Në ditën e 11 të protestës së tyre, studentët janë shfaqur në protestën e radhës përpara Kryeministrisë, njësoj të vendosur si ditën e parë. Ata vazhdojnë që t’i qëndrojnë fort kauzës së tyre dhe kërkojnë me këmbëngulje, që 8 kërkesat e tyre bazike të plotësohen nga qeveria, pa asnjë kusht.
Një nga studentët ka deklaruar pasi ka marrë fjalën me megafon, se 8 kërkesat janë të panegociueshme dhe se ata kanë të njëjtin standard si BE me qeverinë shqiptare; Plotëso kërkesat dhe pastaj hapen negociatat.
“Zoti kryeministër, ata 8 kërkesa janë si oksigjeni për ne. Në qoftë se nuk plotësohen atëherë nuk ka jetë. Po si nuk të vjen turp që thua eja dialogojmë, mos na di për idiotë, kujton se mund të na mashtrosh. Nuk ka dialog pa u plotësuar ato 8 kërkesa. Bashkimi Europian ju ka vendosur disa kushte, dhe ju ka thënë se plotësoni kushtet që të hapen negociatat. Edhe ne ju themi të njëjtën gjë, plotësoni 8 kërkesat dhe pastaj dialogojmë”, ka deklaruar studenti.
Tirana po përgatitet për natën më të gjatë të vitit, atë të ndërrimit të viteve dhe atmosfera festive ndjehet kudo në kryeqytetin shqiptar.
Shtëpizat e “Fshatit të Festave” të vendosura në sheshin “Skënderbej” janë kthyer një hapësirë festive ku qytetarët mund të kalojnë kohën dhe të argëtohen jo vetëm gjatë ditës, por veçanërisht gjatë orëve të mbrëmjes. Këtë vit, zbukurimi i Tiranës ka nisur herët, që në ditët e para të muajit nëntor, traditë e ndjekur në shumë kryeqytete të botës.
Gazeta italiane “Corriere della Sera” e ka cilësuar Tiranën si një nga qytetet më të reja, me alternativa dhe kosto të ulët, në Europën e re. Tirana është renditur si destinacioni më i mirë për turistët italianë për festat e fundvitit. Ja disa nga fotot nga Tirana të realizuara nga qytetarë dhe fotografi Gent Onuzi.
Një komunitet finlandez prej disa dhjetëra personash është vendosur vitet e fundit në Sarandë, përmes blerjes së apartamenteve apo vilave në qytetin bregdetar. Liliana Verdha, Konsulle e Përgjithshme Nderi e Shqipërisë në Finlandë, thotë se një pjesë e tyre kanë ikur nga Spanja për të ardhur dhe për të jetuar në Shqipëri. Spanja është e tejmbushur me finlandezë, ka fshatra të tërë me pensionistë, por tashmë një pjesë e tyre po zhvendosen në Shqipëri, për shkak të mjedisit dhe detit, por edhe se kushtet ekonomike janë më të favorshme për finlandezët. Nuk janë vetëm pensionistë, ka dhe shkrimtarë në profesion të lirë, që janë vendosur në Sarandë dhe kanë bërë edhe libra, duke e përmendur Shqipërinë. Liliana thotë se disa prej tyre i ka takuar dhe i ka falënderuar personalisht për promovimin që i bëjnë vendit tonë, pasi “është ndryshe kur flasim ne për Shqipërinë, ndryshe kur flet vetë një finlandez, pasi është një promovim origjinal”.
Liliana Verdha, Konsulle e Përgjithshme Nderi e Shqipërisë
Znj. Verdha është e bindur se nëse ka një fushë ku Shqipëria dhe Finlanda kanë potenciale, ai është turizmi. Këtë vit është vendosur lidhje direkte mes dy vendeve, përmes agjencisë turistike Apollo. Ka pasur dy udhëtime në maj-qershor dhe dy në gusht-shtator. Këto ishin më shumë si udhëtime prove, por ecuria pritet të jetë pozitive në të ardhmen.
Lili, e cila prej gati 30 vitesh jeton në Finlandë dhe që prej 15 vitesh është edhe Konsulle Nderi, veç promovimit të vazhdueshëm të Shqipërisë, për disa vite ka financuar vetë Pavijonin shqiptar në Panairet turistike të Finlandës. Ajo thekson se marrëdhëniet e biznesit mes të dy vendeve, Shqipërisë dhe Finlandës, nuk kanë qenë në nivele shumë të larta. Interes sipërmarrjet finlandeze kanë pasur për të investuar në hidrocentrale, por nuk ka pasur konkretizime. Fortum, një konglomerat i energjisë elektrike, ka qenë në bisedime për të ndërtuar një hidrocentral, por nuk ka pasur finalizim me Ministrinë e Energjisë dhe Industrisë. Dilema tjetër është dhe ndikimi që hidrocentralet mund të kenë në dëmtimin e mjedisit.
Me potencial znj. Verdha shikon eksportin drejt Finlandës të produkteve bujqësore, sidomos të verërave. – “Finlanda merr sot prodhime bujqësore nga
Afrika e Jugut, nga një distancë shumë më e madhe. Pse të mos i marrë dhe nga Shqipëria?!”. Po ashtu, midis Shqipërisë dhe Finlandës nuk shkëmbehen studentë, sepse nuk ka një marrëveshje për shkëmbime në fushën e arsimit dhe kulturës. Kjo, sipas saj, varet dhe nga marrëveshjet shtetërore që lidhen. Deri tani, asnjëra nga palët nuk e ka nënshkruar një marrëveshje të tillë. – “Pse të mos vijnë studentë shqiptarë në Finlandë?!”, – thotë ajo, duke shprehur keqardhjen që nuk ka një marrëveshje mes dy vendeve, e cila do t’u mundësonte studentëve shqiptarë të studiojnë në mënyrë të rregullt, jo siç bëjnë sot kur përpiqen me të gjitha mënyrat, por shpesh nuk është e mundur dhe detyrohen të kthehen mbrapsht. Finlanda, nga ana e saj, është e interesuar të eksportojë sa më shumë produkte të veta, teknologji dhe dije. Në fushën e dijeve, znj. Verdha përmend arsimin, ku Finlanda është e dalluar për metodologjinë e mësimdhënies, duke arritur rezultate të larta dhe në Programin për Vlerësimin e Studentëve Ndërkombëtarë (PISA). Ajo tërheq vëmendjen se përtej përpjekjeve të saj personale, duhet të ketë më shumë organizim nga strukturat shtetërore
Verilindja sot është zbardhur nga bora. Reshjet kanë nisur rreth orës 2.00 pas mesnate. Ndonëse me intensitet të ulët trashësia e borës ka arritur në 10 cm. Të gjitha rrugët nacionale janë të kalueshme dhe pa probleme.
Energjia elektrike nuk ka munguar.
Edhe rruga e kombit është tërësisht e kalueshme ndërsa policia rrugore ka zhvilluar kontrolle për pajisjet dimërore të mjeteve që qarkullojnë në rrugën e Kombit kryesisht ato të transportit të rëndë.
Studentë të Universitetit Ismail Qemali Vlorë kanë vijuar protestën e tyre,të ndalur tashmë para rektoratit.
Thirrje për t’ju bashkuar protestës së tyre edhe studentët e tjerë,ndërsa është përpiluar edhe një kërkesë me pesë pika drejtuar rektorit të universitetit të Vlorës Roland Zisi.
Studentët kanë qëndruar para rektorarit,ndërsa kërkojnë plotësimin e kërkesave të tyre,duke shprehur njëherësh edhe mbështetjen e tyre për studentet në Tiranë.
Të mos penalizohen studentët me mungesa,krijimi i senatit studentor me përfaqësues nga çdo klasë
Të ndalohet diskrimimi i pedagogëve ndaj studentëve që marrin pjesë në protestë
Të bëhet i mundur nga universiteti i Vlorës që pranimi në universitet të jetë për nxënësit mbi mesataren 7 dhe krijimi i ambienteve laboratorike për çdo degë të nevojshme.
Studentët e universitetit Ismail Qemali janë të vendosur të shkojnë deri në fund për protestën e tyre,ndërsa do të vijojnë të protestojnë para universitetit Ismail Qemali të Vlorës.
Ne diskutimin e sotem per projektligjin mbi “ Prokurimin publik”, pervec te tjerave , shpreha mbeshtetjen time mbi protesten e studenteve.
Duke e mbeshtetur plotesisht protesten e studenteve, te cilet prej disa ditesh kerkojne plotesimin e disa kushteve pa dialog, mendoj se kjo vetem studenteve nuk ju sherben.
Shqiperia dhe shoqeria jone ka shume probleme te medha dhe delikate. Ka nje kohe per cdo ndryshim dhe reforme te thelle.
Nese deshirojme kualitet kjo nuk mund te ndodhi ne nje ditenate.
Degjohen te gjitha palet dhe dialogojne te gjitha palet.
Te jemi ne gjendje te kapercejme dallimet, te gjejme gjuhen e perbashket, te ndertojme kuptimin dhe qellimin, dhe se bashku te vendosim drejtimet.
Duhet te jemi ne gjendje te mendojme dhe diskutojme se bashku si ekipe, si komunitete, dhe si qytetare.
Vetem duke dialoguar do te jeni ne gjendje te zbuloni nevojat jetike.
Nje dialog konstruktiv mund te sjelli perfitime te jashtezakoneshme, mund te fitohen perspektiva te reja, te stimuloje nevoja te reja te kreativitetit, dhe te forcoje lidhjen tuaj duke mos mundur t’ju percaje askush.
Kuptoni qe cdo gje arrihet vetem me pune dhe kufij afatgjate nese prezumohet cilesi.
Drejtësia e re shqiptare po merr formë. 12 dhjetori 2018, për ndërkombëtarët në Tiranë është një ditë historike pasi ka përfunduar procesi i ngritjes së Këshillit të Lartë të Prokurorisë dhe Këshillit të Lartë të Gjyqësorit.
SHBA, BE dhe OSBE kanë reaguar me entuziazëm, duke besuar se tashmë sundimi i ligjit në Shqipëri ka hyrë në shinat e duhura.
Për ta, frika më e madhe ishte tek zgjedhja e KLGJ-së, pasi kishin dyshime se procesi mund të sabotohej.
Në fakt procesi nisi me debate nga anëtarë të Këshillit të Lartë të Drejtësisë, të cilët kërkuan të ishin pjesë e votimit, por më pas u larguan me kërkesë të kryetarit të Gjykatës së Lartë, Zaganjori dhe më pas procesi ka vijuar normalisht.
Por kush janë njerëzit që janë zgjedhur në KLGJ dhe në KLP?
339 gjyqtarë, pjesëmarrës në mbledhjen e përgjithshme të gjyqtarëve kanë votuar për 6 anëtarët e rinj të KLGJ. Ata janë: Dritan Hallunaj, Ilir Toska, Brunilda Kadi, Marcela Shehu, Brikena Ukperaj dhe Medi Bici.
Ndërkohë një ditë më parë, nga 305 prokurorë që kanë mbetur në sistem, 295 prej tyre votuan për “qeverinë” e ardhshme që do t’i përfaqësojë.
Fituesit janë Kostaq Beluri, Arben Dollapaj, Bujar Sheshi, Antoneta Sevdari, Gentian Osmani dhe Besnik Cani.
Nëse i besojmë entuziazmit të ndërkombëtarëve, korrupsioni dhe krimi tashmë duhet të dridhen. Pranvera që po vjen mund të jetë një sinjal se drejtësia do jetë ndryshe.
Përmes dëshmive, bisedimeve dhe intervistave brenda në fshatin e Lazaratit, sillet në vëmendje se çfarë ndodhte brenda këtij fshati, gjatë viteve ku ky fshat u pushtua nga mbjellja dhe kultivimi i Hashashit.
Top Story bisedoi me një ish-punëtor në arat e hashashit, i cili në atë kohë vinte që nga larg për të punuar në Lazarat.
“Një familje, të jemi realist për këto gjëra, mbillej shumë pak, nga 2000 deri në 6 mijë – 7 mijë rrënjë. Gjëra të vogla, kuptohet”, -tha ish-punëtori.
Gjatë atyre viteve Lazarati punësonte me mijëra punëtorë nga të gjitha krahinat e Shqipërisë. Ata ishin sezonalë që vinin në fshat që kur mbillej hashashi, e deri sa dilte për shitje.
“Diskutohej që në një shtëpi të kishte të paktën mbi 70 punëtorë. Gra, plaka, të rinj. Fillonte që nga moment i mbjelljes e deri tek vjelja e hashashit. Puna qe shumë intensive natë edhe ditë. Hahej aty, pihej aty, dhe gatuanin të zotët e shtëpisë. Fjetja qe e garantuar, nga punëdhënësit. Flinin në mënyrë praktike si marinarët në ushtri. Dy nga dy tre nga tre në kapanone të mëdha. Fillonte transporti nga ora 4 e mëngjesit dhe nuk kishte fillim e fund ajo punë. 20 furgona venin e 20 vinin. Lekët që fitonin, I hidhnin dhe shpenzonin duke hapur kazino dhe lloto”, -rrëfeu ish-punëtori.
Kjo lloj industrie e paligjshme, gjeneroi të ardhura në fshat dhe e nxori atë nga varfëria e thellë, e trashëguar që nga koha e sistemit komunist.
“Faktikisht fshatarët morën të ardhura, dhe bënë disa punë, dikush bëri shtëpi, dikush me një kat, dikush e bëri me dy kate. Pati edhe një farë qarkullim leku në qytetin e Gjirokastrës për blerje materialesh, por fitimet më të mëdha i kishin bosët, ata që e sollën aty dhe që e drejtonin atë biznes, të cilët nuk ishin nga Lazarati”, rrëfeu Islam Buçi.
