Aktualitet

Gruaja e ish-ministrit të Brendshëm Saimir Tahiri ka reaguar sot në lidhje me akuzat që i janë bërë bashkëshortit të saj.

Në një postim në Fatlinda, kërkon ndihmën e përkrahësve për të shpërndarë një video shpjeguese për akuzat që i janë bërë Saimir Tahiri dokumentit nga gjykata italiane që është i pafajshëm.

“Të lutem shpërndaje. Gënjeshtra ka bërë gjysmën e rrugës rreth botës, ndërkohë që e vërteta është duke veshur këpucët, por kur i ka veshur ato, s’do ndalë më kurrë”.

“Fiks Fare” denoncoi mbrëmjen e së enjtes sesi një emigrant shqiptar në Itali është dënuar nga drejtësia shqiptare për vjedhje të energjisë elektrike, pa qenë fare në Shqipëri gjatë kohës kur është konstatuar lidhja e paligjshme e energjisë elektrike.

Iqmet Bala denoncoi në emisionin investigativ se, vjedhja e energjisë elektrike është kryer në vitin 2014, ndërkohë që ai nuk ka qenë në Shqipëri që prej vitit 2011, por prokuroria dhe gjykata e kanë dënuar me 1 muaj burg dhe 2.2 milionë lekë të reja gjobë.

Qytetari është vënë në dijeni të rastit vetëm pak javë më parë, kur ka ardhur në Shqipëri për një dasmë, por që ditët e qëndrimit në atdhe i ka kaluar në burg.

Ai tregon se, prej shumë vitesh jeton në Itali, madje ka edhe pasaportë italiane. Në muajin shtator, ai ka ardhur në Shqipëri, pasi një miku i tij e ka ftuar për një dasmë. Por, sapo ka shkelur në Durrës, policia e ka arrestuar, pasi ai rezultonte person në kërkim, sepse është dënuar në mungesë me një muaj burg për vjedhje të energjisë elektrike.

Sipas dosjes penale, Bala thuhet se ka vjedhur energji elektrike në vitin 2014, por ai nuk ka qenë në Shqipëri atë vit. Këtë e vërteton edhe nga një shkresë e policisë, që ka verifikuar në sistemin TIMS hyrje-daljet e Iqmet Balës. Madje, sipas tij, ai nuk ka as ndonjë kontratë me OSHEE-në, pasi shtëpinë që ka pasur në Fushë Krujë e ka shitur që në vitin 1998. Ndërkohë ai thotë se kontrata për të cilën është dënuar, rezulton se nuk është në emër të tij, por në emër të personit që ka blerë shtëpinë e tij.

Pas ankesës së qytetarit, “Fiks Fare” siguroi dosjen penale ndaj Iqmet Balës, ku vihet re se kallëzimi është bërë nga OSHEE më 31 mars të vitit 2014, pasi prej saj ishte konstatuar rilidhje e paligjshme e energjisë elektrike. OSHEE-ja bëri denoncimin në prokurori dhe u dorëzoi oficerëve të policisë gjyqësore provat e rilidhjes së energjisë elektrike, kopje të procesverbalit, si dhe numrin e kontratës së dritave, që mbante emrin e abonentit Bala.

Pas kësaj, organi hetimor nuk ka kryer asnjë veprim, madje as nuk verifikuar se kush banonte në shtëpinë ku ishte bërë rilidhja e paligjshme e energjisë elektrike.

Sipas dosjes penale, ai thuhet se ka vjedhur energji elektrike në vitin 2014, por pretendon se që nga viti 2011 e deri ditën që është arrestuar në Durrës, ai nuk ka qenë në Shqipëri. Këtë e vërteton edhe nga një shkresë e policisë që ka verifikuar në sistemin TIMS hyrje-daljet e Iqmet Balës.

Për këtë arsye, “Fiks Fare” pyeti edhe në Prokurorinë e Krujës, nëse ka hetuar mbi kallëzimin e kryer nga OSHEE-ja, apo ai është dërguar i mirëqenë në Gjykatën e Krujës, ku Iqmet Bala është dënuar padrejtësisht për vjedhje energjie elektrike.

Prokurori Bujar Çiçi deklaroi se në atë kohë janë kryer hetimet, i është kërkuar policisë informacion mbi vendndodhjen e Iqmet Balës. Sipas tij, policia ka sjellë informacion se ai nuk ndodhet në Shqipëri, por nuk ka kontrolluar në sistemin TIMS për të verifikuar se ai nuk ka qenë në Shqipëri, në momentin e kryerjes së veprës penale. Ai tha se prokuroria e ka kërkuar këtë informacion, por gjykata nuk e ka kërkuar një gjë të tillë nga policia.

Pra, edhe pse rezulton se ai nuk ndodhej në Shqipëri në momentin e kryerjes së veprës penale, ky verifikim nuk është kryer as nga policia, as nga prokuroria dhe as nga gjykata. Mosthellimi i organeve kompetente në hetime i kushtoi Iqmet Balës 11 ditë burg.

Pas arrestimit, Iqmet Bala u detyrua të kërkojë rivendosje në afat për të apeluar dënimin e dhënë në atë kohë. Më 26 shtator, Gjykata e Krujës pranoi kërkesën e të dënuarit gabimisht dhe e liroi atë. Pas lirimit nga burgu, Iqmet Bala tha se do e ndjekë rastin hap pas hapi dhe do të kërkojë dëmshpërblim për gafat e kryera që nga OSHEE-ja, prokuroria dhe gjykata./Top Channel

Arjani është babai i 2 vajzave të vogla të cilat prej disa kohësh nuk po i takon dot. Historia e rrallë vjen në emisionin “Me zemër të hapur” në Neës24. Arjani jeton në qytetin e Kuçovës dhe për të siguruar jetesën punon me pastrimin e rrugëve gjatë natës. Me bashkëshorten thotë se janë njohur me mblesëri, por e dashuron ende. Në korrik të këtij viti pas shumë debatesh të cilave ai nuk u jep dot një shpjegim, nusja u largua, kishte zënka me prindërit dhe vëllain e tij, por ai nuk iu ka dhënë dot një zgjidhje për shkak edhe të punës që e mban në një pjesë të madhe të kohës larg shtëpisë.

Pas debatit të ashpër të ndodhur gjatë natës, e shoqja vendosi të largohej së bashku me 2 vajzat e vogla. Që nga ajo ditë ajo po jeton tek xhaxhai i saj dhe ka dorëzuar në gjykatë edhe një padi për divorc. Teksa shkoi të sqarohej me të Arjani thotë se ajo e denoncoi dhe kërkoi urdhër mbrojtje. Që nga korriku e deri tani janë parë vetëm në 2 seancat në gjykatë. Bashkëshortja kërkon ndarjen pasi ai është përherë në punë dhe nuk plotëson më kushtet për të qenë burri i saj.

“U njohëm me lajmësi me gruan. Unë jam tip i qetë, shikoj punën time. Në shtëpi nuk kemi pasur probleme, as sherre. Unë kam punuar gjithmonë me pastrimin. Ne kemi 6 vite bashkë. Jetonim me prindërit, vëllain. Nusja më thoshte se kishte disa shqetësime nga vëllai. Faji im ishte që nuk dolëm në shtëpi veç”, tha burri. Ai nuk ka pranuar të deklarojë se cili ka qenë problemi mes gruas së tij dhe vëllait por nga informacionet në emision, u kuptua se mes tyre ka pasur një incident shumë të rëndë që ka qenë një arsye për largimin e bashkëshortes së Arjanit nga shtëpia. Pas daljes në emision, ai tha se ndihet i kërcënuar dhe se kishte frikë të kthehej në shtëpi, ndërsa moderatorja Evis Ahmeti i ka bërë thirrje ‘live’ policisë së Beratit ta shikojë këtë denoncim. Nga ana tjetër Arjani ka kërkuar nga bashkëshortja që të kthehet pranë tij.

Pesë ditë pas ngjarjes me Konstandinos Kacifas, një zyrtar i policisë greke do të vijë në Shqipëri për t’u njohur me rrugë zyrtare me gjithçka rreth ngjarjes dhe hetimeve të deritanishme. Lajmin e ka dhënë “Protothema” e cila duke iu referuar burimeve zyrtare njofton për këtë vizitë të oficerit grek.

“Ne do të punojmë me policinë shqiptare, në mënyrë për të marrë të gjitha informatat në lidhje me hetimin rreth rrethanave të vdekjes së Kacifas”, thone burimet.

Oficeri do të jetë në vendin e ngjarjes, në Bularat. Sipas Ministrisë së Mbrojtjes së Qytetarëve, zyrtari i policisë do të udhëtojë në vendin fqinj “siç është rënë dakord në kontekstin e bashkëpunimit dypalësh”.

Në të njëjtin komunikim “oficer grek do të punojë me policinë shqiptare për të marrë të gjitha informatat në dispozicion në lidhje me hetimin e deritanishëm”. Ndërkohë familja ka refuzuar autopsi të re, pasi sipas saj, kjo tashmë nuk ka më kuptim.

Jo të gjitha letrat që i dërgohen ekspertes Deidre janë për histori dashurie. Një djalë është tepër i shqetësuar për gjendjen shëndetësore të motrës së tij dhe është shumë i frikësuar se mund ta humbë atë. Për këtë arsye, ai kërkon një këshillë për të menaxhuar këtë situatë të vështirë.

Letra
Jam shumë i frikësuar se mund të humb motrën time për shkak të kancerit. Ajo është 29 vjeçe dhe unë jam vëllai i saj i madh, 33 vjeç.

Ne kemi qenë gjithmonë shumë pranë njëri-tjetrit. Ajo shkoi në spital për operacionin e gjirit, por është në fazë të avancuar dhe pamja nuk është aspak e mirë.

Të gjithë në familje u përlotën, përveç meje. Unë duhet të jem mbështetje për çdo njeri që qan. Unë dua që ajo të jetë këtu e të shohë vajzën time të rritet dhe ta dojë hallën ashtu siç unë e dua.

Deidre
Ne të gjithë kemi nevojë që të përlotemi ndonjëherë. Kjo mund të na çlirojë dhe të na bëjë më të fortë. Në këto momente, ti ke nevojë për mbështetje dhe mirëkuptim. Nëse e ke të vështirë ta pranosh, mendoje si dicka të domosdoshme që duhet bërë pasi je shtylla kryesore për të tjerët.

Njihuni me parashikimin e yjeve, çfarë ju pret këtë fundjave?

Dashi
Karriera do t’ju shkojë mirë. Do t’ju tregoni njerëzve të rëndësishëm aftësinë tuaj për të përballuar projekte të mëdha, dhe jeni gati për një pozicion më të lartë. Nëse punoni fort, keni gjasa për një ngritje në pozicion.

Demi
Do të jetë një ditë e jashtëzakonshme për vlerësimin profesional. Do të shfaqni aftësitë tuaja më të mira. Nëse jeni të vetëpunësuar, mund të merrni një promovim. Gjithçka do të jetë fantastike.

Binjakët
Nëse ndjeni se nuk keni romancë në jetën tuaj, dita do të jetë hyjnore. Nëse jeni beqar/beqare dhe jeni në kërkim të njeriut të duhur, sot do t’ju jepet mundësia për të takuar një njeri interesant.

Gaforrja
Në qoftë se keni shqetësime, nuk do të gjeni rehat derisa çdo gjë të rregullohet. Sot nuk ka mundësi që gjërat të shkojnë keq pasi yjet do ju favorizojnë veçanërisht në sektorin e punës.

Luani
Në qoftë se dëshironi të ndërtoni një marrëdhënie të re shoqërore, shanset janë që gjërat të mos shkojnë sipas planit. Megjithatë në punë do të vlerësoheni në maksimum falë aftësive tuaja.

Virgjëresha
Mund të ndërmerrni një udhëtim të largët që do ju japë ide të reja rreth karrierës tuaj. Ndjeni nevojën për të pushuar në një vend të qetë. Zgjidhni një vend pranë një liqeni ose pranë detit dhe do të kënaqeni pafund.

Peshorja
Keni kaluar shumë sfida ditët e fundit, megjithatë, jeta ka uljet dhe ngritjet e saj. Universi mund të korrigjojë gabimet e së shkuarës dhe frustrimet që ju kanë penguar deri tani, do të zhduken.

Akrepi
Është momenti që të reflektoni për jetën tuaj të tanishme dhe çfarë do të doni të arrini në të ardhmen. Mendoni për gjërat specifike që mund t’ju bëjnë të lumtur. Mos e humbni këtë mundësi, sepse e nesërmja do të jetë thelbësor për arritjen e tyre.
Shigjetari
Nëse keni menduar të bashkoheni në një grup vullnetarësh, është koha ta bëni pasi do të keni përfitime, të cilat nuk i prisnit. Do të shijoni kohën me miqtë, të cilët ndajnë të njëjtat interesa me ju.

Bricjapi
Duhet të kërkoni dhe shfrytëzoni mundësitë e reja që ju ofron aspekti planetar. Në këtë ditë mund të bëni një prezantim ose një intervistë për një hap të rëndësishëm në karrierë. Mund të merrni lajme të mira si blerja e një shtëpie.

Ujori
Nëse do t’ju duhet të udhëtoni për biznes, merreni me vete partnerin tuaj sepse kjo ditë do t’ju lejojë të kombinoni lehtësisht punën me kënaqësinë. Bëhuni gati për duartrokitje, publicitet dhe një ofertë të mundshme në punë.

Peshqit
Një rritje page parashikohet për të lindurit në këtë shenjë. Duhet të veproni me zgjuarsi, sepse njerëz xhelozë mund të përpiqen t’ju pengojë. Në dashuri kërkoni më shumë impuls, por ai mungon.

Ndërsa vijojnë hetimet për ngjarjen e ndodhur në zonën e ish Bllokut në Tiranë, një tjetër emër i është shtuar personave të kërkuar për këtë dosje. Mësohet se personi tjetër i shpallur në kërkim pasi prokurorët Kreshnik Ajazi e Artan Lulo, kanë firmosur urdhër ndalimin, është Ajaks Boshnjaku. Ai dyshohet si i përfshirë në ngjarjen e rëndë, ndërsa është mik me Ervin Matën, partnerin e këngëtares Elvana Gjata, edhe kjo e fundit e shpallur në kërkim policor. Nga hetimet rezulton se ai ka qenë i pranishëm në lokal në momentin kur komandoja Meviol Bilo iu kundërpërgjigj sulmit me armë nga Fabian Gaxha, duke lënë të vrarë këtë të fundit dhe duke plagosur Ervis Martinajn e Elio (Esmerald) Hato.

Po ashtu, vijojnë të jenë ende të paidentifikuar edhe dy persona të tjerë, të pranishëm në lokalin ku ndodhi ngjarja. Lidhur me ngjarjen i arrestuari Ervis Martinaj po mbahet nën arrest me afat 30 ditor, ndërsa ndaj pronarit të lokalit ku ndodhi ngjarja, Redi Popesku, është dhënë masa e sigurisë “arrest shtëpie”, pasi dyshohet për kryerjen e veprimeve që pengojnë zbardhjen e së vërtetës. Në qeli janë lënë Elion Hato dhe Geldo Hoti, pasi akuzohen për vrasjen e dy ose më shumë personave. Në kërkim së bashku me Matën janë edhe dy të dyshuarit e tjerë, komando Meviol Bilo e Fabio Allushi.