Aktualitet

Ministri i Bujqësisë, Niko Peleshi, ka vizituar sot në Kolesjan të Kukësit, parkun e bletëve të Kadriut, fitues i masës së mbështetjes për bletarinë në skemat e këtij viti.

Sipas Ministrit: ”Puna e tij me bletët, e cila është e pamundur të ndahet nga pasioni, e ka kthyer këtë park në një nga më të mëdhenjtë në vend, rreth 350 koshere”.

/atsh

Agim Allushi është vetëm një nga mijëra 50-60-vjeçarët e papunë në Vlorë, grupmoshë që mbush trishtueshëm rregullisht sheshin “Omonia”.

Ai ka tre pjesëtarë të familjes, që presin në shtëpi.

“Bashkëshortja nuk punon dot! Njëri nga fëmijët tanë është i sëmurë dhe ajo duhet t’i shërbejë. Po nuk çova unë për të ngrënë në shtëpi, nuk kemi si hamë bukë. Një ditë punoj e një ditë jo, ndërtimi pothuajse është mbyllur si sektor. Punojmë aq sa për të mbajtur frymën gjallë dhe shtojmë listën e borxheve”. – thotë burri 50 -vjeçar.

Bashkëmoshatarë të shumtë të tij pohojnë me kokë. Punojnë një ditë ose një javë e pastaj mund të qëndrojnë pa punë me muaj të tërë. Ata nuk kanë profesione të mirëfillta, përveç punëve të krahut. Në shesh I mban vetëm shpresa se dita e sotme do t’u qëllojë me fat. Mjetet e punës I mbajnë gjithnjë me vete, mbështetur pas pemëve përgjatë rrugës. Në degët e të cilave varin çantat e vjetra ku mbajnë ushqimin dhe ujin.

Në Zyrën Rajonale të Punësimit të Vlorës rezultojnë 11 mijë të papunë të përhershëm.

Numri rritet ndjeshëm po të mbahet parasysh se shumë nuk e deklarojnë papunësinë e tyre. Dhe grupmosha50-60 vjeç është ndër më të prekurat. “Ka kërkesa punësimi nga fasonët, call center dhe nga sektori turizmit, por këto biznese kanë kërkesa specifike. Ata kërkojnë njohjen e gjuhës së huaj, përdorimin e teknologjisë ose profesione specifikë. Ndaj e kemi të pamundur të punësojmë grupmoshën 50-60 vjeç”. -thotë drejtoresha e Zyrës Rajonale të Punësimit, Marjana Cani.

As formimi profesional përmes kurseve falas nuk I ndihmon edhe aq shumë. Ata nuk mund të shkojnë nëpër kurse e të marrin një profesion sepse kanë nevojë urgjente për punë. Janë të gjithë kryefamiljarë.

Po për specialistët e zhvillimit ekonomik, zgjidhje ka dhe ato janë të thjeshta. Mjafton të merren përvojat më të mira të vendeve të tjera. “Në Shqipëri duket sikur përpiqemi që këtë grupmoshë ta nxjerrim në pension përpara kohe. Nuk I ndihmojmë realisht të rrinë në tregun e punës, e kemi tërësisht të munguar si kulturë. Ndërkaq, punësimi I tyre mund të arrihet si në vendet e tjera, ku hapen kurset profesionale për të rritur. Të përshtatura me kërkesat e tregut dhe me interesat e punë kërkuesve, këto kurse mbështeten nga shteti dhe janë efikase”. – këmbëngul Mirela Koçi, drejtore e Agjensisë së Zhvillimit Ekonomik Lokal.

Kjo strategji quhet është pjesë e “Edukimit të vazhdueshëm gjatë gjithë jetës”. Ajo u jep mundësinë të rriturve mbi të 50-at që të ngelen në tregun e punës. Pasi zhvillimi I shpejtë I teknologjisë, edhe kur ata janë të mirëarsimuar, I kërcënon vazhdimisht me papunësi. Koçi shton se shteti duhet të hartojë politika të veçanta punësimi për këtë grupmoshë seriozisht të rrezikuar. Ashtu siç ka bërë për nxitjen e punësimit të të rinjve, grave dhe komunitetit rom dhe egjiptian.

Viti 1997 dhe ngjarjet qe pasuan,vitin e mbrapsht,vijojne te na risjellin ne kujtese ngjarjet e dhimbshme te asaj kohe. Ngjarje,te cilat rregjistruan me humbje jetesh ,ne luften per te goditur grupet kriminale dhe vendosjen e shtetit,mbik te gjitha ne nje nga zonat me te nxehta te asaj kohe,ne Vlore. Ura e mifolirt ka rregjistruar en vitin 1997 ,por edhe ne vitin pasardhes,ngjarje nga me te shumtat,ku u rregjistruan,humbje jetesh dhe ngjarja te jahstezakonshme.

Nje prej tyre mbetet ajo e 29 tetorit te vitit 1998,ku sot 20 vjet me vone,policia e shtetit dhe delta force perkujtojne ne vendin ku uniformat blu zhvilluan nje nga betejat e pergjakshme me bandat ne zonen e ures se mifolit,ku mbeti i vrare ish efektivi Oltian Sulovari dhe u plagosen dy punonjes te tjere policie. 20 vjet me pas policia e shtetit dhe delta force,perkutojne ngjarjen dhe Oltion Sulovarin,sot deshmor i atdheut. Ish drejtori i policise se shtetit ne ate kohe Hasan Ahmetaj ka risjelle para bustit te deshmorit qe perkujton edhe ngjarjen,ne kujtese te te gjitheve kete ngjarje te rende.

Ish kreut i delta force ne ate kohe Artut Selimaj,ka kerkuar qe sot policia te vijoje me ate perkushtim,si ne ate kohe ne ringritje te shtetit,edhe sot ne lufte k,under krimit te organizuar
sinkron

Delta force perkujton 20 vjet me vone,nje nga ngjarjet e dhimbshme te atyre viteve,ne kohen e luftes per ringritjen e shtetit dhe luftes se ashper me bandat e krijuara ne ate kohe. Ngjarje qe solli humbjen e jetes se deshmorit Oltian Sulovari,tashme nderi i bashkise Vlore dhe Elbasan,ndersa dy te tjere mbeten te plagosur./atsh

Në Galerinë e Arteve pranë Pallatit të Kulturës në Vlorë u shfaq ekspozita “Handle with Care”, mbështetur nga Ambasada e Vendeve të Ulëta në Tiranë, organizuar nga Qendra “Tirana Art”.

Ky aktivitet i pasqyruar në Kalendarin Kombëtar të muajit kundër trafikimit njerëzor, bashkoi disa institucione, ndër to dhe SHSSH Vlorë si pjesë e KRAT në misionin anti-trafikim.

Ky aktivitet synon ndërgjegjësimin mbi tafikimin e qenieve njerëzore dhe pasojat e dhimbshme që kanë tek gratë dhe vajzat të cilat kanë rënë viktima të trafikimit apo shfrytëzimit. SHSSH Vlorë si institucion në mbrojtje të kategorive të veçanta mbështet dhe përkrah çdo iniciativë që u jep mundësi rehabilitimi dhe riintegrimi vajzave apo grave të shfrytëzuara apo në rrezik shfrytëzimi.#SHSSHVLORE#MuajiKundërTrafikimitNjerëzor.

Përpjekjet e shqiptarëve për të kërkuar azil në Bashkimi Europian duke kaluar përmes Kosovës, kanë shtyrë policinë të rikthejë kontrollet e dyfishta në Morinë. Vendimi bie ndesh me marrëveshjen e dy qeverive. Policia e Kukësit thotë se situata ka të bëjë me infrastrukturën.

Prej vitesh qeveritë e Shqipërisë dhe Kosovës premtojnë heqje të kufirit klasik mes dy vendeve, lehtësim të lëvizjes së lirë të njerëzve dhe mallrave pa tarifa e burokraci. Kjo megjithatë kryesisht, siç edhe është pranuar në takime dypalëshe, ka mbetur në retorikë.

Por ndërsa “lufta” tregtare e pagëzuar si “patatofobi” ka penguar bashkimin doganor, prej 1 tetorit Policia e Kufirit në Kukës i është rikthyer pas tetë vjetësh kontrollit të dyfishtë të udhëtarëve, duke shkaktuar radhë dhe probleme. Kontrolli i dyfishtë, në hyrje dhe dalje, është në shkelje të marrëveshjeve dypalëshe.

Zyrtarisht sipas Drejtorisë së Policisë së Qarkut Kukës rikthimi i kontrollit të dyfishtë është për shkak të infrastrukturës së re të ndërtuar në Morinë, ku duhet të vendosen të dy policitë, por ku ajo e Kosovës ende nuk është vendosur.

Megjithatë kryetari i Degës së Doganës në Morinë, i tha BIRN se ishte informuar që kontrollet e dyfishta kishin të bënin me azilkërkuesit.

“Me sa jam informuar rifillimi i kontrolleve në Morinë ka ndodhur për shkak të azilantëve, kryesisht të atyre që janë kthyer dhe nuk kanë të drejtë të hynë në vendet e BE-së për një afat të caktuar dhe të atyre që kanë thyer rregullat e Shengenit”, tha Kateshi.
Shqipëria ishte një nga vendet me numrin më të lartë të azilkërkuesve krahasuar me popullsinë, në vendet e BE vitet e fundit. Sipas Eurostat 125 mijë shqiptarë ose 4.5 përqind e popullsisë rezidente aplikuan për azil nga viti 2015-2017. Rreth 42 mijë prej tyre kanë qenë më pak se 18 vjeç dhe 57 mijë kanë qenë mes 18 dhe 34 vjeç.

Azilantët dhe premtimi për heqje kufiri
Ironikisht dyfishimi i kontrolleve në kufirin Shqipëri-Kosovë ndodh tre muaj para datës së premtuar për “heqjen” e kufirit klasik mes dy vendeve. Me 1 gusht të këtij viti, në Skenderaj të Kosovës, ministri i Diasporës së Shqipërisë, Pandeli Majko, u tha të pranishmëve se nga data 1 janar 2019, fillon lëvizja e lirë midis Shqipërisë dhe Kosovës duke thënë se ky është vendim i kryeministrit Edi Rama.

“Kosova dhe Shqipëria nuk do të kenë më kufi klasik mes vete. Ata që vizitojnë dy vendet nuk do të ndalen më nga policët kufitarë të të dyja anëve”, tha Majko në Skënderaj në fillim të gushtit. Të njëjtën gjë ka premtuar edhe kryeministri i Kosovës Ramush Haradinaj nga Vlora pak kohë më parë.

Por ndërkohë marrëveshjet e firmosura mes dy shteteve shkelen në mënyrë të përsëritur herë nga njëri vend dhe herë nga tjetri, ashtu siç ka ndodhur edhe me kontrollin e dyfishtë në kufi. BIRN gjeti se për të eliminuar këtë kontroll është nënshkruar një marrëveshje dypalëshe dhe mes dy vendeve ka një protokoll bashkëpunimi.

Marrëveshja “Një ndalesë, një kontroll”, është nënshkruar nga dy qeveritë në vitin 2009 dhe ka hyrë në fuqi në vitin 2010. Ajo është pasuar nga një marrëveshje e ngjashme në vitin 2011 dhe nga një protokoll mes ministrive të Punëve të Brendshme në atë kohë. Në zbatim të saj janë bërë edhe vendime të qeverive përkatëse, ku parashikohen edhe arsyet pse ajo mund të pezullohet nga njëra palë, përfshi sigurinë publike e masa të tjera të ngjashme.

Por në rastin konkret rikthimi i kontrollit, siç mësoi BIRN nga oficeri Marenglen Kapaj, është vendosur me një urdhër nga Drejtoria e Përgjithshme e Policisë së Shtetit dhe në motivacionin zyrtar nuk përmendet motivet për këtë vendim.

Zyrtarisht Policia e Shtetit i tha BIRN se kontrolli i dyfishtë është i përkohshëm dhe ka të bëjë me infrastrukturën. “Shkak për rifillimin e kontrolleve të dyfishta është bërë infrastruktura e re në Morin ku policia e Shqipërisë e atashuar në Vermicë pranë policisë Kosovës është tërhequr në Morinë, në pritje që edhe policia e Kosovës të vendoset në Morinë”, tha zëdhënësja e Drejtorisë së Policisë së Kukësit Diana Deda.
Por punonjës të Policisë së Shtetit i thanë BIRN në kushte konfidecialiteti se arsyeja e vërtetë e rivendosjes së kontrolleve të dyfishta ishte emigracioni i paligjshëm i shtetasve shqiptar drejt vendeve të BE-së dhe thyerja e rregullave të Shengenit nga shtetasit shqiptarë .

Burime të policisë kufitare dhe atyre doganore në Morinë të Kukësit kanë bërë të ditur për “BIRN ” se frenimi i azilkërkuesve nga Shqipëria drejt vendeve të BE-së është emergjencë.

Edhe drejtuesi i Degës së Doganës së Morinit në Kukës, Ergys Kateshi dha version të ndryshëm nga ai i policisë. Sipas Kateshit vendimi është marrë pasi policia e Kosovës nuk kishte marrë në konsideratë një kërkesë të Shqipërisë për të bllokuar në kufi persona që mund të kërkonin azil. Kateshi përmend edhe një listë me persona që kishin humbur të drejtën të udhëtonin në “Shengen” por që përdornin Kosovën për të kaluar këtë pengesë.

“Presioni ndaj policisë kufitare është i madh dhe kjo e fundit ka marrë një masë të tillë. Kosova që nuk i ka këto probleme ndaj nuk ka rifilluar kontrolle të dyfishta”, shprehet Kateshi. Ai thotë se situata ka krijuar probleme edhe për doganën.

Radhë dhe pakënaqësi në kufi
Rifillimi i kontrolleve të dyfishta në pjesën e Shqipërisë ka shtuar radhët e gjata në pikën e kalimit doganorë, që ishin eliminuar në një farë mënyre që prej 8 vitesh.
Rikthimi i kontrolleve të dyfishta në pikë-kalimin kufitar Morinë-Vermicë, kryesorja që lidh Kosovën me Shqipërinë ka shkaktuar pakënaqësi në mesin e drejtuesve të automjeteve dhe udhëtareve sidomos atyre që udhëtojnë me autobusë.

Alban Ismajli, drejtues i një mjeti privat 20 vendesh që shërben në linjën Bajram-Curri-Tiranë, i tha BIRN se atij i duhej të kalonte disa herë në doganë, pasi që prej përfundimit të “Rrugës së Kombit” në vitin 2009, të gjitha automjetet që udhëtojnë nga Tropoja për në Tiranë kalojnë përmes Kosovës dhe më pas në Morinë të Kukësit. Ismajli tha se me rifillimin e kontrolleve të dyfishta në Morinë të Kukësit, ka zgjatur kohën e udhëtimit, i cili përfshin ndalesë të detyruar edhe në pikën e pagesës në autostradë. “Ndërsa në pikën e kalimit kufitar në Tropojë ka vetëm një ndalesë, në Morinë të Kukësit ka filluar kontrolli i dyfishtë duke na e bërë të vështirë udhëtimin, por jemi të detyruar të zbatojmë ligjet”, tha Ismajli.

Të njëjtin shqetësim ka edhe shoferi i një prej autobusëve të linjës Tiranë-Prishtinë, i cili nuk pranoi të jepte emrin duke thënë se punonjësit e pikës kufitare mund ta merrnin inat e ai duhej të kalonte aty çdo ditë. Ai megjithatë tha se situata ishte “katastrofë”. Sipas tij kontrolli i dyfishtë ka zgjatur kohën e udhëtimit me të paktën 30 minuta.

Situata është përsëritur edhe më herët. Një vendim të njëanshëm për rifillimin e kontrolleve të dyfishta e kishin marrë në nëntor të vitit 2015 edhe autoritetet e Republikës së Kosovës. Kontrollet zgjatën vetëm për pak kohë dhe u arsyetuan asokohe si proces që ndodh në kuadër të liberalizimit të vizave për Kosovën.
Dy vendet ndërkohë po përgatiten teknikisht për të pasur një doganë në të njëjtin mjedis. Drejtues të policisë dhe doganave i thanë BIRN se punimet ishin në përfundim, ndërsa mbeteshin për tu zgjidhur detaje teknike dhe përshtatja e kodit doganorë. /Birn

Kryeministri Edi Rama ironizoi protestën e një grupi qytetarësh që e pritën me pankarta e kapsolla gjatë qëndrimit të tij në Kukës. Avokat Spartak Ngjela shkruajti sot në facebook se “Bravo Kuksi! Kuksianët e dëbuan dje Edi Ramën nga Kuksi. Dhe kanë të drejtë. I treguan vendin një kryeministri që po fundos vendin në humnerën e varfërisë ekstreme.
Po a do veprojnë kështu të gjitha qytetet që janë në zinë e varfërisë ekstreme sot në Shqipëri?”, përfundon Ngjela, mik historik i Ramës.

Nuk ka vonuar kreu i qeverisë dhe ka shkruar në Twitter se ishin “50 figurantë me tre kapsolla, mbledhur qorrazi për një xhirim të Kinoshqupit”.

“Më paskan dëbuar nga Kukësi 50 figurantë me tre kapsolla, mbledhur qorrazi për një xhirim të Kinoshqupit. Të fala nga Shishtaveci dhe kështu me kapsolla ngjyrë Rilindje dëbofshi qeverinë deri në qershor, kur edhe qielli i Kukësit do të marrë atë ngjyrë, si krejt Shqipëria”, shkroi Rama në Twitter. Me të njëjten monedhë, iu përgjigj Rama, avokatit të njohur.

Pritet të kundërpërgjigjet avokat Ngjela.

Rama dhe Ngjela njihen si miq historik, bile mbetet proverbiale koha kur në vitin 1991, të dy themeluan partinë kristian-myslimane. Dhe kur një ambasadë e huaj shumë e rëndësishme, u kërkoi të çonin një përfaqësues zyrtar në takim me një zyrtar të lartë që kishte ardhur nga larg, të dy, vendosën të çonin një berber që ishte ish-përndjekur politik. Dhe historia e kësaj ndodhie pushtoi Tiranën atë mot.