Irina

Si të forcojmë imunitetin në këtë periudhë pandemie

Shendetesi / /

Imuniteti ynë është aleat në luftën ndaj virusit COVID-19.

Ekspertët e Shëndetësisë rekomandojnë dietën ushqimore mesdhetare si mënyrën më të mirë për të forcuar imunitetin gjatë kësaj periudhe pandemie.

Sipas tyre, mënyra me e mirë për të forcuar imunitetin do të ishte marrja e një diete ushqimore me sa më tepër vitamin ku duhet të mbizotërojë vitamina c. Dieta mesdhetare është dieta më e pasur me nutrient makro edhe mikro-nutrientë. Përmes tyre merren proteina, edhe fibrat e nevojshme edhe yndyrnat e mira omega 3 por njëkohësisht merret edhe maksimumi i kripërave minerale.

Specialistët e Shëndetësisë rekomandojnë që në totalin ditor të ushqimit, duhet të konsumohet të 5 ngjyrat e fruta-perimeve.

“Sugjerimi për totalin ditor është që ne të konsumojmë të 5 gjyrat e fruta-perimeve. Kjo do të thotë që të kemi patjetër një ngjyrë të verdhë, një banana ose limon, duhet të kemi ngjyrën portokalli, të kemi ngjyrën e kuqe domaten, speci dhe duhet thënë që speci i kuq, speci gogozhare ka vitaminën më të lartë se portokalli limoni. Duhet të konsumojmë shumë perime me ngjyrë jeshile përmendin këtu perimet me gjethe, spinaqi, brokolin, fruta të ndryshme si kivi, speci jeshil. Të gjitha këto që kanë shumë vitamina dhe minerale. Ndërkohë që duhet të kemi ngjyrën blu në të cilën mund të përmendin patëllxhanin ose boronicën. Konsumimi i këtyre pesë ngyrave përfaqëson të pesta klasat e anti-oksidantëve dhe anti oksidantët do të na ndihmojnë në këtë moment për të luftuar stresin”, rekomandojnë ata.

Edhe mjeket e huaj krahas respektimit të rregullave për të mos u infektuar nga COVID, ata kanë rekomanduar që arma më e mirë kundër këtij virusi mbetet forcimi i sistemit imunitar. /atsh

Si të forcojmë imunitetin në këtë periudhë pandemie Read More »

Gjendet kolonia e re e dallëndyshes së detit në Divjakë-Karavasta

Aktualitet / /

Një koloni e re e dallëndyshes së detit ‘Glareola pratincola’ është gjetur nga vullnetarët gjatë ditëve të fundit, në skaj të Parkut Kombëtar Divjakë-Karavasta.

Administrata e Zonave të Mbrojtura në Qarkun e Fierit informon se nga vlerësimet paraprake, u konfirmua një numër prej së paku 70 çiftesh folezuese, megjithatë numri i saktë mund të jetë dyfish më i madh.

“Kolonia është e shtrirë në një sipërfaqe të gjerë prej rreth 100 ha dhe për inventarizimin e saktë të çifteve folezuse nevojitet një skuadër me disa specialistë dhe ndihmë. Kësisoj, vullnetarët tanë kanë kërkuar ndihmën e Administratës Rajonale të Zonave të Mbrojtura Fier dhe Shoqatës për Ruajtjen dhe Mbrojtjen e Mjedisit Natyror në Shqipëri për të realizuar inventarizimin e plotë të kolonisë në bazë të protokolleve metodologjike përkatëse”, thekson ADZM në fier, ndërsa falenderojnë të dy institucionet për shprehjen me shumë entuziazëm dhe interes të gatishmërisë për të ndihmuar në këtë proces që do të realizohet së afërmi.

“Për fat të mirë, stadi i folezimit në të cilin gjendet kolonia mundëson ende inventarizimin e saj. Mosha e zogjve është e ndryshme, por në shumicën dërrmuese nuk e ka arritur stadin e zhvillimit të puplajës që u mundëson fluturimin. Të rinjtë gjithashtu, në përgjithësi, qëndronin në koloni nën kujdesin e prindërve.

Këto gjetje të fundit e klasifikojnë Shqipërinë si vendin e 7 në Europë për sa i përket madhësisë së popullatës së dallëndyshes së detit./atsh

Gjendet kolonia e re e dallëndyshes së detit në Divjakë-Karavasta Read More »

Ministria e Shëndetësisë: 102 raste të reja, 4 humbje jete në 24 orët e fundit

Lajmi i fundit, Shendetesi / /

Ministria e Shëndetësisë dhe Mbrojtjes Sociale në përditësimin e pasdites së sotme për situatën epidemiologjike të 24 orëve të fundit në vendin tonë, informoi për 102 raste të reja të prekur me COVID-19 dhe 4 humbje jete.

Genta Qirjako nga Instituti i Shëndetit Publik apeloi që në nisje të komunikimit që qytetarët të zbatojnë detyrimin për vendosjen e maskës në ambientet e mbyllura, me qëllim frenimin e përhapjes së COVID19. “I drejtohemi çdo qytetari, të vendosë maskën në ambientet e mbyllura dhe kudo ku nuk ruhet distanca, përdorimi i maskave/barrierave mbrojtëse është detyrim për çdo individ”, theksoi ajo.

Në 24 orët e fundit, nuk e kanë fituar dot betejën me sëmundjen 4 qytetarë, midis tyre një 43-vjeçar nga Kamza, pa sëmundje të tjera, i intubuar dhe në gjendje të rëndë prej disa ditësh nuk ka mundur të mbijetojë megjithë perpjekjet e mëdha të stafit mjekësor. E kanë humbur betejën me virusin e rrezikshëm edhe një 60-vjeçar nga Shkodra, një 64-vjeçar nga Durrësi në Spitalin Infektiv dhe një 61-vjeçar nga Tirana në Spitalin ‘Shefqet Ndroqi’, me sëmundje bashkëshoqëruese.

Ministria e Shëndetësisë dhe Mbrojtjes Sociale u shpreh ngushëllimet familjarëve.
Vijon të ketë shtrime të reja në të dy spitalet dhe situata paraqitet serioze. Aktualisht në dy spitalet COVID, në spitalin Infektiv dhe spitalin “Shefqet Ndroqi” po trajtohen 110 pacientë, 14 në terapi intensive dhe 1 i intubuar.

Gjatë 24 orëve të fundit janë kryer 501 testime për të dyshuar të prekur me COVID19, nga të cilat janë konfirmuar 102 raste pozitive.

Shpërndarja gjeografike e rasteve është si vijon: 67 raste në Tiranë, 5 në Shkodër, nga 4 raste në Krujë, nga 2 raste në Berat, Kavajë, Peqin, nga 1 rast në Durrës, Has, Korçë, Lezhë, Lushnjë, Vlorë, Sarandë.

Në 24 orët e fundit janë shëruar 50 qytetarë, duke e çuar në 2264 numrin e të shëruarve nga fillimi i epidemisë.

Ministria e Shëndetësisë dhe Mbrojtjes Sociale i bën thirrje edhe njëherë bizneseve, institucioneve, të zbatojnë me korrektësi protokollet e sigurisë në punë, të miratuara nga autoritetet shëndetësore.

“Rikujtojmë qytetarët se: Vendosja e maskës në ambientet e mbyllura është e detyrueshme.
Çdo barrierë mbrojtëse, e bërë edhe në kushte shtëpie, ndihmon në kufizimin e përhapjes së infeksionit.
Maska prej tekstili duhet të mbulojë plotësisht hundën dhe gojën gjatë gjithë kohës.
Moszbatimi i kësaj mase është e dënueshme sipas aktit normativ, me masë administrative në shumën 2 mijë lekë të reja për çdo qytetar.
Ministria e Shëndetësisë ju bën thirrje të respektoni vetëizolimin kur jeni të prekur nga COVID19.
Edhe në rast se dyshoni se jeni i prekur apo keni patur kontakte me persona të prekur, duhet te izoloheni. Në rast se keni shenja të sëmundjes, telefononi në numrin e Urgjencës Kombëtare, 127.
Telefononi në linjën e gjelbër 0800 40 40 për këshillim psikologjik apo çdo informacion për COVID19”, theksoi Qirjako.

COVID-19 – Statistika (18 Korrik 2020)
Testime totale 35107
Raste pozitive 4008
Raste të shëruara 2264
Raste Aktive 1631
Humbje jete 111 (Qarku Tiranë 57, Shkodër 18, Durrës 17, Fier 5, Elbasan 5, Vlorë 3, Kukës 2, Lezhë 1, Berat 1, Dibër 1, Korçë 1)

Shpërndarja gjeografike e rasteve aktive sipas qarqeve:
Tiranë 774
Durrës 207
Shkodër 193
Vlorë 102
Lezhë 85
Kukës 50
Korçë 53
Berat 38
Elbasan 46
Fier 38
Gjirokastër 21
Dibër 24/atsh

Ministria e Shëndetësisë: 102 raste të reja, 4 humbje jete në 24 orët e fundit Read More »

Zbatimi i protokolleve antiCovid/ Kontrolle të shtuara në Fier, procedohet pronari i një lokali

Aktualitet / /

Në vijim të kontrolleve në subjekte të ndryshme, me qëllim parandalimin e përhapjes së COVID-19, në zbatim të Aktit Normativ për subjektet apo individët që zhvillojnë aktivitete në ambiente të mbyllura, duke mos zbatuar urdhrin e organit kompetent për mbylljen e tyre, si dhe në zbatim të urdhrit të Ministres së Shëndetësisë dhe Mbrojtjes Sociale, “Për marrjen e masave të veçanta dhe kufizimeve për parandalimin e përhapjes së COVID-19”, shërbimet e Komisariatit të Policisë Fier, gjatë mesnatës, kanë konstatuar 2 lokale nate të hapura dhe me klientë.

Në vijim të veprimeve u procedua penalisht pronari i njërit prej lokaleve, shtetasi Z. T., i cili ka përsëritur shkeljen, pasi gjatë kontrollit të ushtruar para disa ditësh është gjobitur me masë administrative 1.000.000 lekë.

Ndërsa për pronarin e lokalit tjetër, shtetasin E. K., u vendos masë administrative 1.000.000 lekë.

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme.

Policia e Fierit apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19. /atsh

Zbatimi i protokolleve antiCovid/ Kontrolle të shtuara në Fier, procedohet pronari i një lokali Read More »

Shtyrje me 5 vjet të moratoriumit të gjuetisë

Aktualitet / /

Flora dhe fauna shqiptare ka ndryshuar krejtësisht dhe sot kemi një numër të konsiderueshëm shpendësh por edhe kafshësh të tipeve të ndryshme, të cilat vazhdojnë të jenë shumë të populluara në vendin tonë, kjo falë moratoriumit të gjuetisë.

Nga Divjaka, ministri i Turizmit dhe Mjedisit, Blendi Klosi deklaroi se do të lobojë për shtyrjen me 5 vjet të moratoriumit të gjuetisë

“Unë do të loboj fort që në vitin 2021 të rivendosim përsëri moratoriumin 5 vjeçar të ndalimit të gjuetisë dhe së bashku me moratoriumin për ndalimin e prerjes së pyjeve, të jemi në një vend i cili mbron në mënyrë të theksuar natyrën shqiptare”, deklaroi Klosi.

Në Divjakë, tha ministri ia kemi dalë që të krijojmë një ambient jo vetëm turistik, jo vetëm që vizitohet nga mijëra e mijëra pushues, por të jetë dhe një ambient shkencor sikurse është Spitali i shpendëve, një investim i përbashkët me Organizatën e Kombeve të Bashkuara, PNUD.

Ai tha se kjo dëshmon që “sa mirë po ia dalim që e gjithë Agjencia e Zonave të Mbrojtura të shndërrohet në një agjenci për natyrën.

“Jemi këtu ne një diskutim me ekspertë fushës së biologjisë, të gjithë florës dhe faunës shqiptare për të vazhduar një debat të madh që ka sot në Shqipëri. A të rikthejmë ligjin e moratoriumit të gjuetisë. Unë jam partizanë i flaktë i kësaj teze. Do të doja shumë që në vitin 2021 kur përfundon moratoriumi 5 vjeçar dhe jo vetëm të rikthejmë moratoriumin për 5 vite të tjera, por të diskutojmë gjerësisht efektet pozitive që ka sjellë ky moratorium”, deklaroi Klosi.

Ai tha se beteja për rivendosjen e moratoriumit të gjuetisë duhet të jetë një bisedë intelektuale dhe një debat që duhet të përfshijë të gjithë ekspertët e fushës duke u ballafaquar me një lobim të caktuar, i cili kërkon rikthimin e gjuetisë./atsh

Shtyrje me 5 vjet të moratoriumit të gjuetisë Read More »

“Pusho shqip”/ Gurrat e Gurit të Bardhë në Klos, madhështia e peizazhit malor

Aktualitet, Turizem / /

Bashkia Klos fton turistët vendas dhe të huaj të vizitojnë Gurrat e Gurit të Bardhë, një destinacion i preferuar turistik që ofron pamje madhështore.

Gurrat e Gurit të Bardhë janë nga më të bukura që ka zona, për ujin, ngjyrat e natyrës që kompozohen bukur në peizazhin malor të Klosit.

Në fshatin Guri i Bardhë ndodhet vendi i quajtur “Gurrat”, aty ku uji është simbol i këtij vendi. Guri i Bardh është i klasifikuar në 100 fshatrat turistikë të Shqipërisë dhe përbën një vend që ia vlen për t’u vizituar.

Në këtë fshat ndodhet Kalaja e Petralbës e cila gjendet poshtë në pjesën e poshtme të fshatit Guri i Bardhë dhe përmbi fshatin Fshat, ku madhështisë së të shkuarës i bashkohen kullat që janë një pasuri e madhe e trashëgimisë së Klosit.

Fshati Gur i Bardh është në juglindje të bashkisë Klos dhe kufiri ndarës me bashkinë Tiranë.

Guri i Bardh ndodh 9 km nga Klosi, dhe rruga ofron pamje malore fantastike, një ballkon ku sheh përreth male, bimësi të harlisur, kulla të bardha, traditë mikpritjeje, një vend që çdo turist do ta ëndërronte. //atsh

“Pusho shqip”/ Gurrat e Gurit të Bardhë në Klos, madhështia e peizazhit malor Read More »

PS nuk ka asnjë obligim ndaj PD-LSI përveç marrëveshjes së 5 qershorit që do ta mbështesë deri në fund

Shendetesi / /

“Partia Socialiste nuk ka asnjë obligim ndaj PDLSI përveç marrëveshjes së 5 qershorit, të cilën do ta mbështesë deri në fund”, deklaroi sot Kryeministri Edi Rama, njëkohësisht kryetar i PS-së.

Rama tha se “nëse opozita presidenciale (OP) mendon se nisma zyrtare kushtetuese ia vlen të diskutohet në Këshillin Politik, PS s’ka si të jetë kundër, madje megjithë OP në tryezë”.

“PS e ka gjithë vullnetin të bëjë çdo përpjekje për ta bindur PDLSIOP për dobinë që nisma kushtetuese ka për Shqipërinë, e unë jam i gatshëm të shkoj vetë në Këshillin Politik këtë herë, ku po erdhi dhe Lulzim Basha apo edhe Ilir Meta nëse dëshirojnë, do jetë edhe më mirë padyshim. Gati që të hënën”, tha ai. /atsh

PS nuk ka asnjë obligim ndaj PD-LSI përveç marrëveshjes së 5 qershorit që do ta mbështesë deri në fund Read More »

Manastirliu: Hapet laboratori i dytë për testimet për COVID-19

Shendetesi / /

“Pas laboratorit të referencës në Institutin e Shëndetit Publik, testimet molekulare për identifikimin e SARS COV 2 do të kryhen edhe në QSUT”.

Ministrja e Shëndetësisë dhe Mbrojtjes Sociale, Ogerta Manastirliu inspektoi sot laboratorin e Qendrës Spitalore Universitare “Nënë Tereza”, ku deklaroi se po forcohen kapacitetet për kryerjen e testeve Real Time PCR.

“Me hapjen e këtij laboratori të dytë, krijojmë baza të mira për të rritur dhe për të zhvilluar testimin, i cili në fakt do të vijojë të ketë një objektiv kyç: gjurmimin e rasteve dhe izolimin e tyre. Sepse ne për asnjë moment nuk e kemi humbur vëmendjen nga qëllimi primar i testimit, i cili është pikërisht gjurmimi, izolimi dhe mundësia e kufizimit dhe e ndërprerjes së zinxhirit të infeksionit. Ky laborator i certifikuar, siç e premtuam, do të rrisë kapacitetet e testimit dhe për t’iu përgjigjur strategjisë së testimit të realizuar me ekspertizën e Komitetit Teknik të Ekspertëve”, tha Manastirliu.

Duke folur për kapacitetet e testimit, Ministrja e Shëndetësisë u shpreh se synohet cilësi në këtë proces. “Aktualisht në laboratorin e Institutit të Shëndetit Publik, që është një laborator reference, kapacitetet e testimit janë nga 500-1000 mijë testime ditore dhe me hapjen e këtij laboratori për pacientët e spitaleve COVID, vijojmë rrisim kapacitetet, por rëndësi ka cilësia e testimit, ndaj dhe ky laborator është i biosigurisë 2, i certifikuar nga OBSH”, – tha Manastirliu.

Shefi i Shërbimit të Laboratorit të Mikrobiologjisë në QSUT, Andi Koraqi, tha se çdo gjë është gati për të nisur punën për testimin e pacientëve të spitaleve COVID.“Laboratori është i certifikuar dhe tashmë jemi gati për të nisur punën më pacientët e spitaleve COVID të Tiranës”, tha Koraqi.

Drejtuesja e departamentit të Sëmundjeve Infektive në ISHP, Silva Bino tha se ky laborator i plotëson të gjitha kushtet e biosigurisë dhe do të jetë një ndihmë e madhe për luftën ndaj SARS COV 2. Laboratori i Mikrobiologjisë në QSUT do të vijojë edhe testimet serologjike për stafet mjekësore, pas Tiranës, edhe për stafet në spitalet rajonale. Aktualisht përqindja e pozitivitetit është nën 5.5%./atsh

Manastirliu: Hapet laboratori i dytë për testimet për COVID-19 Read More »