Aktualitet

Letra brilante që duhet lexuar patjetër çdo 1 shtator. Mos e humbni!

A munden vallë prindërit në ditët e sotme t’i drejtohen mësuesit të fëmijës së tyre, ashtu si Abraham Lincoln mësuesit të të birit, para 187 vjetësh!?

Sot është 1 shtatori, dita e parë e vitit të ri shkollor dhe kjo letër ia vlen të lexohet sërish, të paktën nga prindërit dhe mësuesit.

Presidenti i 16-të i Shteteve të Bashkuara të Amerikës, Abraham Lincoln, duke e ditur vlerën e dijes dhe të mësuarit në jetë, vendosi që mësuesit të djalit të tij, t’i shkruante në formë përkujtimi rreth mënyrës se si duhet trajtuar një fëmijë i vogël, duke i renditur një sërë arsyesh e mësimesh të arta të cilat dëshironte që djali i tij t’i mësonte nga mësuesi.

Letra e Presidentit Abraham Lincoln, shkruar në vitin 1830:

“Mësues i nderuar,

Djali im sot e fillon shkollën.

Pas pak, gjithçka do të jetë për të e çuditshme dhe e re, prandaj do të doja ta trajtonit butësisht.

Është një aventurë që ai do ta marrë me vete nëpër të gjitha kontinentet.

Të tilla aventura që ndoshta mund të përfshijnë luftëra, tragjedi dhe fatkeqësi. Ta jetosh këtë jetë, të duhet besim, dashuri dhe kurajo.

Mësojeni t’i përqeshë cinikët.

Mësojeni nëse mundeni të zbulojë mrekullinë e leximit të librave, por gjithashtu i jepni edhe kohën e mjaftueshme për të kundruar misterin e përjetshëm të fluturimit të zogjve në qiell, të bletëve në diell e të luleve mbi një kodër të gjelbër.

Mësojeni të këtë besim në idetë e tij edhe nëse të gjithë do t`i thonë se janë të gabuara.

Mundohuni t`i mësoni birit tim forcën për mos e ndjekur turmën edhe kur të gjithë vrapojnë pas fitimtarit.

Mësojeni të dëgjojë me vëmendje çdo njeri, por gjithashtu të shoshisë të gjithë atë që dëgjon në sitën e së vërtetës dhe të marrë veç të mirën.

Mësojani atij sesi të shesë talentin dhe zgjuarësinë e tij tek ofertuesi më i lartë, por mos të pranojë kurrë asnjë lloj çmimi për shpirtin e zemrën.

Lejoheni të ketë kurajën për të qenë i padurueshëm. Lejoheni të ketë durimin për të qenë trim.

Mësojeni atë të ketë besim sublim te vetvetja, sepse atëherë ai do të ketë gjithmonë besim sublim në njerëzimin dhe në zotin. Këto janë kërkesat, mësues, por ju bëni më të mirën që mundeni. Ai është fëmijë i vogël dhe i mirë. Dhe është biri im”.

Me respekt,

Abraham Lincoln”

Vendosja e shërbimit të autoambulancave fikse pranë zonave turistike si dhe funksionimi i njësisë së helikopterëve, të cilët vetëm gjatë këtij sezoni kanë kryer rreth 50 misione, ka shpëtuar shumë jetë njerëzish.

E ftuar në një studio televizive, ministrja e Shëndetësisë dhe Mbrojtjes Sociale, Ogerta Manastirliu u ndal te masat që mori dikasteri që ajo drejton për mbarëvajtjen e sezonit turistik.

Sipas saj, “llogaritet që njësia e helikopterëve të Urgjencës Kombëtare ka kryer rreth 50 misione shpëtimi në ndihmë të qytetarëve, ose thënë ndryshe, një herë në 2.5 ditë ka pasur një mision me helikopter dhe këtu përfshihen të gjitha rastet e urgjencës si dhe aksidente rrugore apo në det”.

Manastirliu tha se “janë 43 mijë pushues që kanë marrë shërbimin shëndetësor në 26 qendra shëndetësore verore, që janë hapur prej 1 qershorit dhe funksionojnë 24 orë në 7 ditë të javës”.

Ka ende shumë për të përmirësuar në drejtim të shërbimit të Urgjencës Kombëtare, tha Ministrja duke shtuar se “ndërkohë kemi bërë hapa shumë përpara dhe kemi përmirësuar ofrimin e shërbimit”.

Po ashtu, ajo theksoi se “mjekët dhe infermierët në terren kanë marrë trajnime për mënyrën e shërbimit, por nga ana tjetër të gjitha autoambulancat janë pajisur me aparatura të reja”.

Për të ilustruar funksionimin e këtij sistemi urgjence, Ministrja solli në vëmendje rastin e një djali nga Velipoja, i cili rrezikonte jetën, por vetëm falë ndërhyrjes së shpejtë me helikopter arriti të shpëtonte.

Me buxhetin e vitit të ardhshëm, sipas Ministres “32 autoambulanca të reja do të shpërndahen në territor”. /atsh

“Falë reformës sime janë sot mbi 10 mijë familje të varfra që e morën ndihmën për herë të parë, ndërsa po patjetër më shumë se dyfishi i tyre që e merrnin padrejtësisht nuk e marrin më”, deklaroi Kryeministri Edi Rama në rubrikën e tij më të re në “Facebook”, të cilën e paraqiti sot “Përgjigja ime”.

Kryeministri Rama kishte zgjedhur t’i përgjigjej komentuesit Genc Sejko, i cili e cilësonte atë përgjegjës për gjendjen e familjeve të varfra në vend.

“Përshëndetje Genc, nëse unë do të isha përgjegjës për gjendjen e tyre do të ishte shumë e thjeshtë, por fatkeqësisht kjo është ti biesh me sopatë fijes së logjikës më elementare, sepse së pari, nuk ka asnjë fakt, asnjë shifër, asnjë provë që të tregojë se në një fushë Shqipëria është më keq seç ishte 5 vjet më parë”.

“Përkundrazi ka njerëz si Hyseni dhe familja e tij apo edhe të tjerë në të tjera kategori të tjera sociale, që nuk janë më mirë se 5 vjet më parë, por janë njësoj, Kjo nuk ka diskutim. Ama aty ku sopata jote e këput fillin e logjikës është kur thua se këtë gjendje e solli sahati i dritës, jo i dashur, këtë gjendje e kishte krijuar mungesa e sahatit, mungesa e shtetit për të gjithë dhe e rregullave për të gjithë, sepse nuk është aspak e rastit që ka më pak varfëri aty ku ka më shumë rregull dhe ku ka shtet dhe të gjithë kontribuojnë sipas asaj që u takon, ndërsa ka më shumë varfëri ashtu si në Shqipërinë e deri djeshme s’bëhej asnjë përpjekje për të bërë shtet, “Secili për vete, Zoti për të gjithë”, dhe ti gënjen, pa dashje natyrisht, kur thua se unë u hoqa ndihmën sociale familjeve si të Hysenit, sepse në fakt krejt e kundërta është e vërtetë, plot familje si të Hysenit nuk e merrnin ndihmën fare. Ndërkohë që të tjerë me vila e makina e merrnin në vend të tyre”, nënvizon Rama.

Kryeministri Rama i drejtohet qytetarit se “ti thua lekët e kursyera unë ua shpërndava oligarkëve. Ej Genc, pak logjikë, shumë pak mik, sepse kjo është krejt qesharake dhe nuk mbështet në asnjë lloj filli arsyetimi dhe jo më në ndonjë fakt”.

“Sa për turpin, jo nuk më vjen turp të shkoj në shtëpinë e Hysenit, se i kisha dhënë fjalën. Ti thua është show, por për mua nuk ka pikë rëndësie çfarë thua ti, por çfarë mendon Hyseni, zonja dhe fëmijët e tij”, përfundoi Kryeministri. /atsh

https://www.facebook.com/edirama.al/videos/327636101139668/?t=0

Për ambasadoren e BE në Shqipëri, Romana Vlahutin kjo e premte shënon ditën e fundit me këtë mision në vendin tonë. Vlahutin ka reaguar përmes një shënimi lamtumire:

“Sot është dita ime e fundit si Ambasadore e BE-së në Shqipëri. Do jem gjithnjë mirënjohëse për mundësinë që pata për të punuar në të mirë të Shqipërisë dhe Bashkimit Evropian. Shqipëria po ecën qëndrueshëm drejt vendit të saj në Bashkimin Evropian, dhe unë mund t’ju uroj veç fuqi dhe vendosmëri për ta arritur këtë qëllim sa më shpejt e mundur. Sa për mua, ka qënë dhuratë e çmuar ta ndaj jetën me njerëz të mirë dhe që e kisha Shqipërinë shtëpi për katër vjetët e fundit. Faleminderit”. Pas largimit të diplomates kroate, Luigi Soreca do të shërbejë si ambasador i Bashkimit Europian në Tiranë.

Vetëm një ditë pas sulmit me breshëri kallashnikovi ndaj gazetares së njohur, Klodiana Lala, dhe ku gjithçka vijon të gëlojë në opinionin publik, gazetari Bledi Mane ka publikuar në bisedë, ku tregon se është kërcënuar.

Mane publikon në profilin e tij në ‘Facebook’ një bisedë të zhvilluar në ‘Messenger’ me një person, i cili i kërkon të flasë më kundër ish-kryeprokurorit Adriatik Llalla, pasi do t’i ‘hedhë në erë’ me dinamit makinën e tij.

Në fakt, gazetari Mane nuk ka makinë dhe preferon të udhëtojë me mjete publike si qytetarët e thjeshtë, ndaj dhe nuk e dimë se për çfarë makine flet kërcënuesi apo mos ndoshta e ka fjalën për makinën e rrojës së gazetarit. Kërcënimin e ka marrë me ironi dhe vetë Bledi Mane, i cili i kthen të njëjtën përgjigje, teksa i thotë se ka vetëm një makinë, atë të rrojes.

“Nëse kërcënimet nuk janë serioze, nuk mund ti pranojmë”, shkruan Mane, teksa publikon dhe bisedën me personin që e kërcënon.

Opozita do të përdorë çdo mjet për të mos lejuar votimin në Kuvend ligjin e Teatrit. Kështu paralajmëron Kryetrja e LSI, Monika Kryemadhi, teksa u pyet në rubrikën “Opinion” në Neës24 për sesionin e ri parlamentar. “Rifutja e ligjit për teatrin është një test prove. Është një gjë që ska më ndalese. Pas kësaj, do fillojnë të grabitet pronat e tjera publike. Ka thënë që do ndërrojë qeverinë, por s’ka për të ndërruar as një qeveri as një gjë dhe ndodh pastaj skandal mbi skandal. Prite të dali në ditë me brekuçka për të treguar që është trendi. Por shqiptarët s’duan një KM që është trendi. shqiptarët duan një KM që tu japin bukë se s’kanë bukë të hanë dhe një që s’ka lidhje me krimin. Kemi 27 vite tranzicion si ky që rri gju më gju me kriminelin s’kemi parë”, u shpreh më tej kryetarja e LSI.

“Zhbllokimi i qeverisë nga krimi. Të largohet Kryeministri. Kemi dy ministra të Brendshëm që janë që janë të ligur me drogën. Ka mundësi të iki vetë? Mendësi se shqiptaret janë lumtur sot? Më mirë se në kohën e Nanos e Berishës nuk janë shqiptarët? Opozita ka një plan të qartë; Largimin e Ramës nga pushteti. Rikthimi i reformës në drejtësi në pikën fillestare më 22 korrik. E kam thënë që reforma ka vdekur. Ridemensioni i jetës ekonomike, rishikimi i koncesioneve të qeverisë që kanë bllokuar ekonominë.

Më tej ajo tha se aksioni i opozitës do të fillojë që në 3 shtator. “S’do ndalemi gjatë këtij njeriu. Me protesta me të gjitha. Të gjitha do i bëjmë do i mbledhim njerëzit rreth qe qark Kuvendit, që të mos futet. Unë si kryetare partie do dal për të sensibilizuar njerëzit. Ky ka për ti marrë njerëzit shtëpive. Te ish materniteti do shihni si Rama shembi shtëpitë. Përdor taktiken përça e sundo”, tha Kryemadhi.

Kryeministri Edi Rama ka ndryshuar mënyrën sesi ai do të bisedojë me qytetarët përmes rrjetit social facebook. Ai ka prezantuar rubrikën më të re e quajtur “Përgjigjia ime”, atë të përballasjes sy më sy me këto që komenton apo kërkon përgjigje prej tij.

Statusi i Ramës/ PERGJIGJA IME: Jam angazhuar prej kohësh në komente të komenteve tuaja. E bëj me kënaqësi dhe përgjithësisht kur jam në makinë. Disa e quajnë humbje kohe, unë e quaj punë. Sepse komunikimi me njerëzit, është pjesë e detyrës sime dhe në këto kohë, kur gënjeshtrat, fabrikimet, lajmet e rreme gëlojnë si në harados, me shumë komunikim është më shumë punë për interesin e përbashkët të së vërtetës, fakteve, informacioneve të drejtëpërdrejta.

Disa thonë se replikat e mia ndaj komentueseve janë arrogante, tallëse apo justifikuese. Ndjesë kujtdo që i duken kështu, po nuk janë ose të paktën s’dua kurrësesi të jenë të tilla. Dua po, të jenë të troçta, pa formalizma e pa protokoll dhe nëse hera-herës kanë humor apo ironi, nuk është assesi tallje, në asnjë mënyrë. Sepse sipas meje, fakti që mirë keq, një kryeministër i lexon komentuesit e tij, tregon respekt për ta dhe fakti tjetër, që debatoj me ata që shkruajnë për “keq”, s’do të thotë që justifikohem po që i begenis. Sidoqoftë, qëllimi është vetëm i mirë, të tjerat hanë të gjitha diskutim. Po pse po i shkruaj këto? Sepse dua t’ju prezantoj një “rubrikë” të re në funksion të rritjes dhe shpresoj, përmirësimit të komunikimit 😊 n Një përgjigje sy më sy, për një koment tuajin a temë të ditës 😉 Shpresoj t’ju pëlqejë.