Irina

Mjeku Kalo: Antibiotikët nuk janë karamele, distancimi social e higjiena masat e duhura

Aktualitet, Shendetesi / /

Mjeku i njohur dhe infeksionisti Tritan Kalo, këshillon për mospërdorim pa kriter të antibiotikëve, pasi siç thotë ai nuk janë karamele.

Mjeku Kalo thekson në një shkrim të publikuar prej tij, lidhur me trajtimin e COVID 19, se, vetëizolimi, distancimi social, higjena, janë thelbi për mospërhapjen e COVID 19.

“Kohë Covidiane-19….Më shumë hapësirë profesionistëve dhe më pak politikbërësve… Vetëm 1 në 6 persona të prekur nga Sars-Cov2, shkaktari i Covid-19 kanë shenja të evidentueshme klinike, çka e bën të nevojshme një konsultë mjekësore…”,- thekson Kalo.

“Vetëizolimi, distancimi social, higjena vetjake dhe kolektive, ajrimi i mjedisit ku jetojmë, Ushqimi sa më i variueshëm e rehidrimi i mjaftë, janë treguar mëse të efektshme në raste të tilla, si në ndërprerjen e transmetimit po ashtu edhe në vetëshërimin e rasteve jo simptomatike ose me siptoma minimale…”,-sqaron Kalo.

“Vetëm një pjesë e tyre mundet të marrin mjekim ose të adresohen për asistencë spitalore…skema e këtij mjekimi nuk është standarte, në mungesë të një mjekimi specifik anti-Covid19… Në ndihmë ne na vinë eksperiencat praktike të mjekëve në Kinë, Kore, Iran, Itali, Spanjë, Gjermani, SHBA, Angli e gjetkë, Por edhe ato të gjykuara e të modifikuara rast pas rasti…”,- thekson Kalo

Antibiotikët/Antibakterialët nuk janë karamele që po përdoren në shumicë ambulatorisht si dhe të kombinuara jo si duhet…Janë antibakterialë dhe jo antiviralë…Të mos harrojmë se ANTI-BIOS = Kundër Jetës…”,- vijon ai.

“Nga bisedat me kolegë e të sëmurë kam mbërritur këto ditë në përfundimin se, tashmë janë shpalosur plotësisht shumica e efekteve anësore të këtyre produkteve farmaceutike…. Nëse nuk janë të domosdoshmë përse po përshkruhen ato???…Me durim dhe besim reciprok ne së bashku do t’ia dalim mbanë!!!!”,- nënvizon Kalo. /atsh

Mjeku Kalo: Antibiotikët nuk janë karamele, distancimi social e higjiena masat e duhura Read More »

Kurba e COVID-19 në Shqipëri / Rama: Sa më fort të rezistojmë sot, aq më e butë do jetë ngjitja

Aktualitet, Lajmi i fundit / /

“Sa më fort të shtrëngohemi dhe rezistojmë sot, aq më e butë do jetë ngjitja e shigjetës së kuqe, aq më pak viktima e plagë të rënda do te kemi dhe aq më shpejt mund të fillojmë të dalim, pak nga pak, nga ky rrethim i hekurt në mbrojtje”, deklaroi sot Kryeministri Edi Rama.

Kryeministri Rama publikoi një grafik që tregon ritmin e përhapjes së COVID-19 në Shqipëri dhe në vende të tjera të rajonit dhe botës.

Rama kërkoi nga qytetarët të bëjnë rezistencë në këtë situatë. “Rezistencë, rezistencë rezistencë”, tha Kryeministri, ndërkohë që autoritetet shtetërore kanë vendosur masa drastike për kufizimin e lëvizjes.

Në grafikun e paraqitur nga Kryeministri duket qartë se deri tani kurba e pandemisë së COVID-19 në Shqipëri po rritet me ritme më të ngadalta se në vendet e tjera./atsh

Kurba e COVID-19 në Shqipëri / Rama: Sa më fort të rezistojmë sot, aq më e butë do jetë ngjitja Read More »

Fico: 4 fëmijët e prekur me koronavirus janë në gjendje të mirë shëndetësore

Lajmi i fundit, Shendetesi / /

Katër fëmijët e prekur me koronavirus janë në gjendje të mirë shëndetësore.

Lajmi u bë i ditur nga drejtoresha e Institutit të Shëndetit Publik, Albana Fico.

“Unë do të thosha që fëmijët siç thotë edhe referenca botërore, janë ata më pak të prekurit ose me format më të lehta. Jam e gëzuar t’ju them që deri tani që flasim, gjendja e tyre është e mirë”, – tha Fico.

Lidhur me strukturat e vëna në dispozicion në rast të shtimit të numrit të të prekurve me COVID-19, pra të fëmijëve, është në dispozicion shërbimi Infektiv i Pediatrisë në Qendrën Spitalore Universitare “Nënë Tereza”./atsh

Fico: 4 fëmijët e prekur me koronavirus janë në gjendje të mirë shëndetësore Read More »

Rama për ”La Stampa”: Ja se si Shqipëria ime e ndihmoi Italinë

Aktualitet, Intervista, Opinione, Politike / /

Unë kurrë nuk kam parë që një luftë të fitohet duke u mbrojtur, duhet të sulmosh, ky është një armik i vështirë dhe ne duhet të bëjmë si Milani i Arrigo Sacchit, të gjithë në mbrojtje dhe të gjithë në sulm, ai që luan vetëm humbet, deklaroi kryeministri Edi Rama për gazetën e njohur italiane ”La Stampa”.

”Nuk e tradhton dashurinë e tij për Italinë edhe te metaforat kryeministri i Shqipërisë, Edi Rama, i cili dje goditi imagjinatën italiane me fjalët e tij të solidaritetit dhe dërgimin e 30 vullnetarëve, përfshirë mjekë dhe infermierë, për të ofruar ndihmën për qendrat më të prekura në Lombardi”, shkruan ‘La Stampa”.

Kryeministri Rama, pikërisht në një kohë kur Europa po mundohet të tregojë solidaritet, Shqipëria nuk mungoi për t’i dhënë mbështetjen e saj Italisë. Si lindi ideja?

“Ne kemi jetuar me Italinë çdo ditë, përgjithmonë, dhe kur kuptuam se kishte nevojë për forcat e vijës së parë i thashë vetes: “Le të bëjmë diçka, nuk do të jetë shumë, por prapë një ndihmë është… “Kështu që telefonova ministrin Luigi Di Maio dhe së bashku organizuam operacionin, duke u koordinuar edhe me Shëndetësinë. E shkëlqyer ishte përgjigjja e menjëhershme nga mjekët dhe infermierët tanë. Edhe këtu kemi vdekje dhe të infektuar, por situata italiane është më serioze, dhe mobilizimi është ndjerë “.

Si mendoni si po sillet Bashkimi Europian në këtë fazë?

“Për ne, Bashkimi Europian është rruga e vetme dhe destinacioni i vetëm, edhe nëse është një projekt i papërsosur, i cili ndonjëherë është bllokuar, është i vetmi që mund të ketë sukses. Ky është një armik i padukshëm, i cili nuk ka nevojë për viza, që nuk shikon kufijtë e Schengenit dhe që nuk mund të hidhet në det: përballë një armiku që sfidon vetë kuptimin e komunitetit tonë njerëzor, frikësohet të shohë vendet europiane të cilat mbyllen dhe bëjnë dekrete shpesh kontradiktore. Kjo jep idenë e pamundësisë për të luajtur të gjithë së bashku ”.

A mendoni se dobësia europiane rrezikon të lërë një boshllëk politik që të tjerët mund ta mbushnin?

“Askush nuk mund të zëvendësojë Bashkimin Europian dhe shpresoj se kjo dobësi do të shndërrohet në mundësi për të gjetur një kohezion të ri të brendshëm”.

Shqipëria ka parë bllokimin e negociatave vetëm disa muaj më parë. Si e konsideroi këtë opinion publik shqiptar?

“Ishte një tërmet i tmerrshëm psikologjik, madje edhe para atij gjeologjik që pasoi. Për ne, BE është i vetmi vend ku mund të ulemi, një hapësirë ​​ku fati është në duart tona dhe jo në duart e të tjerëve. Në fund të fundit, nuk është hera e parë që ka ndodhur: Unë kam parë mirë zhgënjimin e Italisë të lënë vetëm në krizën e migrantëve, dhe pjesërisht edhe tani, ndërsa po lufton një luftë që nuk është një luftë italiane … ”

Çfarë prisni nga Komisioni i Ursula von der Leyen?

“Ne kemi marrë ‘po’-në për të hapur negociatat vetëm disa ditë më parë, kam një admirim të madh për të, ajo është një grua e jashtëzakonshme, me një ndjeshmëri të veçantë, dhe me një sens të fortë gjeopolitik, mendoj se ajo dëshiron t’i japë një kthesë të thellë strategjike Europës. ”

Cili është mësimi politik që duhet të nxirret nga kjo krizë e madhe globale?

“Unë nuk mendoj se ky virus ka mbërritur për të mirën tonë, por siç tha papa Françesku gjithashtu na jep mundësinë të reflektojmë mbi marrëdhëniet që kemi me natyrën, me familjet tona, me nivelin e komunikimit midis shteteve. Askush nuk mund të përjashtojë që Kina në vetvete nuk do të bjerë viktimë e virusit ose se infeksioni nuk do të kthehet në vendin ku dukej i zhdukur. Është një iluzion të mendosh që nuk duhet të veprojmë së bashku ”.

Çfarë mendoni për menaxhimin aktual të pandemisë?

“Unë mendoj se duhet të reagojmë nga ana ekonomike. Nuk mund ta mbyllim veten për të bërë vetëvrasje, përsëris, ne nuk e fitojmë ndeshjen vetëm në mbrojtje, e as nuk mund ta imagjinojmë se jemi mbyllur në shtëpi për një vit. Por, reagimi duhet të jetë i zakonshëm, i koordinuar, pasi fenomenet nuk mund të funksionojnë të vetmuar. Unë nuk kam iluzione, njeriu nuk u krijua të jetë i përsosur, por duhet të mësojmë të jetojmë me gabimet tona, jo të jetojmë me mëkatet tona “./atsh

Rama për ”La Stampa”: Ja se si Shqipëria ime e ndihmoi Italinë Read More »

Delegacioni i BE-së: Të duartrokasim në orën 20.00 për punonjësit në frontin e luftës

Aktualitet / /

Delegacioni i Bashkimit Europian në Shqipëri apelon për të gjithë qytetarët që sonte në orën 20.00 të duartrokasim për profesionistët e shëndetësisë, zjarrfikëset, policët që po shërbejnë në këto ditë të emergjence në luftë kundër COVID-19

“Ne jemi me gjithë zemër për të kapur duart sonte për profesionistët e kujdesit shëndetësor, studiuesit, zjarrfikëset, policët dhe të gjithë ata që janë atje duke luftuar kundër COVID-19”, shprehet delegacioni i BE-së.

Po ashtu delegacioni i BE-së shprehet se “bashkohuni me ne duke duartrokitur sonte në 20:00″./atsh

Delegacioni i BE-së: Të duartrokasim në orën 20.00 për punonjësit në frontin e luftës Read More »

Recel Kumbulle

Kulinari / /

Recel Kumbulle

Të gjithë ne mund të përgatisim lloje të ndryshe të receleve në shtëpitë tonna dhe ato ti përdorim qoftë për ëmbëlsira, qoftë për të lyer bukën.

Përbërësit që na nevojiten për përgatitjen e recelit me kumbulla janë:

2 kg kumbulla

2kg sheqer

3 gota ujë

Limon

Mënyra e përgatitjes:

Pastrojmë kumbullat mirë dhe i heqim bishtat dhe bërthamën. I ndajmë në mes dhe i vendosim në tenxhere. Sipër ia hedhim sheqerin dhe ujin dhe i mbulojmë me kapak. I lëmë të ziejnë me temperaturë të ngadaltë, derisa të jennë shkrirë të gjithë përbërësit. Ndërkohë i shtrydhim pak limon dhe përziejmë. Kur shohim se lënngu i kumbullave ka filluar të trashet dhe është krijuar një shtresë e karamelizuar sipër, kuptojmë se receli është gati.

Mbushim kavanozat dhe i lëmë të ftohen.

Recel Kumbulle Read More »

Vetëm një person për familje/ Hapat që duhet të ndiqni për të marrë lejedaljen në “e-Albania”

Aktualitet, Lajmi i fundit / /

Duke nisur nga dita e hënë, qytetarët përmes e-Albania do të mund të marrin leje për daljet nga shtëpia për pazar, vetëm një person për familje.

Ju duhet leje për të dalë në pazar, por ja çfarë duhet të dini. Nëse dërgoni SMS, duhet të prisni.

Konkretisht, qytetari hap faqen e-Albania dhe klikon në shërbimin “Leje për dalje”. Pasi vendos emrin, një person i vetëm i familjes, orën e lëvizjes (1 orë në fashën 05.00-13.00) dërgon kërkesën, e cila miratohet menjëherë. Në email do merrni konfirmimin. Por e-albania ka publikuar një listë me shjegime mbi këtë proces.

Ja çfarë duhet të dini:

1. Çfarë lejesh janë këto?

Këto janë leje për këmbësorët, që duhet të dalin nga shtëpia për të blerë: ushqime, ilaçe apo për shërbesa të tjera.

2. Si mund të aplikoj për këtë leje?

Aplikimi nëpërmjet internetit:

Klikoni www.e-albania.al ose nëpërmjet aplikacionit e-albania, të cilin mund ta shkarkoni në smartphone-n tuaj dhe të kërkoni shërbimin: “Leja për Dalje”.

Për të aplikuar për këtë shërbim ju duhet të jeni i identifikuar në portal. (Regjistrohu në portal nëpërmjet të dhënave të kartës suaj të identitetit nëse nuk jeni regjistruar më pare.)

Aplikimi me anë të sms-së në telefon:

Ata qytetarë, që nuk kanë mundësi të aplikojnë në internet, mund të dërgojnë një mesazh të thjeshtë në numrin: 55155 me tekst: Numri i kartës së identitetit dhe orën e daljes.

Psh: J12345678L 0930

3. Kur e marr miratimin e lejes, kur aplikoj nga e-Albania?

Aplikimi nga aplikacioni e-Albania, miratohet automatikisht në moment dhe vjen në e-mail-n tuaj, dhe në numrin e telefonit nëse keni regjistruar numrin tuaj gjatë aplikimit.

4. Kur e marr miratimin, kur aplikoj me sms në 55155?

Kur aplikohet me sms, miratimi për lejen e kërkuar vjen 1 ditë më vonë, pra të nesërmen.

Psh: Nëse dergon një mesazh ditën e hënë, miratimi me sms vjen ditën e martë dhe qytetari mund të dalë ditën e mërkurë.

5. Për sa kohë është kjo leja?

Leja është për një datë të caktuar dhe zgjat vetëm 1 orë, brenda fashës orare: 05.00-13.00.

6. A mund të lëviz me automjetin tim me këtë leje?

Jo, “Leja per dalje” është për këmbësorët.

7. Sa herë që më duhet të dal, duhet të aplikoj?

Po, ju duhet të aplikoni sa herë që ju nevojitet të dilni për të bërë pazar, për të shkuar në farmaci apo shërbesë tjetër. Por, vetëm 1 orë brenda një dite.

8. Shtetasit e huaj si mund të aplikojnë? / How can foreign citizens apply for a permission?

Shtetasit e huaj mund të aplikojnë një leje për dalje ditore, duke dërguar një sms në numrin 55155 me formatin “F IDnumber Time”

Foreign citizens may apply for a one time per day pemission by sending a text message at the number 55155 with the format “F IDnumber Time” (F stands for Foreigner)

Example: F J1234567G 0930

9. Po, për të shkuar në punë duhet të aplikoj?

Jo, për të shkuar në punë si këmbësor nuk nevojitet aplikim për leje-dalje.

10. Po, kur jemi në një certifikatë unë dhe prindërit e mi, por ata jetojnë në një qytet tjetër nga unë si mund të aplikojmë për të dalë të dyja palët?

Në rastet kur disa anëtarë të certifikatës suaj familjare jetojnë në një qytet tjetër dhe ju punoni e jetoni në një qytet të tjetër, të dyja palët mund të aplikojnë për leje duke qenë se verifikohet vendndodhja e ndryshme e punës për anëtarë, që i përkasin së njëjtës certifikatë familjare.

11. Po, për të shkuar në spital vlen kjo leje?

Në rast se ju do të shkoni në këmbë në spital, patjetër që vlen./atsh

Vetëm një person për familje/ Hapat që duhet të ndiqni për të marrë lejedaljen në “e-Albania” Read More »

Thirrja e mjekes Najada Çomo nga Spitali Infektiv: Rastet po rriten, kuptojeni rrezikun qëndroni në shtëpi!

Opinione, Problematika, Shendetesi / /

Shefja e Infektivit në Qendrën Spitalore Universitare, Najada Çomo, i ka bërë thirrje shqiptarëve të qendrojnë në shtëpi, pasi kështu do të ndihmojnë veten, familjarët dhe gjithashtu edhe mjekët.

Përmes një videomesazhi, Çomo nga Infektivi kujton se numri i pacientëve me COVID-19 është duke e u rritur. “Ndoshta nuk po e kuptoni me çfarë lufte po përballemi këtu në Spitalin Infektiv! Ju lutem qëndoni në shtëpi!”, theksoi Çomo.

“Jam nga Infektivi në QSUT ku po trajtohen pacientët e infektuar me COVID-19. Numri i pacentëve është tepër i lartë. Natyrisht kemi forma të mesme dhe mjaft të rënduara të rasteve. Natyrisht lajm optimist është numri i të shëruarve”,- tha Çomo.

“Një ditë shërbimi, mjekë, infermierë, sanitarë, imazheristë, reanimatorë, janë të gjithë në krye të detyrës 24 orë në 24 orë. Kur vijmë në shërbim shohim njerëz që janë në rrugë dhe nuk e kuptojnë rrezikun, prandaj të nderuar qytetarë, qëndroni brenda, është shërbimi më i madh që mund t’i bëni shërbimit tonë. Të sëmurët kronikë, pensionistët janë më të rrezikuarit, prandaj nuk duhet të dalin. Ne jemi gjithnjë me ju, ju bëni pjesën tuaj e qëndroni shtëpi!”, nënvizoi Çomo./atsh

https://www.facebook.com/OgertaManastirliu/videos/666755974154614/?t=0

Thirrja e mjekes Najada Çomo nga Spitali Infektiv: Rastet po rriten, kuptojeni rrezikun qëndroni në shtëpi! Read More »