Irina

Aeroporti Ndërkombëtar “Nënë Tereza” ka publikuar një material shpjegues mbi rregullat e reja që udhëtaret duhet të ndjekin gjatë udhëtimit me avion.
Në një video të publikuar TIA shpjegon se asnjë udhëtar nuk mund të hyjë në aeroport nëse nuk është i pajisur me maskën mbrojtëse.

Të gjithë personat qe do të hyjnë në terminal si në nisje dhe në mbërritje duhet të kalojnë në tunelin e dezifenktimit. Në momentin e hyrjes në Terminal, shpjegon TIA pasagjerët si në nisje ashtu edhe në mbërritje do t’i nënshtrohen matjes së temperaturës.

Në rast se udhëtari do të rezultojë me temperaturë më të lartë se 37.5 ai do t’i nënshtrohet një ekzaminimi nga stafi mjekësor.

Gjithashtu gjatë qëndrimit në terminal të gjithë pasagjerët duhet të respektojnë sinjalistikën dhe të ruajnë distancën fizike me pasagjerët e tjerë dhe përdorin karriget sipas sinjalistikës së përcaktuar, ndërsa për kujdesinë higjenës personale janë vendosur dezinfektantë në pikat kyçe të aeroportit. /atsh

Edi Rama deklaroi sot se, “janë tre fjalë kyçe sot për ardhmërinë e Kosovës dhe për ardhmërinë e ambicies strategjike të shqiptarëve në rajon. Drejtësi ndërkombëtare e drejtë, stabilitet institucional i padiskutueshëm dhe dialog për paqe me njohje përfundimtare”.

Në një konferencë të përbashkët me kryeministrin e Kosovës, Avdullah Hoti, Rama tha se, “unë besoj se në rast se arrihet që në këtë moment të vështirë, për 1 mijë e një arsye, dhe jo vetëm thjesht për arsyen madhore të ditëve të fundit që ne të jemi të përqëndruar dhe faktorët dhe aktorët politikë shqiptarë në Kosovë, në Shqipëri e kudo që janë, të ndajnë atë çka është arsye për të qenë të ndarë në temat e mirëqeverisjes së brendshmi me atë çka është arsye për të qenë të bashkuara si shqiptarë me temën e mbrojtjes së dinjitetit dhe të së ardhmes së Kosovës ndërkombëtarisht këto 3 fjalë kyçe mund të na japin mundësinë që më herët se vonë të jemi të gjithë krenarë për kapërcimin me sukses të një faze të vështirë”.

“Është e domosdoshme që të gjithë së bashku të jemi pa ekuivok mbështetës të nevojës për t’i shkuar deri në fund zbardhjes së çdo pretendimi dhe çdo akuze akuze lidhur me krimet e luftës, por pa ekuivok t’i kundërvihemi çdo përpjekjeje apo çdo forme papërgjegjshmërie, siç ishte fletërrufeja që e cënon dinjitetin e luftës çlirimtare dhe dinjitetin e vet shtetit të Kosovës dhe zhbalancon marrëdhënien e drejtësisë me një luftë ku Kosova, për fat të keq duhet ta kujtojmë me zë të lartë, sepse për fat të keq mesa duket ndokush edhe e harron, ishte viktima dhe nuk ishte agresori”, tha Rama.

Ashtu sikundër, shtoi Kryeministrit Rama, “unë besoj që stabiliteti institucional sot shkon shumë përtej nevojave të politikës së ditës dhe shkon shumë përtej dasive krejt normale të forcave politike në kushtet kur Kosova sot ka një ballafaqim të jashtëzakonshëm ndërkombëtar në dy fronte. Në frontin e mbrojtjes së dinjitetit të luftës dhe të qenies së vet një shtet demokratik dhe një shtet sovran i ngritur mbi një luftë çlirimtare. Dhe i ngritur jo mbi idenë e pengimit të drejtësisë, por mbi vullnetin e të gjitha forcave politike për t’i hapur rrugë drejtësisë sa herë që kjo ka qenë nevojshme”.

Dhe nga ana tjetër, shtoi Rama, “përgjegjësinë e ballafaqimit deri në fund me Serbinë për t’ia dalë me mjetet e paqes një beteje diplomatike jashtëzakonisht sfiduese dhe më së pakti për të mos dobësuar vetveten ndërkohë që përballja nuk është mes njëri–tjetrit, por përballja është me një shtet tjetër, deri dje agresor dhe sot një kundërshtar politik me të cilin duhet bashkëjetuar”.

“Patjetër që unë nuk ka sesi të ndryshoj mendim lidhur me domosdoshmërinë që ne të jemi bashkë, Shqipëria dhe Kosova, edhe në tryezën e Shengenit rajonal, që nuk është një alternativë e integrimit tonë në BE, por është krijimi i një hapësire të përbashkët në ndërkohën që ne përpiqemi të gjithë të hyjmë në BE, duke shfrytëzuar potenciale të pashfrytëzuara dhe kur flasim për potenciale të pashfrytëzuara kush i bie ndesh kësaj iniciative vrapon ta karakterizojë si një iniciativë që lidhet me nevojat apo interesat e Beogradit , ndërkohë që unë qëndroj tek interesat e shqiptarëve dhe tek interesi strategjik i yni”, tha Rama.

“Kemi një potencial shumë të madh të pashfrytëzuar me Kosovën dhe si mund ta shfrytëzojmë këtë potencial. Dhe çfarë mësimesh duhet të nxjerrim ne nga fakti që vullneti politik s’ka munguar kurrë as në Tiranë, as në Prishtinë, por të arriturat siç thuhet në Prishtinë, nuk janë të atilla që të mund të themi se ia kemi dalë ta shfrytëzojmë të gjithë potencialin duke vendosur në themel të këtij bashkëpunimi katër liritë e BE. Lirinë e lëvizjes së njerëzve, lirinë e lëvizjes së mallrave, të shërbimeve dhe kapitaleve. Por kjo e njerëzve për ne është edhe më e rëndësishme, edhe më jetike për ambiciet strategjike sesa ç’është për të tjerat. S’e nuk bëhet fjalë për një lëvizje të lirë turistësh që shkojnë për të vizituar Prizrenin apo që vijnë për t’u ngrohur në diell në Durrës. Siç do të ishte rasti me shtete të tjera. Nuk bëhet fjalë për një lëvizje të lirë interesash të ditës, bëhet fjalë për një lëvizje të lirë brenda një familje të ndarë prej kaq shumë kohësh që nuk mundet dot të pranojë të jetojë me një gardh në mes kur vullneti është për t’u bashkuar. Dhe të humbasësh kohë, të humbasësh vite për interesa të brendshme elektorale apo nga frika se nëse hyjmë në këtë proces do të çohen “patriotët e vërtetë” edhe do të tregojnë me gisht si tradhtarë është vërtetë të mos punosh për të ardhmen. Kështu që në këtë aspekt mendoj vërtetë se është çështje vullneti politik dhe çështje refuzimi për të rënë në batakun e teorive të konspiracionit dhe akuzave ordinere të ditës”, u shpreh Rama.

“Nuk është sot patriotizëm të mbyllesh, nuk është sot patriotizëm të barrikadohesh. Nuk është sot patriotizëm të thuash një gjë dhe të bësh një gjë tjetër kur të vjen mundësia për të bërë atë që ke thënë. Sot patriotizëm është të kapërcesh të gjitha barrikadat e vendosura dhe që mbahen në këmbë edhe këtu dhe atje nga barrikadosh profesionistë, të cilët kanë vetëm një qëllim pushtetin, të jemi shumë të qartë, asgjë tjetër”, theksoi Rama. /atsh

Kryeministri i Kosovës, Avdullah Hoti do të zhvillojë sot një vizitë zyrtare në Shqipëri.

Sipas axhendës së publikuar nga zyra e shtypit e Kryeministrisë, në orën 10:00 do të zhvillohet Ceremoniali i Mirëseardhjes, në Pallatin e Brigadave.

Në orën 10:10 do të zhvillohet takimi ndërmjet Kryeministrit Edi Rama dhe Kryeministrit të Kosovës Avdullah Hoti, për të vijuar më pas në orën 10:15, me takimin mes dy delegacioneve.

Në orën 11:30, Kryeministri Rama dhe Kryeministri i Kosovës, Avdullah Hoti do të japin një konferencë të përbashkët për shtyp.

Ndërsa në orën 13:00, Kryeministri Hoti do të takohet me presidentin Ilir Meta në Presidencë dhe në orën 14:00 me kryetarin e Kuvendit, Gramoz Ruçi.

Në ora 14:45, Hoti do të pritet edhe nga kryetari i Bashkisë së Tiranës, Erion Veliaj ndërsa në orën 15:30 do të takojë edhe kryetarin e PD, Lulzim Basha.

Kjo është vizita e parë zyrtare në Tiranë e kryeministrit të Kosovës, Avdullah Hoti, pas mandatimit të tij në këtë post./atsh

Kryeministri Edi Rama zgjodhi sot të tjera fjalë të shenjta për të përcjellë mesazhin e tij, ndërkohë që vendi vazhdon të përballet me pandeminë e COVID-19.

“Jini këmbëngulës në veprimet e mira”, citoi Rama fjalë nga Profeti Muhamed. A.S, përmes rubrikës “Fjalë të Shenjta”.

Kryeministri zgjodhi këto fjalë të shenjta nga Profeti Muhamed, për të përcjellë mesazhin e tij, ndërkohë që nevojitet zbatimi i protokolleve të sigurisë nga të gjithë qytetarët kundër përhapjes së COVID-19./atsh

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, 4 shtetasve të dënuar më parë për vepra të ndryshme penale.

E. Xh., banues në Vlorë, për të cilin Gjykata e Rrethit Gjyqësor Vlorë ka vendosur masën e sigurisë “Arrest në burg” në mungesë, për veprat penale “Vrasja në rrethana cilësuese”, kryer në bashkëpunim, mbetur në tentativë dhe “Armëmbajtja pa leje”.

H. Xh., banues në Vlorë, i dënuar nga Gjykata e Rrethit Gjyqësor Vlorë, për veprën penale “Prodhimi dhe shitja e narkotikëve”;

G. D., banues në Vlorë, për të cilin Gjykata e Rrethit Gjyqësor Vlorë ka vendosur masën e sigurisë “Arrest në burg”, për veprën penale “Vrasja në rrethana cilësuese”, e mbetur në tentativë;

D. I., banues në Vlorë, i dënuar nga Gjykata e Shkallës së Parë për Krimet e Rënda, për kryerjen e veprës penale “Prodhimi dhe shitja e narkotikëve”;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special. /atsh

“Natyrisht, një njeri që nuk bën asgjë, nuk punon por punë quan videoselfie, as e ka idenë se ku punohet, kur punohet, sa orë punohet, kur vilet prodhim, kur tregtohet”, deklaroi sot zëvendëskryeministri Erion Braçe, në reagim të akuzave të kreut të PD-së nga Divjaka i cili tha se “plazhet janë bosh, turizmi është në krizë të thellë dhe punonjësit janë përgjysmuar”.

Ndaj, shkon në Divjakë, tha Braçe dhe kërkon njerëzit në ditë pune, orë pune, në resort e restorant, plazh, ndërkohë që ata janë në fushat e serrat e punës.

Braçe shprehet se “në ditë pune sot, në ditë pazari, në orarin e punës kryeministri në fryrje, shkon në Divjakë e bërtet me të madhe, ja plazhi më i bukur i Divjakës, është bosh, s’ka njerëz, nuk pushon njeri, ja plazhi, ja plazhi”.

“Natyrisht, një njeri që nuk bën asgjë, nuk punon, por punë quan videoselfie, as e ka idenë se ku punohet, kur punohet, sa orë punohet, kur vilet prodhim, kur tregtohet. Ndaj, shkon në Divjakë dhe, kërkon njerëzit në ditë pune, orë pune, në resort e restorant, plazh, ndërkohë që ata janë në fushat e serat e punës”, shprehet Braçe.

Po ashtu, Braç shton se “ule kokën dhe shprehu mirënjohjen atyre njerëzve që janë në punë e jo në plazh, prej tyre, tamam atyre në Myzeqe-Divjakë, Lushnje, Berat, Fier, Belsh”.

“E para puna, pastaj restoranti e pishina, puna Lulzim, puna. Puna vlen, puna mban, puna nderon! Ti s’e kupton këtë, ndaj ke ditë që rri tek pishina. E dyta, ti nuk di gjë, ti je thjesht nja nga agjitatorët e hiçit. Ti flet për COVID-19 në Divjakë? Për katër muaj rresht, Divjaka mbeti e pastër, jo me facebook, por me mundin e sakrificat e disa dhjetëra mjekëve të familjes, epidemiologëve, policëve, administratorëve vendorë, të cilët iu gjenden çdo banori, vendas apo kthyer nga emigrimi; Vizituan, karantinuan, mbrojtën nga COVID-19. Hapja e mbushur me të papërgjegjshëm si ty, të pakujdesshëm, solli disa të infektuar në Divjakë; sot, shumica e tyre janë të shëruar dhe një pakicë në shërim e sipër, pa asnjë humbje! Klodi Fish duhet të ta kish thënë këtë. Ashtu siç duhet të detyronte të mbaje maskë, mos jepje dorën, të laje duart”, thekson Braçe.

Po ashtu, Braçe shton se “e treta, kur premton si lopa, të paktën mëso. Urdhëro, njerëzit nuk ishin në plazh sepse çmimi i shalqirit prej dy ditësh është edhe më lart se mesatarja, 170 lekë për kilogram dhe, ata duhet t’i përgjigjen tregut, po vjelin. Janë të ardhurat e punës, jo paratë e premtimeve si lopa”. /atsh