Irina

Prokuroria Speciale Antikorrupsion i ka nisur Ministrisë së Drejtësisë, 8 kërkesa për 8 persona, pjesë e grupeve kriminale për të kaluar në regjimin 41-Bis.

Nga SPAK mësohet se, Prokuroria Speciale ka depozituar në Ministrinë e Drejtësisë 8 kërkesa për izolimin e pjesëtarëve të grupeve kriminaleve me regjimin 41 biz. Sipas procedurës, sqarojnë burimet, pritet tashmë vendimi i ministres së Drejtësisë, Etilda Gjonaj, e cila ditën e djeshme ka zhvilluar edhe një takim me Kreun e Drejtorisë së Burgjeve Agim Ismailin, për t’u informuar mbi sjelljen e të dënuarve në fjalë. Ministrja përpara se të firmos izolimin duhet që të marrë informacion nga institucionet përkatëse.

Sistemi “41 bis”, që hyri në fuqi në fund të janarit të vitit 2019 dhe ende nuk ka njohur “banorët” tij për shkak se pritet të ngrihet Gjykata Speciale dhe Prokuroria Speciale (SPAK), pasi do të jetë pikërisht drejtuesi i këtij institucioni që do të bëjë kërkesën e arsyetuar dhe kjo kërkesë do të merret në shqyrtim nga Ministri i Drejtësisë, i cili do marrë vendimin final për këtë çështje, vendim që mund të ankimohet në Gjykatë nga i dënuari apo shtetasi në paraburgim.

Ky regjim sigurie implementohet për herë të parë në sistemin e burgjeve shqiptare dhe zhbën të ashtuquajturit VIP-a, kapo ose diskriminues pozitivë çfarë do të prodhojë në sistemin e burgjeve më shumë siguri dhe qetësi për të gjithë të dënuarit. Ky regjim zbatohet për të dënuar dhe të paraburgosur që gjykohen dhe janë dënuar për vepra penale sipas neneve 79 , 230, 231, 232 , 234, 283, 284, 333, 334 çfarë i akuzon ata si grup i strukturuar kriminal, si banda e armatosur ose autorë e organizatorë të veprave me qëllime terroriste. Të gjithë të dënuarit e paraburgosur që përfshihen në këto nene të Kodit Penal mund të jenë pjesë e 41 BIZ. Të gjitha ata të dënuar dhe të paraburgosur që janë aktorë ose organizatorë të drejtpërdrejtë të cenimit të sigurisë dhe qetësisë do të jenë po ashtu, kontigjente për të qenë pjesë e këtij regjimi të posaçëm “Bis””.

Përmes këtij sistemi, të dënuarve nuk iu shkelet e drejta e tyre, por brenda këtij regjimi iu lind e drejta për të ankimuar këtë lloj dënimi. Gjykata do të japë mendimin e vet pas provave të paraqitura nëse do të vazhdojë ose jo i dënuari më tepër se një vit dënimin.

Ministria e Drejtësisë pasi të jetë bërë ankesë nga avokati dhe i dënuari merr vendim për vazhdimësinë ose jo të këtij vendimi të posaçëm. Pra afati kohor një vjeçar është i përcaktuar dhe askush para këtij afati nuk mund ta nxjerrë nga regjimi i mbikëqyrjes së posaçme.

Të izoluarve do t’u lejohet të kryejnë një takim në muaj me familjarët, në një mjedis të caktuar. Ndërsa ata që nuk do të kenë takime familjare, do t’u lejohet një bisedë telefonike në muaj, 10 minuta dhe e regjistruar. Ndërsa qëndrimi në ajrim në mjedise të hapura do t’u reduktohet deri në 2 orë, ku edhe do të monitorohen me kamera sigurie. /atsh

Shërbimi Meteorologjik Ushtarak ben me dije se moti sot parashikohet me alternime vranësirash dhe kthjellime në pasdite.

Në mesditë vranësirat do të pasohen nga reshje shiu të karakterit lokal përgjatë relieveve malore në jug dhe lindje të vendit. Lokalisht reshje në formën e shtrëngatave.

Era do të jetë me drejtim Veriperëndim – Jugperëndim me shpejtësi 1-10 m/s. Deti parashikohet i forcës 2-3 ballë.

Temperaturat parashikohen:

QYTETET Temperaturat në °C Sigla
Shkodër 18/30 Re diell
Kukës 19/30 Shi diell
Lezhë 19/30 Re diell
Dibër 17/28 Shi diell
Durrës 21/30 Re diell
Tiranë 21/30 Re diell
Elbasan 19/31 shi diell
Berat 16/31 Shi diell
Vlorë 19/29 Re diell
Korçë 16/26 diell shi
Gjirokastër 16/31 diell shi
Sarandë 18/28 Re diell/atsh