Aktualitet

TIRANE- Gjatë fjalës së tij në Asamblenë e PS, Kryeministri Edi Rama tha se deputeti i Kurbinit Gjetan Gjetani duhet të përjashtohet nga grupi, pasi ka bërë presione për vendet e punës. Gjithashtu sipas Ramës deputeti i Kurbinit ka bërë deklarata kundër policisë.

Ja shenimi i plotë i deputetit të mazhorancës nje dite me pare ne Facebook:

Ngjarjet e fundit të ndodhura në Kurbin më kanë shqetësuar shumë. Duke bërë që, në Kurbin të mos ndihemi të sigurt. Eksploziv, kërcënim me armë dhe vrasjen e dy të rinjve tregon që poliicia është hallkë shtetërore shumë e paaftë. Kjo tregon se në Kurbin kanë sjellë oficerë dhe drejtues policie të paaftë, të korruptuar dhe ordinerë. Si deputet I kësaj zone kam pasur ankesa të shumta nga qytetarët, të cilat do t’I bëj publike në Parlament. Brenda muajit shtator do kërkoj interpelancë me Ministrin e Brendshëm dhe në qoftë nuk do të marrë masa për pastrimin e komisariatit të policisë Kurbin, unë I pari do ngrihem në protestë, duke kërkuar mbështetjen e të gjithë qytetarëve të Kurbinit, pa marrë parasysh ngjyrat politike.

Pas muajsh në ankth , nesër do të jetë dita e madhe e socialistëve. Shefi i tyre do të bëjë të ditur nëse do të ketë ndryshime në kabinetin qeveritar.

“Ndryshime në qeveri në shtator nëse duhet bërë, do të shohim cilët ministra, ministre, cilët nuk janë në lartësinë e kësaj nevoje, jo thjesht të tregojnë shifra e statistika, por të kenë vendin e tyre në mendjen dhe zemrat e atyre që na kanë dhënë besim. Do shohim cilët anëtarë të partisë do të largohen nga kryesia dhe cilët janë të rinjtë që duhet të vijnë, si ka punuar sekretariati dhe cilët do vijnë, cilët janë kryetarët e PS që do të ikin, detyra kryesore është bahskëqeverisja” , pati deklaruar Rama muaj më parë duke tronditur vartësit e e tij.

Në pritje të vendimit të kryeministrit nëse do bëjë ose jo ndryshime dhe nëse po, cilët do jenë ministrat e sakrifikuar?

Sipas reagimeve të publikut situata alarmante e krimit, përplasjet me Ramën dhe heshtja prej kaq kohësh janë sinjal se “kurbani” i parë pritet të jetë ministri i Brendshëm Fatmir Xhafaj.

Kërkesa të vazhdueshme për largim nga qeveria i adresohen Ramës për ministren e Arsimit, Lindita Nikolla.

Në “top listë” qëndron edhe ministri i Ekonomisë, Arben Ahmetaj.

Të tjerë emra që rrezikojnë vendin e tyre si ministra për shkak të performancës së pakënaqshme janë edhe minisrja e Kulturës Mirela Kumbaro, ministri i Jashtëm Ditmir Bushati, zëvendëskryeministrja Senida Mesi dhe ministrja pa portofol, Sonila Qato.

Një tjetër emër që diskutohet për t’u ndryshuar është edhe ai i Damian Gjiknurit, i cili gjithashtu ka 5 vite që është pjesë e kabinetit.

Nesër “dita e madhe” , kur do të marrim përgjigje të gjithë.

Në një intervistë me gazetarin Blendi Fevziu, Presidenti i Kosoves, Hashim Thaçi ka folur për shkëmbimin e territoreve mes Kosoves e Serbisë. Ai u shpreh i bindur se Presheva, Medvegja dhe Bujanovci do t’i bashkohen Kosovës pa i dhënë asnjë territor në këmbim Serbisë.

Por në të njëjtën kohë, Thaçi u shpreh pesimist se kjo marrëveshje nuk do të arrihet. Thaçi u shpreh se nëse Presheva e Medvegja me Bujanocin bëhen pjesë e Kosovës, do të përfshihen si “një e tërë”, duke përfshirë edhe autostradën që lidh Nishin me Maqedoninë.

Pjesë nga deklarata e Thaçit:

As Trepça as Gazivoda nuk do të jenë në shkëmbim. Unë nuk mund të flas për diçka hipotetike që askush ende në asnjë takim nuk e ka parashtruar. Sot flitet për ndarje dhe shkëmbim territoresh, definitivisht nuk do të ketë ndarje dhe shkëmbim.

Korrigjim do të thotë, Kosova ka përmbyllur kufrin e demarkimit me Serbinë dhe Malin e Zi, për tre vite kemi humbur për mos ratifikimin e marrëveshjes me Malin e Zi. Korrigjimi nënkupton demarkimin e 430 kilometrave që kemi mes Kosovës dhe Serbisë.

Edhe në Maqedoni ka patur raste kur një fushë e një pronari privat një pjesë ka mbetur në Maqedoni e një pjesë në Kosovë. Negociatat do jenë shumë të rënda, marrëveshja do jetë gati e pamundur, jam skeptik që do arrihet, por duhet të punojmë që do arrihet.

Unë mund të flas vetëm për idenë time. E mbështes fuqishëm kërkesën e liderve të Preshevës për t’u bashkuar me Kosovën, krejt është e papranueshme ajo pjesa e kuqe e hartës (Veriu, Mitrovica). Nuk do të ketë ndarje, nuk do të ketë korrigjim të kufijve.

Ditën e nesërme do të mbahet Asambleja e Partisë Socialiste. Në rendin e ditës janë 11 çështje teksa bëhet e ditur se diskutimet do të nisin me raportin e ‘Llogaridhënies Publike të Qeverisë’.

Më tej, janë një sërë pikash sa i takon përgatitjes për zgjedhjet vendore të 2019-ës por edhe mbi gjendjen e partisë.

Mbledhja është njoftuar se do të nis në orën 10:00 ndërsa ajo do të mbahet në ambientet e Hotelit ‘Mak-Tirana’ ose ish-Sheratoni.

Duket se socialistët kanë thyer kështu traditën e vjetër pasi më herët Asambleja e PS-së është mbledhur në ambientet e lokal ‘Xibrakut’ ose tek ‘Hotel Tirana’ por duket se këtë herë drejtuesit e PS-së kanë vendosur të ndryshojnë vend dhe do të mblidhen tek hoteli që është në pronësi të biznesmenit Shefqet Kastrati.

Ky i fundit është edhe koncensionari i ‘Rrugës së Kombit’ ndërsa e bleu godinën ku ndodhej ish-hotel ‘Sheraton’ në fillim të këtij viti.