Irina

Rama: Të rrezikosh shëndetin dhe jetën e njerëzve për të luajtur një pllakë gramafoni

Aktualitet, Politike / /

“Të rrezikosh shëndetin dhe jetën e njerëzve për të luajtur një pllakë gramafoni”.

Kështu u shpreh sot Kryeministri Edi Rama, duke iu referuar një takimi që kreu i PD-së Lulzim Basha zhvilloi sot me qytetarët në Durrës përkundër masave të marra dhe apelit të ekspertëve për ruajtjen e distancimit fizik për të parandaluar përhapjen e COVID-19.

Në foto shihet qartë që qytetarët nuk kanë ruajtur distancën fizike.

Më herët reagoi edhe ministrja e Shëndetësisë dhe Mbrojtjes Sociale, Ogerta Manastirliu u shpreh sot “e tmerruar nga kjo shfaqje ekstreme papërgjegjshmërie, në kushtet e hapjes, kur më shumë se kurrë njerëzit duhet të respektojnë rregullat e mbrojtjes nga COVID-19, sepse ekspozimi është i madh”.

Në një reagim, sekretari i Përgjithshëm i PD, Gazment Bardhi tha se “sot vatra e vetme e infeksionit masiv është spitali, që duhet të ishte vendi më i sigurt e ku masat të ishin me rigoroze”.

“Edi Rama nuk tmerrohet nga varfëria e shqiptarëve dhe nga papunësia masive e tyre, por e përdori coronavirusin për të vjedhur dhe gënjyer qytetarët”, tha ai, duke shtuar se “ka të drejtë të tmerrohet nga bashkimi i shqiptarëve, që i la pa asnjë ndihmë, pa asnjë mbrojtje, dhe i vodhi e varfëroi edhe gjatë izolimit”./atsh

Rama: Të rrezikosh shëndetin dhe jetën e njerëzve për të luajtur një pllakë gramafoni Read More »

Manastirliu reagon ndaj takimit të Bashës: Jam e tmerruar nga kjo shfaqje ekstreme papërgjegjshmërie

Opinione, Politike / /

Ministrja e Shëndetësisë dhe Mbrojtjes Sociale, Ogerta Manastirliu reagoi sot ndaj takimit që kreu i PD, Lulzim Basha zhvilloi me qytetarë në zonën e Kënetës në Durrës, ndonëse jemi në kohë pandemie dhe deri në 23 qershor në gjendje të fatkeqësisë natyrore, ndalohen grumbullimet masive.

“Si ministre e Shëndetësisë dhe Mbrojtjes Sociale jam e tmerruar nga kjo shfaqje ekstreme papërgjegjshmërie, në kushtet e hapjes, kur më shumë se kurrë njerëzit duhet të respektojnë rregullat e mbrojtjes nga COVID-19, sepse ekspozimi është i madh”, është shprehur Manastirliu.

“Si mund të jepet kjo shfaqje dhe cili lider në botën e sotme jep këtë shembull thjesht për interesin e vet politik?! Zoti Basha mund t’i thotë të tëra ato që ka për të thënë, pa vënë në rrezik shëndetin e njerëzve në këtë formë ekstreme papërgjegjshmërie. Numrat e rritur janë efekt i parashikuar i hapjes. Por kjo ngjeshje njerëzish për qëllimet e një njeriu mund t’i rrisë numrat përtej parashikimeve më negative dhe kostoja mund të bëhet marramendëse!”, ka theksuar Manastirliu.

Ministrja u ka bërë thirrje qytetarëve qytetarëve të mos bien pre e kësaj papërgjegjshmërie të pajustifikueshme.

“U bëj thirrje qytetarëve të mos bien pre e kësaj papërgjegjshmërie të pajustifikueshme dhe zotit Basha të mos i faturojë njerëzve e vendit, koston e papërballueshme të luftës së tij të dëshpëruar për pushtet!”, apelon ministrja Manastirliu./atsh

Manastirliu reagon ndaj takimit të Bashës: Jam e tmerruar nga kjo shfaqje ekstreme papërgjegjshmërie Read More »

Tomini apel qytetarëve: Evitoni grumbullimet masive, respektoni distancimin fizik dhe higjienën

Shendetesi / /

Epidemiologia e Institutit të Shëndetit Publik, Dr. Eugena Tomini, deklaroi sot se “kemi një trend në rritje të rasteve të regjistruara COVID-19 të paktën në 4 qytete. Është një trend në rritje krahasuar me dy javë më parë. Mbyllja e kësaj jave përkon me trendin më të lartë në 3-4 javët e fundit”.

Në një intervistë televizive epidemiologia e ISHP-së Eugena Tomini, tha se kjo “duhet të theksohet se ka një zbehje të vigjilencës dhe përdorimit të mjeteve mbrojtëse personale. E kemi shprehur gjithmonë që nga momenti i zbehjes së pandemisë në vend, çdo rast me hapjen e sistemit shëndetësor, me hapjen e lehtësimit të masave në mënyrë graduale, përsa i përket sistemeve shëndetësore ose mosruajtjes së distancimit fizik, çdo person do të konsiderohet si “COVID pozitiv”.

“Ne e kemi theksuar shpesh se 85% e rasteve janë asimptomatikë dhe zbehja e distancimit fizik, mosrespektimi në largësi 1.5 m dhe më shumë, detyrimisht sjell kontakte të ngushta. Sjell prishje të respektimit të masave mbrojtëse personale dhe për rrjedhojë do kemi një transmetueshmëri nga një individ në tjetrin”, – tha Tomini.

E pyetur nëse edhe personeli shëndetësor i ka zbehur paksa masat mbrojtëse, Tomini tha se “transmetimi i infeksionit i një personeli shëndetësor i cili ka pasur kontakt me burim të jashtëm nga QSUT, u kthye në një burim të brendshëm në qendrën spitalore, duke sjellë infektimin e personelit mjekësor. Sigurisht është një ulje e vigjilencës edhe përkundrejt stafeve mjekësore, përkundrejt një trendi të ulur të infeksionit COVID në vend dhe përkundrejt uljes së numrit të rasteve të shtruar në spital”.

“Sigurisht edhe personeli shëndetësor hyn në pjesën e popullatës, janë njerëz si gjithë të tjerët dhe kanë humbur vigjilencën”, – shtoi ajo.

Tomini tha se se “respektimi i distancimit fizik, por mbi të gjitha i masave mbrojtëse të kontrollit të infeksionit spitalor është tepër i rëndësishëm, për të mos sjellë transmetim të ndërsjellë nga pacienti te personeli dhe anasjelltas”.

“Kjo ka bërë që në trendin e këtyre ditëve tendenca e pozitivitetit të shihet në të dyja anët edhe tek perosoneli shëndetësor edhe tek pacienti”, – u shpreh ajo.

Lidhur me hapjen e turizmit nëse ka rrezik për një infektim masiv, Tomini tha se “trendi i ditëve të fundit ku ka pasur 20-25 raste në ditë ka nxjerrë në alert strukturat shëndetësore por edhe ndërgjegjësimi i popullatës duhet të jetë në të njëjtën linjë me alertin e strukturave shëndetësore”.

“Ndërgjegjësimi i popullatës duhet të vijojë të bashkojmë forcat për të qenë të përgjegjshëm kundrejt shëndetit tonë”, – tha ajo duke shtuar se duhet të evitojmë grumbullimet masive dhe të respektojmë distancimet fizike. /atsh

Tomini apel qytetarëve: Evitoni grumbullimet masive, respektoni distancimin fizik dhe higjienën Read More »

Parashikimi i motit

Aktualitet / /

Shërbimi Meteorlogjik Ushtarak bën me dije se moti sot parashikohet me kthjellime dhe shtim gradual të vranësirave në orët e mesdtës, të cilat do të pasohen nga reshje shiu me intensitet të ulët të karakterit lokal. Përgjatë relieveve malore reshjet do të marrin karakter shtrëngatash afatshkurtra.

Era nga veriperëndimi 1-6m/sek, në momentin e zhvillimit të vranësirave era fiton shpejtësi deri në 10m/s. Deti parashikohet i forcës 1-2 ballë.

Temperaturat parashikohen:

QYTETET Temperaturat në °C Sigla
Shkodër 11/25 Diell shi
Kukës 10/20 Diell shi
Lezhë 12/24 Diell shi
Dibër 8/20 Diell shi
Durrës 12/23 Diell shi
Tiranë 13/25 Diell shi
Elbasan 11/24 Diell shi
Berat 10/25 Diell shi
Vlorë 12/24 Diell shi
Korçë 7/18 Diell shi
Gjirokastër 7/23 Diell shi
Sarandë 12/24 Diell shi/atsh

Parashikimi i motit Read More »

Aktivitetet që lejohen nga 1 qershori, organizimet e mëdha të ndaluara deri në 23 qershor

Aktualitet / /

Nga data 1 qershor në gjithë vendin do të hiqen kufizimet e orareve për qytetarët dhe bizneset në të gjithë vendin, ndërsa do të rinisë lëvizja në gjithë territorin si dhe një seri aktivitetesh sipas protokolleve strikte të sigurisë.

Po ashtu, pas datës 1 qershor hapen kufijtë tokësorë pa detyrim vetëkarantimi, përveç rasteve kur konsiderohet e domosdoshme nga autoritetet shëndetësore.

Plazhet do të hapen më 1 qershor vetëm për strukturat akomoduese, ndërsa në datën 6 qershor do të hapen për të gjithë qytetarët.

Kopshtet dhe çerdhet, parqet, këndet e lojërave, palestrat dhe qendrat e internetit do të rinisin po ashtu punën në gjithë vendin duke zbatuar protokollet e sigurisë.

Aktivitetet sportive do të lejohet të rinisin pa spektatorë, ndërkohë që do të hapen edhe kurset profesionale, edukative, argëtuese dhe konkurset e punësimit.

Por pavarësisht shtimit të aktiviteteve që do të rifillojnë nga puna nga data 1 qershor, ka disa aktivitete të tjera të cilat do të vijojnë të qëndrojnë të mbyllura deri më 23 qershor, kur është përcaktuar edhe kohëzgjatja e gjendjes së fatkeqësisë natyrore.

Bëhet fjalë për aktivitete ku grumbullimet e njerëzve mund të jenë më të mëdha dhe si pasojë edhe rreziku i përhapjes së infeksionit është më i madh.

Kështu, do të ndalohet hapja e klubeve të natës, hapja e pishinave, hapja e teatrove dhe kinemave.

Po ashtu ndalohen edhe tubimet dhe konferencat, si dhe organizimet e mëdha, përtej atyre familjare, si për funerale, dasma etj./atsh

Aktivitetet që lejohen nga 1 qershori, organizimet e mëdha të ndaluara deri në 23 qershor Read More »

OSBE mbështetje në fushën e antitrafikimit/ Borchardt: Shqipëria vendi i parë në rajon në gjendje të ndërmarrë një qasje re

Aktualitet, Lajmi i fundit / /

OSBE-ja mbështet zyrtarët shqiptarë në fushën e antitrafikimit për të hartuar trajnimin e parë simulues.

Prezenca e OSBE-së në Shqipëri dhe Zyra e Përfaqësuesit të Posaçëm dhe Koordinatorit të OSBE-së Kundër Trafikimit njohën grupin shqiptar të ekspertëve që do të hartojë trajnimin specifik për Shqipërinë me metodologjinë e kësaj përqasjeje të veçantë të OSBE-së për rritjen e kapaciteteve në këtë fushë.

Trajnimi do të ketë ushtrime reale, praktike dhe ndërdimensionale simuluese, që do të përmirësojnë aftësitë e punonjësve që luftojnë trafikimin për të identifikuar viktimat, për të hetuar rastet e dyshuara të trafikimit dhe për të ndjekur penalisht trafikantët.

“Shqipëria vijon të përballet me sfida të shumta në trajtimin e trafikimit të qenieve njerëzore, veçanërisht në lidhje me identifikimin e viktimave, hetimin dhe ndjekjen penale të autorëve. Përmes këtij trajnimi, Shqipëria bëhet vendi i parë në rajon që do të jetë në gjendje të ndërmarrë një qasje krejtësisht të re për ngritjen e kapaciteteve në luftën kundër trafikimit të personave”, tha Bernd Borchardt, Kryetar i Prezencës së OSBE-së në Shqipëri.

Nga ana e saj, Rovena Voda, zëvendësministre e Brendshme dhe Koordinatore Kombëtare Kundër Trafikimit, tha se Shqipëria është angazhuar që, gjatë Kryesimit të OSBE-së në vitin 2020, të forcojë luftën kundër trafikimit të personave, një sfidë që është e ndjeshme në të gjithë OSBE-në. Duke u mbështetur në instrumentet ekzistuese, siç është ky trajnim simulues i krijuar nga Zyra e Koordinatorit të Posaçëm të OSBE-së Kundër Trafikimit, Kryesia shqiptare do të mbështetë praktikat zhvilluese për të parandaluar dhe luftuar trafikimin e personave”, tha Voda.

Grupi i ekspertëve – i përbërë nga një gamë e gjerë profesionistësh nga agjencitë ligjzbatuese, Inspektorati Shtetëror i Punës, Agjencia Shtetërore për të Drejtat dhe Mbrojtjen e Fëmijëve, Universiteti i Tiranës dhe shoqëria civile – do të punojë gjatë muajve në vijim për të hartuar një trajnim ku profesionistët antitrafikim në Shqipëri do të punojnë në ekipe për të hetuar raste të simuluara të punës dhe shfrytëzimit seksual mes migrantëve, përfshirë fëmijët viktima të trafikimit.

“Trajnimet me bazë simulimin ofrojnë një mundësi unike për pjesëmarrësit që të praktikojnë dhe zotërojnë aftësitë e tyre në një mjedis të sigurt mësimi dhe të marrin reagime të menjëhershme nga profesionistë të tjerë”, tha Val Richey, Përfaqësuesi i Posaçëm dhe Koordinatori i OSBE-së për Luftën Kundër Trafikimit të Qenieve Njerëzore. Gjatë tetë trajnimeve me bazë simulimin të kryera që nga viti 2016, Zyra e tij ka trajnuar 529 ekspertë nga mbi 54 shtete pjesëmarrëse të OSBE-së, 7 Partnerë për Bashkëpunim dhe 6 vende të Afrikës Qendrore dhe Perëndimore.

Trajnimi është pjesë e projektit të Prezencës së OSBE-së “Veprim kundër Trafikimit të Qenieve Njerëzore në Shqipëri”, i cili financohet nga UNICEF-i, me mbështetjen e Mbretërisë së Bashkuar. /atsh

OSBE mbështetje në fushën e antitrafikimit/ Borchardt: Shqipëria vendi i parë në rajon në gjendje të ndërmarrë një qasje re Read More »

Vlerësime ndërkombëtare për finalizimin e ankandit për Parkun Fotovoltaik të Karavastasë: I suksesshëm, veçanërisht çmimi i arritur

Aktualitet / /

Finalizimi me sukses i ankandit për ndërtimin e Parkut Fotovoltaik të Karavastasë, por mbi të gjitha çmimi prej 24,89 euro, për MWh, i ofruar nga kompania fituese “Voltalia”, ka marrë vlerësime mjaft pozitive nga institucione të ndryshme europiane.

Sekretariati i Komunitetit të Energjisë, si dhe Banka Europiane për Rindërtim dhe Zhvillim në reagimet e tyre publike kanë vlerësuar maksimalisht procesin.

Në një njoftim të publikuar në faqen zyrtare të Sekretariatit, drejtori Janez Kopač shprehet se e mirëpret këtë ankand në fushën e energjisë së rinovueshme dhe veçanërisht çmimin e arritur.

Kopač shton më tej se ky është një përfitim i qartë për konsumatorët e energjisë dhe shënon kështu dhe një drejtim të rëndësishëm për rajonin.

“Ne përshëndesim ankandin e suksesshëm në lidhje me energjinë e rinovueshme në Shqipëri, duke theksuar veçanërisht çmimin e arritur. Ky ankand siguroi një proces përzgjedhës konkurrues, që rezultoi me një çmim energjie më të ulët. Kjo është një fitore e konsidrueshme për konsumatorët e energjisë dhe paraqet një trend shumë të rëndësishëm të kësaj energjie në rajon”, shprehet drejtori i Sekretariatit të Komunitetit të Energjisë Janez Kopač.

Ndërsa Zsuzsanna Hargitai, drejtoreshë rajonale e BERZH për Ballkanin Perëndimor, përmes një reagimi në rrjetet sociale e cilëson si një arritje të mahnitshme finalizimin e ankandit për Parkun Fotovoltaik të Karavastasë.

“Arritje e mahnitshme – 24,86 EUR /MW është më pak se gjysma e çmimit të çmimit prej 55 EUR/MW dhe një thyerje rekordi – rezultat i një tenderi të mirorganizuar diellor – një punë e përbashkët 3-vjeçare e Shqipërisë dhe BERZH”, shkruan Hargitai.

Finalizimi i ankandit për ndërtimin e Parkut Fotovoltaik të Karavastasë është pasqyruar edhe nga agjencia ndërkombëtare e lajmeve Reurters, e cila raporton se kompania franceze “Voltalia”, është fituese e këtij ankandi pasi ofroi të shesë gjysmë e energjisë së prodhuar nga parku fotovoltaik i Karavastasë për më pak se gjysmën e çmimit fillestar të kërkuar.

“Volttalia do të shesë gjysmën e energjisë së saj në Shqipëri me 24,89 euro për MWh për 15 vitet e para të kontratës dhe pjesën tjetër në tregun e hapur”, shkruan Reurters.

Të mërkurën Ministria e Infrastrukturës dhe Energjisë përmbylli me sukses ankandin ndërkombëtar për ndërtimin e parkut fotovoltaik të Karavastasë, i cili do të jetë parku energjetik më i madh me energji diellore në Ballkan.

Kompania fituese u shpall “Voltalia”, një kompani me kapital tërësisht francez, e cila ofroi çmimin prej 24,89 euro, për MWh, një çmimi ky i konsideruar si fantastik, për leverdinë ekonomike që i sjell ekonomisë së vendit, nisur nga fakti se energjia elektrike me shumicë në Shqipëri llogaritet të jetë në nivelin 50-55 euro për MWh./atsh

Vlerësime ndërkombëtare për finalizimin e ankandit për Parkun Fotovoltaik të Karavastasë: I suksesshëm, veçanërisht çmimi i arritur Read More »

Aplikimi online për pasaportë dhe kartë ID/ Hapat që duhet të ndjekin qytetarët

Aktualitet, Lajmi i fundit / /

Pajisja me pasaportë biometrike tashmë bëhet online nëpërmjet e-Albania. Zv.ministrja e Brendshme, Rovena Voda shpjegoi hapat që duhen kryer për një aplikim të suksesshëm.

Qytetari pasi hyn te e-Albania klikon fillimisht në opcionin “Aplikim i formularit për lëshim ose rinovim pasaporte” dhe vijon procedurat. Ai duhet të zgjedhë, nëse do të aplikojë për vete, apo për fëmijë nën moshën 16 vjeç.

Pas këtij hapi, ai plotëson çdo kuti me të dhënat personale, si emër, mbiemër, atësi, vendlindje dhe vendbanimin përkatës, Bashki, fshat apo njësi administrative ku jetojnë.

“Së pari aplikohet tek një formular, që është formulari i Policisë së Shtetit. Qytetari hedh të gjitha të dhënat personale. Brenda 7 ditësh qytetarit i vjen një përgjigje, konfirmim për formularin e Policisë së Shtetit. Me ardhjen e këtij njoftimi, me e-mail apo me SMS nuk duhet të printojnë asgjë, sepse kemi pasur edhe keqkuptime nga qytetarët, por duhet të aplikojë në hapin 2, që është linku ku rezervohet aplikimi te zyra e aplikimit. Duhet të kenë kartën e vjetër të identitetit dhe kuponin e blerë në zyrat postare”, u shpreh Voda.

Ndërsa për aplikimin për një kartë ID në portalin e-Albania paraqitet një dritare ku aplikanti, pasi shkruan të dhënat personale, lë ditën dhe orarin kur do të paraqitet në zyrat e ALEAT, në mënyrë që të shmangen pritjet e gjata në radhë dhe grumbullime para këtyre zyrave.

Në ditën e caktuar aplikanti shkon aty për të vendosur shenjat e gishtave, së bashku me kuponin e blerë në postë dhe për të ofruar foton digjitale për këtë dokument.

Kjo metodë e aplikimit online do të funksionojë edhe pas pandemisë, duke reduktuar radhën e gjatë në komisariate apo zyrat e aplikimit.

Momentalisht shërbimi online nëpërmjet e-Albania funksionon vetëm për qytetarët që jetojnë brenda territorit shqiptar. Me hapjen e kufijve kjo metodë do të jetë funksionale edhe për shqiptarët që jetojnë jashtë vendit./atsh

Aplikimi online për pasaportë dhe kartë ID/ Hapat që duhet të ndjekin qytetarët Read More »