh në Internet arritëm të mblidhnim 5000$ “gofundme” dhe shuma të tjera që na kaluan në numrin e llogarisë bankare, deri në bërjen të mundur të mbledhjeve të plota të mbi 10000 $ si dhe materiale të dhuruara nga kompani të ndryshime ndërtimesh apo individë.
Unë jam drejtori i shkollës “Ferit Bregu” Vendreshë të Njësisë Administrative Vendore Vendreshë e Madhe. Kam në menaxhim pesë shkolla të kësaj njësië në pesë fshatra, të cilët janë: Therepel, Vendreshë e I-re, Vendreshë e II-të, Vendreshë e III-të (Vendreshë Mal) dhe Spathare. Kam perfunduar studimet për Gjuhë-Letërsi dhe jap mësim në shkollën 9-vjeçare të fshatit Therepel. Unë jam nga fshati Therepel i kësaj njësie dhe Vendreshën Mal (ku po ndërtohet shkolla) e kam 3 orë larg në këmbë vajtje-ardhje.
A kanë qenë të privuar nga shkolla fëmijët e këtij fshati të largët (Vendreshë Mal) duke qenë se atje nuk ka pasur shkollë?
Bashkë me mua në këtë nismë është dhe Borsion Spaho, mësues i ciklit fillor. Mësues Borsioni ka tre vjet që jep mësim në këtë fshat në një shkollë fillore, e cila është përshatur nga një shtëpi e marrë me qera dhe kështu ka funksionuar për një kohë të gjatë, për më shumë se dhjetë vjetesh. Pra fëmijëve nuk u është mohuar arsimimi edhe pse nga një zonë e largët.
Mësues Borsionit i duhej të vinte çdo ditë në këtë fshat nga qyteti i Çorovodes deri në Vendreshe Mal, në kohë me shi, breshër, borë apo dhe në kohë me diell, gjë e cila i kushtonte 3 orë kohë në total, vajtje- ardhje. Çorovode – Vendreshë e II-të 1 ore e 30 minuta me makinë vajtje-ardhje dhe Vendreshë e II – të Vendreshë e III-të (Vendreshë Mal) 1 orë e 30 minuta me këmbë vajtje-ardhje. Vendresha e II-të është qendra e drejtorisë së shkollës “Ferit Bregu”.
Përveç pamjeve që keni shpërndarë në rrjete sociale, na tregoni pak më shumë për ditët e punës gjatë ndërtimit të shkollës?
Gjatë verës duhet të them qe nuk kemi punuar, pasi nuk arriti askush të merrte përsipër ndërtimin e kësaj shkolle sepse largësia që ka Vendresha e Malit nga zona urbane është shumë e madhe dhe për këtë arsye jemi munduar shumë derisa kemi gjetur ustallarët për të marrë përsipër realizimin e këtij projekti humanitar. Vështirësi tjetër duhet përmendur që ka qenë rruga.
Na është dashur që të merrnim fadromë për zgjerim dhe nivelim të rrugës për të çuar materialet në vend dhe për këtë na është dashur të shpenzonim gati 1200 dollar. Ne (mësues Borsioni dhe unë kemi udhëhequr punimet nga dita e parë deri sot që shënon dita e dhjetë. Ndërtuesit i kemi paguar me lekë sepse është pune e lodhshme dhe zgjat në kohë, plus veshtirësia e rrugës shumë herë na është dashur që të bëjmë edhe 2 orë rrugë me këmbë vajtje-ardhje në kohë me shi.
A ka pasur sensibilizim dhe kontribut nga shkolla te tjera, qofshin këto në Skrapar ose jo?
Sigurisht që kemi patur. Ka qenë në Poliçan një shkollë, e cila quhet “Refat Keli”, ku klasa e pestë e kësaj shkolle kanë blerë dhurata për nxënësit e kësaj shkolle me rasitin e Vitit te Ri. Ne kemi qenë të ftuar në këtë organizim dhe kemi tërhequr dhuratat për nxënësit e kësaj shkolle. Ka qenë Universiteti Polis në Tiranë, i cili ka bërë të mundur të kontribonte në vlerë monetare asistence inxhierie me anë të stafit pedagogjik, si dhe mbledhjen e nje sasie librash nga studentët. Kanë qenë gjithashtu profesorët e Albanian College Durrës të cilët kanë dhuruar shuma të ndryshme parash, ku shumica prej tyre kanë qenë profesorë të huaj (Anglia, Amerika, Kanadaja, Polonia, etj)
Si kanë qenë reagimet e banorëve dhe fëmijëve të fshatit tani që punimet po shkojnë drejt fundit?
Të them të drejtën jemi ndjerë shumë mirë. Të gjithë banorët na kanë shprehur falenderime dhe urime pa fund. Ata vetë ndjehen të entuziasmuar që në fund pas kaq shumë vjetësh mungesë të një shkolle të rregullt të kenë dhe ata institucionin e tyre arsimor pranë fshatit të tyre Vendreshë Mal. Dua të shtoj edhe një falenderim të veçantë për secilin individ qe na ka besuar që në fillim të herës dhe na kanë dhënë shtysë dhe kurajo që ne këtë ëndërr të përbashkët ta bënim realitet. Me respekt, Donald Dervishi dhe Borsion Spaho.
KLSH kërkon ‘fundosjen’ e të gjithë atyre personave, që grabitën rezervat e shtetit gjatë trazirave të vitit 1997, mes të cilëve pritet të dalë edhe emri i Presidentit Ilir Meta, që akuzohet si autori i grabitjes më të bujshme në vendin tonë, atë të floririt në Thesarin e Shtetit. Përmes një kërkese drejtuar Ministrisë së Brendshme, KLSH ‘urdhëron’ ngritjen e një grupi pune që të identifikojë personat përgjegjës, për të marrë më pas masa që të kompensojnë dëmet e shkarkuara. ‘Shqiptarja.com’ shkruan sot se KLSH ka bërë një bilanc të gjendjes debitore të Ministrisë së Brendshme.
Gjendja debitore është 8,318,301,000 lekë, nga e cila një pjesë është shkaktuar gjatë trazirave të 1997-1998, përmes sulmit dhe grabitjes së rezervave të shtetit. Kujtojmë se, një nga grabitjet më të bujshme në atë kohë është vjedhja e 340 kg flori në Thesarin e Shtetit Shqiptar, më 14 prill 1997, në tunelet e shtetit shqiptar, në fshatin Krrabë të Elbasanit. Kjo ngjarje është mbuluar me një tis misteri, ndërsa sot e kësaj dite nuk ka ende një përgjegjës për vjedhjen e thesarit që ruhej në tunelin e Krrabës, dyert hermetike të të cilit hapeshin vetëm me një kod të veçantë. Ka vetëm akuza dhe kundërakuza për implikimin e krerëve më të lartë të shtetit shqiptar.
“Sipas pasqyrave financiare (bilanci) përmbledhëse për të gjithë njësi vartëse, në fund të vitit 2016, gjendja debitorë (klasa 4) paraqitet në vlerën 8,318,301,000 lekë nga e cila një pjese e konsiderueshme paraqiten edhe pa shpresë arkëtimi, sepse është krijuar dhe e trashëguar që nga trazirat e vitit 1997-1998, apo me përpara. Për aparatin e MB, shqetësuese mbetet mos arkëtimi i shumës 27,365,134 lekë nga debitori z. E. A. Ky detyrim është krijuar para vitit 2000, për shkak të abuzimeve të bëra në tenderin e prodhimit të pasaportave për jashtë shtetit. Ndërsa shqetësuese mbeten edhe debitorët në njësitë vartëse si: Në Gardën e Republikës paraqiten debitorë në shumën 30,325,039 lekë, ku pjesën më të lartë e zënë debitorët në trazirat e viteve 1997-1998, si dhe 13 debitorë në vlerën 8,477,624 lekë, për të cilët Garda e Republikës i ka marrë në ngarkim në kontabilitet për llogari të të tretëve”, thuhet në raportin e KLSH.
Kërkesa
Për rrjedhojë, KLSH kërkon marrjen e masave për identifikimin e debitorëve dhe kompensimin e dëmit. KLSH kërkon që Ministria e Brendshme të bashkëpunojë me organe të tjera shtetërore, si me drejtoritë e policive, me Institutin e Sigurimeve Shoqërore dhe me Gjendjen Civile, për gjetjen e të dhënave të sakta të personave. “Ministria e Brendshme të marrë masa, duke krijuar grup pune të veçantë me përfaqësues të fushës së financave dhe fushës juridike për analizimin e hollësishëm të debitorëve. Të bashkëpunohet me drejtoritë e policive, me Institutin e Sigurimeve Shoqërore dhe me Gjendjen Civile, për gjetjen e saktë të të dhënave të debitorëve fizik (ish-punonjës) dhe të subjekteve fizik e juridik”, thuhet në raport.
Gjobat 1994-2007
Kontrolli i Lartë i Shtetit konstaton vlera debitore nga gjobat e pavjelura, të vendosura nga IKMT gjatë periudhës 1994-2007 është 1,513,907,360 lekë. “Në pasqyrat financiare të IKMT-së, vlera debitorë është 1,513,907,360 lekë, e cila përfaqëson gjobat e vendosura nga degët e ish Policisë së Ndërtimit gjatë periudhës 1994-2007 dhe arkëtimi i tyre ndiqej nga vetë Degët e Policisë së Ndërtimit, të cilat u shkrinë me hyrjen në fuqi të ligjit nr. 9780, datë 16.07.2007 “Për Inspektimin e Ndërtimit” dhe ndarjen e kompetencave midis INUK dhe INUV. Po kështu qëndron debitor edhe gjobat e vendosura nga INUK dhe IKMT për periudhën 2008-2016 në vlerën 2,250,376,048 lekë si dhe vlera prej 5,070,209 lekë e cila përfaqëson detyrime të lëna nga auditimi në vite për ish-punonjësit e Policisë së Ndërtimit si dhe të INUK”, vijon raporti.
Edhe për këtë gjendje debitore, KLSH kërkon që të merren masa. “Të dërgohen shkresa zyrtare për arkëtimin e detyrimeve, për debitor që janë me shpresë arkëtimi, ndërsa për debitorët që janë pa ndonjë shpresë arkëtimi, ti propozohet Ministrisë së Financave që ti mbajnë në llogaritë jashtë bilancit, ose të ndiqet procedurat ligjore për parashkrimin e tyre. Për subjektet private debitorë të dërgohen shkresa Drejtorisë së Përgjithshme të Tatimeve, për të njoftuar për detyrimet që ato kanë ndër vite ndaj MB dhe të merren hapat bashkëpunimi ndërmjet dy institucioneve, për të mundësuar arkëtimin e këtyre detyrimeve”, thekson raporti./korrieri
Monitorimet me dron nga ana e Policisë Rrugore kanë vazhduar edhe gjatë kësaj fundjave.
Kontrollet u fokusuan në drejtim të kontrollit dhe ndëshkimit të drejtuesve të mjeteve që nuk i japin përparësi mjeteve që qarkullojnë në rrethrrotullim, mjeteve që nuk i japin përparësi këmbësorëve në vendkalimet e tyre, mjeteve që kryejnë parakalime në rrugë me fushëpamje të kufizuar ku dhe rrezikshmëria për t’u përfshirë në aksidente rrugore është më e madhe.
Ja njoftimi i plotë i policisë:
Policia Rrugore e Tiranës në bashkëpunim me Njësinë Operacionale të Policisë Rrugore vijuan kontrollet në funksion të Planeve të nisura më herët nga rrugorët e kryeqytetit, ku krahas kontrolleve me mjetet speciale radar edrager, apo formave të tjera të organizimit për të evidentuar e ndëshkuar shkelësit e Kodit Rrugor, tashmë monitorimi dhe konstatimi i shkeljeve po realizohet edhe me dron
Kontrollet u fokusuan në drejtim të kontrollit dhe ndëshkimit të drejtuesve të mjeteve që nuk i japin përparësi mjeteve që qarkullojnë në rrethrrotullim, mjeteve që nuk i japin përparësi këmbësorëve në vendkalimet e tyre, mjeteve që kryejnë parakalime në rrugë me fushëpamje të kufizuar ku dhe rrezikshmëria për t’u përfshirë në aksidente rrugore është më e madhe.
Nga monitorimet dhe kontrollet përgjatë këtyre ditëve janë konstatuar dhe ndëshkuar me masa administrative, 128 drejtues mjetesh për shkeljet elartpërmendura.
Policia Rrugore e Tiranës apelon për zbatim të rregullave të qarkullimit si nga drejtuesit e mjeteve ashtu dhe nga këmbësorët me qëllim rritjen eparametrave të sigurisë rrugore.
Vazhdon të flitet, për masakarallëkun që zbuloi video-përgjimi i bisedës mes Denar Bibës e Ledi Biankut, gjyqtarit të Shqipërisë në Strasburg, por kjo nuk është histori e re për çështjet gjyqësore të shqiptarëve, që çohen në Strasburg kundër qeverisë, për kthim e kompensim pronash, dëshmpërblime të çdo lloji, anulim koncesionesh, dënime penale e sekuestro të padrejta.
Në 20 vitet e fundit, këtë ndyrësi kundër të drejtave të shqiptarëve e kanë bërë të 5 kryemininstrat shqiptarë, që nga Nano, Majko, Meta, Berisha e së fundi Rama, duke futur sekser, për të paguar anëtarë të kësaj gjykate, që të bllokonin ose jepnin “kundër”, vendimet për gjyqet kundër qeverisë, të cilat hapeshin për pisllëqet, krimet, pazaret dhe korrupsionin e bërë nga këta kryeministra horra.
Prej 24 orësh, për këtë ndyrësi shtetërore, i janë vërsulur “Lisimakut” Denar Biba, duke e akuzuar si “koka” e këtij pazari dhe po lihen në “hije”, krye-pazarxhiu i vërtetë Agaç-Ogiçi i kryeministrit, së bashku me “sillon” Endri Fuga, të cilët e tërhqein për “kapistre” Edi Ramën (siç e ka deklaruar vetë).
Në sirtarët e Gjykatës së Strasburgut, janë 4578 çështje me “logo shqiptare”, nga të cilat 56 janë për anulime e dëmshpërblime koncesionesh, 319 janë për dënime të padrejta penale, 1134 janë për largime të padrejta nga puna, 1670 janë për zaptim, kthim e dëmshpërblime pronash.
Të gjitha këto akt-padi gjyqësore, nëse jepen “PRO” paditësve, fatura totale arrin 6 miliardë euro, ndaj edhe qeveria “brekushe-grisur”, tenton të bëjë pazare, për të shtyrë e bllokuar këto gjyqe në Stras(burg), mbasi nuk ka mundësi të paguajë as avokatët, për të cilët po përdor lekët e emergjencave dhe të ilaçeve të sëmundjeve të rënda.
Nuk ka asnjë dyshim, që në Strasburg, Bibën e ka dërguar “rosaku” Edi Rama dhe për këtë poshtërsi, duhet të reagojnë të dëmtuarit, që janë ish-pronarët, të larguarit nga puna prej bandave PD, PS, LSI, PR, PAA e PDIU, të përndjekurit politikë, bizneset, banorët që u janë zaptuar malet, kodrat, lumenjtë e pyjet, të dënuarit padrejtësisht nga gjykatat e zaganjorëve, brocëve, gjinrave, beçajve e fullanëve.
Biseda e Bibës me Biankun është praktikë e përsëritur nga qeverisjet e 20 viteve të fundit, por ka një maskarallëk tjetër qeveritar, për të cilin duhet të rrëfehen sekserët Agaç Ogiçi, Endri Fuga dhe Ledi Bianku.
Këta duhet të tregojnë pazarin e bërë nga kryeministri Rama, nëpërmjet Avokates së Shtetit, Alma Hicka, duke depozituar në Strasburg, pranimin paraprak të akt-padisë për gjyqin e pallatit të vjehrrit të Lulzim Bashës, shoqëruar me kërkesën paraprake, se kishte fuqi të paguante dëmshpërlimin 13 milionë euro, duke kërkuar përshpejtimin e procesit “për shmangie pasojash sociale”, me vendim “PRO” Xhaferr Isufit, Xhuvi Sharrxhiut e 17 ankuesve të tjerë, mes tyre dhe Avokatja e Popullit Erinda Ballanca.
Sa për kujtesë, në gjyqin e pallatit të vjehrrit të Lulzim Bashës, Avokatja e Shtetit Hicka, me urdhër të kryeministrit Rama, jo vetëm nuk kundërshtoi asnjë provë të paraqitur nga avokati i vjehrrit të Lulzim Bashës, gjë që e provon vendimi i arsyetuar (i plotë) i Starsburgut, por kërkoi që të tejkaloheshin (të mos beheshin) 6 etapa të proceit, duke i konsideruar të mirëqena në favor të palës së vjehrrit të Bashës. Sa për kujtesë, për këtë fakt, mund të pyeten Bianku e Hicka, që ka burrin zëvendës në studion e Maks Haxhiajt, “kushos” së vjehrrit të Lulit./Pamfleti
Burime të rezervuara nga organi i hetimit flasin që brenda dhjetorit do të dalë një dosje përvëluese, ku flitet për një anëtar kabineti aktual, pra ministër.
Krimet e Rënda po punojnë intensivisht por pa u ndikuar nga zhvillimet politike, ku nga njëra anë kryeministri ka shpallë se do të kryejë ndryshime në kabinet por edhe opozita ka deklaruar se do të fillojë një stinë të madhe protestash.
Nuk dihet nëse ky fakt ka rënë në duart e kryeministrit që mund të bëjë ndryshimet përpara se të nisë hetimi i prokurorisë, por realisht ka gjasa që situate të jetë shpërthyese si me rastin e Saimir Tahirit një vit më parë.
Ndërkaq, ambasada amerikane ka bërë thirrje për aplikimin e kandidatëve të pastër për Këshillin e Lartë Gjyqësor.
Ambasadori amerikan foli për “një gjyqtar të ndershëm nga gjykatat e apelit”.
Ngritja e KLGJ-së dhe KLP-së hap rrugën më pas për të startuar SPAK apo Prokuroria Speciale, e cila do të marrë kompetencat e Prokurorisë së Krimeve të Rënda.
Ambasada amerikane dje u ka bërë thirrje sot të gjithë gjytarëve që kalojnë vetingun të aplikojnë për vendet vakante.
“Shqipëria është në prag të krijimit të një sistemi drejtësie që vërtet i shërben interesave të qytetarëve të saj. Iu bëjmë thirrje gjykatësve të ndershëm, patriotë dhe me integritet nga gjykatat e apelit që të bëjnë përpara dhe t’i shërbejnë vendit të tyre në Këshillin e Lartë Gjyqësor. Bëhuni pjesë e të ardhmes së Shqipërisë! Aplikoni”, thuhet në thirrjen e ambasadës amerikane./Pamfleti
Policia e Shtetit është bërë protagoniste e një tjetër skandali, atë të mbajtjes së një fëmije 18 muajsh në rajonin e policisë.
Ngjarja ka ndodhur në Patos, ku me urdhër të drejtuesit të policisë së këtij komisariati, është mbajtur në rajon fëmija 18 muajsh.
Denoncimi është bërë nga një qytetar, i cili i ka shkruar për këtë skandal ish-Kryeministrit Berisha.
Berisha pasi reagon ndaj ngjarjes së rëndë, e cilëson “dava narkoshteti”.
Postimi i plotë i ish-Kryeministrit Berisha
Narko apo Xhafopolicia mban ne rajon te saj femijen 18 muajsh! Dava narkoshteti!
Lexoni mesazhin e prindit dixhital. sb
“Prsh Doktor, nje pyetje kam ju lutem ku mund te ankohem dhe te gjej te drejten time pse djali im 18 muajsh eshte mbajtur ne rajonin e policiss se Patosit me urdher te drejtusit te atij rajoni. Ju lutem nje pergjigje”.
