Ditën e sotme në kuadër të dixhitalizimit, janë ndërprerë zyrtarisht transmetimet analoge në Tiranë dhe Durrës dhe kjo situatë i ka kapur qytetarët të papërgatitur. Mjaft qytetarë janë shprehur se kjo situatë i ka gjetur të painformuar.
“Mos të ja shohim surratin asnjë politikani, qoftë majtas qoftë djathtas. Dua të shoh një film nuk dua t’ia shoh surratin atyre. Hajdutët ku do i marrin lekët ata. Do i heqim lekët nga blerja e bukës. Do e marr për nipërit dhe mbesat”, janë shprehur qytetatët.
Ishte AMA ajo që njoftoi para pak ditësh fikjen e transmetimeve analoge më 10 shtator, ndërsa qytetarët janë ende të surpizuar nga lajmi. Tashmë shumë qytetarë apo familjarë për të ndjekur kanalet televizive në frekuencat dixhitale duhet të pajisen me dekoder, nëse kanë televizor të vjetër.
Ne 10 vjetorin e ditlindjes se anijes flamurtare “Iliria”….
Takime e kujtime detaresh,
delfine e mikpritje marinaresh ne Shengjin…
Nga porrti i Durresit ne portin Willson {Shengjin} e kthim
Më datën 8 shtator 2018, në molin “0′ të portit të Durrësit, u festua 10 vjetori i anijes “Iliria”.
Në këtë ceremoni festive morën pjesë Komandanti i Forcës Detare, Gjeneral major Ylber Dogjani, kuadro të Shtabit të Forcës e Flotiljes Detare, ekuipazhi i anije dhe familjarë të tyre.
Fillimisht Komandanti i anijes, Kapiten i Rangut të III-të Taulant Bako, foli për rrugën që ka ndjekur anija “Iliria”, që nga futja e saj në përbërje të Forcës Detare më 5 shtator 2008.
Kapiteni solli në vemendjen e të pranishmëve lundrimet, stërvitjet dhe operacionet e kryera nga anija “Iliria” gjatë këtyre viteve, që ja kanë rritur vlerat dhe krenarinë Forcës Detare.
Më pas Komandanti i Forcës Detare, Zoti Ylber Dogjani, falenderoi ekuipazhin e anijes në emër të Ministrit të Mbrojtjes dhe Shefit të Shtabit të FA për punën e rezultatet e deritanishme të kësaj anije flamurtare të FD, ndërsa dha certifikata mirënohje për komandantin e anijes dhe disa kuadro të saj.
Në fund pjesmarrësit e këtij aktiviteti zhvilluan një lundrim me anijen “Iliriaa”, nga Durrësi në Shëngjin e kthim, në shenjë respekti për lundrimet e kryera nga kjo anije në vite.
Anija “Iliria”, P-131, për herë të parë u lëshua në ujë më datë 26 maj 2008 në orën 17:00 , në Kantierin e Kompanisë “Damen Shipyards” në Gorinchem, Hollandë.
Pas mbarimit të provave dhe testimeve me sukses në kantier, ndërmjet datave 17 qershor – 5 korrik, nga datat 7 – 9 korrik me prezencën edhe të Komandantit të Forcës Detare (Brigadë Detare në atë kohë), u zhvilluan provat dhe testimet në det, të cilat gjithashtu rezultuan të suksesshme.
Në vijim në data 28 korrik – 9 gusht, në ambjetet e Kantierit “Damen Shipyards” me pjesëtarë të efektivit të anijes “ILIRIA” (6 persona) u zhvillu një trajnim mbi njohjen e anijes, sistemeve përbërëse dhe manovrimit të saj.
Më datë 8 gusht 2008 në ambjentet e Kantierit “Damen Shipyards” u zhvillua ceremonia e pagëzimit të anijes “ILIRIA”, P-131 dhe përfundimit të ndërtimit të anijes.
Më datë 14 gusht 2008, anija “ILIRIA” filloi lundrimin e saj 12 ditor nga Gorinchemi për në Durrës. Në bord të anijes ndodheshin 6 persona ekuipazh i Damen Shipyards dhe 6 persona, efektivë të anijes ILIRIA nga Forca Detare.
Pas lundrimit 12 ditor, më datë 26 gusht 2008 anija ILIRIA, nën drejtimin e komandantit të saj të parë, Lapitenlejtnant Blerim Hoxha dhe ekuipazhit shqiptaro-hollandes, mbërriti në portin e Durrësit, ku edhe u prit nga efektivat e Forcës Detare.
Më datë 5 shtator 2008 u zhvillua ceremonia e hyrjes në formacionin e Forcës Detare të anijes si dhe ngritja e flamurit luftarako-detar në direkun e saj. Në këtë ceremoni morrën pjesë personalitet më të larta të shtetit shqiptar dhe të Kantierit “Damen Shipyards”.
Nga kjo datë, në këto 10 vite, anija ILIRIA, P-131 ka marrë pjesë në një sërë operacionesh dhe stërvitjesh të zhvilluara në vendin tonë dhe jashtë. Ndër operacionet e fundit të kryera nga anija “Iliria”, spikasin ato të funddhjetorit 2014, kur anbija “Iliria” u bë pjesë e operacionit për shuarjen e flakëve të tragetit “Norman Atlantik”, bashkë me anijet “Lissus” dhe “Butrinti”.
Gjithashtu anija ka qenë pjesë e operacionit “Sea Guardian” në Mesdhe gjatë vitit 2017.
Anija “Iliria” qëndron hijerëndë në vendqëndrimin e saj të përhershëm në molin “0” të portit të Durrësit, gati për operacionin e radhës.
Nderim dhe respekt për operacionet e kryera nga anija “Iliria” në këto 10 vite, respekte për kuadrot dhe detarët që kanë shërbyer në të.
per kete pervjetor te anijes “Iliria” do keni nje reportazh te zgjeruar ne gazeten
“Ushtria” 14 shtator 2018
nderkohe anija “Iliria” dhe ekuipazhet e saj ne vite do zene vend
te vecante ne vellimin e ri te ‘Antologjise se Detarise Shqiptare”,
Pikë kulmore e konsideron Shqipërinë koreanojugorja travie.com, një nga faqet më të njohura aziatike në botë për udhëtimet turistike.
“Njohuritë për Shqipërinë ishin më të holla se një copë letre me lagështirë… Për fat të mirë, përshtypjet e para për Shqipërinë ishin mjaft mbresëlënëse”, thekson travie.com.
Koha më e mirë për të udhëtuar në Shqipëri është nga muaji prill deri në maj dhe nga muaji shtator deri në tetor. Moti i përgjithshëm është me dëborë dhe i lagësht në dimër, por verat janë të nxehta dhe të thata. Tirana është aq e lagësht në verë për shkak të efektit të saj gjeografik dhe është shumë e rrallë që temperatura të bien nën zero madje edhe në dimër.
Shqipëria ndodhet në bregun lindor të Adriatikut. Në veri janë Alpet e Shqipërisë së Veriut mbi 2500 metra mbi nivelin e detit.
TIRANA
Ka tre pika që bien në sy. Njëra është Kulla e Orës, e ndërtuar në vitin 1822, e cila ishte ndërtesa më e gjatë në Tiranë (deri në 35 metra) deri në vitin 1971, ndërsa tjetra është xhamia e Et’hem Beut, pranë Kullës së Orës. Ndonëse nuk është madhështore, konsiderohet si një nga xhamitë më të bukura. Një gjë e fundit që nuk duhet të të humbasë është statuja e Gjergj Kastriot Skënderbeut. Ai është një monark shqiptar dhe një hero kombëtar që luftoi kundër Perandorisë Osmane në shekullin e 15-të. Emri i sheshit gjithashtu erdhi prej tij.
DURRËSI
Durrësi, rreth 40 kilometra në perëndim të Tiranës, është një kryeqytet i lashtë me rreth 3000 vjet histori dhe qyteti më i madh portual në Shqipëri. Qyteti ka amfiteatrin e dytë më të madh romak në Ballkan.
BERATI
Berati është një qytet i Trashëgimisë Botërore të UNESCO-s. Origjina e qytetit fillon nga kështjella e Beratit (e quajtur ‘Carla’), e cila u ndërtua 2400 vjet më parë. Ka ende më shumë se 1000 banorë në kështjellë dhe shumica e ndërtesave duke përfshirë zonën e banimit janë ndërtuar në shekullin e 13-të.
Berati ishte gjithashtu i sunduar nga Perandoria Osmane, por pa sakrifikuar traditat e Kishës Orthodhokse, ruhen stilet e jetës dhe traditat e para të paspushtimit. Pikë kryesore është stili bizantin te Katedralja e Shën Mërisë, e cila është një mbetje e një relikeje katolike. Emri i muzeut të katedrales erdhi nga piktori i famshëm i Shqipërisë Onufri i shekullit të 16-të./ atsh
Një tjetër ndërtesë moderne multifunksionale po i shtohet kryeqytetit dhe nuk bëhet fjalë për një kullë.
“Blloku Cube”, Kubi Blloku apo Kubi i Artë është një ndërtesë shtatë katëshe e dizajnuar nga arkitekti i njohur Stefano Boeri, hartuesi i masterplanit “Tirana 2030”, plani i zhvillimit të Tiranës.
Ndërtesa është siç e thotë edhe emri i saj, në formën e një kubi gjigant me një thyerje të lehtë në pjesën ku do të jetë hyrja. Ndërsa fasada e saj do jetë e veshur me panele trekëndore alumini të cilat do të vendosen në mënyrë të tillë që do reflektojnë dritën nga kënde të ndryshme, raporton Newsbomb.al.
Stefano Boeri është gjithashtu arkitekti i tre shkollave të reja që do të ndërtohen në Tiranë dhe do të funksionojnë si qendra komunitare 24 orë.
Partnerët tanë strategjikë, SHBA dhe BE, duket se nuk do të tërhiqen deri në pastrimin e sistemit të drejtësisë nga njerëzit e korruptuar. Asnjë prokuror dhe gjyqtar nuk do t’i gëzojë dot paratë e korrupsionit, të përfituara përmes abuzimeve dhe mënyrave të paligjshme. Goditja e parë e fortë ngë SHBA ishte për ish-kryeprokurorin Adriatik Llalla, të cilin pasi i ndaloi të shkelte në tokën amerikane, e përjashtoi edhe 15 vite nga sistemi i drejtësisë shqiptare.
Pas Llallës, e dyta në ‘listën e zezë’ të SHBA është gjyqtarja e Gjykatës së Lartë, Mirela Fana. KPA vendosi sot ta përjashtojë gjyqtaren për 15 vite nga sistemi i drejtësisë, duke pushuar procesin e Vettingut për të. Por, ashtu si Llalla, edhe Fana nuk besohet të shpëtojë me kaq.
Pas dorëheqjes dhe pas përjashtimit nga sistemi i drejtësisë, SHBA dhe BE kërkuan me ngulm që ndaj Llallës të bëhej hetim për pasurinë, e cila dyshohet të jetë vënë përmes pastrimit të parave dhe abuzimit me pushtetin. Të njëjtin fat e pret edhe gjyqtaren Mirela Fana, e cila do të vijojë përballjen e fortë me ndërkombëtarët, të cilët duken tepër të vendosur për të shporrur të korruptuarit dhe kriminelët.
Nëse shohim deklaratën e saj të pasurisë bie në sy numri i madh i pronave dhe llogaritë që fmailja e saj posedon. Së bashku me bashkëshortin Neshat Fana, ish-anëtar i KLD dhe drejtues i shkollës së magjistraturës, i njohur për lidhjet e tij me të djathtën, posedojnë disa pasuri të patundshme dhe vlera të mëdha monetare. Ndëkorhë, gjyqtarja Mirela Fana vetëm pak ditë më parë u zgjodh me short anëtare e Këshillit të Emërimeve në Drejtësi.
Deklarata e pasurisë, Mirela Fana
Apartament me sipërfaqe 143 m2 në Tiranë. Apartament me sipërfaqe 127 m2 blerë 170 000 euro.Neshat Fana ka blerë një livadh në Himarë me 2000m2 me çmim 600 000 lekë. Bashkëshorti z. Neshat Fana detyrime ndaj Tirana Leasing për blerje makinash.
Kredi bankare në një bankë të nivelit të dytë, mbyllur për shkak të shitjes së kredisë në këmbim të vilës në ndërtim, detyrimi financiar i shlyer 335 500 euro, pjesë e regjimit martesor.
Të ardhura nga depozitave bankare 78 568 lekë. Të ardhura nga qiraja 941 800 lekë. Të ardhura nga pagesa e qirasë studio ligjore 297 500 lekë. Të ardhura nga paga 1 576 316 lekë. Të ardhura mësimdhënie në universitetin Luarasi 139 046 Lekë. Të ardhura nga mësimdhënia në Shkollën e Magjistraturës 11 900 lekë.
Bashkëshorti z. Neshat Fana të ardhura nga puna zyra e avokatisë 7 893 500 lekë. Bashkëshorti tërheqje nga një shoqëri tregtare 10 115 000 lekë. Vajza zonja Krisilda Fana të ardhura nga punësimi pranë Presidencës 807 560 lekë. Vajza zonja Krisilda Fana të ardhura nga puna si pedagoge, 40 000 lekë. Djali Frenki Fana të ardhura nga puna në PHOENIX-PETROLIUM sha 501 380 lekë.
Gjendje në llogari bankare të bashkëshortit si person fizik 1 731 euro. Gjendje në llogari bankare të bashkëshortit si person fizik 864 938 lekë. Bashkëshorti gjendje në llogari bankare 938 831 lekë. Bashkëshorti gjendje në llogari bankare si individ 831 euro. Vajza gjendje në llogari bankare 30 134 lekë.Vajza gjendje depozitë bankare 400 000 lekë. Vajza llogari kursimi 21 513 lekë. Djali gjendje llogari rrjedhëse 82 774 lekë.
Ka mbërritur në Tiranë zyrtari më i ri i Brukselit si ambasador, italiani Luigi Soreca.
Këto ditë pritet që diplomati me një backround policor të dorëzojë letrat kredenciale dhe të nisë punën me objektivin bazë që është ngarkuar: mbylljen e vettingut dhe nisjen e hetimeve për zyrtarët dhe politikanët e lartë.
Siç mësohet njeriu i Brukselit, bashkë me një staf të ngushtë të tij do të japë edhe shtysën për hetimet proaktive në gjetjen e llogarive e aseteve të krimit të organizuar që ka lidhje me zyrtarë të lartë shqiptarë.
Ditë më parë, Prokuroria e Krimeve të Rënda në bashkëpunim me Policinë Europiane ka arritur të bllokojë pasuritë e gjetura të grupit të kokainës që u kap në Madrid pak muaj më parë me 1 ton kokainë.
Ky operacion po mbahet në diskrecion të plotë, por siç mësohet, operacioni është vetëm maja e ajsbergut të një zbulimi të madh që pritet të trondisë gjithçka.
I gjithë prokupimi i policive europiane por edhe vetë Brukselit është që të mos ofrojë informacione që mund të shkaktojnë prishjen e provave, siç ka ndodhur kur Prokurorinë e drejtonte Adriatik Llalla.
Prej tani e tutje “sekretet” do të jenë në dorë të ambasadorit Luigi Soreca, i cili do të japë me pikatore vetëm të dhënat që do të duhen për një hetim konkret.
Soreca është një diplomat italian me përvojë që ka punuar në Komisionin Europian që në kohën e Romano Prodit.
Gjatë kohës kur numri dy i KE-së ishte Franco Frattini, Soreca ka qenë një nga ndihmësit e tij dhe ka drejtuar negociatat për liberalizimin e vizave me Shqipërinë dhe vendet e tjera të Ballkanit.
Në kohën që ministër i Jashtëm ka qenë Lulzim Basha, Luigi Soreca ka pasur mjaft kontakte me të dhe shikohet edhe një mundësi më e mirë diskutimi, pas gjendjes pa folur që kreu i PD-së kishte me kroaten Romana Vlautin.
Burime diplomatike i thanë “Pamfleti”-t se edhe pse ka komunikime më të mira me opozitën, BE nuk do të tërhiqet aspak nga plani i tij për të reformuar drejtësinë dhe pastruar politikën shqiptare, madje me Soreca-n gjërat mund të shkojnë edhe më përpara nga ana praktike.
Si një zyrtar i ministrisë së Brendshme italiane në kulmin e situatës së transferimit të parave të krimit të organizuar në ekonominë tonë, ai e njeh mirë mafian shqiptare dhe lidhjet e saj.
Pritet që ambasadori i ri sapo të vijë të japë mesazhin për të pasur si prioritet trafiqet dhe luftën ndaj korrupsionit./Pamfleti
Ligji pr shembjen e Teatrit Kombëtar, ashtu sikurse ishte konceptuar, si një vjedhje e pastër Rama- Veliaj- Fusha, me sa duket do të përfundoj në koshin e plehrave. Shkeljet e tij flagrante në formën e një ligji cpecial, që i falte një private të vetëm tokën publike në mes të Tiranës është i pa pranueshëm për Brukselin. Këtë ka vënë në dukje edhe letra që mban firmën e Shefes së Njësisë për Shqipërinë dhe Bosnje-Hercegovinën në Drejtorinë e Përgjithshme për Politikat Evropiane të Fqinjësisë dhe Negociatat e Zgjerimit, Michela Matuella, dhe i drejtohet Sekretarit të Përgjithshëm të Këshillit të Ministrave, Engjëll Agaçi. Megjithëse atu theksohet se në ligjin në fjalë “nuk ka asnjë shkelje të Marrëveshjes së Stabilizim-Asociimit” siç pati pretenduar opozita, aty theksohet e zeza mbi të bardhë se draftii i votuar nga shumica socialiste, ishte një projekt pa garë dhe hartuar për përfitimin e një personi të vetëm: Shkëlqim Demir Fusha.
Duke pasur parasysh këtë shkelje zyrtart e qeverisë Shqiptare janë zotuar para Brukselit se do t’a hedhin poshtë këtë lojë pa garë dhe kjo ka bërë që në deklaratën e znj. Matuella të gjehet një gjuhë diplomatike për të shpallur rrëzimin e ligjit: “Komisioni Europian mirëpret vullnetin e autoriteteve Shqiptare për ta amenduar Ligjin Special, me qëllim hapjen e garës për projektin e Teatrit Kombëtar, në mënyrë që çdo kompani private të mund të aplikojë një propozim për projektin”.
Pra, sipas këtij dokumenti, nuk do të ketë më një marrëveshje Rama – Fusha, ku i pari fal tokën publike për ngritjen e 6 kullave dhe si rrejdhim i kësaj, i dyti ndërton një godinë teatri “30 milionë euro” të projektuar nga arkitekti i përzgjedhur më parë, Bjarke Ingels.
Këtë gjë e kishte, paralajmëruar në një afrë mënyre edhe Gramoz Ruçi i cili kur shtyu datën e shqyrtimit të dekretit të Metës në kuvend tha se par;lamenti po priste edhe një prgjigje nga BE. Në një farë mënyre atë e paratha edhe Erion Veliajt që dy ditë më parë foli për një process të hapur dhe transparent.
Kur presidenti Ilir Meta në fund të korrikut e ktheu mbarapa këtë ligj, një nga 9 pikat e atsyetimit të tij ishte edhe se Mmarrëveshja okulte Edi Rama – Shkëlqim Demir Fusha për të ndërtuar kulla në mes të kryeqytetit shkel barazinë para ligjit dhe lirinë ekonomike.
Pikërisht këtë ka sanksionuar edhe letra e ardhur sot nga Brukseli.
Por kjo fitore e të gjithë atyr që denoncuan një mega pazar korruptiv, nuk do të thotë aspak se godina e vjetër e Teatrit Kombëtar është shpëtuar.
Kryeministri i ka dhënë klientit që i ka rregulluar zyrat e veta afor 80 milionë tendera publikë, ose fare pa garë ose me gara të shpalluar po ku nuk ka marrë pjesë asnjë konkurent. Kështu që kjo praktikë (shih tabelën poshtë) mund të përsëritet. Pra që edhe të ruhet fasada që kërkon BE edhe Fusha ta përfitojë atë që qe vendosur në pazarin fillestar.
Deputeti demokrat Bardh Spahia ka publikuar disa foto që tregojnë qytetarët në dyert e ambasadës gjermane. Spahia shkruan se shqiptarët duan të lënë Shqipërinë, duke iu referuar mesazhit të një qytetari që po pret gjithashtu tek ambasada gjermane. Qytetari i bën thirrje kryeministrit Edi Rama të kalojë nga ajo rrugë.
STATUSI I BARDHIT
Shqiptarët mësyjnë dyert e ambasadave me synimin e vetëm: të lënë Shqipërinë. Tek ambasada Gjermane rikthehen radhët e gjata, këto pamje menduam se i kishim lënë pas. Mesazhi i mëposhtëm nga një qytetar:
“Z.Bardhi tregoji pak kësaj qeverisë se çfarë bëhet tek ambasada gjermane.
Thuaji Ramës hajde pak nga kjo rrugë e shiko realitetin e vërtetë të popullit.
