Orikuminews

Ai do me patjetër të jetojë në territorin italian, edhe pse e kanë përjashtuar disa herë. Pa kaluar ende dy javë nga ekspulsi i fundit që ka marrë, shqiptari ka tentuar sërish të hyjë në Itali.

Mirëpo, edhe këtë herë është arrestuar menjëherë nga forcat e rendit, ndërsa akuzohet për hyrje ilegale në territorin e shtetit italian.

Sipas mediave italiane, ai do të përjashtohet për herë të 14 nga shteti, duke shënuar kështu një rekord për italianët.

Shqiptari, i cili nuk është identifikuar, ka marrë 13 dekrete përjashtimi të lëshuara nga Prefektët e Reggio Emilias, Bolognas, Trevisos.

Në 11 raste ai është shoqëruar në kufi nga rojet, për t’u kthyer në vendlindje.

Përjashtimi i fundit ëshë bërë në 23 maj, pasi ishte dënuar me 8 muaj përjashtim nga Italia dhe ishte kthyer në Shqipëri nga Malpensa.

Kthesa rrugore pranë liqenit të Viroit është cilësuar si “kthesa e vdekjes”.

Kjo për shkak sepse vetëm gjatë muajve të parë të vitit 2019 janë shkaktuar shumë aksidente në kthesën rrugore pranë liqenit të Viroit.

Në këtë kthesë përgjatë tri viteve të fundit kanë humbur jetën tre persona. Kurse aksidentet e tjera fatmirësisht kanë përfunduar vetëm me dëme materiale.

Lidhur me këtë gjë ka folur shef i Seksionit të Trafikut Interurban, Altin Muçaj. Në një intervistë për ‘’jugunews.net’’, ai ka theksuar se në disa pjesë të këtij aksi rrugor mungon sinjalistika rrugore.

Muçaj ka thënë se një numër i madh aksidentesh janë shkaktuar edhe nga vetë shoferët.

Ndër të tjera ai është shprehur se sensibilizimi i drejtuesve të mjeteve ka nisur në hapin e parë duke shtuar bashkëpunimin me disa institucione.

Po ashtu apelon se këmbësorët duhet të respektojë me korrektësi rregullat e qarkullit, të kalojnë në vijat e bardha sepse në shumë raste kjo nuk ndodh.

Eksportet e produkteve bujqësore shqiptare po konkurrojnë në tregjet e huaja me cilësinë dhe çmimet e ulëta në krahasim me prodhimet bujqësore të vendeve të tjera të rajonit, por edhe Europës.

Ekspertët e Ministrisë së Bujqësisë dhe Zhvillimit Rural, shprehen për ATSH-në, se domatet shqiptare eksportohen në vendet europiane dhe të rajonit, sidomos Serbi, me çmim mesatar më të ulët se çmimi i 20 eksportuesve më të mëdhenj në botë. Ndërkohë që Italia është vendi më i shtrenjtë për eksportin e domateve mes vendeve më të mëdha eksportuese.

Sipas ekspertëve një arsye tjetër e kërkesës së shtuar të tregjeve të huaja, për domatet shqiptare është edhe cilësia e eksportit.

Shqipëria, në pjesën dërrmuese eksporton për subjekte të ndërmjetme që i përdorin për t’i përpunuar nëpër konserva në formë salce.

Në vitin 2018 Shqipëria arriti të eksportonte plot 30 milionë dollarë domate, pothuajse ekskluzivisht në vende të Bashkimit Europian. Sot në vendin tonë janë rreth 1500 ha serra në gjithë territorin e vendit që kanë produktet e para domate që dalin shpejt në treg.

Ndërsa ulja e TVSH-së për inputet bujqësore, dhe politikat lehtësuese fiskale dhe mbështetja me financime ka rritur interesin për të prodhuar produkte bujqësore cilësore dhe në sasi në rritje. e.xh/j.p/

Në vetëm 4 muajt e parë të këtij viti, 2250 qytetarë kanë përfituar falas shërbimet e paketës së Kardiologjisë në spitalet publike dhe private.

Fondi i Sigurimit të Detyrueshëm të Kujdesit Shëndetësor ka bërë të ditur se “zgjerojmë financimin publik për shërbimet shëndetësore drejt mbulimit shëndetësor universal”.

Paketa e Kardiologjisë është vetëm një prej 12 paketave shëndetësore që qytetarët e e përfitojnë falas afër vendbanimit.

Sipas të dhënave të bëra publike nga FSDKSH, 286 ndërhyrje kardiokirurgjikale janë kryer falas gjatë periudhës Janar-Prill 2019 në spitalet publike dhe private.

Po kështu, më shumë se 8 mijë qytetarë kanë përfituar procedurat dhe ndërhyrjet falas për shërbime të kardiologjisë, kardiokirurgjisë, transplantit të veshkave, dializës. z.tosku/ /a.g/