Aktualitet

Pas protestës së mëngjesit përpara Bashkisë, banorët e Astirit janë ngritur sërish mbëmjen e sotme, pas deklaratës së kryebashkiakut Erion Veliaj, i cili i ka quajtuar ata shpellarë.

Pasi dogjën koshat e plehrave si përgjigje ndaj Veliajt, ata i kanë vënë flakën edhe flamurit të Rilindjes.

Prej 11 ditësh banorët e zonës së “Astirit” protestojnë kundër urdhërit të shembjes së banesave të tyre, në kuandër të projektit “Unaza e Madhe”. Në mbështetje të banorëve kanë shkuar edhe deputetët opozitarë Albana Vokshi, Klevis Balliu dhe Gent Strazimiri

Dita e nesërme do të sjellë ndryshime të mëdha në jetën tuaj. Për të mësuar më shumë se çfarë surprizash ju presin, atëherë lexoni se çfarë kanë parashikuar astrologët për ju.

Horoskopi i ditës së mërkurë, 14 Nëntor:

Dashi-Parashikohet një ditë mjaft interesante nga pikëpamja sentimentale, ku nuk do të mungojnë takimet e reja. Përfshirja në eksperienca të reja profesionale, do të jetë mjaft e rëndësishme për të rigjetur sigurinë në vete dhe kapacitetet tuaja.

Demi-Do t’iu duhet të përshtateni me ndryshime të ndjeshme në rutinën tuaj, të cilat do të rezultojnë më të frytshme nga sa mendoni, sidomos nëse jeni duke nisur projekte të reja. Kjo e mërkurë do të sjellë rezultate të mëdha. Rikthimi i pasionit është mjaft i mundshëm.

Binjakët-Takime dhe angazhime të ndryshme janë mjaft të favorshme dhe kjo gjë do ju vjedhë shumë kohë, por mos u dekurajoni. Kjo është një fazë me luhatje emocional, ndaj shmangni marrjen e vendimeve të rëndësishme brenda fundit të muajit. Kjo e mërkurë parashikohet të jetë relaksuese, pasi do ju lejojë që të keni më shumë kohë për veten.

Gaforrja-Në vendin e punës nuk duhet të tregoheni negativ, pasi ka disa të reja të papritura të cilat do jenë mjaft të dobishme për arritjen e qëllimeve tuaj. Nëse keni pësuar një zhgënjim në dashuri, ky është momenti ideal për të rikuperuar.

Luani-Mos u tregoni shumë impulsiv dhe të nxituar në marrjen e vendimeve të caktuara lidhur me ndjenjat, pasi shpesh nga frika se mos zhgënjeni, rrezikoni që të shkoni kundër impulseve tuaja. Nëse keni diskutuar me një person të shtrenjtë në jetën tuaj, ky është momenti për të rikuperuar.

Virgjëresha-Duhet të jeni vetja juaj, sidomos në dashuri, ndaj mos ndryshoni vetëm për të kënaqur të tjerët. Intuita juaj e shkëlqyer do të vlerësohet pa masë në vendin e punës. Kjo është një periudhë mjaft interesante dhe e mbushur me të reja të cilat duhet ti vlerësoni, lidhur me karrierën tuaj.

Peshorja-Disa ndryshime që kanë ndodhur javëve të fundit ju kanë bërë konfuz dhe të paqëndrueshëm, por kjo gjë nuk duhet të ndikojë negativisht në jetën tuaj në çift. Puna ecën mirë, por duhet të jeni të gatshëm që të merrni përsipër përgjegjësi të reja, për tu siguruar se projektet tuaja do të realizohen në kohë.

Akrepi-Këshillohet që të jeni më të vendosur dhe profesional. Shmangni humbjen e kohës me diskutime aspak produktive, pasi rrezikojnë që t’iu bllokojnë.

Shigjetari-Mund të merrni një ofertë mjaft tunduese, lidhur me vendin e punës, gjë që do ju lejojë që të zgjidhni disa probleme ekonomike dhe financiare që keni pasur në të kaluarën. Megjithatë ka disa sakrifica të cilat duhet ti merrni në konsideratë, sidomos në dashuri. Këshillohet që të mos jeni shumë impulsiv.

Bricjapi-Jini të qetë lidhur me karrierën tuaj aktuale, pasi lodhja e akumuluar mund t’iu ngadalësojë. Në dashuri nuk duhet të jeni të ndrojtur, pasi takimet janë mjaft të favorshme.

Ujori-Ka disa mundësi premtuese për gjithë ata që kanë dëshirë të rikthehen në lojë dhe të rifitojnë siguri. Së fundmi keni qenë shumë dembelë dhe të shkëputur dhe për këtë arsye duhet të përvishni mëngët. Horoskopi i kësaj dite sjell mundësi të mira, për të mbyllur një çështje që keni nisur prej kohësh.

Peshqit-Jeni shumë kokëfortë, sidomos në dashuri, por disa keqkuptime duhen trajtuar me kujdesin maksimal. Pasi në të kundërt rrezikoni që të ushqeni tensione të rrezikshme për stabilitetin e raportit tuaj.

Për herë të parë Ministri i Jashtëm Ditmir Bushati ka komentuar hartën e mundshme të marrëveshjes detare mes Shqipërisë dhe Greqisë.

I ftuar në emisionin “Real Story” të gazetarit Sokol Balla, Bushati ka nënvizuar se palët janë ende në negociata, por ka treguar pjesën e detit për të cilën po zhvillohen ato.

“Marrëveshja e Detit është një çështje që është në diskutim jemi në proces negocimi të një pakete të plotë, që do të mbyllnin njëherë e përgjithmonë këtë çështje”, tha ministri.

Bushati është ndalur dhe tek akuzat e opozitës për shitje të detit apo dhe ato të dhënies së drejtës Greqisë të shtrihet në 12 milje.

“Në marrëveshjen e vitit 2009, e cila ishte një marrëveshje fantazmë, nuk është përdorur vija e drejtë por vetëm vija e mesme, një veprim që në pozicionin gjeografik që ka Greqia dhe Shqipëria është e pamundur. Në pikën 139 tregon se arrin mundësinë e detit të brendshëm në parim me ekuidistancën. Parimi është se vija që kufizon palët duhet të jetë e baraslarguar. Teknikisht jemi në lemin e 2009, nëse 2400 km2 merren nga ne ose nga Greqia i bie të përfundojmë në shpiat e njëri tjetrit.”, u shpreh Bushati.

Duke qëndruar tek fqinji ynë jugor shefi i diplomacisë ka komentuar dhe atë qe ka ndodhur në Bularat. Bushati nuk e ka fshehur se Tirana priste një reagim edhe më të qartë nga Athina.

“Qeveria greke është treguar e matur, por ne kemi pritur një distancim më të qartë në lidhje me shfaqjet ekstremiste që ndodhen në ceremoninë e varrimit në Bularat. Nga Greqia nuk ka një zë të vetëm të distancuar nga kjo ngjarje në asnjë media greke, ndërsa media jonë ka qenë më e qartë në raportime, ka pasur raportim për qëndrimet e vendi tonë por dhe nga Greqia. Me duhet te theksoj se ende nuk është mbyllur përfundimisht lista e personave qe iu është ndaluar hyrja ne vendin tone. Ngjarjes se Bularatit nuk i duhet dhënë një sfond etnik, ne kemi pasur sinjalizime për tensione atë ditë. Ndërkohë atë ditë atje ka pasur dhe dy deputetë të Kuvendit të Shqipërisë, të cilët nuk kanë një qëndrim të distancuar në lidhje me këtë ngjarje, fjala është për 2 Vangjelët.”, tha ministri i Jashtëm

I pyetur lidhur me dekretin e Sandër Lleshaj Bushati u shpreh se ngërcç do të zgjidhet pasi janë ezauruar të gjitha hapat kushtetuese.

Pas një moti të ngrohtë, mbërrijnë së fundi edhe ditët e ftohta. Ditët në vijim do të mbeten të kthjellëta, por me temperatura që shënojnë ulje deri në -6 gradë në zonat malore. E diela do të rikthejë reshjet e shiut, si dhe dëborën në zonat malore.

Parashikimi i Meteoalb

Ditet vijuese mbeten në ndikimin e masave ajrore të qëndrueshme kontinentale duke diktuar mot të kthjellët por të ftohtë në të gjithë vendin. Edhe fundjava parashikohet e kthjellët POR e ftohtë. Dita e diel sjell reshje të dobëta shiu si edhe dëbore në zonat malore.

Temperaturat e ajrit sërish do të pësojnë rënie në orët e mëngjesit dhe të mesditës duke bërë që minimumi të ulet deri në -6 gradë °C në zonat malore dhe maksimalja të arrijë deri në 18 °C. Në zonat e ulëta dhe bregdetare.

Ditët më të ftohta të javës: E premtja dhe E shtuna.

Yjet janë vendosur në pozicionin e hënës dhe çdo gjë që ju ëndërroni do ju realizohet.

Horoskopi për ditën e martë, 13 nëntor:

Dashi-Mundohuni të ulni “shpatat”, pasi disa përgjigje të papritura do ju lejojnë që të zgjidhni çdo keqkuptim. Kjo e martë do të rikthejë një dëshirë të fortë, dhe do të rrëmbeheni nga impulse të papritura.

Demi-Duhet të merrni disa vendime tejet të komplikuara dhe të dhimbshme, të cilat do të jenë mjaft të arrira për një projekt të ri. Gjatë kësaj jave shpenzimet janë mjaft të favorshme, por duhet të jeni të kujdesshëm lidhur me marrëveshjet që synoni.

Binjakët-Në dashuri nuk duhet të jeni shumë cinik, pasi ky është një moment interesant për gjithë ata që kanë dëshirë që të zbulojnë disa emocione të lëna mënjanë prej kohësh. Në vendin e punës do të ndiheni me fat dhe të pavarur, ku rezultatet e mira janë fare pranë.

Gaforrja-Do të jeni të kënaqur me disa konfirmime që do të merrni, aq sa do të nisni të planifikoni projekte të reja. Do të rigjeni qetësinë si në sferën private edhe profesionale. Arratisje të vogla romantike, janë mjaft të favorshme.

Luani-Do të merrni komandën lidhur me një projekt të ri, i cili do të rezultojë shumë më i komplikuar nga sa mendoni. Duhet të jeni të kujdesshëm me mënyrën me të cilën shpreheni, pasi një keqkuptim i vogël, do ju kushtojë shumë.

Virgjëresha-Parashikohet një ditë paqësore, e cila do ju lejojë që të planifikoni me detaje, të gjithë projektet tuaja. Në vendin e punës duhet të jeni shuam të kujdesshëm, sidomos nëse ka projekte të cilat nuk ju bindin plotësisht.

Peshorja-Do të jeni të pavendosur dhe gjithçka për shkak se jeni vendosur përballa një dileme, e cila nga njëra anë mundëson realizimin e një ëndrre dhe nga ana tjetër një sakrificë të madhe. Mos u tregoni të nxituar dhe kërkoni këshillën e personave që ju njohin dhe ju duan.

Akrepi-Parashikohet një ditë e tensionuar, sidomos nga pikëpamja sentimentale, por nuk duhet të dekurajoheni. Të gjitha nyjat do të zgjidhen njëra pas tjetrës. Nëse do të shfaqeni të komunikueshëm dhe diplomatë, do të arrini të zgjidhni me sukses çdo pakënaqësi. Në vendin e punës parashikohen zhvillime të reja të rëndësishme.

Shigjetari-Mund të merrni një propozim të papritur i cili do ju bëjë tejet euforik. Nëse keni pasur tensione në familje, ky është momenti më i mirë për të kërkuar një ballafaqim. Pozitiviteti, karizma dhe fati do të jenë aleatët tuaj në çështjet profesionale.

Bricjapi-Parashikohen mundësi të mira për të parë përreth dhe për të kërkuar mundësi të reja, për të nxjerrë në pah kapacitetin tuaj. Një rol i ri do ju bëjë më autoritar.

Ujori-Më në fund do të arrini që të mbyllni një negociatë e cila ecën përpara prej shumë kohësh dhe që ju ka shqetësuar pa masë. Mos harroni të merrni më shumë kohë për të pushuar. Do të jeni më shumë të hapur dhe të gatshëm në dashuri, ku do të ndiheni më të qetë.

Peshqit-Merrni një periudhë pushim për të reflektuar lidhur me aktivitetet që po çoni përpara. Nëse hasni në disa të papritura mos u dekurajoni, pasi intuita juaj do të jetë e domosdoshme për të zgjidhur çdo problem. Horoskopi i kësaj të marte, ju fton që të mos jeni shumë kokëfortë në raportet familjare.

Nga 1 janari 2019-të qytetarët do të punojnë në Gjermani pa pasaportë të BE-së, por vetëm më…

Qytetarët e Shqipërisë, Kosovës, Maqedonisë, Kosovës, Serbisë dhe Bosnje Hercegovinës nga 1 janari 2019 do të munden të punojnë legalisht në Gjermani vetëm me dokumente të shteteve të tyre, respektivisht pa pasur pasaportë të BE-së

“Miratimi paraprak nga Zyra e Punësimit nuk është më i nevojshëm”, sqaron për “Deutsche Welle-n”, Sascha Andreas Kienzle nga Ministria e Punëve të Jashtme të Gjermanisë. “Tani mjafton që kandidati të paraqesë në Ambasadën e Gjermanisë të gjitha dokumentet e nevojshme, duke përfshirë edhe vërtetimin nga punëdhënësi”, përcjell albinfo.ch.

Pasi të jenë dorëzuar dokumentet në konsullatë, kontrollohen nga autoritetet përkatëse në Gjermani. “Nëse plotësohen të gjitha kushtet, atëherë jepet viza”, thotë Kienzle më tej.

Çështja Kaçifas ka mbërritur deri në Parlamentin Europian.

Me propozimin e pjesëtarit të Parlamentit Europian, Notis Marias të mbështetur edhe nga kryeministrit Edi Rama, u kërkua që kjo çështje të përfshihej në axhendë të ditës.

Por ky propozim ka rezultuar i dështuar, pasi 278 deputetë kanë votuar kundër dhe vetëm 48 pro.

Pala greke arsyetonte se ky rast kishte të bënte me rastin e shkeljes së të drejtave të minoritetit grek në Shqipëri, por parlamentarët europianë e kanë parë të pavend të zhvillohet një debat i tillë, duke mos lënë aspak vend për debat.

Edhe gjatë javës së ardhshme, moti në vendin tonë do të vijojë të jetë i ngrohtë dhe i kthjellët. Meteorologët bëjnë me dije se dhe përgjatë javës së ardhshme, temperaturat maksimale pritet të shkojnë në 25 gradë celsius.

Sipas parashikimit të meteorologëve, pothuaj i gjithë muaji do të karakterizohet nga mot me kthjellime. Parashikohet që muaji nëntor të mbyllet i thatë e pas tij, menjëherë të nisin shirat dhe bora.

Kështu, sipas Meteoalb, edhe dita e parë e javës do të karakterizohet nga mot me kthjellime. Masat ajrore të qëndrueshme atmosferike do të sjellin mot të kthjellët dhe vranësira të lehta në të gjithë territorin. Vranësira më të shpeshta do të ketë në pjesën e dytë të ditës, në zonat veriore dhe pjesërisht në zonat qëndrore, ndërsa mbrëmja parashikohet të jetë me mot kryesisht të kthjellët dhe vranësira të lehta.

Temperaturat e ajrit do të rriten lehtë në orët e para të ditës deri në mesditë duke bërë që vlerat ekstremale të variojnë nga 5 në 25 gradë celcius. Era do të fryjë mesatare me një shpëjtësi 30 km në orë në drejtimin kryesisht veriperëndimor dhe kjo do të bëjë që në brigjet e Adriatikut dhe Jonit të gjenerojë dallgëzimi 2 ballë.