Irina

Ndihma kundër COVID-19/ Mesazhi i doktoreshës shqiptare në Ankona: Shqipëria tregoi virtytet që e karakterizojnë

Aktualitet, Lajmi i fundit, Opinione / /

“Nё kёto ҫaste tё vёshtira Shqipёria e vogёl, por me zemёr tё madhe tregoi edhe njёherё virtytet qё e karakterizojnё si: bujaria, mirёnjohja, gatishmёria dhe mbёshtetja ndaj miqve”.

Kështu u shpreh sot doktoresha Sonila Dhima, drejtuese e SOD ORL, në spitalin Universitar të Ankonës, Itali, përmes një mesazhi drejtuar Kryeministrit Edi Rama.

“Ҫdo ditё mendimet e mia janё per kolegёt, infermierёt, operatorёt sanitarё dhe pёr tё gjithё ata qё janё nё vijё tё parё nё luftёn kundёr Covid-19. Ka shumё masa dhe strategji qё po aplikohen nё kёto momente tё vёshtira nё tё gjithё spitalet e Italisё, por do jetё puna e palodhur, solidariteti dhe ndihma e ndёrsjelltё qё do na lejojnё ta fitojmё kёtё betejё pёrpara sё cilёs ndodhemi tё gjithё ne”, – thekson Dhima.

Doktoresha Dhima shpreh falenderimet dhe mirёnjohjen ndaj kolegёve bashkatdhetarё, tё cilёt po japin kontributin e tyre nё kёto momente brenda dhe jashtё vendit.

“Nё kёto ҫaste tё vёshtira Shqipёria e vogёl, por me zemёr tё madhe tregoi edhe njёherё virtytet qё e karakterizojnё si: bujaria, mirёnjohja, gatishmёria dhe mbёshtetja ndaj miqve. Ndihem krenare si kurrё mё parё! Bashkimi bёn fuqinё! Ju lutem qёndroni nё shtёpi”, – tha Dhima.

Kryeministri Rama duke përcjellë mesazhin e doktoreshë Dhimës shprehet se ata që kanë shkruar janë të shumtë, ”superfaleminderit dhe ndjesë që nuk postoj dot më shumë”./atsh

Ndihma kundër COVID-19/ Mesazhi i doktoreshës shqiptare në Ankona: Shqipëria tregoi virtytet që e karakterizojnë Read More »

Ja si do të jetë moti

Aktualitet / /

Shërbimi Meteorologjik Ushtarak bën me dije se moti sot parashikohet të jetë me kthjellime e vranësira deri në mesatare në mesditë e pasdite.

Përgjatë relieveve malore do të ketë reshje shiu të izoluara në orët e mesditës.

Era do të fryjë me drejtim juglindje-verilindje 1 deri 8 m/sek e përkohësisht në bregdet deri 10m/sek.

Valëzimi në dete parashikohet i forcës 2 deri 3 ballë.

Temperaturat parashikohen:

QYTETET Temperaturat në °C Sigla
Shkodër 7/19 diell re
Kukës 1/16 diell re
Lezhë 7/20 diell re
Dibër 1/14 diell re
Durrës 7/20 diell re
Tiranë 7/21 diell re
Elbasan 6/20 diell re
Berat 4/21 diell re
Vlorë 7/21 diell re
Korçë 1/14 diell re
Gjirokastër 2/20 diell re
Sarandë 6/19 diell re/atsh

Ja si do të jetë moti Read More »

Rama jep lajmin e mirë: Nënë Haxhireja nga Durrësi, plot 80 vjeç u shërua

Aktualitet / /

Kryeministri Edi Rama bëri të ditur në orët e vona të mbrëmjes së djeshme se një 80-vjeçare është shëruar duke fituar betejën me COVID-19.

80-vjeçarja nga Durrësi ka dalë negative në testin e kryer pasi qëndroi për trajtim në spitalin Infektiv në QSUT.

“LAJM I MIRË: NËNË HAXHIREJA NGA DURRËSI, PLOT 80 VJEÇ, U SHËRUA”, deklaron Rama, duke publikuar edhe një foto të saj me mjekët që u kujdesën për të moshuarën në Spitalit Infektiv në Tiranë.

Në vendin tonë deri tani janë evidentuar 212 raste gjithsej me COVID-19, 162 raste aktive, 40 të shëruar, 10 të vdekur, ndërsa janë kryer 1436 teste gjithsej.

Shifrat bëhen të ditura nga adresa zyrtare e platformës “coronavirus.al”, e krijuar me qëllim informimin e qytetarëve për shifrat zyrtare, vetëm për situatën e të prekurve me COVID-19 në Shqipëri./atsh

Rama jep lajmin e mirë: Nënë Haxhireja nga Durrësi, plot 80 vjeç u shërua Read More »

Makarona me djathë në furrë

Kulinari / /

Këtë recetë mund ta përgatisim atëherë kur kemi vetëm 1 orë në dispozicion për të ngrënë dhe duam të hamë dicka të shijshme.

Përbërësit që na nevojiten janë:

Makarona

200ml ajkë kosi

200ml ajkë qumështi

200gr djathë kackavall

Kripë

Piper i zi

Vaj ulliri

Mënyra e përgatitjes:

Së pari vëmë tenxheren me ujë dhe kripë të vlojë. Sapo të vlojë hedhim makaronat dhe i ziejmë komplet. Ndërkohë lëshojmë furrën.

Kur makaronat ti kemi gati, i kullojmë dhe i kthejmë përsëri në tenxhere, ku shtojmë vaj ulliri dhe përziejmë. Në tenxhere poashtu shtojmë ajkën e kosit, ajkën e qumështit dhe djathin kackavall si dhe piperin e zi.

Përziejmë mirë dhe masën e hedhim në tavë të lyer me gjalpë. E fusim në furrë derisa shohim që sipër ka marrë ngjyrë ari dhe djathi ka filluar të shkrihet.

Makarona me djathë në furrë Read More »

Mëngjesi me të vërtetë është ushqimi më i rëndësishëm i ditës!

Kulinari / /

Mëngjesi pothuajse është pjesa/vakti më i/e rëndesishme për të pasur një ditë sa më energjike. Është si një lloj karburanti për trupin dhe mendjen, pas një gjumi të mirë ku trupi ka tretur ushqimin.

Përveç sigurimit me energji, të ushqyerit në mëngjes është burim i mirë i vitaminave të nevojshme si: kalciumi, hekuri, vitamina B, fibrat dhe proteinat. Të gjitha këto lënde ushqyese janë esenciale për shëndetin tonë dhe hulumtime të ndryshme tregojnë se nëse këto vitamina nuk konsumohen gjatë mëngjesit, gjasa që të kompenzohen gjatë ditës është e vogël. Kjo është njëra nga arsyet pse vezët preferohen të konsumohen në mëngjes. Vezët përpos që kanë vitaminat e nevojshme për trupin tonë, janë edhe burim i pastër i proteinave. Studimet tregojnë se njerëzit që hanë vezë për mëngjes, kanë më shumë gjasa të humbin peshë sesa ata që hanë kifle.

Vlen të ceket se ata që hanë mëngjes kanë më pak gjasa të kenë mbipeshë dhe kanë më shumë gjasa t’a mbajnë vijën e trupit, se ata që nuk e hanë, sepse personat që nuk e hanë mëngjesin, kanë tendencë që gjatë ditës të konsumojnë ushqim me yndyrë dhe sheqerna të lartë.

Mëngjesi gjithashtu rikthen nivelet e glukozës që është shpenzuar gjatë natës, një karbohidrat thelbësor që i nevojitet trurit të funksionojë. Studime të ndryshme tregojnë se konsumimi i mëngjesit, ndihmon në zhvillimin e memories dhe rrit nivelet e koncentrimit, gjithashtu ndikon në zvogëlimin e stresit dhe na bën më të lumtur.

Mëngjesi është një rast i shkëlqyer për të ngrënë së bashku si familje kur është e mundur. Vendosja e zakoneve të mira të mëngjesit në fëmijëri dhe mbajtja e tyre gjatë adoleshencës mund të jetë një faktor i rëndësishëm në zvogëlimin e mënjanimit të mëngjesit duke zhvilluar shprehi të mira ushqimore që zgjasin një jetë.

Pra, mëngjesi me të vërtetë është ushqimi më i rëndësishëm i ditës!

Mëngjesi me të vërtetë është ushqimi më i rëndësishëm i ditës! Read More »

Ministria e Shëndetësisë: 0800 40 40 linjë e dedikuar këshilluese, shmangni numrin unik 127 përveç rasteve që lidhen me COVID-19

Aktualitet, Shendetesi / /

Ministria e Shëndetësisë dhe Mbrojtjes Sociale publikon linjën e gjelbër falas, 0800 40 40 për të gjithë qytetarët që kërkojnë informacione që nuk lidhen me infeksionin COVID-19.

“Linja 0800 40 40 do të jetë në dispozicion të qytetarëve që duan të dinë se si mund të përfitojnë barnat me rimbursim, si të lidhen me mjekun e familjes, por edhe për këshilla se si duhet të sillemi gjatë periudhës së qarkullimit të COVID-19”, njoftoi Ministria e Shëndetësisë dhe Mbrojtjes Sociale.

Ministria bën të ditur se 0800 40 40 do të jetë linjë e dedikuar këshilluese, ndërsa numri unik 127 i Urgjencës Kombëtare do të shërbejë për urgjencat, edhe për ato që lidhen me COVID-19. Urgjencat për sëmundjet, përfshi edhe COVID-19 do të vijojnë në numrin e Urgjencës Kombëtare 127./atsh

Ministria e Shëndetësisë: 0800 40 40 linjë e dedikuar këshilluese, shmangni numrin unik 127 përveç rasteve që lidhen me COVID-19 Read More »

Vlorë, Leli për ATSH-në: 1800 familje po mbështeten me pako ushqimore e medikamente

Aktualitet, Lajmi i fundit / /

Bashkia e Vlorës po vijon pa ndërprerje operacionin humanitar për mbështetjen e pensionistëve të vetmuar dhe familjeve në nevojë.

Kryetari i bashkisë së Vlorës, Dritan Leli në një prononcim për ATSH-në deklaroi se janë 1800 familje në nevojë në bashkinë që ai drejton, që janë mbështetur me pako ushqimore.

1500 familje, tha ai, janë identifikuar se kanë nevojë për tu ndihmuar bazuar në kriteret e vendosura në vendimet e qeverisë të nxjerra përmes Akteve Normative.

Ndërsa 300 familje të tjera që kanë kërkuar ndihmë janë mbështetur me pako ushqimore nga vet kreu i bashkisë si dhe qytetarë të Vlorës, të cilët janë solidarizuar në këtë situatë.

Leli tha se janë 80 punonjës të strukturave të bashkisë si dhe 20 vullnetarë çdo ditë në terren, në mbështetje të kujtdo që ka nevojë.

Po ashtu, ai bëri të ditur se po ndihmohen edhe pensionistët e vetmuar dhe ata që kanë kërkuar ndihmë, duke u dërguar pensionin në banesë, duke kryer pazarin, ose duke u siguruar medikamentet e nevojshme.

“Kushdo ka nevojë të telefonojë në numrin e vënë në dispozicion nga Bashkia dhe do të asistohet menjëherë nga stafi ynë“, bëri të ditur Leli./atsh

Vlorë, Leli për ATSH-në: 1800 familje po mbështeten me pako ushqimore e medikamente Read More »

22 553 qytetarë kanë aplikuar në “e-Albania” për të marrë lejedalje

Aktualitet / /

22 553 qytetarë kanë bërë aplikimin në “e-Albania” për të marrë lejen e daljes për të realizuar pazarin, në kuadër të masave të marra nga qeveria për të minimizuar përhapjen e COVID-19.

Drejtoresha e Agjencisë Kombëtare të Shoqërisë së Informacionit, Linda Karcanaj, ka bërë të ditur të dielën, se aplikantët kanë marrë miratimin e lejes menjëherë. Dalja do të realizohet brenda orarit të lejuar 05:00-13:00, duke nisur nga e hëna dhe leja është e vlefshme vetëm për një orë.

“Deri tani 22 mijë e 553 qytetarë kanë bërë aplikimin në ‘e-Albania’ dhe kanë marrë menjëherë miratimin e lejes për dalje nga dita e hënë. Kjo shifër tregon besimin e qytetarëve te teknologjia dhe tek ‘e-Albania’, që tashmë është familjar për këdo”, – theksoi Karcanaj.

“Përtej mërzisë, acarimeve të momentit, tërësisht të kuptueshme në kushtet e izolimit, qytetarët kanë treguar një maturi dhe sjellje për t’u admiruar. Me durim, minutë pas minute, ata po ndjekin procedurën e thjeshtë të marrjes së lejedaljes, në ‘e-Albania’! Kjo sjellje do na shpërblehet në ditët dhe javët në vazhdim me më pak të dala dhe me më shumë jetë të mbrojtura”, – theksoi drejtoresha e AKSHI-t, Karcanaj.

Qeveria në kuadër të masave të marra për mospërhapjen e pandemisë COVID-19, ka ndaluar daljen nga banesat të pensionistëve dhe përmes aplikimit online ose me SMS, do ketë lejedalje vetëm një person nga familja për nevojat urgjente, si blerja e ushqimeve dhe medikamenteve./atsh

22 553 qytetarë kanë aplikuar në “e-Albania” për të marrë lejedalje Read More »