Irina

Mbështetje për fermerët/ Krijimi i një Banke Bujqësore të Zhvillimit me fondet shtetërore

Aktualitet / /

Qeveria po sheh mundësinë e krijimit të një Banke Bujqësore të Zhvillimit, me fondet shtetërore për nxitjen e kreditimit të fermerëve.

Drejtoresha e Agjencisë së Zhvillimit Bujqësor dhe Rural, Frida Krifca u shpreh se, “Qeveria po punon për zgjerimin e instrumentave që lehtësojnë rritjen e kreditimit të fermerëve. Shteti shqiptar po sheh, të krijojë mundësinë e një Banke Bujqësore Zhvillimi me fonde shtetërore”.

“Po artikulohet në tryezat vendimmarrëse kjo gjë, e cila do të ishte një zgjidhje me tej në nxitjen e kreditimit të sektorit rural”- tha Krifca, gjatë një takimi me fermerë në Lundër të Tiranës për t’i informuar mbi skemën kombëtare të mbështetjes, 2020.

Sipas saj, kontrata që ka aplikanti me AZHBR, për investimin në bujqësi, i ndihmon fermerët, ta kenë si kolateral për kredi në bankë.

Krifca theksoi se, qeveria krahas politikave për zhvillimin e qëndrueshëm afatgjatë të bujqësisë ka vënë në zbatimin edhe instrumenta të nxitjes së financimit të fermerëve, siç është fondi i garancisë me vlerë 150 milionë euro për kreditimin e bujqësisë, apo Skema Kombëtare që subvencionon drejtëpërdrejtë fermerët, krahas programit IPARD që jep grante për zhvillimin e bujqësisë në tërësi. /atsh

Mbështetje për fermerët/ Krijimi i një Banke Bujqësore të Zhvillimit me fondet shtetërore Read More »

Ministria e Shëndetësisë/ Ndërron jetë në spitalin Infektiv 64-vjeçarja, vuante nga limfoma e trurit

Aktualitet, Shendetesi / /

Mbrëmjen e sotme ka ndërruar jetë në spitalin Infektiv një paciente 64-vjeçare nga Tirana, e konfirmuar me COVID-19, e cila ishte e shtruar prej 3 javësh në spital, në gjendje të rëndë.

64-vjeçarja që vuante prej 4 muajsh nga limfoma e trurit, nuk arriti dot të mbijetonte, pavarësisht mjekimit intensiv dhe përpjekjeve të stafit mjekësor.

64-vjeçarja është viktima e 32 e prekur nga COVID-19 në Shqipëri.

Ministria e Shëndetësisë i shpreh ngushëllimet familjes së të ndjerës dhe apelon edhe një herë qytetarët të respektojnë rregullat e distancimit social, për të mbrojtur veten dhe të tjerët./atsh

Ministria e Shëndetësisë/ Ndërron jetë në spitalin Infektiv 64-vjeçarja, vuante nga limfoma e trurit Read More »

Rama uron Fitër Bajramin: Paqja dhe mëshira e All-llahut qoftë me ju

Aktualitet / /

Kryeministri Edi Rama uroi sot të gjithë besimtarët myslimanë për festën e Fitër Bajramit.

“Gëzuar Fitër Bajramin, paqja dhe mëshira e All-llahut qoftë me ju”, tha Rama në urimin e tij për gjithë besimtarët myslimanë në këtë festë të shenjtë për ta.

Myslimanët në të gjithë botën festojnë Fitër Bajramin, që shënon fundin e muajit të shenjtë të Ramazanit, gjatë së cilit besimtarët agjëruan 30 ditë, në shenjë sakrifice dhe përkushtimi ndaj Zotit.

Festa e Bajramit manifestohet duke falur namazin e Bajramit. Namazi i Bajramit është obligim i domosdoshëm për çdo mysliman. Muhamedi i ka kushtuar rëndësi të veçantë duke i urdhëruar myslimanët që të falin këtë namaz./atsh

Rama uron Fitër Bajramin: Paqja dhe mëshira e All-llahut qoftë me ju Read More »

Ja si do të jetë moti në vazhdim

Aktualitet / /

Shërbimi Meteorologjik Ushtarak bën me dije se moti sot parashikohet i kthjellët me vranësira kalimtare në relievet malore përgjatë orëve të mesditës.

Era do të fryjë me drejtim Veriperëndim deri në 8m/sek. Valëzimi në dete parashikohet i forcës 4 ballë duke u shoqëruar me lartësi dallge 0.8-1.5 metër.

Temperaturat parashikohen:

QYTETET Temperaturat në °C Sigla
Shkodër 14/26 Diell re
Kukës 10/25 Diell re
Lezhë 17/26 Diell
Dibër 11/22 Diell re
Durrës 17/26 Diell
Tiranë 15/28 Diell
Elbasan 16/27 Diell re
Berat 11/29 Diell
Vlorë 15/27 Diell
Korçë 10/18 Diell re
Gjirokastër 11/26 Diell
Sarandë 14/27 Diell/atsh

Ja si do të jetë moti në vazhdim Read More »

Kolonia e çafkave dhe karabullakëve në Divjakë-Karavasta, vlerë e jashtëzakonshme për larminë biologjike

Aktualitet, Turizem / /

Divjakë-Karavasta mbetet kolonia më e madhe dhe më e larmishme e çafkave dhe karabullakëve në Shqipëri.

Shoqata Ornitologjike e Shqipërisë (AOS) bën të ditur sot në Ditën Ndërkombëtare të Biodiveristetit rezultatet nga monitorimi në terren i kolonisë së e çafkave dhe karabullakëve.

“Kolonia po gëlon nga aktiviteti folezues. Monitorimi i saj nga ajri me dron dhe nga toka me teleskop e dylbi, tregon se kolonia ka nisur aktivitetin që prej muajit prill me folezimin e njëpasnjëshëm të çafkës së bardhë të vogël me 35 % të folezuesve, karabullakut të vogël me 25 %, çafkës së natës me 13 %, çafkës së lopëve me 10 %, çafkës së verdhë me 8 % kojlikut të zi me 9 %”, thekson AOS.

Vizita në koloni dhe vrojtimi në distancë tregon se pjesa më e madhe e çafkave të bardha të vogla dhe Karabullakëve të vegjël kanë çelur të vegjlit, ndërsa speciet e tjera vazhdojnë me ngrohjen e vezëve.

“Kolonia duket e pashqetësuar dhe në gjendje të mirë. Fotografitë ajrore të lënë të kuptosh se kolonia është pak a shumë në të njëjtën madhësi me viti e shkuar. Megjithatë, numri i çifteve folezues pritet të verifikohet saktësisht në fund të sezonit të folezimit”, – shprehet AOS.

Sipas saj, shifrat dhe fotot dëshmojnë se Divjakë-Karavasta mbetet kolonia më e madhe dhe më e larmishme e çafkave dhe karabullakëve në Shqipëri.

Kjo koloni është, pa më të voglin dyshim, një vlerë e jashtëzakonshme për larminë biologjike në Shqipëri./atsh

Kolonia e çafkave dhe karabullakëve në Divjakë-Karavasta, vlerë e jashtëzakonshme për larminë biologjike Read More »

Distancim fizik dhe higjienë, mjeku Lilaj: Vetëm kështu do të mund t’i rikthehemi normalitetit

Shendetesi / /

Distancimi fizik dhe higjiena janë dy elementët kryesorë për t’iu rikthyer normalitetit.

Ministrja e Shëndetësisë dhe Mbrojtjes Sociale, Ogerta Manastirliu ka publikuar një videomesazh të prof. ass. Krenar Lilaj, i cili bën thirrje për distancim fizik dhe higjienë.

“Doktor Krenar Lilaj, në vijën e parë të përballjes me COVID-19, ka kryer një punë të lavdërueshme për koordinimin e shërbimit të anestezi-reanimacionit në dy spitalet COVID. Sot mjeku i njohur ka një mesazh për të gjithë qytetarët: Të tregohemi të kujdesshëm, të zbatojmë rregullat e distancimit fizik dhe sidomos të higjienës, sepse vetëm kështu mund t’i rikthehemi normalitetit të plotë”, – theksoi Manastirliu.

“Vetëm pak muaj më parë na u desh të përballeshim, ndoshta me një nga periudhat më të vështira për gjithësecilin. Jeta shoqërore ngriu, ekonomia u paralizua, ndërsa ne mjekët luftonim me një sëmundje të panjohur e cila në botë po merrte shumë jetë njerëzish. Në sajë të ndihmesës së mjekëve dhe stafit mjekësor mjaft pacientë u shëruan. Me keqardhje mund të them se patëm dhe humbje jete”, – tha Lilaj.

“Por na u desh të luftonim me një sëmundje ku në disa raste ishte mjaft e vështirë për t’u trajtuar. Falë punës dhe sakrificës, mbështetjes së qeverisë dhe qytetarisë, duket sikur e keqja po kalon. Dalëngadalë po i kthehemi normalitetit dhe njerëzit po i kthehen punës për të dhënë kontributin e tyre në shoqëri. Ende duhet të tregohemi të kujdesshëm që vështirësitë e kësaj pandemie të mos na përsëriten më, ajo po mundet, por ende nuk është asgjësuar. Duhet të ruajmë rregullat e distancimit fizik dhe higjienës. Vetëm kështu do i kthehemi normalitetit të plotë”, – nënvizoi Lilaj në videomesazhin e tij. /atsh

Distancim fizik dhe higjienë, mjeku Lilaj: Vetëm kështu do të mund t’i rikthehemi normalitetit Read More »

Jacques Attali, ish-këshilltari i presidentit francez: Shqipëria, gati për anëtarësim në Bashkimin Europian

Aktualitet, Opinione, Politike / /

Jacques Attali, ish-këshilltari i presidentit francez, i cilësuar njëherazi si një nga 100 mendjet më të ndritura në botë, deklaroi në një intervistë për një media shqiptare se Shqipëria është gati për anëtarësim në Bashkimin Europian.

Ai beson se procesi i negociatave do të përfundojë shpejt, sepse Shqipëria thotë ai, tashmë është gati.

“Për sa më takon, unë kam qenë gjithmonë në favor të anëtarësimit të Shqipërisë në Bashkimin Europian, e kam thënë dhe e diskutoj shpesh këtë me mikun tim kryeministrin Edi Rama, që e admiroj dhe përshëndes aksionin e tij kurajoz dhe efikas”, deklaroi Attali.

Sa i takon të ardhmes, theksoi Attali, besoj se kjo çështje është mbyllur.

“Të gjithë urojnë që procesi i anëtarësimit të Shqipërisë të fillojë dhe unë shpresoj që do të ecë mirë dhe sa më shpejt që të jetë e mundur”, u shpreh Attali./atsh

Jacques Attali, ish-këshilltari i presidentit francez: Shqipëria, gati për anëtarësim në Bashkimin Europian Read More »

“Shqipëria s’ka kohë të luajë “e ka kush e ka” dezhurnin”/ Presidenti nuk më ka dorëzuar asnjë platformë, gati të ulemi në tryezë me karta të hapura

Aktualitet, Lajmi i fundit / /

“Jemi në prag të miratimit të Planit të Veprimit për Negociatat në Këshillin Kombëtar të Integrimit, s’ka rast më të mirë që Presidenti, opozita, institucionet e drejtësisë, partnerët ndërkombëtarë për drejtësinë dhe integrimin, të mblidhen urgjent në një tryezë me karta të hapura”, deklaroi sot Kryeministri Edi Rama.

Duke reaguar ndaj deklaratave të Metës, Rama tha se “Presidenti nuk më ka dorëzuar asnjë platformë, por jam gati të ulem në çdo moment me të, me opozitën brenda/jashtëparlamentare e me partnerët e Reformës në Drejtësi, që t’i vëmë pikat mbi “i” të gjitha pikave të të gjitha palëve në shqip/anglisht, se teatri ra, iku e na la”.

“Presidenti t’i lerë apelet natën për 20 burra e ditën për 11 pika. Opozita t’i lerë ultimatumet trupore e sharjet fëminore! Të dy bashkë ta lenë teatrin e mbledhjeve të komitetit të shpëtimit, se Shqipëria, parlamenti, qeveria, s’kanë kohë të luajnë “e ka kush e ka” dezhurnin”, tha Kryeministri./atsh

“Shqipëria s’ka kohë të luajë “e ka kush e ka” dezhurnin”/ Presidenti nuk më ka dorëzuar asnjë platformë, gati të ulemi në tryezë me karta të hapura Read More »