Aktualitet

Opozita e bashkuar: “Shqiptarët nuk kërc.ënohen”

Aktualitet / /

Pas deklaratës së policisë në lidhje me skenarët e ditës së nesërme kur do të zhvillohet dhe protesta e rradhës e opozitës, ka reaguar vetë kjo e fundit.

Sipas saj skenari i dhunës gjendet në zyrën e kryeministrit. Më tej shton se tek protestuesit nuk ka kriminelë e ndërsa koha e kërcënimit të shqiptarëve ka ikur.

DEKLARATA E OPOZITËS SË BASHKUAR

Opozita e Bashkuar dënon më forcë deklaratën e Policisë Politike dhe të Ministrit të fundit të Brendshëm të diktaturës komuniste për nxitjen e dhunës nga opozita në protestën e së enjtes para Kuvendit të Shqipërisë. Nëse ka një skenar dhune apo sulmi ndaj institucioneve, ky skenar gjendet në zyrën e Edi Ramës.

Të tilla thirrje nga Policia Politike e Edi Ramës janë të dala boje. Protesta e 16 Shkurtit provoi se mes protestuesve nuk ka kriminelë.
Opozita e Bashkuar njofton bandën në krye të qeverisë, Kuvendit dhe të Policisë se koha e kërcënimit të shqiptarëve ka ikur!

Edi Rama mund të ndryshojë axhendën e Parlamentit “339”, mund të arratiset vetë nga Tirana, por është i pafuqishëm të ndryshojë axhendën e popullit!
Sovrani do të ushtrojë nesër të drejtat e tij, në orën 10.00 para Parlamentit, i cili nuk duhet të mbetet peng i krimit dhe korrupsionit, por t’u kthehet sa më shpejt Shqipërisë dhe shqiptarëve.

Opozita e bashkuar: “Shqiptarët nuk kërc.ënohen” Read More »

“E bukura e Adriatikut” hap sezonin e kroçerave në Durrës

Aktualitet, Turizem / /

“La Belle de L’Adriatique” mbërriti sot paradite në Durrës, duke hapur sezonin e turistëve me kroçera në qytetin bregdetar.

Anija me 134 turistë francezë në bord mbërriti nga ishulli i Korfuzit, ndërsa mësohet se gjatë fundjavës së kaluar ajo është ankoruar edhe në Sarandë dhe Vlorë.

Turistët e huaj përveç qendrave arkeologjike dhe historike të Durrësit do të vizitojnë sot edhe qytetin e Tiranës.

Kroçera me gjatësi 111 metra dhe me flamur belg do të ankorohet në Durrës edhe shtatë të shtuna radhazi. Ky është viti i tretë i lundrimit të kroçerës “La Belle de L’Adriatique” drejt Durësit.

Sezoni turistik në portin e Durrësit këtë vit ka nisur më shpejt dhe do të zgjasë mbi 9 muaj. Deri tani në APD është njoftuar mbërritja e 25 kroçerave dhe velierave turistike, të cilat do ta vizitojnë portin e Durrësit nga muaji shkurt deri në nëntor të këtij viti./atsh

“E bukura e Adriatikut” hap sezonin e kroçerave në Durrës Read More »

Braçe: Doktori i korruptuar jo vetëm të shkarkohet, por të ndiqet penalisht

Aktualitet / /

Zëvendëskryeministri Erion Braçe reagoi pas transmetimit të një rasti nga një emision televiziv investigativ, ku doktori i merrte 300 mijë lekë të vjetra një qytetari për t’i dhënë Kempin.

Braçe thekson se doktori në fjalë nuk duhet të jetë më në detyrë, madje ka shtuar se kushdo që nuk ka zbatuar detyrën jo vetëm që do të shkarkohet por dhe do të ndiqet penalisht.

‘Ti nuk duhet të jesh më Doktor, zotni Caush! Asnjë minutë më shumë!Kërkova dhe mësova: Doktor Caushi është një mjek që lëshon lejen e drejtimit për në komisionin e Kemp, nuk është anëtar i ndonjë komisioni dhe me ç’duket ose bën sekserin, ose është thjesht mashtrues.

Për ta çuar deri në fund; Sapo i kërkova drejtoreshës në detyrë të Shërbimit Social Shtetëror të verifikojë deri nesër në mesdite, Dosjen e plotë të qytetarit, historikun e statusit të tij, gjendjen aktuale të dosjes në Gramsh, Elbasan e Tiranë”, shprehet Braçe.

Sipas tij, nëse qytetari ka merituar statusin e invaliditetit dhe nuk ja japin, gjithkush që ka përgjegjësi nuk mund të rrijë më në detyrë.

“Nëse ka merituar statusin e invaliditetit dhe i kanë marrë para për t’ia dhënë, të gjithë, nga doktori i Gramshit deri tek i fundit në Elbasan apo Tiranë, do kallëzohet penalisht’, thekson zv.kryeministri Erion Braçe./atsh

Braçe: Doktori i korruptuar jo vetëm të shkarkohet, por të ndiqet penalisht Read More »

Delegacioni i BE në Tiranë: Të papranueshme dëmtimi i pronës dhe dhuna

Aktualitet, Opinione / /

Pas dhunës së shkaktuar në protestën e organizuar nga partitë opozitare, ku është sulmuar godina e Kryeministrisë, Delegacioni i Bashkimit Europian në Tiranë i ka bërë thirrje protestuesve që të tregojnë vetëpërmbajtje, duke theksuar se dëmtimi i pronës publike, si dhe dhuna nuk janë të pranueshme.

“Delegacioni i Bashkimit Europian dhe ambasadat e shteteve anëtare në Tiranë, u bëjnë thirrje të gjitha palëve që të tregojnë vetëpërmbajtje.

E drejta e qytetarëve për të shprehur veten përmes protestës paqësore është një vlerë thelbësore e një demokracie moderne evropiane.

Megjithatë, dëmtimi i pronës publike dhe përdorimi i dhunës janë të papranueshme. Ne i bëjmë thirrje të gjitha palëve të bëjnë çmos për të shmangur dhunën dhe çrregullimin e mëtejshëm”, theksoi Delegacioni i BE në Tiranë.

Delegacioni i BE në Tiranë: Të papranueshme dëmtimi i pronës dhe dhuna Read More »

Mbërrin në Vlorë kroçera e parë me 183 turistë

Aktualitet, Turizem / /

Në portin detar të Vlorës mbërriti për herë të parë për këtë vit kroçera “La Belle De L’Adriatique”.

Sipas portit të Vlorës, 183 turistëve iu është ofruar informacion në lidhje me portin dhe zonat turistike të qytetit.

Pas vizitës në port dhe në qytetin e Vlorës, turistët do vizitojnë Apoloninë e Fierit dhe qytetin e Beratit.

Masat e marra gjatë sezonit të fundit turistik për lehtësimin e lëvizjes dhe ankorimit të mjeteve turistike kanë bërë të mundur që gjatë 2018 numri i jahteve, kroçerave dhe anijeve turistike në vendin tonë të rritet ndjeshëm krahasuar me 2017. /atsh

Mbërrin në Vlorë kroçera e parë me 183 turistë Read More »

Vlora kryeqendër e destinacionit turistik

Aktualitet, Turizem / /

Realizimi i investimeve të rëndësishme në zhvillimin e infrastrukturës, e kanë kthyer Vlorën, perlën e rivierës shqiptare, në destinacionin kryesor turistik të Shqipërisë.

Kryetari i Bashkisë Vlorë, Dritan Leli, u shprh sot në takimin “Për Bashkinë që duam” që po zhvillohet në Vlorë, me pjesëmarrjen e kryeministrit Edi Rama dhe të qytetarëve të shumtë që kanë mbushur qendrën e qytetit, se “vlonjatët kanë treguar që dinë të rrinë në krahun e duhur të historisë dhe sot janë duke treguar se ata duan prosperitetin e Vlorës, të Shqipërisë dhe duan flamurin”.

“4 vite më parë në këtë shesh, askush nuk e besonte që do ta transformonim Vlorën me vepra që vetëm me mbështetjen e qeverisës u bënë realitete. Qendra e re historike e Vlorës, Lungomare, Bulevardi i ri janë investime që kanë bërë Vlorën qytetin modern me standarde, gati për sezonin e ri turisti”, – tha Leli.

“Lungomare sot është investimi historik, krenaria e Vlorës. Çdo qytetar vlonjat qëndron në krah të Rilindjes të vlerave të ndryshimit dhe zhvillimit që po transformon Vlorën dhe të gjithë vendin “- theksoi në fjalën e tij Leli./atsh

Vlora kryeqendër e destinacionit turistik Read More »

Rama: “Shtegu i Mullinjve” në Dhërmi, atraksioni më i ri turistik

Aktualitet, Turizem / /

“Shtegu i Mullinjve” në Dhërmi është kthyer në një atraksion të ri turistik për vizitorët vendas e të huaj, që vizitojnë bashkinë e Himarës.

Kryeministri Edi Rama uroi mirëmëngjes me pamjet mahnitëse nga ky shteg që do të tërheqë mijëra turistë për të vizituar dhe shijuar pamjet fantastike që ofron.

“Mirëmëngjes dhe me këto pamje nga Shtegu i Mullinjve në Dhërmi, atraksioni më i ri turistik në bashkinë e Himarës, ju uroj një ditë të mbarë”, thekson Rama.

Dhërmiu, i shtrirë buzë detit Jon, midis gjelbërimit të ullinjve dhe agrumeve të shumta, ka një bukuri madhështore. Dhërmiu gjendet në fund të një plazhi më shumë se pesë kilometra të gjatë, plazh i cili përfundon në një kodër, mbi të cilën ngrihet manastiri i Shën Theodhorit. Fshati përbëhet nga tri lagje: Kondraqa, apo Kallami që është lagjja e parë për ata që vijnë nga Llogoraja; vijuar nga Gjileku – lagjja e dytë dhe Dhërmiu – lagjja e tretë dhe më e madhja, e cila i ka dhënë edhe emrin fshatit.

Fshati i Dhërmiut ndodhet 52 km në jug të Vlorës, 72 km në veri të Sarandës dhe rreth 210 km nga kryeqyteti, Tirana. Nga ana administrative, Dhërmiu bën pjesë në bashkinë e Himarës. /atsh

https://www.facebook.com/edirama.al/videos/326644697971349/?t=0

Rama: “Shtegu i Mullinjve” në Dhërmi, atraksioni më i ri turistik Read More »

Lulet, protagonistet kryesore dhe “buzëqeshja” e Shën Valentinit

Aktualitet, ShowBiz / /

Marilyn Monroe këndonte që diamantët janë miqtë më të mirë të femrave, por jo të gjitha mund t’i kemi.

Ka diçka që arrin të na kënaqë dhe të na risjellë buzëqeshjen në çdo kohë, lulet. 

Dhe duke qenë se jemi në ditën e të dashuruarve, shumë prej jush mezi po presin të marrin lulet e radhës.

Por cili është kuptimi i vërtetë i tyre ?

Trëndafili i kuq mund të konsiderohet pa frikë si lulja më klasike e ditës të dashuruarve.

E kuqja simbolizon dashurinë, romancën, bukurinë dhe perfeksionin. Pavarësisht se mund ta keni përdorur një vit më parë , mbetet ende një zgjedhje e shkëlqyer.

Lule Gerbera është po ashtu një zgjedhje shumë e mirë për këtë Shën Valentin. Në pamje të parë ngjan me lule Margaritën, aq sa shpeshherë njerëzit i ngatërrojnë mes tyre.

Por lule Gerbera nuk mund të mos bjerë në sy falë ngjyrave të saj të ndezura. Kjo lule simbolizon bukurinë, pafajësinë dhe pastërtinë.

Tulipani është një lule shumë elegante dhe e fisme. Ai u kultivua fillimisht në Holandë gjatë shekullit të 17-të, por vitet e fundit gjendet pothuaj në çdo treg mbarëkombëtar. Forma e tij tipike e bën lehtësisht të identifikueshëm nga lulet e tjera. Përçon dashuri, ngrohtësi dhe brishtësi.

Orkidea simbolizon bukurinë, dashurinë, luksin dhe forcën e brendshme shpirtërore. E veçanta e kësaj luleje është se ajo fsheh edhe një mesazh shumë ekzotik joshjeje. Nëse dikush ju dhuron orkidea, dijeni që ai,ajo po ju fton drejt pasionit.

Luledielli, siç e tregon edhe vetë etimologjia e emrit është lulja e diellit. Kjo lule përçon ngrohtësi, dashuri të sinqertë dhe lumturi. Është një lule që ju ndihmon të keni humor të qëndrueshëm dhe të paqtë në çdo kohë.

Lule Iris gjendet në versione të ndryshme , herë në blu e herë në ngjyrë vjollcë të errët. Është një lule që tregon shpresë, besim dhe dëshirë për t’u plakur bashkë. Ndoshta ju nuk e dini,por lule Iris është kultivuar fillimisht në tokat e Ilirisë së lashtë, prej nga ka marrë dhe emrin Iris Illyrica.

Sipas ekspertëve të gjuhës së luleve, mashkulli që i dhuron femrës së tij lule gardenia është i gatshëm për një hap më serioz. Kjo lule i referohet dashurisë në stilin klasik, mashkull kavalier që i gjunjëzohet partneres së tij. Gardenia nënkupton pastërti,brishtësi dhe dashuri të vërtetë.

Mashkulli që i dhuron partneres së tij zambakë të bardhë ka shije të sofistikuara dhe e njeh deri në detaje personin që ka në krah. Kjo lule njihet për bukurinë, klasin dhe stilin e saj mbretëror. /atsh

Lulet, protagonistet kryesore dhe “buzëqeshja” e Shën Valentinit Read More »