Aktualitet

Gazetari shpërthen ndaj komunistëve: “O k.rvickat e Enverit,racë e qelbur”

Aktualitet, Debat / /

Gazetari Klodian Tomorri, ka shpërthyer ndaj komunistëve, e kjo nisur nga replikat mes Drejtorit të Institutit për Krimet dhe Pasojat e Komunizmit Agron Tufa me deputetin e Partisë Socialiste Spartak Braho.

Me anë të një postimi në rrjetet sociale, ai i quan komunistët si të “racë të qelbur” ndërsa shprehet se pasi i dhunuan dhe i përndoqën qytetarët, tashmë tentojnë tu mbyllin edhe gojën.

Postimi i plotë:

Rrace me te qelbur nga komunistet nuk ka. Per 50 vjet i masakruan te perndjekurit. I vrane, i internuan, u perdhunuan grate dhe motrat, i moren pasurine.

Tani kur del ndonjeri nga shtresa e ish te perndjekurve dhe nxjerr ndonje fakt historik, ndryshe nga historia qe ka shkruar elita e kuqe komuniste, i leshohen si qener te terbuar.

O kurvickat e Enverit. Po ju i vrate dhe i perdhunuat per 50 vjet, tani doni t’u mbyllni dhe gojen. Sa te peshtire jane.

Kujtojmë se debatet e shumta verbale midis deputetit Spartak Braho dhe Agron Tufës, përfunduan edhe me një ankesë të këtij të fundit në Zyrën e Komisionerit për Mbrojtjen nga Diskriminimi, me pretendimin se Braho e ka diskriminuar duke e quajtur një seksion të Ballit Kombëtar.

Po ashtu Agron Tufa ka ngritur padi penale ndaj deputetit Braho dhe 4 subjekteve të tjerë, Sabit Brokaj, Sevo dhe Fatos Tarifa, Arben Duka dhe Gazeta Dita me akuzën se të sipërpermendurit kërkonin të rikthenin periudhën e komunizmit.

Debati mes Agorn Tufës dhe Spartak Brahos vijon prej javësh, ndërsa tonet sa vijnë e ngrihen.

Gazetari shpërthen ndaj komunistëve: “O k.rvickat e Enverit,racë e qelbur” Read More »

‘Cmendet’ moti ne Shqiperi!

Aktualitet, Lajmi i fundit / /

Ditët e fundit moti ka marrë një kthesë të papritur edhe pse jemi në muajin maj ku dielli dhe temperaturat e larta supozohej të dominonin.

Nëse kishit bërë plane për në fundjavë me siguri ky mot nuk u la të qetë. Por çfarë pritet ditën e sotme dhe në vijim?

Sipas “Meteoalb”, deri në mesditë i gjithë vendi do të dominohet nga kthjellime dhe vranësira të lehta. Por pasditja dhe mbrëmja do të sjellin shtim të vranësirave, fillimisht në rajonin përendimor duke u zhvendosur gradualisht drejt lindjes, kur priten shira të përkohshëm.
Era do të dryejë e fortë në det por mesatare në tokë gjatë paradite, por gjatë pasdites do të ketë rënie të instensitetit me shpejtësi 45-50 km/h nga drejtimi jugor duke krijuar dallgë në det 4-5 ballë.

Temperaturat e ajrit janë ulur në mëngjes por mesdita do të sjellë rritje duke u luhatur në vlerat ditore nga 7°C deri në 25°C

Ndërsa ditën e nesërme, e hënë 6 maj, Shqipëria do të jetë e ndikuar nga masat ajrore të paqëndrueshme, ku vranësira të dendura dhe rrebeshet afatshkurtra të shiut do të dominojnë gjatë paradites në zonat veriore dhe qëndrore. Por, pasdite do të ketë zbehje të rreshjeve të shiut megjithatë temperaturat do të jenë më të ulëta se sa sot duke u luhatur në vlerat 5°C dhe 22°C.

Por, i gjithë muaji maj do të jetën nën “pushtetin” e një moti të paqëndrueshëm me shira dhe kthjellime sporadike.

‘Cmendet’ moti ne Shqiperi! Read More »

Kryemadhi: Unë fallxhorja Monikë e parashikoj kështu të ardhmen e Ramës

Aktualitet, Politike / /

LSI është duke mbajtur Konventën Kombëtare sot, gjatë të cilës Kryemadhi ka folur me tone të ashpra duke bërë edhe disa parashikime si “doktoreshë dhe fallxhore”, siç e quan Rama.

Konventa kombëtare e LSI-së, mblidhet për herë të parë si shqiptarë të thjeshtë, pa mandat deputeti. LSI-në nuk e bëjnë njerëzit, e bën shpirti, dashuria që kemi ne për njëri-tjetrin“, tha Kryemadhi.

Nuk i munguan edhe batutat me atë që kryeministri Edi Rama e quan, doktoreshë shkencash dhe fallxhore. Fallxhore, pasi sipas kreut të qeverisë, ishte pikërisht Kryemadhi që duke thënë se ka lexuar filxhanin që një E bie (për Edi Ramën) dhe një L ngrihet (për Lulzim Bashën) e çoi opozitën në situatën e sotme jashtë Kuvendit dhe jashtë zgjedhjeve, në rrugë në protesta antiqeveritare.

“LSI është si doktori që do të shërojë të sëmurin e përhershëm, për të shëruar sëmundjen

kronike që Shqipëria ka 30 vjet në tranzicion që e kalon, edhe si doktoreshë edhe si fallxhore e parashikoj të ardhmen e Shqipërisë, të ndritur të begatë, pa Edi Ramën kryeministër”, tha Kryemadhi në fjalën e saj në Konventën Kombëtare të LSI-së.

“Jo t’i presim thonjtë, por t’i presim dorën oligarkëve të këtij krimi që ka futur dorën në xhepin e shqiptarëve. Ne duhet të ngremë një sistem që të presë cdo dorë që do të dojë ta bëjë këtë. Kjo bëhet edhe me vullnet politik, por tani duhet me ligje, e shkruar e zeza në të bardhë”, vijoi më tej Kryemadhi.

Kryetarja e LSI-së tha se e ashtuquajtura reforma në drejtësi sipas saj, është deformuar me qëllim nga një plan mafioz për të lënë drejtësinë pa Gjykatë të Lartë dhe Kushtetuese.

“Me qëllim kemi mbetur pa gjykata, të Lartë dhe Kushtetuese, që ligji për kadastrat mos të ketë ku të paditet, por të grabiten pronat e shqiptarëve. Që teatri të shkatërrohet dhe të vidhet prona publike. e shumë ligje të tjera që kanë kaluar”, tha ndër të tjera Kryemadhi.

Kryemadhi: Unë fallxhorja Monikë e parashikoj kështu të ardhmen e Ramës Read More »

Në 5 vjet, dyfishim i numrit të turistëve në Shqipëri

Aktualitet, Turizem / /

“Në 5 vjet ne kemi arritur të dyfishojmë numrin e turistëve”, deklaroi sot Kryeministri Edi Rama, gjatë prezantimit të projektit të përbashkët mes BE-së dhe BERZH-it për zhvillimin e turizmit në Shqipëri.

“Kur them ne kemi arritur të dyfishojmë, Shqipëria ka arritur të dyfishojë numrin e turistëve. Sigurisht, ne besojmë që kemi pasur një rol jo të vogël në këtë rritje kaq domethënëse”, tha Rama.

Po ashtu, Kryeministri theksoi se, “duke parë shifrat e muajit prill, krahasuar me prillin e një viti më parë, kemi përsëri rritje e duke krahasuar katër muajt e parë të vitit me katër muajt e parë të një viti më parë, konstatojmë përsëri rritje.

“Kjo është shumë e rëndësishme, sepse turizmi është ekonomi, është punësim, sigurisht edhe integrim. Sa më shumë turistë të vijnë në vendin tonë, aq më shumë njerëz do të kemi jashtë vendit tonë, që do të thonë të vërtetën mbi Shqipërinë, e cila ka vuajtur dhe vazhdon të vuajë nga stereotipet dhe nga perceptimet e krijuara, pa e njohur atë nga afër”, tha Rama.

Kryeministri citoi po ashtu një investitor të huaj i cili vlerësoi Shqipërinë si një vend ideal për të gjithë ata që duan të investojnë në turizmin e të ardhmes.

“Sot paradite, unë prita një investitor të madh, i cili erdhi në Shqipëri, nuk e di pas shumë kohësh ftesa apo pritje dhe nuk mbaronte së më shprehuri se sa keq i vinte që Shqipëria që kishte imagjinuar ishte komplet pa lidhje me Shqipërinë reale dhe se sa i vonuar ndihej në ardhjen në këtë vend që, sipas tij, ishte një vend ideal për të gjithë ata që duan të investojnë në turizmin e të ardhmes”, tha Rama./atsh

Në 5 vjet, dyfishim i numrit të turistëve në Shqipëri Read More »

Nesër i gjithë vendi nën pushtetin e shiut

Aktualitet / /

Në të gjithë vendin mbrëmjen e sotme dhe nesër do të mbizotërojnë reshjet e shiut, teksa në një pjesë të qarqeve duke përfshirë edhe Tiranën kanë filluar.

Instituti i Gjeoshkencave, Energjisë, Ujit dhe Mjedisit (IGJEUM) thekson se reshjet do të jenë mesatare në gjysmën e qarqeve, ndërsa në gjysmën tjetër priten intensive.

Në Vlorë dhe Gjirokastër priten reshje shumë intensive, ndërsa po sipas IGJEUM, ekziston mundësia që në zona të kufizuara, reshjet të jenë në formë shtrëngate dhe me rrufe me kohëzgjatje të shkurtër, më të mundshme në terrenet malore.

Nesër temperaturat minimale dhe maksimale të ajrit pritet të arrijnë: Në bregdet: 12 / 20 °C, në vendet e ulëta: 12 / 20 °C dhe në vendet malore: 8 / 16 °C.

Era pritet të fryjë e lehtë deri mesatare, por pasdite në zonën bregdetare dhe veri-lindore ajo pritet të forcohet. Deri në gjysmën e muajit moti do të jetë i pa qëndrueshëm me vranësira dhe temperaturat do të bien.

Nesër i gjithë vendi nën pushtetin e shiut Read More »

Antikanabisi – Mblidhet Task Forca Qendrore: Së shpejti nis monitorimi nga ajri i territorit

Aktualitet, Lajmi i fundit / /

Lufta kundër kultivimit dhe trafikimit të kanabisit mbetet një prioritet për qeverinë shqiptare, ndërsa së shpejti, kontrolleve të territorit nga Policia e Shtetit dhe Inspektorateve të ndryshme, do t’i shtohen edhe monitorimi përmes fluturimeve ajrore, mundësuar nga projekti “Sancas” i financuar nga BE.

Në Ministrinë e Brendshme u mbajt sot takimi i radhës së Task Forcës Qendrore, në kuadër të zbatimit të Planit të Veprimit kundër kultivimit dhe trafikimit të kanabisit 2017-2020.

Në mbledhje u diskutua mbi masat e ndërmarra, rezultatet dhe arritjet konkrete të institucioneve anëtare të TFQ-së. Fokus i këtij takimi krahas masave dhe aktiviteteve të kryera si pjesë e detyrimeve, ishin edhe paraqitja e problematikave të hasura, si dhe nevojat për kapacitete logjistike në përmbushje të detyrave të tyre.

Zv.ministrja e Brendshme, Rovena Voda kërkoi bashkëpunim më të ngushtë dhe më intensiv gjatë kësaj periudhe, ndërmjet institucioneve qendrore pjesë e Task Forcës, për të shkëmbyer informacion për raste kultivimi ose trafikimi, si dhe kryerjen e operacioneve të përbashkëta ndërinstitucionale.

Gjithashtu, anëtarët theksuan domosdoshmërinë e një koordinimi edhe më të mirë me qëllim parandalimin në kohë dhe goditjen me efikasitet të çdo rasti të kultivimit të kanabisit./ATSH

 

https://www.facebook.com/punetebrendshme.gov.al/videos/394714241124643/?t=1

Antikanabisi – Mblidhet Task Forca Qendrore: Së shpejti nis monitorimi nga ajri i territorit Read More »

“Aulona Inter Folk”, gërshetim traditash nga 9 ansamble europiane

Aktualitet, Art-Kulture / /

Edicioni i 11-të i Festivalit “Aulona Inter Folk” do të mbledhë për tri ditë më radhë në qytetin bregdetar të Vlorës mbi 300 artistë nga vende të ndryshme të Europës.

Festivali, që do të zhvillohet nga 11-13 maj në sheshin “Lungomare” do të ketë një larmishmëri të ansambleve pjesëmarrëse.

Drejtori i Përgjithshëm i këtij festivali, Sejmen Gjokoli, tha për ATSH-në se “në këtë edicion për herë të parë, mes flamujve dekorues të skenës do të zënë vend edhe ato të grupeve nga Anglia e Finlanda, madje me kërkesën e tyre për pjesëmarrje. Gjeografia e shteteve pjesëmarrëse mbetet përherë në kujdes të organizatorëve. Operohet me përzgjedhje grupesh, por edhe shtetesh, duke pasur për çdo vit risinë e vet”.

“Mbase duket e pabesueshme, por ndër mbi 85 ansamble që kanë marrë pjesë gjatë gjithë historisë së festivalit, vetëm dy kanë mundur të jenë dy herë në Vlorë. Në këtë edicion, për herë të parë, mes flamujve dekorues të skenës do të zënë vend edhe ai i grupit nga Anglia e ai nga Finlanda, madje me kërkesën e tyre për pjesëmarrje”, thekson Gjokoli.

Në “Aulona Inter Folk” do të marrin pjesë 9 ansamble folklorike nga Anglia, Finlanda, Kroacia, Shqipëria, Kosova, Mali i Zi, Bullgaria, dy grupe polifonike, do të jetë e ftuar këngëtarja kosovare Shkurte Fejza, si dhe grupi i valleve nga SHBA”.

Grupi “MORRIS MEN RUTLAND”, Angli

“MORRIS MEN RUTLAND“ vjen nga një rajon midis Leicester dhe Nottingham, i votuar kohët e fundit si një nga vendet më të mira për të jetuar në të gjithë Mbretërinë e Bashkuar. Grupi është themeluar gati 50 vjet më parë, si pjesë e një ringjalljeje të përgjithshme në traditën e Morris Dancing në vitet ’70 në Angli.
Morris Dancing janë valle rituale që kërcehen me shkopinj e shami dhe muzikantë që përdorin instrumente tradicionale. Besohet se shkopinjtë përplasen dhe rrahin tokën për ta zgjuar atë, ndërkohë që shamitë tunden për të trembur shpirtrat e këqinj.
Origjina e këtyre vallëzimeve është e fshehur në mjegullën e kohës, por ka të dhëna të shkruara dhe fotografi të vallëzimit që besojnë se vallet origjinale mund të jenë të paktën njëmijë vjeçare.
“Morris Men Rutland” kanë dhënë koncerte në të gjithë Mbretërinë e Bashkuar, po edhe në Francë, Belgjikë etj. E veçantë për ta mbetet performanca për Mbretëreshën e Anglisë përpara disa vitesh, kur kur ajo vizitoi Rutlandin.

Ansambli folklorik “PÖRRIÄISET”, Finlandë

Ansambli “PÖRRIÄISET” vjen nga Finlanda, nga qarku Nurmijarvi vetëm 35 km nga Helsinki, kryeqyteti i vendit. Ky ansambël është krijuar në vitin 1973 dhe ka në program valle të vjetra finlandeze, por edhe koreografi të reja që bazohen në melodi të vjetra.
Ansambli ka një veprimtari të gjerë artistike brenda dhe jashtë vendit me një gjeografi të gjerë pjesëmarrjeje në mbi mbi 30 shtete të botës, nga Europa, Korea, Zelanda e Re e në Shtetet e Bashkuara të Amerikës.

Ansambli “Prishtina”, nga Kosova

Ansambli “Prishtina” vjen nga Kosova, mban emrin e kryeqytetit të vendit, dhe është themeluar në vitin 2012. Ndonëse në pak vite ka arritur të marrë pjesë në më shumë se 50 festivale në Kosovë, Shqipëri, Maqedoni e Mal të Zi si dhe në shumë manifestime e programe televizive folklorike. Drejtor i Ansamblit është koreografi Mehmet Xhemajli dhe udhëheqës artistik Jetullah Beqiri.

Ansambli “Crna Gora”, nga Mali i Zi

Ky ansambël është themeluar në vitin 2000 dhe mban emrin e vet shtetit dhe është nga më të njohurit në Mal të Zi. Shënon një biografi shumë të pasur artistike me një pjesëmarrje të jashtëzakonshme festivalesh në mbi 25 vende të Ballkanit dhe Europës, e deri në Emiratet e Bashkuara Arabe. Është fitues i shumë çmimeve dhe vlerësimeve ndërkombëtare. Drejtor i Ansamblit është Streten Kaludjeroviç.

Ansambli “Zdravets”, Bullgari

Është krijuar në vitin 1984 dhe është nga ansamblet më të njohur jo vetëm në kryeqytetin bullgar, por edhe në rang vendi.
Njihet si një nga ansamblet më unikë të Bullgarisë dhe është pjesëmarrës në shumë festivale kombëtare dhe ndërkombëtare, si dhe fitues i një sërë çmimesh të larta.
Veçohen pjesëmarrja në festivalet ndërkombëtare në Spanjë, Itali, Suedi, Belgjikë, Turqi, Greqi, Francë, Poloni, Rumani, Holandë, Qipro etj.
Ansambli udhëhiqet nga bashkëshortët Stojanov: Georgi dhe Alexsandra.

Ansambli “Matja Gubec”, Kroaci

Ansambli mban emrin e një luftëtari të madh të Kroacisë, përmendorja e të cilit qëndron e vendosur në qendër të Zagrebit. Ansambli është themeluar në vitin 1979 dhe ka një veprimtari të gjerë folklorike brenda dhe jashtë Kroacisë. Me muzikë origjinale, me këngë e valle folklorike me kostume tradicionale. Pjesëmarrës në shumë vende të Europës, si Francë, Portugali, Spanjë, Suedi, Slloveni, Holandë, Sllovaki, Poloni, Gjermani, Çeki etj.
Përpara jush ansambli “Matja Gubec”, Gornja Stubica, Kroaci.

Ansambli i valleve popullore “E&E”, Shqipëri

Ansambli i valleve Popullore “E & E“, Vlorë është një grup i ri vallesh, kryesisht me valle çame e të Jugut, ngritur nga dy vëllezërit valltarë, Puen e Eluert Bajrami.

Grupi polifonik “Kaonët”, Shqipëri

Grupi polifonik “Kaonët” është formuar në vitin 1985 me emrin “Të rinjtë e Delvinës“. Më pas ky grup u nda, duke rikrijuar grupin “Kaonët”. Emri e ka prejardhjen nga historia e hershme në të cilën disa treva të Labërisë së sotme quheshin “Kaonia”, meqenëse dhe anëtarët e grupit janë mbledhur nga disa treva të ndryshme. Festivali i parë ku kanë marrë pjesë, ka qenë në vitin 1988. Grupi ka marrë pjesë në shumë aktivitete kulturore kombëtare, si dhe jashtë vendit tonë. Grupi Kaonët është nga më të njohurit e më aktivët në lëvrimin e polifonisë. Pjesëmarrës në disa festivale të Gjirokastrës dhe në shumë aktivitete në rang vendi.

Grupi Folklorik “Bilbili”, Shqipëri

Grupi folklorik “Bilbili” juridikisht është krijuar në vitin 1994. Në themel të këngës të këtij grupi është polifonia labe e disa trevave të Labërisë. Është pjesëmarrës në disa festivale zonale e kombëtare si dhe në një sërë takimesh folklorike ndërkombëtare. Grupi folklorik “Bilbili” është fitues i çmimit të parë në Festivalin Ndërkombëtar zhvilluar në Moldavi, në vitin 1995. Në vitin 1996 është pjesëmarrës në Folkloriadën e Parë Botërore, organizuar në Brunssum (Holandë), në Festivalin Folklorik Ndërkombëtar “Balltika” në vitin 1999 është titulluar laureat i Festivalit.

Gjithashtu është pjesëmarrës në Festivalin Folklorik “Këngë Jeho”, në Strugë, po në vitin 1999. Në vitin 2002 merr pjesë në Festivalin e Klinës (Kosovë) , ku dhe fiton çmimin e parë në këtë festival.Në Tetor të vitit 2009 është pjesëmarrës në Festivalin e pestë Ndërkombëtar të Izmirit-Turqi. Gjithashtu në takimin e shoqatave kulturore, organizuar në qytetin e Sarandës në vitin 1996, grupi “Bilbili” ka fituar çmimin e parë. Ka nxjerrë në tregun muzikor vendas mbi 20 CD-i, të cilat qarkullojnë, si dhe janë përpunuar e kanë zënë vend në muzikën moderne.

Në festival do të marr pjesë edhe grupi i valleve “ Star Danc Folk”, Vlorë, ndërsa do të ngjitet në skenë për përshëndetje këngëtarja nga Kosova Shkurte Fejza, “Mjeshtre e Madhe”./atsh

“Aulona Inter Folk”, gërshetim traditash nga 9 ansamble europiane Read More »

ANALIZË – Çfarë do të bënim nëse një asteroid do të binte në Tokë?

Aktualitet / /

Shembull: një teleskop sapo ka dalluar një asteroid me diametër nga 100 deri në 300 metra që po lëviz me shpejtësinë 14 kilometra në sekondë dhe ndodhet 57 milionë kilometra larg Tokës.

Astronomët e vlerësojnë me 1% rrezikun që të përplaset me Tokën më 29 prill 2027.

Çfarë do të bëjmë?

Ky është skenari katastrofik dhe tërësisht imagjinar mbi të cilin pothuajse 300 astronomë, shkencëtarë, inxhinierë dhe ekspertë të emergjencave po punojnë këtë javë në periferi të Uashingtonit.

Sa?

Vetëm asteroidët në orbitë që afrohen më shumë se 50 kilometra me Tokën na interesojnë.

”Astronomët zbulojnë të tillë çdo ditë: më shumë se 700 këtë vit me një total të regjistruar 20 001”, deklaroi Lindley Johnson, nga zyra e koordinatave të mbrojtjes planetare (ESA) në NASA, krijuar në vitin 2016.

”Një ndër më të rrezikshmit, është një shkëmb i pagëzuar me emrin 2000SG344: me një diametër rreth 50 metra dhe me një mundësi nga 2 096 të tilla për t’u përplasur me Tokën pas 100 vitesh”, sipas ESA-s.

”Pjesa më e madhe janë më të vegjël, por 942 janë më shumë se një kilometër”, thotë astronomi Alan Harris, i cili ka informuar auditorin që disa asteroidë të mëdhenj fshihen akoma në qiell: ”Pjesa më e madhe mund të jenë pas Diellit”.

Kryesisht dallohen nga teleskopët amerikanë në Arizona dhe Havai.

ESA ka instaluar një teleskop në Spanjë dhe planifikon të tjerë në Kili dhe Siçili. Astronomë të shumtë thonë se një teleskop në hapësirën tokësore nuk mund të shikojë një objekt në anën tjetër të Diellit.

Shmangia e asteroidit

Ushtrimi i kësaj jave ka për qëllim stimulimin e mënyrës se si bota do të reagonte ndaj një kërcënimi të tillë. Do të duhej që të gjithë teleskopët të drejtoheshin drejt objektit për të llogaritur saktësisht shpejtësinë dhe trajektoren e tij, vëzhgimet fillestare mund të jenë të pasakta.

Pastaj zgjidhjet janë dy: shmangia e objektit ose evakuimi.

Nëse madhësia është më e madhe se 50 metra, konsensusi ndërkombëtarë thotë që duhet të evakuohet zona që dyshohet të goditet.

Sipas Detlef Koschny, dy javë para goditjes mund të parashikohet vendi i prekur. Disa ditë para, saktësia është në disa qindra kilometra.

Për objektet e mëdha, ideja nuk është që të goditet me një bombë atomike si në filmin ”Armageddon”, pasi mund të krijohen copa po aq të dëmshme. Ideja është që të lëshohet një objekt drejt asteroidit për ta devijuar… si një makinë goditëse kozmike.

NASA do të testojë idenë me një asteroid të vërtetë 150 metra, në vitin 2022, gjatë misionit DART.

”Mbetet problemi politik”, thotë Romana Kofler nga zyra e çështjeve hapësinore në OKB: ”Cili do të jetë autoriteti vendimmarrës?”.

”Deri më sot kjo pyetje nuk ka marrë përgjigje”, shpjegon ai.

Sidoqoftë, Këshilli i Sigurimit i OKB-së e lë hapur këtë çështje./ /esko/ /v.b/ a.jor.

ANALIZË – Çfarë do të bënim nëse një asteroid do të binte në Tokë? Read More »