Irina

Lleshaj: Vendi i shqiptarëve në shtëpi ose në shërbim, policia nuk do të tolerojë askënd për asnjë arsye

Aktualitet, Lajmi i fundit / /

“Qëndroni në shtëpi, pasi dhe një person i vetëm mund ta shkëpusë vargun fatal të infektimit”, tha ministri i Brendshëm, Sandër Lleshaj në mesazhin e tij për qytetarët.

“Edhe një person i vetëm mund ta ndërpresë vargun fatal të infektimit. Pikërisht për këtë, Policia nuk do të tolerojë ASKËND dhe për ASNJË arsye. I vetmi vend për shqiptarët deri të hënën në orën 05:00 është ose në shtëpi, ose në shërbim”, u shpreh Lleshaj.

Qeveria ka ndërmarra një sërë masash për të minimizuar përhapjen e COVID-19, mes të tjerave duke minimizuar oraret e qarkullimit rrugor, veçanërisht për këmbësorët dhe automjetet private./atsh

Lleshaj: Vendi i shqiptarëve në shtëpi ose në shërbim, policia nuk do të tolerojë askënd për asnjë arsye Read More »

Profesori i njohur italian: Masat kufizuese do të zgjasin të paktën deri në verë

Aktualitet, Opinione / /

Pierluigi Lopalco, është një profesor i Higjienës në Universitetin e Pizës, dhe për shumë vite ka punuar në Stokholm, ku ka kordinuar strategjitë e vaksinimit për Qendrën Europiane për Parandalimin dhe Kontrollin e Sëmundjeve. Profesori i njohur ka shprehur rezervat e tij per disa problematika që lidhen me përballimin e COVID-19, në një intervistë për gazetën italiane ”Il Giornale”.

Profesor, le të fillojmë me pyetjen më të njohur në këtë periudhë: kur do të ndodhë kulmi?
“Dy, tre ditë pasi të vëzhgojmë kurbën duke u ulur vazhdimisht mund të themi se ka pasur një kulm. Nuk ka kuptim që sot të jemi në gjendje të bëjmë parashikime: modelet e parashikimit në Covid19 janë sot si parashikimi i motit.

Sa do të zgjasë?
“Jo pak. Mbi këtë duhet të jetë shumë e qartë me njerëzit. Kam dëgjuar gjithashtu gjëra të jashtëzakonshme si ato të ministrit të Sporteve tha se ”kampionati i futbollit mund të rifillojë në fillim të majit”. Por për çfarë po flasim? Para tetorit mendoj se do të jetë e pamundur të kthehen njerëzit në stadiume.

Parashikimi im është që masat kufizuese do të zgjasin të paktën deri në verë: mund dhe duhet të ketë një zbutje të masave, ne do të kthehemi në punë, për të dalë jashtë, por gjithçka do të duhet të bëhet me shumë qetësi dhe me kujdes.

Por atëherë e gjithë kjo përpjekje është e kotë?

“Përkundrazi, po na kursen. Numrat thonë se tashmë ka pasur një ngadalësim dhe në këto orë unë imagjinoj se do të shohim një tjetër. Ka ”kështjella”, mbi të gjitha të Lombardisë, të cilat ende ”nuk janë pushtuar.

‘Milano është një rast që padyshim na shqetëson shumë: nëse virusi thyen brigjet e qyteteve metropolitane, qendrat urbane me një dendësi të lartë të popullsisë, bëhet një problem edhe më i rëndësishëm.

A po thoni që nuk e dimë se kur do të përfundojë?

“Unë po them se problemi nuk është kur, por si përfundon. Ne duhet të shpresojmë që kulmi është aty dhe se e gjithë kjo do të zgjasë sa më pak. Sepse duhet të jemi të qartë edhe për këtë: ne mund ta shërojmë Covid19 “, theksoi profesori.

A bëri qeveria gjithçka që duhej?

Sipas mendimit tim, qeveria reagoi shumë mirë. Bëri zgjedhje të drejta dhe të guximshme para të tjerëve. Ne duhet ta pranojmë atë. Sidoqoftë, unë do të doja të ju jap disa këshilla: ky është një buletin lufte, janë një numër i jashtëzakonshëm mediash që nuk bëjnë asgjë tjetër përveç se i frikësojnë njerëzit edhe më shumë.

‘Eshtë një gabim. Unë mendoj se, në vend të kësaj, duhet të tregojnë se çfarë po bëjnë, që të shpjegojnë pse kemi zgjedhur këto masa shtrënguese dhe ku duam të shkojmë. Italianët janë njerëz inteligjentë, ata po e demonstrojnë këtë edhe në këtë rast, por duhet ta kuptojnë. /atsh

Profesori i njohur italian: Masat kufizuese do të zgjasin të paktën deri në verë Read More »

Ndihma ushqimore tek familjet në nevojë në çdo bashki

Aktualitet, Lajmi i fundit / /

Bashkitë po i gjenden pranë familjeve në nevojë, në të gjithë vendin, në këto ditë të vështira të përhapjes së COVID-19, duke iu shpërndarë ndihma ushqimore, ilaçe dhe mallra të nevojshme.

“Ju lutem durim, durim, durim, të gjithë atyre në nevojë”, u shpreh kryeministri Edi Rama ndërsa publikoi pamje nga shpërndarja e ndihmave ushqimore në bashkitë Bulqizë, Gjirokastër, Vau i Dejës, Delvinë, Librazhd, Shijak, Skrapar, Ura Vajgurore, Durrës, Lezhë, Kamzë, Kolonjë, Kukës, Patos, cep më cep nga jugu në veri të vendit, në zonat urbane e rurale.

Stafet e këtyre bashkive, shpërndanë ndihma ushqimore te familjet në nevojë, kryesisht tek ato familje që janë të përfshira në skemat e ndihmës ekonomike, ose kanë pjesëtarë të familjes invalid, por edhe tek ato pensionistë që jetojnë vetëm.

Ndërsa i porositnin familjarët të mos dilnin nga shtëpia dhe për çdo nevojë të kontaktojnë në numrat e telefonit që kanë vënë në dispozicion të qytetarëve të tyre çdo bashki.

“Ne do të na keni në dispozicion për çdo lloj gjëje që do t’ju duhet, edhe pensionet do t’jua sjellim në shtëpi, vetëm ju mos dilni nga shtëpitë”, – ishte porosia e punonjësve të bashkive për familjarët gjatë dorëzimit të pakove me ushqime./atsh

https://www.facebook.com/edirama.al/videos/202863984374083/?t=0

Ndihma ushqimore tek familjet në nevojë në çdo bashki Read More »

Kosovë/ Katër raste të reja të infektuar me koronavirus

Aktualitet, Lajmi i fundit / /

IKSHPK ka njoftuar se sot në Kosovë janë konfirmuar edhe 4 raste të reja të infektuar me koronavirus.

“Nga katër rastet e konfirmuara, njëri është rast i importuar nga Gjermania, i gjinisë mashkull, 32 vjeç me vendbanim në Bibaj-Ferizaj. Ndërsa tre rastet tjera pozitive janë raste kontakti, 2 prej tyre janë me vendbanim në Prishtinë femra të moshës 50 dhe 29 vjeçare dhe e treta me vendbanim në Gjakovë e gjinisë femër, 40 vjeçare. Të gjitha kontaktet janë të identifikuara”, njofton IKSHPK.

Njoftimi i plotë:

Sot me 21.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 30 mostra të dyshimta për virusin SARS-CoV-2 dhe katër prej tyre janë pozitive.

Nga katër rastet e konfirmuara, njëri është rast i importuar nga Gjermania, i gjinisë mashkull, 32 vjeç me vendbanim në Bibaj-Ferizaj. Ndërsa tre rastet tjera pozitive janë raste kontakti, 2 prej tyre janë me vendbanim në Prishtinë femra të moshës 50 dhe 29 vjeçare dhe e treta me vendbanim në Gjakovë e gjinisë femër, 40 vjeçare Të gjitha kontaktet janë të identifikuara.

Nga data 08.02.2020 deri me 21.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 447 mostra të dyshimta në virusin SARS-CoV-2 dhe prej tyre, gjithsej njëzet e tetë raste kanë rezultuar pozitive.

Në qendrën e thirrjeve deri më tash janë pranuar në total 3.319 thirrje, ndërsa vetëm në 24 orët e fundit janë pranuar 350 thirrje telefonike.

Nga data 01.02.2020 deri me 21.03.2020 në Aeroportin ndërkombëtar “Adem Jashari” si dhe në pikat tokësore kufitare janë depistuar gjithsej 15.775 udhëtarë. Në Aeroportin “Adem Jashari” 1.015 udhëtarë, Merdare 5.110, Vërmicë 4.207, Jarinje 1.102, Dheu i Bardhë 985, Hani i Elezit 1.699, Kullë 960, Qafë Morinë 47, Bërnjak 462, Qafë Prush 35, Muçibabë 152 dhe Glloboçicë 1 udhëtarë.

Në nivel global, nga data 31 dhjetor 2019 deri më 21 mars 2020 sipas Ëorldometers, janë raportuar gjithsej 276.996 raste të COVID-19 me 11.419 raste të vdekjes. Numri më madhi rasteve raportohet nga Kina (81.008), Italia (47.021), Irani (18.407), Spanjë (21.574), Gjermani (19.848), SHBA (19.774), Iran (19.644), Francë (12.612), Zvicër (5.615), Mbretëri të Bashkuar (3.983), Holandë (2.994), Austria (2.666), Belgjikë (2.257), Turqi (670), Greqi (495), Slloveni (341), Serbi (149), Kroaci (130), Shqipëri (70), Maqedoni e veriut (76).

Deri me 21 mars 2020, nga vendet e BE/AEE dhe Mbretëri të bashkuar janë raportuar 6.136 raste të vdekjes: Itali (4.032), Spanjë (1.093), Francë (450), Mbretëri të Bashkuar (177), Gjermani (68), Belgjikë (37), Greqi (10), Turqi (9), Danimarkë (9), Poloni (5), Austri (6), Luksemburg (5), Bullgari (3), Shqipëri (2), Serbi (1), Kroaci (1) dhe Slloveni (1).

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome./KosovaPress

Kosovë/ Katër raste të reja të infektuar me koronavirus Read More »

Masat shtrënguese ndaj COVID-19/ Tirana siç nuk ka qenë kurrë në jetë të jetëve nën dritën e diellit

Aktualitet, Lajmi i fundit / /

Kryeministri Edi Rama ka postuar pamje nga zona të ndryshme në kryeqytet të cilat janë boshatisur nga qytetarët si asnjëherë tjetër.

Rama shprehet se “Tirana siç nuk ka qenë kurrë në jetë të jetëve nën dritën e diellit”.

Më herët, si masë për frenimin e COVID-19 u kufizua lëvizja për qytetarët dhe nga e shtuna, ora 13:00, deri të hënën, ora 05:00, të gjithë do të qëndrojnë në shtëpi.

Qytetarët u janë përgjigjur masave të marrë nga qeveria për të parandaluar COVID-19./atsh

https://www.facebook.com/edirama.al/videos/1089999188034606/?t=0

Masat shtrënguese ndaj COVID-19/ Tirana siç nuk ka qenë kurrë në jetë të jetëve nën dritën e diellit Read More »

Spiropali apel qytetarëve: Pakica e pabindur të qëndrojë në shtëpi, sa nuk është vonë

Aktualitet, Opinione / /

Zëdhënësja e Qeverisë, ministre e Shtetit për Marrëdhëniet me Parlamentin, Elisa Spiropali, falënderoi qytetarët për zbatimin e rregullave, si dhe apeloi pakicën të qëndrojë në shtëpi se ende nuk është vonë.

Spiropali shprehet: “Mirënjohje për maturinë qytetare shumicës që ka kuptuar se disiplina na afron tek fitorja me dhe po respekton rregullat një më një!”.

Spiropali thekson se “pakica e pabindur t’i thërrasë mendjes sa nuk është vonë!

“Stop me ‘ahengje’ papërgjegjshmërie kolektive në këto kohë kur misioni i përbashkët i betejës është shtëpia! “, tha ajo.

/atsh

Spiropali apel qytetarëve: Pakica e pabindur të qëndrojë në shtëpi, sa nuk është vonë Read More »

Rama apel të fortë qytetarëve: Qëndroni në shtëpi, mos hidhni në plehra sakrificat e një populli të tërë

Aktualitet / /

Kryeministri Edi Rama drejtoi një tjetër apel të fortë ndaj qytetarëve që të respektojnë masat e vendosura nga qeveria për kufizimin e lëvizjes duke qëndruar në shtëpi, ndërsa solli shembullin tragjik të Italisë.

“O njerëz, o xhan! Po aman more si doni t’jua them juve që akoma dilni nëpër lagje për ajrosje, që do merrni në qafë familjen, miqtë, kalimtarë që nuk ju kanë asnjë borxh?! Jam gati t’ju ulem në gjunj dhe t’ju lutem: Mos!!! Mos! Mos se po hidhni në plehra sakrificat e një populli të tërë!!!”, tha Rama.

Kryeministri iu drejtua edhe atyre qytetarëve që mblidhen para dyqaneve dhe nuk respektojnë distancën në radhë. “Po ju o motra e vëllezër si doni t’ju lutem që të mos bëheni garrumbull kur shkoni për të blerë, po të mbani radhë në distancë dhe duroni sa t’ju vijë radha?! Jam gati t’ju shtrihem para syve dhe t’ju lutem: Mos!!! Mos!!! Mos , se po bëni mish për top familjen tuaj dhe dhjetëra njerëz të pafajshëm, duke u sjellë si tek dera e autobusit apo stadiumit”, shtoi kryeministri.

Rama ftoi qytetarët që të ndërgjegjësohen dhe të shohin se çfarë po heq Italia, ku po mbeten të vdekurit pa varr e po ikin me kamionë ushtrie rrugëve.

“Lexojeni çfarë shkruan ky postim, ku edhe kjo foto ku s’ka njerëz grumbull e as ecje për dore, quhet një skandal. Këta bëjnë vrap mes bombave të padukshme dhe pastaj u thërret vdekja njerëzit e shtëpisë, e s’u gjejnë dot më jo krevat në spital, po as një copë varr”, tha Rama./atsh

Rama apel të fortë qytetarëve: Qëndroni në shtëpi, mos hidhni në plehra sakrificat e një populli të tërë Read More »

Autoriteti i Ushqimit në Vlorë vijon kontrollet në tregje për zbatimin e masave kundër COVID-19

Aktualitet / /

Përtej sforcos së të gjithëve prej nesh, kur kurajoja, durimi dhe dëshira për t’ja kaluar paq të gjithë kësaj situate të vështirë është më e fortë se kurrë, Autoriteti Kombëtar i Ushqimit (AKU) vijon monitorimet dhe kontrollet rigoroze për të garantuar shëndetin e secilit prej nesh.

Drejtoria Rajonale e AKU Vlorë, gjatë këtyre ditëve ka kryer një sërë monitorimesh në markete, supermarkete, furra buke dhe njësi te ndryshme tregtimi mishi dhe fruta-perimesh.

“Fokusi kryesor është zbatimi i masave të vendosura higjieno-sanitare (maska, doreza dhe dezinfektimi i ambienteve), ruajtja e distancës, tregtimi i bukës së paprerë dhe ajo çka nuk duhet asesi të ndodhi, abuzimet me çmimet në kurriz të sakrificës së përbashkët. Mbetemi të vendosur që bashkë me secilin prej jush të dalim më të fortë nga kjo luftë”, citon njoftimi i AKU-së,/atsh

Autoriteti i Ushqimit në Vlorë vijon kontrollet në tregje për zbatimin e masave kundër COVID-19 Read More »