Irina

Shërbimi Meteorologjik Ushtarak bën me dije se moti sot parashikohet kryesisht i kthjellët e vranësira kalimtare në orët e mesditës përgjatë relieveve malore. Në juglindje do të ketë reshje shiu të izoluara në formën e shtrëngatave në mesditë.

Era do të fryjë me drejtim Verilindje – Veriperëndim 1-8m/s, e pasuar nga valëzim i forcës 1-2 ballë.

Temperaturat parashikohen:

QYTETET Temperaturat në °C Sigla
Shkodër 22/37 diell
Kukës 19/35 diell re
Lezhë 22/37 diell
Dibër 18/33 diell re
Durrës 23/34 diell
Tiranë 24/38 diell re
Elbasan 23/38 diell re
Berat 19/38 diell re
Vlorë 21/34 diell
Korçë 19/31 diell re shi
Gjirokastër 18/37 diell re
Sarandë 19/34 diell/atsh

Vendimi i Bashkimit Europianë për të mos hapur kufijtë me vendin tonë për shkak të rritjes së numrit të të prekurve me COVID-19 është një vendim që mund të rikuperohet, ndërkohë që nuk janë hapur kufijtë edhe për 150 vende të tjera.

Zëvendësministri i Jashtëm, Etjen Xhafaj, gjatë një interviste televizive, mbrëmjen e të martës, nënvizoi se Kryeministri dhe Ministria për Europën dhe Punët e Jashtme kanë lobuar për ta bërë Shqipërinë pjesë të listës, ndërsa theksoi se këto përpjekje do të vijojnë edhe në vijim.

Sipas Xhafajt, futja e Serbisë në këtë listë, edhe pse kjo e fundit nuk plotësonte kriteret, tregon për një vendim politik të BE.

“Kryeministri ka shumë më tepër informacion se unë. Lobimi, ju garantoj dhe siguroj se ka qenë një pjesë tejet aktive e punës sonë dhe Kryeministri është marrë vetë me këtë pjesë”,- tha Xhafaj.

“Tek lista ka pasur ndryshime që janë dukur pak të çuditshme, duke parë Serbinë dhe Malin e zi që janë mbi standardet e vendeve të BE, por janë pjesë e listës, përmes kriterit afër apo nën këtë numër mesatar të rasteve gjatë dy javëve të fundit, pra s’kemi pasur kriter fiks”,- tha Xhafaj.

“Vlera absolute e shpërndarjes së virusit nga 8 marsi, kur kemi regjistruar rastin e parë, duke parë statistikat kumulative, pra sa janë mbushur spitalet, sa shtretër të lirë ka, qoftë duke parë rastet dhe rritjet e rasteve, kemi pasur një kauzë që ne shpresonim se do të ndihmonte në hapjen dhe do përfshinte vendin tonë në këtë listë. Por fakti që nuk jemi nuk do të thotë asgjë, është nisje e një procesi dinamik, pasi çdo dy javë ka një përditësim të listës”,- tha më tej Xhafaj.

“Ky nuk është një vendim vetëm për Shqipërinë, por është një vendim shumë më i gjerë, duke lënë jashtë dhe vende të tjera. Në këtë vendim bëhet fjalë për udhëtime jo esenciale, pra për turizmin. Vendimi ka lejuar studentët, punonjësit sezonalë, edhe kategori të tjera nga vendet që janë jashtë kësaj liste. Këto janë që mund të udhëtojnë drejt BE, por jo për turizëm. Duke parë se si do të ndryshojë mesatarja gjatë këtyre dy javëve, ne do të lobojmë për t’u përfshirë në këtë listë. Nuk flasim për racizëm, por flasim për arsye politike që një vendi i jepet një prioritet i caktuar. Ne kemi qenë në kontakt të vazhdueshëm jo vetëm përmes ambasadave, jo vetëm si ministri, por dhe kryeministri vetë me Italinë dhe Greqinë, dhe kemi kërkuar që nëse do kishte një tejkalim të kriterit teknik edhe ne të ishim brenda”,- tha Xhafaj.

“Ajo që parashikohet është se në bazë të kësaj liste do bëhet hapja graduale dhe për udhëtimet jo esenciale. Të gjithë vendet anëtare të udhëtojnë brenda kësaj liste. Italia s’mund të dilte nga linja tërësisht që ka pasur një akord të paravendosur. Fokusi ka qenë që të përfshihet Shqipëria”,- tha Xhafaj, i cili garantoi se përpjekjet vijojnë.

“Janë 150 vende të tjera që nuk janë në këtë listë. Duhet të shohim pak dhe realitetin. Është një situatë që mund ta rikuperojmë ë gjithë bashkë dhe institucionet janë në krye të punës për këtë.”,- tha Xhafaj. /atsh

Shërbimi Meteorologjik Ushtarak bën me dije se moti sot parashikohet i kthjellët dhe i nxehtë me vranësira mesatare kalimtare në relievet malore nga orët e mesditës deri ato të pasdites.

Në këto orare shi i izoluar në relievet e larta malore në lindje të territorit.

Era do të fryjë me drejtim Verilindje – Veriperëndim e lehtë e mesatare në breg pasuar nga valëzim i forcës 1-2 ballë.

Temperaturat parashikohen:

QYTETET Temperaturat në °C Sigla
Shkodër 21/35 diell
Kukës 20/34 diell re
Lezhë 19/35 diell
Dibër 17/32 diell re
Durrës 24/34 diell
Tiranë 23/36 diell re
Elbasan 21/36 diell re
Berat 18/36 diell re
Vlorë 21/36 diell
Korçë 17/31 diell re
Gjirokastër 16/35 diell re
Sarandë 19/33 diell/atsh

Agjencia për Zhvillim Bujqësor dhe Rural ka shpallur sot, listën e aplikimeve të kualifikuara nga skema kombëtare e zhvillimit 2020.

AZHBR njofton se “Shpallja e Listës së Aplikimeve të Kualifikuara, gjendet në faqen zyrtare, në linkun: http://azhbr.gov.al/financim/skemat-kombetare/, për secilën masë mbështetëse të financuar nga Programi Kombëtar, viti 2020.”

AZHBR ka shpallur listën e aplikimeve të kualifikuara për “Tufën bazë 2020”, “Bletari 2020”, “Plastmas për serra 2020”, “Bimë medicinale aromatike 2020”, si dhe “Ferma Organike 2020” dhe “Global Gap 2020”.

Skema Kombëtare e Mbështetjes së Bujqësisë 2020, adreson një fond prej 7 miliardë lekë nga buxheti i shtetit në mbështetje të fermerëve. Këtë vit Skema Kombëtare mbulon sektorët ruralë, që nuk financohen nga IPARD-i, duke evituar kështu mbivendosjen e financimit.

Bletarët përfitojnë 10 mijë lekë për çdo koshere bletësh. Gjithashtu mbështetje përfiton edhe blegtoria, që është një sektor shumë i rëndësishëm në Shqipëri dhe nuk ka atë ritëm rritjeje që ka marrë bujqësia. Fermerët që operojnë në sektorin e bimëve mjekësore, përfitojnë 2 milionë lekë për hektarë të mbjellë me këto kultura./atsh