Aktualitet

Ne kuader te 60-vjetorit te krijimit te shkolles Pedagogjike ”Jani Minga”, ish –maturantet e vitit 56-66 u kthyen për të takuar njëri-tjetrin e për të kujtuar kohët e shkollës.

Përpara 58 viteve, ata ishin aty, në derën e shkollës, gati për të zënë vend dhe për të filluar apelin. Sot pas kaq vitesh fillimisht u takuan me njeri-tjetrin ne oborrin e godines B te universitetit “Ismail Qemali” te Vlores, aty ku dikur funksiononte shkolla pedagogjike”Jani Minga”.

Te rikthyer pas 58 viteve, ish studentet e dikurshem sot rikthehen me nje tjeter status me ate te mesuesve dhe profesoreve te cilet te shperndare ne rrethe te ndryshme madje dhe pertej kufijve kane edukuar breza te tere. Ne ceremonine e organizuar Ish-maturantet e ish –shkolles Pedagogjike ”Jani Minga” perjetuan sot emocionet e mbartura nder vite duke kujtuar me nostalgji vitet e dikurshme shkollore, ndersa risollen ne kujtese edhe profesoret e dikurshem dhe shoket e klases qe sot nuk jetojne me…. Një takim kryesuar nga emocionet, i përzier mes mallit dhe kujtimeve. Fytyra të njëjta, por tanime me peshen e viteve mbi supe. U çmallën me njëri-tjetrin dhe filluan të bisedonin njesoj si dikur.

E cuditshme, teksa i shikoje e dukej se biseda pavaresisht rendjes se kohes, largesise se viteve, distances dhe ndasive te vet jetes biseda kishte mbetur aty, ne vitet 56-66 kur konkluduan kater vitet e studimeve ne ish shkollen pedagogjike Jani Minga, pas perfaqimeve plot mall, maturantet tanime me nje tjeter status hyne ne klase në klasë duke u ulur të gjithë nëpër bankat e tyre, ashtu si dikur. Veçse bankat nuk ishin të njëjtat. Ato ishin zëvendësuar nga të tjera, të reja dhe plot shkëlqim. Një takim gjithë emocion, i përzier mes mallit dhe kujtimeve. Maturantet e vitit 1956-66 të diplomuar ne degen e mesuesise dhe me karriera e gjurmë të rëndësishme ndër vite, duke dhënë kontribut në edukimin e brezave dhe në ndërtimin e vendit, duke qenë mbi të gjitha qytetar të denjë të kësaj shoqërie me nostalgjine e 58 viteve viteve kaluan nje dite me simbolike te vecante per gjithesecilin.

Ish Kryeprokurori Adriatik Llalla ka qënë në Tiranë dhe më saktë në një nga zonat më të populluara të kryeqytetit, përballë Liceut Artistik tek “Rruga e Elbasanit”.

I kollarisur sikur të ketë qënë në ndonjë takim të rëndësishëm zyrtar, Llalla ka dalë nga lokali përballë Liceut ku e priste makina e tij e ndezur.

Ish kryeprokurori ka qënë i shoqëruar nga ish ministri i Drejtësisë dhe ish deputeti demokrat Enkelejd Alibeaj, i cili tre orë më vonë doli në konferencë shtypi për të shpjeguar  “Babalen”.

Vetëm një minutë pasi u largua Llalla bashkë me një mikun e tij me makinë, dhe Alibeaj në anën tjetër vetëm, nga i njëjti ambient ka dalë ish Drejtoresha e Marrëdhënieve Juridiksionale me Jashtë në Prokurorinë e Përgjithshme si dhe ish Drejtuesja e Dekriminalizimit, Rovena Gashi.

Nuk kemi asnjë informacion në lidhje me bisedën që kanë pasur mes tyre, por fakti është se ish kryeprokurori Adriatik Llalla ka një kallzim penal për katër akuza të rënda dhe është nën hetim.

Akuzat ndaj tij janë ato të refuzimit për deklarim, mosdeklarimit, fshehjes ose deklarimi i rremë i pasurisë, interesave private të të zgjedhurve dhe nëpunësve publikë ose i çdo personi tjetër që ka detyrimin ligjor për deklarim; mosdeklarimit të shumave të të hollave ne kufi; pastrimit të produkteve të veprës penale(pastrim parash) dhe shpërdorimit të detyrës.

Dhe menjëherë sapo u njoh me akuzat e rënda ndaj tij, Llalla lëvizi në drejtim të Gjermanisë, ku është sistemuar familjarisht, duke blerë banesë dhe regjistruar fëmijët në shkollë.

Pasi kërkoi me insistim por pa sukses nga ambasada gjermane në Tiranë zgjatjen më tej të lejes së qëndrimit në Gjermani, Adriatik Llalla qëndroi për një kohë të gjatë në këtë vend të BE, por duke tentuar të përcjellë tek organet ligjzbatuese dhe qytetarët alibinë, se po jeton në Turqi.

Duke qënë se asnjëherë nuk është paraqitur në Prokurori për të dëshmuar për akuzat e ngritura ndaj tij si person nën hetim, Llalla përmes prokurave në gjuhën turke ka arsyetuar jo vetëm mosparaqitjen e tij para organit të akuzës, por ka tentuar të ngrejë dhe alibinë se po jeton në Turqi.

Megjithatë ish Kryeprokurori, i cili është nën hetim për akuza të rënda, të cilit edhe i janë sekuestruar nga organet ligjzbatuese 1 miliardë lekë pasuri, e ndan jetën mes Tiranës dhe Gjermanisë.

Dje Lalla ka qënë në Tiranë, ndërkohë që Prokuroria shqiptare për akuzat që ka në ngarkim, asnjëherë nuk e ka thirrur, por ka vendosur një raport komunikimi përmes avokatit.

Mësohet që dhe në ditët në vijim ish kryeprokurori do të qëndrojë në Tiranë, por nga organi i akuzës dhe Arta Marku nuk ka asnjë sinjal që të tregojë se do ta thërrasë Llallën për të dëshmuar, si person nën akuzë për pastrim parash dhe vepra të tjera të rënda penale.

Do të ishte e udhës që komunikimi përmes “telefonit të prishur” mes Prokurorisë dhe Llallës nën hetim të merrte fund, pasi do ishte një sinjal i qartë që, përballë ligjit janë të gjithë të barabartë./Pamfleti

Një ditë pas lajmit për ndalimin e Albert Veliut, vjen një tjetër informacion për “Babalen”.

Policia e Kosovës ka liruar Albert Veliun, i njohur ndryshe si “Babalja”, rreth 24 orë pas ndalimit. Gjykata e Prishtinës nuk ka pranuar kërkesën e autoriteteve shqiptare për paraburgim ndaj tij, pasi akuzohet për kallëzim të rremë.

Nga ana tjetër, vijojnë procedurat për ekstradimin e “Babales” në Shqipëri. Avokati mbrojtës, Tom Gashi ka deklaruar për Report Tv se klienti i tij Albert Veliu, ndodhej me të, pas vendimit të Gjykatës.

Albert Veliu u ndalua një ditë më parë në një kamp azilkërkuesish në Prishtinë, pas lëshimit të urdhërporosisë nga drejtësia shqiptare për arrestimin e tij, pasi ndaj tij ka një masë arresti me burg për kallëzim të rremë dhe kalim të palishëm të kufirit.

Izet Haxhia, truproja e pare e ish-kryeministrit Berisha në një letër të dërguar nga burgu bën të ditur faktin se avokati e ka braktisur prej 2 muajsh, asnjë prokuror nuk ka shkuar ta marrë në pyetje, ndërsa për herë të parë akuzon vëllain e tij Ismet Haxhinë dhe Romeo Karajn se po sabotojnë çështjen e tij në gjykatë.

“Jam i detyruar t’ju drejtohem me anë të kësaj letre, për arsye se nuk kam asnjë mundësi tjetër komunikimi, pasi nuk më është dhënë e drejta të flas me asnjë media. Në bazë të rregullores së paraburgimit, për të folur me mediat kërkohet leja nga prokurori i çështjes. Por nuk ka akoma asnjë prokuror dhe asnjë trupë gjykuese, për çështjen që do rigjykohem”, shkruan Haxhia në një letër pë News24.

Haxhia flet për një sulm të organizuar ndaj tij dhe të dashurës Erjona Parruca, sulm që ka si qëllim dëmtimin e çështjes në gjykatë e që për organizatorë ka dy persona.

“Në mungesë totale të komunikimit dhe të një izolimi të plotë, e ndjej të domosdoshme t’i përgjigjem një sulmi të mirëorganizuar e djallëzor ndaj meje dhe Erjona Parrucës. Erjona është shumë më tepër se e dashura ime. Ajo është shoqja, mikja, mbështetësja ime besnike. Erjona është nderi im, gruaja ime e jetës. Dua të theksoj se ky sulm mafioz ka si qëllim të dëmtojë çështjen time në gjykatë të cilës, nuk i ka dalë akoma një trupë gjykuese, edhe pse afatet ligjore janë tejkaluar. Në krye të këtij sulmi fatkeqësisht ndodhen dy persona, njëri që hiqej si ‘mik’ (Romeo Karaj) dhe vëllai im (Ismet Haxhia).
Pasi mora të dhëna të sakta se dyshja e batakçinjve Romeo-Ismet, po kërkonin para tek njerëz të ndershëm duke përdorur emrin tim, i kërkova Erjonës që të publikonte në profilin tim në FB një status ku kërkoja që askush të mos përdorë emrin tim për të mbledhur para, apo për të bërë reklamë. Dhe fill pas këtij publikimi Erjona u gjend nën një sulm të paparë e monstruoz”, shkruan më tej Haxhia.

Izet Haxhia thekson se i del për Zot gjithçkaje i ka thënë e i ka deklaruar në mënyrë konfidenciale avokatit për çështjen “Hajdari” por që sipas tij ka edhe plot surpriza të tjera, ende të patreguara.

“Kam surpriza të pakëndshme, si për organizatorët e vrasjes së Azemit, për ata që e nxorën në pritë, për motivin e kësaj vrasje dhe për ata që me përzjenë mua pa dashjen time. Boll kam heshtur e mbrojtur të tjerët. Le të hapet ‘kutia e Pandorës’ dhe gjithsecili të marrë atë që i takon. Ana e dhimbshme e sulmit djallëzor që po na bëhet mua dhe Erjonës, është se akuzat për bashkëpunim me Berishën, i organizon vëllai im batakçi, hajdut e mashtrues së bashku me Romeo ‘trimin’, që mbushi poturet vetëm me një telefon që iu bë nga burgu dhe iku i lebetitur, duke u futur në poturet e qeverisë”, thotë në letrën e tij Haxhia.

Izet Haxhia shkruan se mbetet në pritje që shteti të kujtohet t’i dërgojë atij një prokuror për ta marrë në pyetje e për të dëgjuar të vërtetën e tij./korrieri

Komisioni Europian, në raportin e tremujorit të tretë për ecurinë e vendeve kandidate dhe potenciale kandidate ka bërë një analizë të ecurisë së ekonomisë shqiptare, ku ka konstatuar se investimet po ngadalësohen, duke reflektuar përfundimin e projekteve të mëdha energjetike. Ndërsa rritja në pjesën e parë të vitit u nxit nga prodhimi i energjisë dhe industria përpunuese.

Sipas raportit, PBB-ja reale në Shqipëri u rrit me 4.3% me bazë vjetore në tremujorin e dytë pasi u rrit me 4.5% në tre muajt e parë. Nga ana e kërkesës, rritja ishte kryesisht e nxitur nga konsumi i ekonomisë familjare, i cili e përforcoi ecurinë e saj të qëndrueshme në 3.3% në vit, mbështetur nga rritja e punësimit, inflacioni i moderuar dhe normat e ulëta të interesit. Formimi i kapitalit fiks, i cili ende përfitoi nga investimet e huaja direkte në sektorin energjetik në tremujorin e parë, u ngadalësua në 1.5% (rritje vjetore) nga 4.5%, që ishte në tremujorin e parë.

Në të kundërt, konsumi qeveritar në tremujorin e dytë u tkurr me 3.4% me bazë vjetore. Eksportet e mallrave dhe shërbimeve vazhduan rimëkëmbjen e tyre në tremujorin e dytë me 3.9% ndërsa importet e mallrave dhe shërbimeve u rritën më ngadalë me 2% me bazë vjetore.

Eksportet kanë rritur peshën në prodhimin e brendshëm bruto në 34.1%, ndërkohë që importet kanë rënë pak, por mbeten në nivelin e tyre të ngritur prej pothuajse 50% të PBB-së. Nga ana e ofertës, prodhimi i energjisë dhe industria përpunuese kontribuoi në mënyrë të konsiderueshme në rritjen e ekonomisë në periudhën e deritanishme të 2018-s. Ndërtimi u ngadalësua, po ashtu edhe sektori i shërbimeve, kryesisht për shkak të bazës së lartë krahasuese, ndërkohë që të dy sektorët vazhduan të kontribuonin pozitivisht në ecurinë ekonomike.

Ndonëse rritja e punësimit u ngadalësua, norma e papunësisë vijoi rënien, duke arritur në 12.9%, më i ulëti nga viti 2012. Edhe papunësia tek të rinjtë vijoi rënien, nga 34% në 2015-n, në 22.6%, ndonëse mbetet në nivele të larta. Pagat e sektorit privat u rritën në shumë segmente, ndërsa rritja e pagës së sektorit publik i ngadalësua në 0.2%, pas rritjes së fortë në 2017 dhe tremujorin e parë 2018.

Deficiti i llogarisë korente u ngushtua në 7% të PBB-së, nga 7.9% në tremujorin e parë, për shkak të ngadalësimit të importeve dhe rritjes së eksporteve.

Huadhënia në sektorin privat mbetet e dobët, si rrjedhojë e kërkesës së ulët dhe shtrëngimit ë kushteve të kredive nga bankat huatë me probleme u ulën, por me ritme më të ngadalta se në 2017-n, duke zbritur në 12.9% në gusht.

Sistemi bankar po konsolidohet me dy bashkime që përfunduan në 2018 dhe numri i bankave nga 16 u reduktua në 4. Ekspozimi i sistemit bankar ndaj Turqisë është i ulët, me vetëm 6.6% të aseteve që janë të lidhura me kompanitë turke.

Të ardhurat buxhetore u rritën me 3.1 me bazë vjetore për 8 mujorin dhe u ndikuan negativisht nga zhvlerësimi i euros, sidomos TVSh dhe të ardhurat doganore. Të ardhurat e ulëta nga TVSh dhe doganat u kompensuan nga të hyrat më të larta të sigurimeve shoqërore.
Borxhi publik ra në 69.3 % të PBB-së në fund të qershorit, nga 70% që ishte në fund të 2017-s.

Rritja në Ballkanin Perëndimor u përshpejtua
Sipas raportit, rritja ekonomike u përshpejtua në shumicën e vendeve të Ballkanit Perëndimor në tremujorin e dytë të 2018, duke vijuar një trend që filloi në fillim të vitit 2017. Republika ish-Jugosllave e Maqedonisë regjistroi përshpejtimin më të lartë të rritjes vjetore të PBB-së, në 3.1%, nga 0.1% e ngadaltë e tremujorit të parë, mbështetur nga rritja e eksporteve. Në Bosnjë dhe Hercegovinë ekonomia u zgjerua me 3.4%, me eksportet dhe konsumin privat që përshpejtuan këtë rritje. Në Mal të Zi dhe Kosovë

rritja u forcua në 4.9% dhe 4.7% , respektivisht. Në të dy rastet, zgjerimi ekonomik përfshinte të gjithë komponentët e kërkesës së brendshme (sidomos investimet) duke kontribuar pozitivisht në rritje.

Në anën tjetër, në Serbi dhe Shqipëri, rritja ekonomike u ngadalësua pak për të dytin tremujor, 4.8% dhe 4.3%, respektivisht. Në Serbi, rritja ekonomike është nxitur nga të gjithë komponentët e kërkesave të brendshme ndërsa performanca e rritjes ekonomike të Shqipërisë u mbështet kryesisht në rritjen e konsumit të familjeve. Në përgjithësi, në tremujorin e dytë të vitit 2018, PBB-ja e rajonit të Ballkanit Perëndimor arriti në 4.3%, nga 3.6% në të tremujorin e parë dhe 1.9% në tremujorin e njëjtë të një viti më parë. /Monitor/

Instituti Europian Pashko ka publikuar listën e 10 personave më të pasur në Shqipëri. Analiza është bazuar në të dhënat financiare zyrtare të deklaruara në institucionet shtetërore për 60 individët dhe kompanitë që ata zotërojnë, për pjesën takuese të gjithsecilit.

Kriteret dhe parametrat e analizuar në këtë studim marrin në konsideratë këta tregues:

-Kapitalin aksioner dhe pjesët takuese proporcionalisht
-Fitimin (proporcional) të vitit ushtrimor

-Kapitalin neto proporcional
Samir Mane u vlerësua si njeriu më i pasur në Shqipëri. Në vend të dytë të fitimit për vitin 2017 është Shefqet Kastrati, i cili pasohet nga Grigor Joti.

Biznesmeni Rrok Gjoka mban vendin e katërt. Më pas, renditet Agron Shapllo. Në vend të 6 është vlerësuar Renis Tërshana. Pas tij, Agim Zeqo. Deputeti Tom Doshi renditet në vend të 8, ndërsa biznesmeni Serafin Orgocka në të 9-tin. Lefter Kallo është i 10 në listë.

Ndërkaq studimi nxjerr në konkluzion se për peshën dhe përgjegjësinë që ky komunitet përfaqëson ndaj ekonomisë shqiptare, përbën një pasuri kombëtare.