Aktualitet

Plehrat e 5 bashkive në një vend, ky vend do kthehet në landfill

Aktualitet, Problematika / /

Jugu i vendit pritet të ketë një landfill të dytë të madh pas atij në Bajkaj, që përfshin menaxhimin e mbetjeve për Sarandën, Delvinën, Finiqin, Himarën dhe Konispolin.

Bashkia e Vlorës e ndihmuar nga banka gjermane KfW dhe Ministria e Infrastrukturës dhe Energjisë, që do të jenë investitorë, ka përzgjedhur që zona ku do të ndërtohet landfilli i dytë më i madh është ajo në fshatin Sherishtë në Kaninë.

Në raportin ku jepen detaje për këtë projekt sqarohet se aktualisht, në zonën e Vlorës, ekzistojnë vende të grumbullimit të mbetjeve në Vlorë dhe Orikum.

“Këto vend-depozitime do të mbyllen dhe do të rehabilitohen në kuadër të ndërtimit të këtij landfilli të ri. Bazuar në studimin e fizibilitetit të kryer për këtë projekt është zgjedhur si zona më e përshtatshme për zhvillimin e tij, zona në lindje të qytetit të Vlorës, në afërsi të fshatit Sherishtë njësia administrative Kaninë. Landfilli përfshin disa facilitete si për trajtimin e mbetjeve (ndarjen e tyre, zonë kompostimi facilitate të ripërdorimit të materialeve) të cilat do të merren në konsideratë gjatë hartimit të vlerësimit të ndikimit në mjedis. Për një menaxhim sa më të mirë të kullimit në landfill, ky i fundit do të mbushet me tre faza. Landfilli është projektuar për një periudhë prej 20 vjetësh”, thuhet në dokumentet e projektit.

I njëjti nënvizon se parashikohet që të zbatohet edhe një projekt pilot lidhur me grumbullimin e ndarë të mbetjeve dhe ngritjen e një fabrike të lidhur me këtë proces me një kapacitet 4200 tonë në vit.

“Gjatë një operacioni pilot do të përdoret ndarja me kthim nga ngarkuesi. Procesi nuk është i mbyllur dhe mundësitë e kontrollit të shkarkimit janë të kufizuara. Për më tepër, nëse përmbajtja e mbeturinave të gjelbra në materialin e inputit të impiantit të ndarjes është e ulët në krahasim me përmbajtjen e mbeturinave organike shtëpiake, atëherë në fabrikën e ndarjes do të shfaqen probleme serioze të aromave dhe kafshëve”, thuhet në raport.

Ai bën një analizë të alternativave të mundshme të trajtimit të këtij projekti.

Trualli në të cilën mendohet që të ndërtohet landfilli i përket aktualisht 40 familjeve, por është dhënë me qira në tre prej tyre, që kanë aktivitet në sektorin e blegtorisë./Monitor/

Plehrat e 5 bashkive në një vend, ky vend do kthehet në landfill Read More »

Nga sot në Kuvend, zbulohet skenari i opozitës. Çfarë pritet të ndodhë

Aktualitet, Politike / /

Partia Demokratike dhe aleatët e saj në opozitë do të rikthehen sot në Kuvend, jo për t’iu bashkuar komisioneve parlamentare, por për të nisur punën për vetingun në politikë.

Në mbledhjen e Grupit Parlamentar të PD, Lulzim Basha u kërkoi deputetëve të zbatojnë vullnetin e shumicës dërrmuese të qytetarëve shqiptarë, të cilët e duan vetingun në politikë dhe kërkojnë largimin e politikanëve të lidhur me krimin. Kreu i PD-së në mbledhjen me dyer të mbyllura i përcolli demokratëve edhe mesazhin e marrë nga qytetarët në takimet e zhvilluara në Shkodër dhe Elbasan.

“Shumica dërrmuese e qytetarëve përkrahin vetingun me ligj për politikanët dhe zyrtarët e lartë të lidhur me krimin e organizuar dhe të korruptuar. Shqiptarët duan që vetingu në politikë të ndodhë. Shqiptarët kërkojnë që të mos ketë kriminelë dhe politikanë të lidhur me krimin në Kuvend dhe qeveri. Kam marrë me mijëra mesazhe nga njerëzit që mbështesin për ta çuar deri në fund këtë proces. Kemi mbështetjen e shoqërisë. Shqiptarët kërkojnë ndarjen përfundimtare të politikës nga krimi”, deklaroi Basha në grupin e PD-së.

VETINGU
Basha rikonfirmoi në mbledhjen me dyer të mbyllura se opozita do të dalë me një platformë të përbashkët politike për t’u ofruar shqiptarëve alternativën për të dalë nga kriza, në të cilën ndodhet vendi. Kreu i PD-së sqaroi deputetët se kjo platformë do të jetë e ndarë në katër shtylla kryesore, për të cilat, që nga kjo e hënë, do të funksionojnë edhe katër grupe pune. Katër shtyllat kryesore të platformës së opozitës do të jenë: Dekriminalizimi i plotë përmes vetingut të politikanëve të lidhur me krimin; Çlirimi i drejtësisë nga kapja politike në funksion të bashkëqeverisjes së Edi Ramës me krimin; Zgjedhje të lira të ndershme, demokratike ku qytetarët të jenë ata që vendosin; dhe një ekonomi e çliruar nga monopolet, nga oligarkët dhe nga korrupsioni qeveritar, në funksion të mirëqenies së qytetarëve.

GRUPET
Për secilën nga katër shtyllat e platformës së opozitës, Basha në dakordësi edhe me aleatët e tij në opozitë ka përcaktuar anëtarët e grupeve të punës. Deputeti i PD-së, Ervin Salianji është emëruar nga Basha si koordinator i grupit që do të merret me çështjen e dekriminalizimit të plotë përmes vetingut në politikë. Deputetja Jorida Tabaku do të drejtojë grupin që do të merret me çështjet ekonomike, Enkelejd Alibeaj me çështjet e drejtësisë ndërkohë nënkryetari i LSI-së, Luan Rama, do të jetë koordinator i opozitës për çështjet zgjedhore. Sot në orën 10:00 opozita do të mblidhet në kryesinë e Kuvendit për të zhvilluar mbledhjet e para të grupeve që do të merren me vetingun në politikë dhe çlirimin e ekonomisë nga monopolet.

Koordinatorët e 4 grupeve të punës së opozitës
1 – Ervin Salianji, kordinator për “Dekriminalizimin e plotë përmes vettingut të politikanëve të lidhur me krimin.”
2 – Enkelejd Alibeaj, kordinator për “Çlirimin e drejtësisë nga kapja politike në funksion të bashkëqeverisjes së Edi Ramës me krimin”
3 – Luan Rama, kordinator për “Zgjedhjet e lira, të ndershme e demokratike, ku qytetarët të jenë ata që vendosin”
4 – Jorida Tabaku, kordinator për “Një ekonomi e çliruar nga monopolet, nga oligarkët dhe nga korrupsioni qeveritar, në funksion të mirëqenies së qytetarëve”.

GRUPET E PUNËS SË OPOZITËS PËR VETTINGUN
1 – Dekriminalizimi i plotë përmes vettingut të politikanëve të lidhur me krimin.
2 – Çlirimi i drejtësisë nga kapja politike në funksion të bashkëqeverisjes së Edi Ramës me krimin:
3 – Zgjedhje të lira të ndershme, demokratike ku qytetarët të jenë ata që vendosin:
4 – Një ekonomi e çliruar nga monopolet, nga oligarkët dhe nga korrupsioni qeveritar, në funksion të mirëqenies së qytetarëve”.

Për secilën nga pikat deputetët e opozitës janë ndarë në 4 grupe pune për të pasuruar me propozime platformën për cclirimin e qeverisjes nga krimi.

1 – Dekriminalizimi i plotë përmes vettingut të politikanëve të lidhur me krimin.
PD
Ervin Salianji
Oerd Bylykbashi
Rudina Hajdari
Isuf Çela
Xhemal Gjunkshi
Klevis Balliu
LSI
Petrit Vasili
Klajda Gjosha
Kejdi Mehmetaj
Endrit Brahimllari

2 – Çlirimi i drejtësisë nga kapja politike që të mdësjkojë dhe jo mbrojë Bashkëqeverisjen e Edi Ramës me Krimin:
PD
Enkelejd Alibeaj
Gent Strazimiri
Flamur Noka
Aldo Bumçi
Dhurata Çupi
Astrit Veliaj
Lindita Metaliaj
LSI
Silva Caka
Nasip Naço

3 – Zgjedhje të lira të ndershme, demokratike ku qytetarët të jenë ata që vendosin:
PD
Oerd Bylykbashi
Genc Pollo
Tritan Shehu
Luan Baçi
Myslym Murrizi
Endri Hasa
Lorenc Luka
Izmira Ulqinaku
Anton Frrokaj
LSI
Luan Rama
Nora Malaj
Floida Kërpaçi
Vangjel Tavo

4 – Çlirimi i ekonomisë nga monopolet, nga oligarkët dhe nga korrupsioni qeveritar, në funksion të mirëqenies së qytetarëve”.
PD
Edmond Spaho
Grida Duma
Florian Mima
Jorida Tabaku
Albana Vokshi
Bardh Spahia
Halim Kosova
Orjola Pampuri
Agron Shehaj
Nadire Meçorapaj
Luçiano Boçi
Valentina Duka
Hekuran Hoxhalli
Fatbardha Kadiu
LSI
Perparim Spahiu
Viktor Tusha
Edmond Panariti
Edmond Haxhinasto
Agron Çela
Lefter Koka
Shezai Rrokaj /Panorama/

Nga sot në Kuvend, zbulohet skenari i opozitës. Çfarë pritet të ndodhë Read More »

Ndërprerja e transmetimeve analoge, justifikohet AMA: Do kemi më shumë programe

Aktualitet / /

Pas nisjes së transmetimeve analoge ditën e sotme dhe nisjes së atyre digjitale, ka reaguar AMA. Kreu i Autoritetit të Mediave Audiovizive Gentian Sala në një konferencë për mediat ka deklaruar se me nisjen e transmetimeve digjitale do të ketë më shumë larmishmëri programesh.

Gjithashtu ai deklaroi se cilësia në transmetim do të jetë më e mirë dhe 34 kanale do të jenë falas përmes një dekoderi.

“Sot Shqipëria ka numrin më të madh të kanaleve falas për qytetarët të cilat mund të shihen përmes një dekoderi. Ka më shumë programe, cilësi e lartë dhe 34 kanale falas. Dekoderat janë në shitje në çdo dyqan. 70% e poullsisë është mbuluar me këtë teknologji. Brenda vitit mund të shkojmë drejt mbulimit të plotë”, tha ai.

Referuar reagimeve të qytetarëve ai deklaroi se prej një viti e gjysmë AMA ka njoftuar qytetarët për këtë zhvillim.

 “Qyetarët kanë mbi 10 vite që e dinë se kjo procedurë do ndodhte. Informimi formal ka prej një viti e gjysmë që funksion. Sot kemi pasur një numër të lartë telefonatash, mbi 600 dhe është jo normale”, u shpreh Sala.

Gjithashtu 88 mijë dekodera janë shpërndarë falas për familjet me ndihmë ekonomike sipas kreut të AMA-s.

Kujtojmë që qytetarët nuk e kanë mirëpritur ndërprerjen e transmetimeve analoge, përveç se të zënë në befasi shumë prej tyre janë shprehur për kamerën e ‘Fax News’ se ata nuk kanë as mundësi t’i blejnë.

“Mos të ja shohim surratin asnjë politikani, qoftë majtas qoftë djathtas. Dua të shoh një film nuk dua t’ia shoh surratin atyre.  Hajdutët ku do i marrin lekët ata. Do i heqim lekët nga blerja e bukës. Do e marr për nipërit dhe mbesat”, u shpreh një nga qytetarët./faxweb

Ndërprerja e transmetimeve analoge, justifikohet AMA: Do kemi më shumë programe Read More »

Skandali/ Viça të pavaksinuar hyjnë në doganën shqiptare me certifikatë false

Aktualitet, Problematika / /

Fiks Fare zbulon rrugën se si hyjnë në vendin tonë mish i pakontrolluar, por me matrikullim të rremë. Fiks fare tregon mënyrën sesi viçat kontrabandë e të pavaksinuar hyjnë nga Maqedonia në Shqipëri. Këto viça futen në pikat e kalimit kufitar me dokumente false. Bëhet fjalë për një skandal në tregun e bagëtive. Tashmë viçat kontrabandë kalojnë me furgona dhe hyjnë kryesisht nga Prespa dhe shiten në Shqipëri si mish BIO.

Këto fakte u zbuluan në Fiks fare. Gazetarët e ” Fiks fare” udhëtuan për në Tetovë të Maqedonisë, ku kërkuan të gjenin formën se si tregtarët maqedonas të lidhur me shqiptarë, sillnin në vendin tonë kafshë të pakontrolluara.

Gjatë bisedës me dy tregtarët që drejtonin punën në tregun e gjësë të gjallë në Tetovë, mësuam sesi përgatiten dokumentet dhe matrikulat false për viçat që hyjnë nga Maqedonia të pavaksinuar.

Sipas njërit prej pronarëve të këtij tregu “Për futjen e bagëtive në mënyrë jo ligjore, kontrabandistët kanë zgjedhur t’i kalojnë nga Struga, dhe Prespa me furgona, pak nga pak.”

Ndërkohë që të siguron për dokumentet e çdo bagëtie që do marrësh rregullimin e tyre sipas procedurave që kërkohen dhe e gjitha kjo kundrejt pagesës prej 15 euro për çdo krekë bagëti.

“Unë kam 16 vite që merrem me këtë punë dhe punoj me Shqipërinë. Nëse e vendos të punosh me mua , çdo dokument i mbyll unë” , i drejtohet ai gazetarit të Fiks Fare.

Mënyra ishte e thjeshtë, në treg blihen viça të pa matrikulluar dhe tregtari maqedonas i matrikullon, i pajis me certifikatë nga veterineri dhe me anë të mashtrimit plotëson edhe dokumentet për doganë. “Me të gjitha këto s’ka kush të ndalon ty”, shprehet tregtari maqedonas gazetarit të Fiksit. “Çdo gjë hyn në sistem” vazhdon ai.

Gazetarët i kanë kërkuar tregtarit maqedonas që të kalojnë të paktën 20 viça, ku pesë prej tyre ishin të pamatrikulluar ,dhe pa raportin e veterinerit.

“Të thashë një herë për atë mos u mërzit, i bëj unë të gjitha punët. Unë të thashë çdo gjë që hyn tek unë edhe jo legale, del legale këtë ta dish dhe jam i vetmi në Maqedoni që e ushtroj këtë aktivitet me Shqipërinë.”, tregon tregtari i bagëtive në Tetovë, duke shtuar se ka marrëdhënie të tilla tregtie me të gjithë tregtarët shqiptarë të mishit./Top Channel

Skandali/ Viça të pavaksinuar hyjnë në doganën shqiptare me certifikatë false Read More »

‘Një 5 mijëshe a 10 maksimumi’. Si kalojnë mallrat në doganë pa kontroll fare/Video

Aktualitet / /

Emisioni ‘Stop’ ka blerë produkte ushqimore në Maqedoni dhe i ka kaluar pa a asnjë problem apo kontroll në pikën doganorë të Bllatës në Peshkopi.

Shitësja – Kafe, kafe… sfungjer, sapun… 20, 30, 40, 50, 60, 70, 80, 90, 100, 110, 120, 130, 140, 150, 160, 170, 180.

Qytetari – Faleminderit!

Shitësja – Ditën e mirë!

Vaj, detergjentë, kafe, pije freskuese dhe gjithçka tjetër në sasi të konsiderueshme janë ngarkuar në makinë dhe i kanë shpëtuar çdo lloj verifikimi.

Qytetarja – Do të na nxjerrin ndonjë gjë?

Taksisti – Po varet, bën vaki nuk del ndonjë i madh… kalojmë rehat. Bën vaki të jetë drejtori aty, detyrimisht do të kontrollojnë imtësisht.

Qytetari – Po këto maqedonasit thonë gjë, jo?

Taksisti – Jo! Në Maqedoni jo, atje tek ne, po të marrësh tek ne e të vish këndej të flasin këto.

Taksisti – Ta fshihnim atë… si e ka, kafen. Se kafja nuk lejohet.

Qytetarja – Pse këto këtu nuk të kontrollojnë fare?

Taksisti – Këtu jo, atje!

Qytetari – O flori, po na kërkuan ndonjë kafe, sa bëhet fjalë? T’i lemë ndonjë 50 mijë lekëshe apo..?

Image

Taksisti – Joo!

Qytetari – Po pse, janë shumë?

Taksisti – Ndonjë 5 mijë lekësh a 10 mijë lekësh maksimumi. Mirupafshim!  Shiko ku i kaluam pa problem!

Qytetarja, së bashku me produktet e shumta, e kaluan pa asnjë problem doganën, por u kthye për të pyetur doganierët se çfarë ndodh në këto raste. Ata thanë se duhet t’i kishin kontrolluar, por do të pretendonin se nuk i kishin parë.

Qytetarja – Shiko! Mora disa ushqime në Maqedoni dhe kur kalova domethënë, nuk pata kontroll dhe kam hallin kur t’i kaloj në Tiranë mos duhet ndonjë letër shoqëruese ndonjë gjë?

Doganieri – Sa ke marrë? Sa janë, sa lekë?

Qytetarja – Ja!

Doganieri – Çfarë ushqimesh ke marrë? S’të paskemi parë ne fare.

Image

Qytetarja – Kam marrë kafe, gjëra…

Doganieri – Sa kafe, shumë kafe?

Qytetarja – S’e di, 10 pako.

Doganieri – Oho, si s’të paskemi parë ne këtu?

Qytetarja – Çfarë ndodh tani?

Doganieri – Vazhdo moj, asgjë! Ama po të kapen, thuaj i mora në Maqellarë.

Qytetarja – Po kam hallin mos më ndalon ndonjë kontroll, ndonjë tatimorë dhe më thotë…

Doganieri 2 – Çfarë është?

Doganieri – Ka marrë kafe, 10 pako kafe.

Doganieri 2 – Si, si? Prit 1 sekondë! Çfarë ka bërë?

Qytetarja – Kaluam tani, them…

Doganieri 2 – Po e di, unë të kalova.

Qytetarja – Ne morëm disa ushqime…

Doganieri 2 – Po…

Qytetarja – Kam hallin, mos më ndalon ndonjë tatimor rrugës edhe më pyet ndonjë gjë, ku i ke marr këto ushqime?

Doganieri 2 – A i ke me kasë fiskale?

Qytetarja – Këtë kam.

Doganieri 2 – Kasë fiskale maqedonase, ç’lidhje ka? Çfarë vlere kanë ata?

Qytetarja – Kam marrë kafe e gjëra kështu, prandaj.

Image

Doganieri 2 – Sa kafe ke marrë?

Qytetarja – 10 kile.

Doganieri – Kafja drogë është.

Qytetarja – Këtë kemi hall edhe ne.

Doganieri – Eshtë tip droge mor, kafja.

Qytetari – Jemi qytetarë të ndershëm.

Doganieri – Ku di unë, 10 kg kafe rrugës.

Qytetarja – Këtë kemi hall edhe ne, prandaj erdha të të pyes.

Doganieri 2 – Moj ti zonjë, ku rrini ju?

Qytetarja – Në Tiranë, prandaj kemi hallin…

Doganieri 2 – Po 10 kile kafe nuk lejohen të kalojnë në doganë, tani unë nuk ju kontrollova…Doganieri – Si nuk i paskemi pa?

Doganieri 2 – Po 10 kile kafe nuk lejohen të kalojnë në doganë, tani unë nuk ju kontrollova…Doganieri – Si nuk i paskemi pa?

Qytetari – Je i respektuar xhaxhi!

Doganieri – Ne s’kemi parë gjë. Xhaxhi, shëndet!Qytetarja – Mirupafshim! Faleminderit!

Pikat doganare fillimisht duhet të kontrollojnë të gjitha automjetet pasi mund të sjellin në Shqipëri produkte në mënyrë ilegale, pra pa paguar taksa, si dhe produktet mund të rezultojnë jashtë standarteve. /tvklan

‘Një 5 mijëshe a 10 maksimumi’. Si kalojnë mallrat në doganë pa kontroll fare/Video Read More »

Llogara/ Eja me mua, te shtegu Çezarit!

Aktualitet, Turizem / /

Nga Fjorda Llukmani

E dinit që Jul Çezari ka kaluar në Llogara? Unë jo vetëm që nuk e dija për kalimin e tij në Llogara, por as nuk më shkonte në mendje që i ka rënë rruga nga lagja jonë. Me thënë të drejtën jam nul me historinë dhe tani që udhëtoj e shoh të nevojshme t’i kushtoj më shumë vëmendje. Këtë fundjavë këmba ime shkeli aty ku ka ecur dhe i madhi Cezar. Hajde për hajër, shpresojmë të ndjekim gjurmët e suksesit të tij tani!

Nëse keni vendosur të ndiqni një shteg diku në malet e Shqipërisë, personi i parë që duhet kontaktuar është Fation Plaku. Jo sepse ai është i vetmi që i di, por është rob Zoti, kur themi ne shqiptarët, dhe nuk përton kurrë të përgjigjet. Duke i shpjeguar situatën, që shokët e mi janë dembelë dhe mezi ua mbusha mendjen të ecim pak në mal, ai më sugjeroi një shteg të thjeshtë dhe të shkurtër.

Shtegu i Qesarit (me Q shkruhej në tabelë dhe nuk e di pse) fillon midis restorant Sofos dhe hotel Alpinit. Në fillim do të shikoni një tabelë që shkruan “Qafa e Qezarit” dhe është lehtësisht i gjetur nga të gjithë. Pasi u furnizuam me paçe, pilaf dhe kos dele nisemi për në shtegun e famshëm. Fillojmë me ankesën e parë të kushërirës sime, e cila është duhanxhie e nivelit supersajan. Më saktë të gjithë nga grupi im janë përdorues të rregullt të duhanit, përveç meje që kam hequr dorë që prej 8 muajsh. Nuk e keni idenë sa krenar ndjehesh për veten, kur lirohesh nga një ves i tillë. Megjithëse u bë kaq kohë që nuk pi cigare, me frymëmarrjen kam goxha probleme. Kështu që nuk i veja faj kushërirës sime që ankohej. “Ma more shpirtin”, – më kthehet ajo me gjysmë zëri. “Do më falënderosh më vonë”,- i them unë gjoja e sigurt se çfarë na priste atje lart.

Shpresoja shumë tek këshillat e Fationit dhe nuk doja ta zhgënjeja grupin. Nëse në fund të shtegut do të shikonim diçka që nuk ja vlente shumë, do ma kujtonin gjithë jetën. Duke qenë se marr shpesh iniciativa të tilla, rri me frikë nëse do ja vlejë lodhja, jo për vete, por për ata që më ndjekin. Mua më mjafton një ecje në pyll për të qenë e lumtur. Tek ngjisja shtegun, që ishte gjatë gjithë kohës malore, mendoja për Çezarin. A thua të ketë kaluar dhe ai aty? Sipas historisë flota e tij kaloi një natë Otranton duke ndaluar në plazhin e Palasës që në atë kohë quhej Paleste. Pa humbur kohë Çezari u nis për Orikum duke u ngjitur gjatë natës në një shteg të ngushtë dhe të vështirë. Pranë qafës së Llogarasë, barinjtë vendas edhe sot tregojnë një shesh që quhet qafa e Çezarit, që ishte edhe destinacioni jonë përfundimtar.  Pikërisht aty, Jul Çezari kërkoi ndihmë për të sulmuar dhe shpartalluar Pompeun. Kalimi i tij në Llogara ka hyrë në histori dhe me sa duket dikush ka investuar për shtegun që është me gurë dhe kalldrëme. Ndërkohë pemët shtrihen si kurora për gjatë gjithë rrugës. Në disa raste më dukej sikur futesha në tunel me gjethe.

Nëse zgjedh të ndjekësh këtë shteg, mirë bën mos të shkosh në palestër për disa ditë. Epo disa femra zgjedhin të bëjnë squats për prapanicën, unë ngjis male dhe mbushem me ajër të pastër. E shikon diferencën?

Pasi ecëm për gjysmë ore, arritëm në qafën e Çezarit. Nuk kisha parë ngjyra vjeshte më të bukura se atë ditë! Në shpatin e malit kishte pemë jeshile dhe kafe në të njëjtën kohë. Dukej si ato qilimat e kohës së Enverit. Ndaluam në një formë pllaje që bari të vinte deri afër gjurit. Dukej sikur askush nuk kalonte andej, pasi bari ishte i pashkelur. Vetëm në cep të luginës ishte një rrugicë e shkelur. “Mbase barinjtë kullosin delet diku pranë”- mendoja me vete. Ndërkohë që unë shpresoja të kalonte një bari që të bëja dy pare muhabet për zonën, grupi vendosi të shtrihej në lëndinë. Gocat luteshin që mos të dilte ndonjë gjarpër, e unë sikur isha banore e Llogarasë, u shtriva në bar pa shtruar asgjë poshtë.

Nuk e keni idenë ca qetësie që ishte! Asnjëri nga ne nuk e prishte heshtjen, përveç ndonjë lëvizje kur të mpihet këmba. Edhe në rastet që bëhej zhurmë nga lëvizjet, një prej shokëve më zevzek që kam fillonte ankesat: “Mos të lëvizi njeri oooo, na leni rehat mee! Ca paskeni qen kshu vërr vërr s’ju rri bytha me nji ven’!” E kuptoja shumë mirë çfarë donte të thoshte, megjithëse zgjodhi mënyrën e gabuar. Në Tiranën e zhurmshme nuk para ndodh të jesh aq qetësi, të marrësh ajër të pastër ose të ulesh në bar me shoqërinë thjeshtë për të chill’ jetën. Tek liqeni në Tiranë, kohët e fundit kanë filluar mos ta çajnë kokën njerëzit, e të shtrihen duke shijuar rrezet e diellit. Më përpara kur bashkë me shokët e mi shpenzonim pak kohë të shtrirë buzë liqenit, na shikonin si për gjynah ose mendonin që jemi turistë të huaj. Arlindi, shoku im zevzek, thotë gjithmonë “Hajde tokëzohemi”. Këtë e përdor kur heqim këpucët dhe çorapet pas një dite të lodhshme pune dhe bëhemi njësh me natyrën. Të njëjtën ndjesi provuam dhe në Qafën e Çezarit. U karikova 100% për javën në vazhdim.

Luajtëm pak muzikë të qetë deri në momentin që e kuptuam se nuk kishim nevojë për asgjë tjetër. “More karafila po ku ka muzikë më të bukur se ajo e natyrës”- i them unë. Muzika ndaloi. Qëndruam dhe pak kohë ashtu të shtrirë dhe kur çohemi na kishte kapur dielli. Madje një prej gocave ishte skuqur, a thua se ishte në Drimadhes, jo në Llogara. Një rrugë e dy punë me pak fjalë. Kush e ka fatin të marrë rreze dielli në nëntor?

Ngjitja zgjat maksimumi 30 min, duke përfshirë dhe ndalesat rrugës për të pushuar, pirë ujë ose bërë foto. Gjithsej 1 km e gjysmë.  Zbritja e shtegut ishte pak e vështirë sepse të rrëshqisnin këmbët nga gurët. Sado këpucë të mira të kishe, ekzistonte mundësia e thyerjes së qafës. Duhet pasur kujdes ose mund të zbrisni në pjesën me barishte pranë shtegut. Të paktën në tokë ke më shumë bazament.

Një ditë në Llogara nuk ka kuptim pa kosin me arra dhe mjaltë me pamje nga deti. Food porn kur thonë jashtë shtetsit. Duke shijuar kosin, përpiqesha të lidhja historinë se ku mund të ketë kaluar Çezari nëse ka zbritur në Palasë. Vonë mësova që shtegu nuk ishte vetëm aq, por vazhdonte në krahun tjetër të rrugës, deri në gjirin e Gramës.  Ah sa gjëra kemi që nuk i dimë për vendin tonë more shokë!/dritare.net

Llogara/ Eja me mua, te shtegu Çezarit! Read More »

Mafia dhe politika të blinduara, mbi 120 makina luksoze me leje për të mbrojtur “kokat”. Ja si merret leja

Aktualitet / /

“Nuk kemi banda, por rrugeçër”,deklaroi kryeministri Edi Rama pas situatës alarmente të krimeve në Shkodër. Megjithatë asnjë nga “këta rrugeçërit” e nënvlerësuar ngë Edi Rama nuk po mban përgjegjësi për krimet që ndodhin ditën për diell, madje lëvizin pa iu ngulur gjemb në këmbë në këtë “rrumpallë shtet”.

Grupet kriminale janë forcuar shumë ekonomikisht dhe mbrojnë jetët e antarëve nga rivalët me makina luksoze të blinduara, që i sheh rëndom në rrugët e Shqipërisë.

Vetëm pak ditë më parë gjatë një operacioni nga RENEA pas ekzekutimit të biznesmenit në Shkodër u bllokuan gjashtë automjete të blinduara.

Por si futen në Shqipëri makinat e blinduara?

Duke iu referuar legjislacionit një makinë e blinduar lejohet të lëvizë në vendin tonë me firmën e Drejtorit të Përgjithshëm të Policisë.  Përpos rregullave që duhet të plotësojë zotëruesi i saj, pa firmën e Drejtorit të Policisë këto makina nuk u lejohet të dalin në rrugë. Një autorizim për të marrë makinë të blinduar kushton tre milionë lek të vjetra.

Një vit më parë Policia nisi operacionin “Vjeshtë 2017” ku u sekuestruan rreth 22 makina të bllokuara. Sot qëndrojnë të bllokuara vetëm 3 prej këtyre automjeteve të blindura, shkruan Shqiptarja.com. Shumica prej tyre janë lënë të lira, për shkak se ishin me leje, ose janë dorëzuar dokumentat e kërkuara nga Prokuroria. Në vendin tonë janë më shumë se 120 makina të blinduara që janë me leje, ndërkohë që dyshohet se një pjesë tjetër lëvizin pa leje në rrugët shqiptare.

Personat që i përdorin ato janë kryesisht anëtarët e grupeve kriminale, biznesmenë për në disa raste edhe zyrtarët shtetëror./korrieri

Mafia dhe politika të blinduara, mbi 120 makina luksoze me leje për të mbrojtur “kokat”. Ja si merret leja Read More »

Boll u tallët! Nëse doni Vetting në politikë lëreni të zbatohet reforma në drejtësi

Aktualitet, Politike / /

Beteja e fuqishme e një lufte në sitemin drejtësisë vetëm sa ka dhënë shkëndijat e para, por të trembur deri në palcë politikanët po bëjnë përpëlitjet për mbijetesë.

Lulzim Basha propozon Vetting në politikë dhe kërkon që ky proces të udhëhiqet nga Petrit Vasili, Xhemal Xhunkshi, Flamur Noka, Nasip Naço…e plot të tjerë emra për të mbushuar listat. Ama ky Vetting i propozuar nga opozita e ka një kleçkë; nuk do të përfshijë të kaluarën e asnjërit nga politikanët.

Basha që ka filluar turin e shëtitjeve qytet më qytet kundër krimit, del  zbuluar si ‘tinëzari’ kundër zbatimin e një ligji tjetër, siç është krijimi dhe funksionimi i Byrosë Kombëtare të Hetimit dhe SPAK, i cili heton dhe dërgon pas hekurave të korruptuarit.

Ndërkohë Rama nga ana e tij i përgjigjet “po” dhe më pas nxjerr Taulantin, i cili shprehet për këtë nismë: “Është i dobët, sepse pikë së pari, politikanët nuk mund të bëjnë vettingun e vetvetes. Së dyti, në materialin e paraqitur mungon hetimi i korrupsionit 27-vjeçar dhe të pasurive që politikanët kanë ngritur përmes tij”, thekson ai.

Dhe në këtë pikë Balla ka të drejtë. Politika pastrohet, nëse këta duan të zbatojnë ligjin e dekriminalizimin dhe nëse kryetarët e partive u mbyllin derën të inkriminuarve. Por kjo zor të ndodhë sepse politikës nuk i interesojnë njerëz me integritet. Në fushata iu duhen të fortët dhe paraja për garantuar votat.

Ndaj këta politikanët e zgjuar shqiptarë që kanë bërë kërdinë mbi kurrizin e popullit nuk mund të na hedhin “hi syve” sikur po iu digjet shpirti për Vetting. Nëse e kanë kaq seriozisht është e thjeshtë: Le ta lënë Reformën në Drejtësi të rrjedhë…/korrieri

Boll u tallët! Nëse doni Vetting në politikë lëreni të zbatohet reforma në drejtësi Read More »