Aktualitet

Ministrja e Bujqësisë, Frida Krifca ka sqaruar shprehjen “Akademia e Barinjve”, e cila bëri xhiron e rrjetit.
Teksa prezantonte buxhetin 2022 për sektorin që ajo mbulon, Krifca tha se kishte pasur një keqkuptim për atë që ajo kishte shprehur dhe se qëllimi kishte qenë të jepnin mbështetje për personat që e ushtrojnë atë profesion.

“Ka pasur një keqkuptim të ndodhur me artikulimin e fjalës akademi. Unë kërkova ndjesë për mënyrën se si u drejtova deputetes, është pjesë e emocioneve dhe entuziazmit mes kolegëve. Në lidhje me fjalën akademi, nuk e kemi shpikur, e kemi parë në disa vende të botës, Zvicër e shumë të tjera. Ka një qasje të migrimit të profesionit, të atyre të vështira, po përpiqemi që të japim mbështetje për këtë profesion. Unë që në periudhën time si drejtoreshë, jam konsultuar. Është një program që do ta përforcojmë për ta ruajtur traditën, jo vetëm te barinjtë por dhe të fermerëve të rinj, do kemi kohë ta shpalosim programin në vijim. Desha ta sqaroj se ka pasur vëmendje dhe në media”, tha Krifca.

Më tej ajo dha edhe disa detaje lidhur me buxhetin e përcaktuar për ministrinë e Bujqësisë.

“Programi i sigurisë ushqimore, në vitin 2022 do të kemi një buxhet të lartë për sigurinë ushqimore me 2.3 miliardë lekë. Siguria ushqimore është e rëndësishme prandaj do të investojmë në kapacitete, higjienë dhe paketim. Do të pajisim 120 grupet e AKU-së me të gjithë pajisjet e duhura teknologjike për të bërë inspektimet. Do të matrikullojmë dhe vaksinojmë të gjithë kapacitetin tonë blegtoral që është një pasuri kombëtare. Nëpërmjet forcimit të dy autoriteteve kontrolluese që tashmë kontrollojnë të gjithë territorin për ushqimin, veterinarinë dhe bimët do të sigurojmë efektivitet me qëllim mbrojtjen e shëndetit të konsumatorit shqiptar.
Kemi përditësuar edhe regjistrin e fermerit që evidentojnë të gjithë fazat e zinxhit përfshirë edhe përdorimin e pesticideve. Buxheti i vitit 2022 do teë ketë si synim edhe fillimin e punës së librit të fermerit si një mekanizëm i pagabueshëm për prodhimin dhe eksportet. Programi i infrastruktturës, kullimit dhe ujitjes ka një buzhet prej 1.7 miliardë lekësh. Synon mbështetje të vazhdueshme për rritjen e prodhimit bujqësor”, vijoi Krifca.

Ish-kryeministri Sali Berisha mesditën e sotme zhvilloi “Foltoren” me të rinjtë në Tiranë. Lëvizjes së Berishës iu bashkua edhe kryetari i FRPD-së, Belind Këlliçi.

Por duket se Lulzim Bashën e ka “braktisur” edhe ish-zëdhënësja e PD-së gjatë fushatës, Floriana Garo.

“Foltoja me të rinjtë! Më të bashkuar, më të fortë, më të hapur!’- shkruan ajo në ‘Instagram’.

Gjatë fjalës së tij, Sali Berisha akuzoi Lulzim Bashën për shpalljen e zgjedhjeve të reja për drejtuesit e forumit të të rinjve dhe grave.

“Është vërsulur ndaj organizatës suaj dhe të grave, në një hakmarrje të turpshme. Vendi i tij po të ishte burrë, duhet të ishte sot përpara jush. Këtu. Me Belindin, Rigersin, mua me një debat të hapur.

Por i kyçur në zyrën e tij dhe jep urdhra me telefon, si në kohërat më staliniste për uzurpimin e forumit rinor dhe të grave. Forumi juaj ka trashëgiminë e tij. Nuk është pronë e askujt. Ato janë kompetencë e juaja, do të jeni ju që do të zhvilloni procesin dhe zgjidhni drejtuesit.

Ju sugjeroj ta ftoni në një debat, mos fshihet, por të mësojë nga ju ABC e demokracisë” tha Berisha.

Në përfundim të fjalës së tij nga foltorja e mbajtur në Lushnje, panë ish kryeministrit Sali Berisha është afruar një mbështetëse e këtij të fundit.

E moshuara ka përshëndetur dhe përqafuar ish kryeministrin, ndërkohë që në sfond dëgjoheshin demokratët që në kor thoshin fjalët: “O Sali o hero gjithë Shqipëria ty të do”.

Kjo lëvizje e krijuar nga ish kreu historik i PD-së, Sali Berisha erdhi pas dëbimit nga Grupi Parlamentar i PD-së, e tashmë është një luftë e hapur mes këtij të fundit dhe Bashës.

Nga njëra anë Basha është rikthyer me opozitën në Kuvend, nga ana tjetër Berisha ka ndërmarrë një tur nëpër qytete të ndryshme të vendit për të rikthyer parimet bazë të PD-së dhe kundërshtuar aleancën e krijuar Rama-Basha.

Kryeministri Edi Rama është i gatshëm sërish ta diskutojë me opozitën, por cilido qoftë emri i propozuar, kryeministri është i bindur se punën do ta bëjë më mirë se Ilir Meta.
“Nuk ka një emër, por çdo gjë do përpiqemi ta shtrojmë për diskutim me opozitën dhe më pas me shqiptarët .

Kushdo qoftë nëse flet mirë shqip, e bën punën më mirë se Ilir Meta”, tha Rama.