Irina

Brataj përshëndet ekipin mjekësor shqiptar në ndihmë të Italisë: Krenarë për ju që shkoni të shpëtoni jetë

Shendetesi / /

Drejtori i Qendrës Kombëtare të Urgjencës Mjekësore, Skënder Brataj, duke vlerësuar vendimin e qeverisë për të dërguar në Itali 30 mjekë e infermierë, që do të shërbejnë në luftën kundër COVID-19, theksoi se ata na sjellin emocione, ndjesinë dhe krenarinë e të qenit mjek, bluza të bardha, humanistë, por akoma më shumë, të qenit shqiptar.

“Ju jeni ajo traditë e bukur, që gjithmonë vetëm e kemi thënë me fjalë, ndërsa sot është konkrete, e prekshme reale; tradita e bukur e shqiptarit, ajo e ndihmës së personave në nevojë. Ju betohem se ishte e njëjta skenë, ndjesi, emocion si atë ditë te Këneta në Durrës, kur pashë ekipet e shpëtimit të Italisë në periudhën e tërmetit. Është e njëjta skenë para avionit, kur ekipet mjekësore italiane dhe Protezione Civile Italiana merrnin bashkëkombësit tanë për t’i kuruar në Itali. Sot niseni ju për të kuruar qytetarët italianë”, – theksoi Brataj.

Kreu i Urgjencës Kombëtare u shpreh se “kam punuar 22 vjet mjek për ata njerëz të mrekullueshëm dhe sot e ndjej veten në çdo njërin prej jush. Atje ka me qindra mjekë dhe infermierë shqiptarë që punojnë dhe jetojnë. Në këtë moment po japin maksimumin e tyre, por JU sot na sillni emocione, na sillni ndjesinë dhe krenarinë e të qenit mjek, bluza të bardha, humanist, por akoma më shumë të qenit shqiptar. Ju po shkoni në luftë me vetëdije, kundër një armiku sa të njohur, aq të panjohur, por me vendosmërinë e patundur, objektivin për të cilin keni studiuar. Pra, ju shkoni të shpëtoni jetë. Këtë mision fisnik ju e keni të skalitur në zemrat tuaja dhe tonat”.

“Me këtë solidaritet dhe vendosmëri që shohim në sytë tuaj, nuk ka virus të na ndalë. Jeta është shumë më e bukur dhe gjithmonë fiton”, – tha Brataj, i cili po qëndron edhe vetë në vetizolim për shkak se është i infektuar me koronavirus. /atsh

Brataj përshëndet ekipin mjekësor shqiptar në ndihmë të Italisë: Krenarë për ju që shkoni të shpëtoni jetë Read More »

E gjithë Shqipëria, solidaritet me Italinë mike në luftë me COVID-19

Aktualitet / /

Të gjithë shqiptarët janë solidarizuar këto ditë të vështira me shtetin fqinj Italinë në luftën e saj kundër COVID-19.

Qytetet e ndryshme të vendit kanë ndriçuar sheshet qendrore apo godinat publike me tri ngjyrat e flamurit italian: të bardhë, të kuqe dhe jeshile.

Kryeministri Edi Rama publikoi sot videon e realizuar nga Ambasada italiane në Tiranë, ku shprehet solidariteti i të gjithë qyteteve në Shqipëri.

“Faleminderit, Shqipëri! Një vend që nuk i braktis miqtë”, thuhen në mesazhin e përcjellë përmes kësaj videoje.

Italia mike, është shteti që ka mirëpritur me mijëra shqiptarë gjatë eksodit të vitit 1990-1991.

Aktualisht, Italia është vendi me numrin më të lartë të vdekjeve në Europë prej koronavirusit. /atsh

https://www.facebook.com/edirama.al/videos/625812958258529/?t=0

E gjithë Shqipëria, solidaritet me Italinë mike në luftë me COVID-19 Read More »

Meta: Ndihmë dhe solidaritet me Italinë, pandemia rrezik i përbashkët

Aktualitet, Politike / /

Pandemia e shkaktuar nga koronavirusi është një rrezik i përbashkët që kërcënon vendet dhe qytetarët tanë”. Kjo u nënvizua nga Presidenti i Republikës së Shqipërisë Ilir Meta, në një intervistë për And Kronos, pasi 30 mjekë dhe infermierë shqiptarë u dërguan në Itali, për të ndihmuar në përballimin e pasojave të infeksionit.

“Fatkeqësisht Italia – vazhdon Meta – po paguan një çmim shumë të lartë”. Prandaj, për Shqipërinë “të qenit në ndihmë të popullit italian sot nuk është vetëm një gjest ndihme dhe solidariteti, por edhe një mundësi për të shkëmbyer përvojë për mjekët tanë të rinj dhe stafin shëndetësore, për të ndihmuar zonat më të prekura”.

“Historia e ndihmës reciproke ndërmjet popujve tanë, vazhdon Meta – daton shekuj më parë, kur shqiptarët u bënë diga që ndaloi pushtimin otoman, së pari të Italisë dhe më pas të Europës, periudhë që zgjati për shumë vite e shumë shekuj. Këtë lidhje të fortë e dëshmojnë gjithashtu Komuniteti i vjetër arbëresh në Itali që jetojnë në Siçili, Kalabri, Basilicata, Puglia, Campania, Molise, Lazio dhe Abruzzo”, por gjithashtu edhe komuniteti i ri i shqiptarëve që mbërriti në Itali pas vitit 1990, një pjesë sot qytetarë italianë, dhe rezidenteë pikërisht në zonat më të prekura nga pandemia.

“Si mund ta harrojmë – shton Meta – Italinë dhe ndihmën e saj në të gjitha krizat shqiptare nga viti 1991 deri në 1997, gjatë luftës së Kosovës së vitit 1999 dhe tërmeti i fundit i 2019. Ne jemi dy vende fqinje dhe dy popuj fqinj. Unë e them shpesh, gjithçka mund të ndryshojë, por gjeografia nuk mundet ”.

Për Metën, vendet tona janë në të njëjtën varkë: “Një sukses për Italinë kundër koronavirusit do të ishte gjithashtu një avantazh i madh për Shqipërinë në luftën e saj kundër virusit”. Gjithashtu Presidenti i Republikës shqiptare shpreh “ngushëllimet e tij për të gjithë familjarët e viktimave të Covid-19 dhe autoritetet italiane”./atsh

Meta: Ndihmë dhe solidaritet me Italinë, pandemia rrezik i përbashkët Read More »

Ardit Gjebrea i bashkohet nismës së bashkisë së Tiranës, ndihmon 20 familje në nevojë

Aktualitet / /

Kantautori dhe prezantuesi i njohur Ardit Gjebrea iu bashkua nismës së bashkisë së Tiranës për të ndihmuar familjet në nevojë.

Gjebrea gjatë bisedës me nënkryetaren e bashkisë së Tiranës, Anila Ruseti, deklaroi se bashkë me përfaqësues të marketeve do të ndihmojnë 20 familje në nevojë këto ditë të vështira në bashkëpunim me bashkinë e Tiranës.

Nënkryetarja Ruseti theksoi se “prioritet këto ditë për ndihma kanë të moshuarit, familjet në nevojë e që janë në listat e ndihmës ekonomike, nënat kryefamiljare por edhe anëtarë të komunitetit rom dhe egjiptian që janë të gjithë në databazën e bashkisë së Tiranës”.

“Ne do i referohemi databazës që ne kemi dhe do të përpiqemi që mes familjeve që kemi me pensionistë ose pensionistëve të vetmuar ne do përpiqemi të zgjedhim ata që ne e dimë që kanë më shumë nevojë. Do të duhet të konsultohemi me databazën tonë të personave me aftësi të kufizuar, që gjithashtu edhe aty të mund të zgjedhim familjet që kanë më shumë nevojë në këtë moment. E njëjta gjë vlen edhe për familjet me ndihmë ekonomike ose për nënat kryefamiljare, për ata të komunitetit rom dhe egjiptian, pra ei gjithë databaza jonë reflekton familjet apo personat që kanë më shumë nevojë në këtë moment”, – tha Ruseti.

“Që prej 10 ditësh tashmë jemi siguruar që nëse të moshuarve i kemi çuar një vakt të gatuar të gatshëm në shtëpitë e tyre. Të gjtiha qendat tona sociale kanë shërbyer vaktet e drekës, ndryshe nga më përpara që i kemi bërë në qendrat tona ku ata rrinë dhe konsumojnë vaktin. Tani ia kemi çuar në shëpi,dhe kjo ka ndihmuar që ata të evitojnë në maksimum daljen e tyre nga shtëpia. Ndërkohë që me familjet, ata që kanë mundësi fizike për të gatuar i kemi çuar pakta ushqimore ose çfarëdolloj paketa higjieno-sanitare e kështu me radhë, që të sigurohemi që kjo është mënyra më e mirë që të gjitha familjet të kalojnë këtë periudhë të vështirë”, -nënvizoi ajo.

Nënkryetarja Ruseti e falënderoi Gjebrean për ndihmën ndaj këtyre familjeve. “Mezi presim që nesër të bëjmë këtë bashkëpunim të dyja palët dhe të shkojmë te 20 familjet në qytetin e Tiranës”, – tha Ruseti./atsh

Ardit Gjebrea i bashkohet nismës së bashkisë së Tiranës, ndihmon 20 familje në nevojë Read More »

Mbërrijnë në Rinas 112 shqiptarë të riatdhesuar nga Italia, 14 ditë në vetëkarantinim të monitoruar

Aktualitet, Lajmi i fundit / /

Mbrëmjen e së shtunës mbërriti në Aeroportin Ndërkombëtar “Nënë Tereza” në Tiranë, fluturimi i parë i riatdhesimit të 112 bashkëqytetarëve tanë nga Roma, të bllokuar në Itali pas ndalimit të hyrjeve daljeve nga vendet e tjera, në Shqipëri si masë kundër përhapjes së COVID-19.

Kristlen Keri, drejtor i Autoritetit të Aviacionit Civil, bën të ditur se, stafi mjekësor në aeroport kreu procedurën e kontrollit të tyre.

“Gjithashtu, secili prej tyre ka plotësuar formularët e vetëdeklarimit dhe do të kalojnë 14 ditë në vetëkarantinim të monitoruar çdo ditë nga Policia e Shtetit. E njëjta procedurë do të ndiqet për të gjithë fluturimet e riatdhesimit”, – shprehet Keri./atsh

Mbërrijnë në Rinas 112 shqiptarë të riatdhesuar nga Italia, 14 ditë në vetëkarantinim të monitoruar Read More »

Parashikimi i motit

Aktualitet / /

Shërbimi Meteorologjik Ushtarak bën me dije se moti sot do të nisë i vranët, por gradualisht vranësirat do të vijnë në pakësim kryesisht në mbrëmje.

Parashikohen reshje shiu me intensitet të ulët kryesisht në orët e mëngjesit e lokalisht në mesditë.

Era do të fryjë me drejtim juglindje-veriperëndim 1 deri 5 m/sek e përkohësisht në bregdet deri 10m/sek.

Valëzimi në dete parashikohet i forcës 2 deri 3 ballë.

Temperaturat parashikohen:

QYTETET Temperaturat në °C Sigla
Shkodër 8/16 re diell
Kukës 7/14 re diell shi i dobët
Lezhë 9/18 re diell
Dibër 4/13 re diell shi i dobët
Durrës 9/18 re diell
Tiranë 9/19 re diell shi i dobët
Elbasan 7/19 re diell shi i dobët
Berat 6/19 re diell shi i dobët
Vlorë 7/19 re diell
Korçë 2/13 re diell shi i dobët
Gjirokastër 2/17 re diell shi i dobët
Sarandë 8/19 re diell/atsh

Parashikimi i motit Read More »

Rama ndan Rapsodinë e Koronavirusit: Lufta na gjeti nuk e zgjodhëm, po ne do ta fitojmë

Aktualitet / /

“Mos u mërzisni, lufta na gjeti nuk e zgjodhëm, po ne do ta fitojmë dhe mos kini asnjë dyshim”, tha sot Kryeministri Edi Rama.

Ai ndau Rapsodinë e Koronavirusit me muzikën e grupit legjendar “Queen”, përshtatur sipas Bohemian Rhapsody.

Mesazhe drithëruese që sjellin realitetin në të cilin ndodhet gjithë bota, në përballje me pandeminë e COVID-19. “Mund të ulej më shumë kurba, e dini që është përgjegjësia juaj”, është ky njëri prej mesazheve që vjen përmes kësaj videoje dhe që sensibilizon mbi këshillën kryesore në këtë kohë, distancimin social./atsh

https://www.facebook.com/edirama.al/videos/2576631799243908/?t=0

Rama ndan Rapsodinë e Koronavirusit: Lufta na gjeti nuk e zgjodhëm, po ne do ta fitojmë Read More »

e-Albania/ Çfarë duhet të dinë qytetarët për të marrë leje për të dalë nga shtëpia

Aktualitet, Lajmi i fundit / /

Përmes portalit e-Albania u është dhënë sot përgjigje pyetjeve më të shpeshta nga qytetarët për lejet që nevojiten për të dalë nga shtëpia gjatë fashës orare 05:00-13:00.

Autorizim për të dalë nga shtëpia mund të marrë vetëm një anëtar i familjes, dhe jo pensionistët.

Këto leje janë për këmbësorët që duhet të dalin nga shtëpia për të blerë ushqime, ilaçe apo shërbesa të tjera.

Leja është për një datë të caktuar dhe zgjat vetëm 1 orë brenda fashës 05:13:00.

Ndërkohë, në portal sqarohet se askush nuk mund të lëvizë me automjetin e tij në këtë leje, sepse ajo është për këmbësorët.

Qytetarët duhet të aplikojnë sa herë që u duhet të dalin për pazar, për të shkuar në farmaci apo çdo shërbesë tjetër.

Ndërsa shtetasit e huaj mund të aplikojnë për një leje për dalje ditore duke dërguar sms në numrin 55155.

Aplikimi nga aplikacioni e-Albania miratohet automatikisht në moment dhe vjen në e-mail-in tuaj dhe në numrin e telefonit nëse keni regjistruar numrin tuaj gjatë aplikimit.

Aplikimi bëhet përmes internetit, ose portalit e-Albania, ose me mesazh të thjeshtë në numrin 55155. /atsh

e-Albania/ Çfarë duhet të dinë qytetarët për të marrë leje për të dalë nga shtëpia Read More »