Aktualitet

Në fillimi të këtij viti uji u rrit me 44%, por mesa duket shqiptarët paguajnë për ujë jo të pijshëm. Edhe pse një fakt i rëndë ky që nuk u pranua drejtpërsëdrejti nga të pranishmit në një takim me përfaqësues të BE, gjithsesi u tha se ky sektor ka nevojë imediate për reformim.

Tema kryesore e këtij takimi ishte projekti i BE-së për të siguruar ujë të pijshëm dhe për të rritur riciklimin e tij. Ndërkohë, zëvendëskryeministrja Senida Medi tha se do të nisin aksionet konkrete për ujë të pijshëm në të gjithë territorin e vendit.

“Është koha që të japim shembull konkret dhe me aksione konkrete të adresojmë një çështje të tillë kaq jetike. Toka, ajri dhe uji nuk janë një trashëgimi nga etërit tanë, në fakt na është dhënë me kredi që t’ia kalojmë fëmijëve tanë.” – tha Mesi.

Nga ana tjetër, bashkëfinancuese e këtij projekti me vlerën 6.3 mln euro është edhe qeveria gjermane. Për këtë çështja foli ambasadorja gjermane e cila tha se po punohet që Shqipëria të furnizohet me ujë të pijshëm.

“Bashkërisht po punojmë që Shqipëria të furnizohet me ujë të pijshëm. Gjermania, përveç ndihmës financiare në këtë projekt, do ta ndihmojë Shqipërinë edhe me eksperiencën e saj teknike.” – tha ambasadorja gjermane.

Banorët e Jalës kanë kundërshtuar me forcë prishjen e hoteleve dhe shtëpive të tyre, të cilat pretendojnë se janë ndërtuar mbi tokën e trashëguar nga të parët.

Një prej tyre, duke folur para deputetes së PD-së, i është drejtuar direkt Ed Ramës, për t’i treguar disa ndërtime të tjera, që nuk preken nga policia.

“Zoti kryeministër, po të jetë për ndërtime pa leje, ja ku është miku juaj Alban Xhillari dhe mund të vini ta verifikoni sot, sa ndërtime pa leje ka. Zoti kryeministër, veproni siç duhet nëse keni vënë qytetarin të parin, vini qytetarin. Nëse keni vënë ndërtuesit tuaj të parë, bravo ju qoftë!”

Policia ka ushtruar dhunë gjatë aksionit të IKMT. Në një prej videove të publikuara nga PD, shfaqen 7 polic që gjenden mbi një të ri, duke tentuar ta prangosin. Gjithashtu në komisariat është shoqëruar, një e mitur 14 vjeçare.

Deputeti i PD-së, Agron Shehaj u shkoi në mbrojtje banorëve të zonës së Jalës, të cilëve IKMT u shembi bizneset dhe shtëpisë. Por, gjatë një debati mes Shehajt dhe kreut të IKMT-së në Vlorë, Fatmir Meta pati akuza të forta mes tyre.

“Ju keni marrë shpirtin njerëzve. E bëni për paratë. Vini si hajdutë këtu. Jeni hajdutë dhe shembni shtëpi”, dëgjohet t’i drejtohet Shehaj inspektorit të IKMT.  “Hajdut je ti, hajdut brez pas brezi. Nuk më tregon ti hajdutin. Vini për politikë këtu ju. Politikën bëjeni andej se ju e keni katandisur këtë vend kështu”, i kthehet kryeinspektori IKMT Vlorë, deputetit Shehaj.

Deputetët e PD, Agron Shehaj dhe Nada Meçorapaj mbërrin në Jalë në mbështetje të qytetarëve dhe kundër shembjes së bizneseve të tyre. Sipas IKMT, banorët i kanë ndërtuar objektet pa leje dhe se janë njoftuar që në muajin korrik për aksionin e shembeje.

Me qindra Flamingo kanë pushtuar lagunën së fundmi, diçka që nuk ishte parë të ndodhte prej kohësh.

Laguna e Nartës është laguna e dytë më e madhe nga rëndësia për shpendët e ujit (20000 shpendë dimëror të rreth 40 llojeve), duke e bërë atë një habitat shumë të pasur, gjithashtu vend ushqimi për Pelikanin dhe ku takohen rregullisht Flamingot.

Flamingot nuk gjenden kudo, ato kanë aftësi që ti mbijetojnë vendeve me kripësi të lartë, janë zogj që mund të përshkruajnë 700 kilometra brenda 24 orëve dhe po ashtu ngjyra e tyre karakteristike e bën këtë shpend kaq të bukur.

Burimi : Faqja Zvërnec