Aktualitet

Simptoma të rrezikshme nga i nxehti që nuk duhet t’i injoroni

Aktualitet / /

Me mijëra njerëz vdesin çdo vit nga komplikacionet e shkaktuara nga i nxehti ekstrem, përfshirë sfilitjen dhe goditjen nga i nxehti.

Ja çfarë duhet të dini për goditjen nga i nxehti, si të kuptoni simptomat dhe masat që duhet të ndërmerrni për të qenë të sigurt këtë verë.

Temperatura e lartë e trupit

Nëse temperatura e trupit arrin deri në 39 gradë celsius, mund të jeni duke u rrezikuar nga goditja nga i nxehti.

Edhe nëse termometri shënon më pak se 39, por përsëri shfaqni simptoma të goditjes nga i nxehti, duhet të merrni masa për të ulur temperaturën ose duhet të kërkoni ndihmë mjekësore.

Krampe të muskujve

Njohur ndryshe si krampet e të nxehtit, kjo është një nga simptomat e para të problemeve gjatë stërvitjes të lidhura me të nxehtin. Mund të përjetoni ngërçe të dhimbshme, sidomos në këmbë, krahë ose pjesën e barkut, kur djersitni shumë.

Edhe pse nuk shkaktohen vetëm nga i nxehti, krampet muskulore bëhen më të shpeshta kur trupi nuk është përshtatur me temperaturat e larta.

Dehidratimi është gjithashtu një tjetër shkak i zakonshëm i krampeve, megjithatë, nëse keni dhimbje të tilla së bashku me simptoma të tjera, mos i injoroni.

Mungesë të djersitjes – ose djersitje të tepërt

Kur kalon shumë kohë në të nxehtë ekstrem, trupi ndalon së ruajti temperaturën e brendshme. Kështu, ju ndaloni së djersituri ose po djersitni më shumë se zakonisht.

Marramendje ose vështirësi në të ecur

Goditja nga i nxehti shkakton çrregullim të sistemit nervor qendror, prandaj mungesa e koordinimit, marramendja ose pamundësia për të ecur janë shenja alarmi që nuk duhet t’i injoroni.

Dhimbje koke therëse

Dhimbja therëse e kokës është një tjetër simptomë e zakonshme e goditjes së tru. Kjo simptomë zhvillohet kryesisht si pasojë e dehidratimit (kur nuk keni pirë mjaftueshëm ujë) ose si komplikacion i goditjes në tru në sistemin nervor qendror.

Të përziera ose të vjella

Ndërkohë që vazhdoni të djersitni, trupi bëhet edhe më shumë i dehidratuar. I nxehti fillon të prekë disa organe, duke shkaktuar të përziera, të vjella ose gjendje të fikëti.

Skuqje të lëkurës

Në rastet e goditjes nga i nxehti, trupi drejton rrjedhjen e gjakut drejt lëkurës në përpjekje për t’u ftohur, prandaj krijohet skuqja e lëkurës. Lëkura gjithashtu mund të duket shumë e thatë ose e ftohtë, në varësi të llojit të goditjes së po përjetoni.

Rrahje të çrregullta të zemrës ose vështirësi në frymëmarrje

Zemra vendoset nën një presion shumë të madh si pasojë e të nxehtit ekstrem. Ajo duhet të pompojë më fort dhe më shpejt për t’u siguruar që sistemet e ftohjes natyrale të trupit të funksionojnë siç duhet për të mbajtur të balancuar temperaturën e trupit. Kjo mund të çojë edhe në probleme me frymëmarrjen. /atsh

Simptoma të rrezikshme nga i nxehti që nuk duhet t’i injoroni Read More »

Vlorë, sezoni turistik punime mirëmbajtje në monumentet e kulturës

Aktualitet, Turizem / /

Sezoni turistik ka nisur por specialistët e mirëmbajtjes vijojnë punimet mirëmbajtëse në monumentet e kulturës kudo në vendin tonë.

Këtë javë fokusi i punimeve mirëmbajtëse të DRKK Vlorë ka patur qendrat historike dhe monumentet e kulturës të qytetit bregdetar.

Punonjësit janë përfshirë në aksionin kundër vegjetacionit, për t’u dhënë këtyre monumenteve paraqitjen e denjë në pritje të turistëve dhe vizitorëve të shumtë.

Punimet janë bërë në qendrën historike dhe kalanë e Himarës, kalanë e Kaninës, urën e Brataj, urën e Slapit në Drashovicë dhe urën e Frëngut në Gjormë.

Mirëmbajtja e monumenteve dhe hapësirave rreth tyre mbetet një nga sfidat e përditshme të punonjësve që kërkon mbështetjen dhe ndërgjegjësimin e qytetarëve në mbajtjen pastër të mjediseve për një imazh më dinjitoz ndaj turistëve që mbushin çdo ditë qytetin e Vlorës gjatë kësaj periudhe. /atsh

Vlorë, sezoni turistik punime mirëmbajtje në monumentet e kulturës Read More »

Artistët i bashkohen fushatës së dhurimit të gjakut, Manastirliu: Të krijojmë zinxhirin e dhuruesve vullnetarë

Aktualitet, Shendetesi / /

Gjatë fushatës së dhurimit vullnetar të gjakut në ndihmë të fëmijëve talasemikë, arritëm në 2200 dhurime vullnetare, që mbulojmë një pjesë të konsiderueshme të nevojave për fëmijët talasemikë, në këtë periudhë të vështirë të vitit”. Në Ditën Botërore të Dhurimit të Gjakut, Ministrja Manastirliu apeloi për më shumë dhurime vullnetare, për të plotësuar nevojat me gjak.

“Shqipëria ka 10.8 dhurime për 1000 banorë ndërsa nevojat janë dy herë më të mëdha. Nevojat e vendit për gjak janë 20 dhurime për 1 mijë banorë ndaj gjej rastin përsëri, bashkë me miqtë tanë artistë të bëjmë një apel për qytetarët, të dhurojnë gjak”, tha Manastirliu.

Fushatës së dhurimit vullnetar të gjakut sot ju bashkuan figura të njohura të skenës dhe ekranit, si Valbona Selimllari, Mirela Milori, Rudina Dembracaj, etj, të cilët dhuruan gjak në ndihmë të fëmijëve talasemikë.

“Sot mbyllim një fushatë intensive, ku dhurues nga e gjithë Shqipëria, nga institucione publike e private, njerëz të zakonshëm, dhurues periodikë por edhe shumë dhurues për herë të parë, personeli shëndetësor, artistë, politikanë dhe sidomos të rinjtë, u bashkuan në nismën tonë në ndihmë të fëmijëve talasemikë”, tha Manastirliu.

Sipas të dhënave të Qendrës Kombëtare të Transfuzionit të Gjakut, nëse vijojmë me këtë ritëm dhurimesh vullnetare, me të gjitha gjasat, kjo verë nuk do të ketë vështirësi për sigurimin e gjakut për fëmijët talasemikë, për të bërë një jetë sa më normale. Me një kalendar të përcaktuar përgjatë gjithë verës, sidomos gjatë muajve Korrik-Gusht, do të vijohet me dhurimet vullnetare, për të garantuar plotësimin e nevojave me gjak për fëmijët talasemikë dhe për këdo që ka nevojë./atsh

Artistët i bashkohen fushatës së dhurimit të gjakut, Manastirliu: Të krijojmë zinxhirin e dhuruesve vullnetarë Read More »

Portali “Mësues për Shqipërinë”, rritje të cilësisë së mësimdhënies dhe punësimit në bazë të meritës

Aktualitet, Arsim / /

“Kemi 7200 aplikime në portalin “Mësues për Shqipërinë” që është numër shumë i mirë për të pasur mundësinë për të zgjedhur mësuesit më të mirë për fëmijët tanë”, – u shpreh sot ministrja e Arsimit Rinisë dhe Sporteve, Besa Shahini gjatë një interpelance me mësues në detyrë dhe aplikantë të rinj.

Shahini gjithashtu foli dhe për risitë që sjell udhëzimi më i fundit i MASR në lidhje me portalin dhe ndikimin e tij në rritjen e cilësisë së mësimdhënies dhe punësimin në bazë të meritës.

“Çdo vit ne kemi 600 deri në 700 që dalin në pension mësues pra janë vende pune që hapen për kontrata afatgjata. Janë 1400 që punësohen nga 7200, pra zgjidhen më të mirët”, – tha Shahini.

Ajo vijoi se “ndryshimet që kemi bërë vijnë nga politikat e reja që kemi ndërmarr për ta vendosur nxënësin në qendër të politikave tona arsimore. Gjithashtu dhe të përmirësojmë cilësinë e mësimdhënies dhe të rrisim transparencën në procesin për zgjedhjen e mësuesve”.

“Kur kemi bërë ndryshimet në udhëzimin e pranimit të mësuesve të rinj në sistem kemi pasur dy gjëra parasysh: të bëjmë sa më transparent procesin e zgjedhjes dhe konkurrimi të jetë sa më i drejtë, duke pasur parasysh ankesat që kanë ardhur nga mësues dhe kandidatët e rinj që ky proces të jetë sa më i drejtë për të gjithë”, – u shpreh Shahini.

Shahini tha se “në mënyrën sesi këto mësues renditen në portal janë dy gjëra që merren parasysh është vlerësimi i dosjes që ka një vlerë 20% të gjitha pikëve dhe testi i informatizuar. Tek vlerësimi i dosjes ka një 20 pikë që merren tek dosja, 10 pikë i takojnë notave që ka marrë gjatë studimeve dhe pjesa tjetër vjen nga kualifikime të tjera që ka mësuesi që konkurron”.

“Nëse një mësues është në sistem 10 vjet dhe nuk arrin të kualifikohet në një nivel më të lart atëherë ky mësues nuk është në të njëjtin hap me ndryshimet që po bëhen në sistemin e arsimit. Pra pse të promovohet ky mësues kur një kandidat i ri ka kushtuar shumë rëndësi studimeve dhe është shumë më i përgatitur që të jetë mësues në shkollë. Kjo gjë nuk penalizon mësues që janë në sistem, por promovon ata që kualifikohen, që kanë vjetërsinë dhe kanë një stad më të lartë, dhe gjithashtu i lë mundësi mësueseve të rinj që dhe ata të jenë pranë nxënësve”, – sqaroi Shahini.

“Punësimi i mësuesve tani ndodh menjëherë nuk do kemi më 1 vit provë. Portali “Mësues për Shqipërinë” është bërë pjesë e ligjit për arsimin parauniversitar pra portali ne na siguron që mësuesit më të mirë të dalin të parët në list. Kjo i jep mundësi të bëhen menjëherë mësues me kontratë afatgjate dhe jo të kalojnë në periudhën e provës”, – tha Shahini.

“Ruajtja e pikëve të dosjes nga viti i kaluar mund të ruhet por ato do të përkthehen sipas vlerësimit të ri, nëse dikush ka pasur pikë sipas vlerësimit të vjetër do merret e gjithë dosja dhe do të rivlerësohet sipas pikëzimit të ri. Testi i informatizuar nuk ka ndryshuar nga viti i kaluar dhe pikët mund të ruhen por dhe kjo do të bëhet sipas peshës që ka testi. Vitin e kaluar ka qenë 70% e gjithë notës ndërsa sivjet është 80%”, – përfundoi ministrja e Arsimit Rinisë dhe Sporteve, Besa Shahini.

Portali “Mësues për Shqipërinë”, rritje të cilësisë së mësimdhënies dhe punësimit në bazë të meritës Read More »

Meta: Të jemi më aktivë në dhurimin e gjakut

Aktualitet, Shendetesi / /

Presidenti i Republikës, Meta vizitoi sot paradite tendën e Kryqit të Kuq Shqiptar të ngritur në Parkun “Rinia” të kryeqytetit, me rastin e Ditës Botërore të Dhuruesve Vullnetarë të Gjakut.

Në kuadër të nismës së ndërmarrë, në bashkëpunim me Aleancën e Dhurimit të Gjakut, Presidenti Meta vuri në dukje kënaqësinë që u rikthye edhe këtë vit mes dhuruesve të shumtë vullnetarë, si dhe falënderoi Kryqin e Kuq Shqiptar, që punon me përkushtim për këtë kauzë kaq humane në ndihmë të njerëzve në nevojë.
“Sot në këtë ditë të rëndësishme të dhurimit të gjakut dua t’i falënderoj të gjithë të rinjtë dhe të rejat shqiptarë që i janë bashkuar kësaj kauze! Në mënyrë të veçantë të gjithë ata që janë dhurues të rregullt e të qëndrueshëm, pasi i shërbejnë një kauze të jashtëzakonshme humanitare, sepse përmes këtij solidariteti, ata garantojnë që të gjithë qytetarët, të cilët kanë nevoja të përhershme për gjak, e në mënyrë të veçantë për fëmijët, të vazhdojnë normalisht jetën e tyre dhe të jenë plotësisht të integruar në shoqëri”, – ishte mesazhi i sotëm i Presidentit të Republikës.

“Jam këtu për të nxitur më tej këtë vullnetarizëm, këtë solidaritet që i ka shërbyer prej më se një viti edhe Aleanca për Dhurimin e Gjakut dhe do të vijojë në mënyrë të qëndrueshme edhe në të ardhmen. Aq më tepër që jemi edhe në fillim të sezonit të verës dhe tani nevojat shtohen akoma e më shumë”, – nënvizoi Presidenti Meta.

“Do t’i ftoja të gjithë që të jenë edhe më aktivë në proces. Edhe ne si Aleancë për Dhurimin e Gjakut do të organizojmë më shumë seanca të tilla në të gjithë vendin, sidomos në ato zona dhe rajone të Shqipërisë ku ka nevojë më shumë”, – u shpreh Presidenti Meta.

Meta: Të jemi më aktivë në dhurimin e gjakut Read More »

Nxënësit monitorim ujit të lumit Izvor, në Tragjas

Aktualitet, Te fundit nga zona / /

Nxënësit e klasave të 8-ta të shkollës “4 Heronjtë” të qytetit të Vlorës, në kuadër të programit “Sfida Botërore e Monitorimit të Ujit” zhvilluan sot monitorimin e ujit të lumit Izvor, në Tragjas, Vlorë.

Nën drejtimin e mësuesve Ferdinand Breshanaj dhe Evisa Sinani, nxënësit pjesëmarrës kryen monitorimin e këtij burimi ujor duke matur pH, temperaturën, turbiditetin dhe oksigjenin e tretur në ujë.

Qëllimi i këtij programi është edukimi dhe angazhimi i nxënësve në mbrojtjen e burimeve ujore.

Programi është duke u zhvilluar nga Shoqata e Ujësjellës Kanalizimeve të Shqipërisë në bashkëpunim me Ministrinë e Arsimit, Sportit dhe Rinisë dhe është i bashkëfinancuar nga Bashkimi Europian dhe Qeveria gjermane./atsh

Nxënësit monitorim ujit të lumit Izvor, në Tragjas Read More »

Rama, kryebashkiakëve opozitarë: Nëse shkelni ligjin nuk bëheni dot as kryepleq

Aktualitet, Politike / /

Kryeministri Edi Rama u kujtoi sot kryebashkiakëve të opozitës se ka kaluar një ligj për dekriminalizimin dhe nëse shkelin ligjin nuk bëhen më gjithë jetën as kryepleq, jo më kryetarë bashkish.

Në një takim elektoral nga Roskoveci, Rama iu drejtua kryebashkiakëve opozitarë që drejtojnë letra për heqjen e KZAZ-ve.

“Sot disa kryetarë bashkish që i gënjeu Luli, bënë shkresa për KZAZ-të. Unë ju them atyre, nuk jua ka fajin PS që nuk hytë në garë. Ne ndjehemi keq që bëhet një garë e çuditshme ku jemi vetëm, por mos u bëni mish për top. Llogarinë kërkojuani atyre që ju lanë rrugëve, lanë rrugëve një parti të tërë dhe e kthyen në një federatë grupesh të çingijeve”, – tha Rama.

Kryeministri tha se “ka ardhur momenti që zullumi i stërzgjatur i tyre të këputet në 30 qershor nga populli”.

Kush kërkon të na kthejë në të shkuarën do të mbetet gjithmonë në të shkuarën, tha Rama, duke shtuar se “ne do të vazhdojmë përpara drejt të ardhmes”.

“Ata u futën në mes të turmës duke thënë jemi popull, por i vunë para dhe i hodhën në zjarr, i përplasën me ligjin dhe tani janë ca të shkretë që duhet të paguajnë në burg. Cili është ai shqiptar që meriton të bëjë burg për Monika Kryemadhin, Ilir Metën dhe Sali Berishën?” – tha Rama.

Kryeministri kujtoi se “kur ne pranuam marrëveshjen dhe u shtynë zgjedhjet me 1 javë, Presidenti i atëhershëm Bujar Nishani ua kërkoi palëve me shkrim miratimin. U desh të vinte Ilir Meta që të na dukej Bujar Nishani si burrë shteti. Meta thotë firma ime nuk vlen dhe këtë e kam vendosur me firmën time. Por kështu shteti nuk është shtet, por është rrumpallë. Del Ilir Meta dhe ja fut me shkelm Kushtetutës dhe thotë kështu siç them unë, se jam Komandant i Përgjithshëm”, – tha Rama.atsh

Rama, kryebashkiakëve opozitarë: Nëse shkelni ligjin nuk bëheni dot as kryepleq Read More »

Shtyrja e zgjedhjeve e çon Shqipërinë në drejtim të paditur

Aktualitet, Politike / /

Kryeministri Edi Rama tha sot nga takimi elektoral në Librazhd për fushatën e zgjedhjeve të 30 qershorit, se zgjedhjet nuk mund të shtyhen dhe kjo jo për shkak të kokëfortësisë, por për të mbrojtur Kushtetutën, ligjin dhe për të mos krijuar precedent për vitet që vijnë.

“Ka njerëz që nuk kanë sesi ta pëlqejnë sherrin, zhurmën, përplasjet dhe që thonë po ç’na duhet gjithë ky sherr, pse nuk shtyhen zgjedhjet për të shtensionuar situatën.

Nëse ka një njeri që do ishte më i interesuari për shtyrjen e zgjedhjeve, po të ishte për interesin e ngushtë personal e pragmatist, do isha unë. Pse duhet të qëndroj kokëfortësisht në këtë pozicion, kur ne kemi qeverinë e plot punë për të bërë, shumicën në parlament e kemi solide dhe prej katër vjetësh qeverisim 75% të territorit, kemi thuajse gjithë bashkitë e mëdha që qeverisen nga socialistët. Atëherë pse të mos shtyhen zgjedhjet?“ – tha Rama.

“Arsyeja e parë që është e domosdoshme për t’u kuptuar deri në fund nga ata që u shkon nëpër mendje kjo rrugë e shkurtër, është se kjo rrugë e çon Shqipërinë në drejtim të paditur.

Nëse shtyhen zgjedhjet, duke shkelur Kushtetutën dhe ligjet vetëm se njëra palë ka dalë nga binarët, nëse do e bëjë një palë sot do e bëjë pala tjetër nesër e kështu për shumë e shumë vite nuk do të kemi dot një proces ku politikanët të shkojnë tek populli dhe ky të vendosë nëse do i zgjedhë ose jo”, – tha Rama. /atsh

Shtyrja e zgjedhjeve e çon Shqipërinë në drejtim të paditur Read More »