Kryeministri Edi Rama ka zgjedhur një citim të shkrimtarit të njohur Berlolt Brecht për të përcjellë mesazhin e sotëm në rubrikën “Fjalë të çmuara”.
“Kush nuk e njeh të vërtetën është thjeshtë i papërgatitur, por kush e njeh dhe e quan gënjeshtër, është keqbërës”, shprehet Rama duke cituar shprehjen e shkrimtarit dhe dramaturgut të njohur.
Kjo fundjavë do të jetë e fundit ku gjithçka do të jetë e mbyllur dhe të gjithë në shtëpi nga sot ora 13.00 deri të hënën në 05.00.
Kryeministri Edi Rama ka deklaruar se të hënën do të publikohen masat e reja lehtësuese ku fasha orare do të zgjatet deri 17.30 dhe autorizimet për leje-dalje për pazar do të jenë 90 minuta.
Gjithashtu, Rama ka bërë të ditur se në javën e ardhshme, gjithmonë nëse kurba do të ketë këtë trend rënie, do të shihet mundësia për të zgjeruar edhe lëvizjen me makina private të kompanive që lejohen të qëndrojnë të hapura.
“Në kushtet kur mund të shohim me optimizëm të arsyeshëm fundin e muajit maj si një dalje nga kjo fazë e parë përballjeje të gjithanshme me armikun e padukshëm, ku një pjesë e madhe e aktivitetin ekonomik mund të rikthehet në një normalitet të ri dhe shumë kush mund të rikthehet në punë, me rregulla të mirëpërcaktuara natyrisht”, ka theksuar Rama/atsh
Gjithçka e mbyllur nga sot në 13:00 deri të hënën në 05:00 Read More »
Ministri i Brendshëm Sandër Lleshaj ka përgëzuar punonjësit e Policisë së Shteti të cilët bënë të mundur të neutralizojnë dhe të arrestojnë një person me rekorde kriminale, gjatë vizitës në spital të qytetares e cila mbeti e plagosur gjatë operacionit policor.
Lleshaj shprehet se “një kombinim rrethanash solli, që gjatë një përplasjeje të rrezikshme mes Policisë së Shtetit dhe një personi me shumë rekorde kriminale, ku u përdorën armët e zjarrit, të arrihej të neutralizohej në gjendje të plagosur dhe të arrestohej një ndër personat më të kërkuar në vend”.
Lleshaj shtoi se fatkeqësisht gjatë përplasjes mbeti e plagosur një kalimtare e rastit.
“Për t’i shprehur solidaritetin dhe për t’i kërkuar ndjesë qytetares së plagosur, bashkë me drejtuesit e Policisë së Shtetit dhe asaj të Tiranës, bëmë një vizitë në spitalin ku është shtruar qytetarja e plagosur, e cila është nën kujdesin e plotë të mjekëve dhe jashtë rrezikut për jetën”, u shpreh ministri Lleshaj.
“Gjithashtu, me respekt takova edhe punonjësit e skuadrës “Shqiponja”, të cilët sot dëshmuan ato cilësi që të gjithë kërkojmë tek Policia jonë: zgjuarsi, vigjilencë, përgjegjësi, profesionalizëm dhe trimëri. Pavarësisht pandemisë, Policia nuk e humbet fokusin tek detyrat e saj bazë”, shprehet ai. /atsh
Edhe pse të mbyllur në shtëpi, të gjithë dashamirësit e natyrës si fotografë, gjuetarë, punonjës organizatash, ekspertë por dhe publiku i zakonshëm, përsëri kanë mundësi të mbledhim të dhëna mbi jetën e egër dhe shpendët në veçanti.
Shoqata e e ruajtjes dhe mbrojtjes së mjedisit natyror në Shqipëri (PPNEA) shprehet se “nëpërmjet aplikacionit SmartBirds në sektorin “Urban Birds” mund të regjistrojmë të gjithë shpendët që ne arrijmë të dëgjojmë apo shikojmë nga shtëpitë tona”.
“Të dhënat e marra do të ngarkohen në një hartë, e cila do të shfaqet çdo javë në faqen e PPNEA, e cila do të na ndihmojë të gjithëve për t’u njohur më shume me shpendët e qytetit dhe ato që po tentojnë të afrohen së fundi”, shprehet shoqata.
PPNEA po punon mbi përkthimin e SmartBirdsPro, aplikacion është krijuar nga Shoqata Bullgare për Mbrojtjen e Shpendëve (BSPB) dhe tashmë është drejt përfundimit dhe në gjuhën shqipe.
I gjithë sistemi i mbledhjes së informacionit biologjik është përshtatur me llojet e shpendëve, gjitarëve, zvarranikëve, invertebrorëve dhe bimëve të pranishme në vendin tonë.
Aplikacioni lejon gjithashtu mbledhjen e të dhënave për kërcënimet e ndryshme ndaj biodiversitetit, siç janë shqetësimi i llojeve të rrezikuara dhe foleve të tyre, zjarret apo dhe përdorimi i karremave të helmatisur, rreziku nga elektroshoku dhe përplasjet me linjat e energjisë etj.
Përshtatja e aplikacionit në gjuhën shqipe po realizohet në kuadër të projektit të mbështetur nga CEPF, “Toka e kështjellave dhe shqiponjave – Faza II” dhe projektit LIFE “Egyptian Vulture New LIFE”. /atsh
“SmartBirds Pro”, aplikacioni i përshtatur për jetën e egër në Shqipëri Read More »
Ish-ministri i Shëndetësisë, Ilir Beqja thotë se është ende herët për të përcaktuar nëse Shqipëria e ka kaluar apo jo pikun e COVID-19 ndërsa paralajmëron se pandemia mund të largohet pas një viti.
Në një intervistë për një nga mediet e vendit, Beqaj u shpreh se në kushtet kur nuk ka vaksinë, duke ngadalësuar përhapjen e virusit, rritet imuniteti.
“Fundi do të vijë pas një vit. Që epidemia të kaloi në kushtet kur nuk ka vaksinë, kur sistemi ynë imun është në përpjekjet për t’u adoptuar, duhet kohë. Ky është një virus i ri, vetëm në vjeshtë ka kaluar nga kafshët tek njerëzit. duke ngadalësuar përhapjen e virusit, rrisim dhe imunitetin”, tha Beqaj.
Më tej, ai u shpreh se ‘ duhet të vazhdojnë programet e kufizimit të lëvizshmërisë dhe të shtrihet kujdesi për personat pozitivë në mënyrë që t’i gjurmojmë dhe identifikojmë shpejt’.
Sipas ish-ministrit fakti se nuk kemi pasur shumë të infektuar lidhet me masat e marra sa më shpejt.
Tregues që Shqipëria deri tani e ka përballuar mirë epideminë është fakti nuk kemi ende asnjë rast fataliteti tek mjekët si dhe qendrat shëndetësore nuk janë kthyer në përhapje të virusit.
Beqaj tha më tej se, sa i takon numrit të të vdekurve, Shqipëria hyn tek numri më i ulët i fataliteteve për 1 milion banorë./atsh
Beqaj: Shqipëria, me numrin më të ulët të fataliteteve për 1 milion banorë Read More »
Në 24 orët e fundit, 17 pacientë të tjerë i janë shtuar listës së të shëruarve duke e çuar numrin e të shëruarve nga COVID-19 në 182.
Përfaqësuesja e Institutit të Shëndetit Publik, Marjeta Dervishi, tha në komunikimin për mediet “lajmi i mirë është që gjatë 24 orëve të fundit, 17 pacientë të tjerë i janë shtuar listës së të shëruarve duke e çuar numrin e të shëruarve nga COVID-19 në 182”.
Sipas saj, betejën me këtë sëmundje e kanë humbur deri tani 23 qytetarë, megjithë përpjekjet e jashtëzakonshme të personelit shëndetësor.
Dervishi tha se “vazhdon puna në terren për identifikimin e rasteve të reja dhe gjurmimin e kontakteve të rasteve, të konfirmuara pozitive”.
Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social./atsh
Në spitalin Infektiv dhe atë “Shefqet Ndroqi” në Tiranë aktualisht po marrin shërbim 56 pacientë.
Dr. Marjeta Dervishi përfaqësuese e Institutit të Shëndetit Publik theksoi sot se “në shërbimin infektiv aktualisht janë 50 të shtruar. 6 prej tyre janë në terapi intensive dhe 1 pacient është i intubuar”.
“Në spitalin COVID 2 “Shefqet Ndroqi”, janë 6 pacientë të shtruar gjithsej, ndërsa 4 pacientë janë të intubuar”, – tha Dervishi.
Në 24 orët e fundit janë testuar 162 persona të dyshuar, prej të cilëve janë konfirmuar 7 raste të reja me COVID-19. Deri në këto momente janë testuar 3 385 raste të dyshuara dhe prej tyre janë të konfirmuar pozitivë me COVID-19, 416 raste./atsh
56 të shtruar në 2 spitale, 6 në terapi intensive 5 të intubuar Read More »
Kryeministri Edi Rama informoi sot se “të hënën do të publikohet plani i një hapjeje shumë graduale të rrugës së riatdhesimit, me kushtet përkatëse detyruese të karantinimit 14-ditor, nën rregulla të forta sigurie”.
“Duke ju kërkuar 1000 herë ndjesë të gjithë atyre që janë rezidentë në Shqipëri dhe për arsyen madhore të mbrojtjes së popullit e të vendit tonë nga agresioni i armikut të padukshëm, kanë mbetur jashtë kufijve të mbyllur, si edhe duke u nisur nga mbajtja nën kontroll e kurbës së infeksionit deri tani, jemi gati të publikojmë të hënën planin e një hapjeje shumë graduale të rrugës së riatdhesimit, me kushtet përkatëse detyruese të karantinimit 14-ditor, nën rregulla të forta sigurie”, deklaroi Rama.
Ai tha se “duke i mirëkuptuar të gjitha ankesat e madje edhe sharjet e fyerjet, për mbylljen e plotë të kufijve dhe me bindjen se edhe ata, që nuk përmbahen fare në mallkimet që lëshojnë, e kuptojnë se masa ekstreme e ndalimit për t’u kthyer në këtë fazë, diktohet nga interesi jetik i mbrojtjes së shëndetit të popullit shqiptar, u lutem të gjithëve të bëjnë edhe pak durim”.
Kryeministri theksoi se “luftërat nuk vijnë për të sjellë as gëzime, as qetësi, as ekonomi, po sjellin plagë, dhimbje, stërmundim dhe nëse sot nuk kemi qindra të vdekur, mijëra të plagosur nëpër spitale e një re të zezë mbi kokat tona, si shumë vende më të mëdha e më të zhvilluara se Shqipëria, kjo nuk ka ardhur nga qielli, po falë pikërisht masave të forta që kemi marrë dhe sakrificës së përditshme të secilit prej nesh.
“Ne nuk mund ta humbim këtë luftë, e nuk do ta humbim këtë luftë, sepse ne nuk jemi pasardhësit e heronjve, dëshmorëve e luftëtarëve shqiptarë në shekuj, vetëm kur kemi festa e kur këndojmë këngë për ta, po edhe kur duhet të bëjmë detyrën tonë ndaj atdheut, popullit, njëri-tjetrit, sot më shumë se kurrë, si një atdhe, një familje”, tha Rama./atsh
